Министр здравоохранения и социального развития Алымкадыр Бейшеналиев во время принесения присяги в зале заседаний Жогорку Кенеша. 4 февраля 2021 года

Асманда жүрбөй отчётун берсин. Министр Бейшеналиев парламентке чакырылды

385
(жаңыланган 11:29 28.04.2021)
Депутат министрди президент өзү колдой турганын айтып, бирок ал кылган жумушу үчүн парламентте жооп бериши керектигин белгиледи.

БИШКЕК, 28-апр. — Sputnik. Депутаттар саламаттык сактоо министри Алымкадыр Бейшеналиев парламентке келбей жатканын сындап, бүгүн да эпидемиологиялык кырдаал боюнча маалымат берүүгө чакырышты.

Эл өкүлү Тазабек Икрамов министрди президент өзү колдой турганын айтып, бирок ал кылган жумушу үчүн парламентте жооп бериши керектигин белгиледи.

"Министрди комитетке чакырсак келбейт, жалпы жыйында кароо чечимин кабыл алсак күн тартибине киргизилбептир. Урматтуу төрага, ушул жерде отурган депутаттарды сыйлаш керек. Президентке жакын адамдарды көргөнбүз, буга чейинки министрлер дагы жакын болгон. Кана ошолор, бүгүн каякта жүрөт? Анчалык асманда жүрбөш керек. Ушул жерге чакырып, отставкасын карашыбыз керек", — деди Икрамов.

Ал эми Дастан Бекешев мындай мамилеге депутаттар өзү күнөөлүү экенин айтып чыкты.

"Уу коргошун ичкенге убакыт тапкан министр эмнеге парламентке келе албайт. Мүмкүн 24 саат бою президент менен резиденцияда отургандыр. Албетте, өзүбүз күнөөлүүбүз, ушул жерден жаңы Конституцияны өткөрүп бергенбиз. Бул авторитардык режимдин күчү. Парламентти министрлер сыйлабай калды, керек болсо алар депутаттарга чалып алып коркутат. Азыр келсин, карап көрөлү, болбосо ишенбөөчүлүк көрсөтүп иштен кетирели", — деди Бекешев.

Натыйжада саламаттык сактоо министри Алымкадыр Бейшеналиев чакыртылып, отчётун угуу күн тартибине киргизилди.

385
Белгилер:
Тазабек Икрамов, Дастан Бекешев, отчет, Алымкадыр Бейшеналиев
Тема боюнча
Камчыбек Жолдошбаев: саламаттык сактоо министри жакшы иштеп жатат, колдойлу
Парламентте Жапаров уу коргошундан кантип дары жасап жатканын текшерүү сунушталды
ЖКнын тармактык комитети министр Бейшеналиевди иштен алуу чечимин кабыл алды
Кумтөрдүн убактылуу тышкы башкаруучусу Тенгиз Бөлтүрүктү менен жамааттыктын таанышуусу

"Кумтөрдүн" убактылуу тышкы башкаруучусу жамаатка тааныштырылды. Сүрөт

279
(жаңыланган 19:35 18.05.2021)
Өкмөт башчы кендеги иш токтотулбай турганын жана кызматкерлердин айлыгы маалында берилерин белгилеген.

БИШКЕК, 18-май — Sputnik. Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды. Бул тууралуу өкмөттөн билдиришти.

  • Председатель Кабинета Министров КР Улукбек Марипов представил временного внешнего управляющего Тенгиза Болтурука коллективу рудника Кумтор
    Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды
    © Пресс-служба правительства / Алишер Алиев
  • Сотрудники во время представления временного внешнего управляющего коллективу рудника Кумтор
    Өкмөттүн маалыматы боюнча, Тенгиз Бөлтүрүк бул кызматка Мамлекеттик мүлктү башкаруу боюнча фондунун сунуштамасы менен дайындалган
    © Пресс-служба правительства / Алишер Алиев
  • Сотрудники во время представления временного внешнего управляющего коллективу рудника Кумтор
    Эске салсак, Жогорку Кеңештин 17-майдагы кезексиз жыйынында "Кумтөрдү" тышкы башкарууга алуу чечими кабыл алынган
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Министрлер кабинетинин төрагасы Улукбек Марипов "Кумтөр Голд Компани" ЖЧКнын жамаатына ишкананын убактылуу тышкы башкаруучусу болуп дайындалган Тенгиз Бөлтүрүктү тааныштырды

Өкмөттүн маалыматы боюнча, Тенгиз Бөлтүрүк бул кызматка Мамлекеттик мүлктү башкаруу боюнча фондунун сунуштамасы менен дайындалган.

"Кендеги иш токтотулбайт, жумуш штаттык режимде уланат. Кызматкерлер тийиштүү төлөмүн алышат, эч кандай кыскартуулар болбойт. Биздин негизги максат – карапайым жарандардын жашоо-турмушун жакшыртуу", — деп Марипов билдирди.

Эске салсак, Жогорку Кеңештин 17-майдагы кезексиз жыйынында "Кумтөрдү" тышкы башкарууга алуу чечими кабыл алынган. Жетекчилик кызматка Канададан чакырылган тоо инженери Теңиз Бөлтүрүк жана дагы бир вариант катары Мексикадан келген адис Абыл Сыдыков даярдалып жатканы айтылган.

279
Белгилер:
Улукбек Марипов, Теңиз Бөлтүрүк, Кумтөр, Кыргызстан
Тема боюнча
Centerra менен соттошууга жардамдашчу АКШ менен Канада компаниялары. Дайын-дареги
Шыкмаматов: "Кумтөр" маселесин цивилизациялык жол менен чечебиз
АКШнын жана Канаданын желектери. Архив

Centerra менен соттошууга жардамдашчу АКШ менен Канада компаниялары. Дайын-дареги

251
(жаңыланган 20:12 18.05.2021)
Кыргызстандын бийлиги Centerra Gold Inc. менен соттук териштирүү иштерин жүргүзүү үчүн жалдаган америкалык жана канадалык юридикалык компаниялар эмнеси менен белгилүү экенин Sputnik агенттигинин материалынан окуңуздар.

17-май күнү Жогорку Кеңештин кезексиз жыйынында Кыргызстан Centerra Gold Inc. компаниясы менен соттошуу үчүн АКШ менен Канададагы алдыңкы юридикалык компанияларды жалдай турганы белгилүү болду.

Centerra компаниясынын директорлор кеңешинин мүчөсү Теңиз Бөлтүрүктүн айтымында, Кыргызстандын кызыкчылыктарын эл аралык арбитраждык сотто коргоо үчүн бийлик Arnold & Porter жана Goodmans LLP юридикалык компанияларынын кызматын колдонот.

Член совета директоров Centerra Gold Inc. Тенгиз Болтурук на внеочередном заседании Жогорку Кенеша
© Фото / пресс-служба Жогорку Кенеша
Centerra компаниясынын директорлор кеңешинин мүчөсү Теңиз Бөлтүрүк
"Биз Arnold & Porter компаниясынын юристтерин жалдадык. Бул арбитраждык сот боюнча АКШдагы 2020-жылы алдыңкы 20 юридикалык фирманын катарына кирген компания болуп эсептелет. Канадада болсо алдыңкы жети компаниянын катарына кирген Goodmans менен иштешмей болдук. Юристтердин айтымында, биз жакшы позицияда турабыз. Ар бир кадамыбыз, керек болсо бул жерде сүйлөп жаткан сөздөрүбүздөн бери юристтер менен макулдашылган", — деди Бөлтүрүк.

Sputnik Кыргызстан аталган компаниялар канчалык белгилүү жана кандай иштерди караганын билип көрдү.

Arnold & Porter

Ачык булактардагы маалыматтарга караганда, Arnold & Porter компаниясы буга чейин дагы Кыргызстандын кызыкчылыгын эл аралык арбитражда коргогон.

2013-жылдын март айында казакстандык Consolidated Exploration холдинги Кыргызстандын өкмөтү өлкөдөгү эң ири алтын кендеринин бири болгон Жер-Үйдү иштетүүгө берилген лицензияны жокко чыгарганы үчүн бийликти 548 миллион долларга жыгууну суранып сотко кайрылган. Мындан улам Кыргызстандын жетекчилиги америкалык юристтердин кызматын колдонууну чечкен.

Биринчи угуулар 2015-жылдын октябрь-ноябрь айларына белгиленген. Бирок талаш-тартышты лицензиянын жаңы ээси "Восток–геолдобыч" жөнгө салып койгон. Компания казакстандык ишкана менен сүйлөшүүлөрдү жүргүзүп, натыйжада алар арызын артка чакырткан.

Arnold & Porter компаниясынын быйылкы жылдагы чуулгандуу иштеринин бири Түркиянын бийлиги менен байланыштуу. Өлкө бешинчи муундагы F-35 истребителдерин өндүрүү боюнча америкалык программага катышуусун сактап калуу үчүн аталган фирма менен келишимди февраль айында түзгөн. Буга чейин Анкара россиялык С-400дү сатып алганы үчүн программадан чыгарылып калган.

Келишимге ылайык, компания АКШда Түркиянын кызыкчылыгын коргоп, америкалык бийлик менен байланыш түзүүгө жардам бериши керек болгон. Reuters агенттигинин жазганына караганда, алты айлык консультация үчүн Түркиянын жетекчилиги 750 миң доллар төлөөгө макул болгон.

Баса, АКШнын жакында эле шайланган башкы прокурору Меррик Гарланд карьерасын Arnold & Porter компаниясынан баштаган. Ал бул ишканага 1981-жылы кенже мүчө катары кошулуп, 1985-жылы өнөктөшү болгон.

Goodmans LLP

Бул компаниянын башкы кеңсеси Торонтодо. Ишкананы 1917-жылы Дэвид Бертрам Гудман негиздеген. Бүгүнкү күндө аталган фирмада 200 юрист иштеп, финансылык институттарга жана трансулуттук корпорацияларга кызматын сунуштайт.

Goodmans LLP эки жыл катары менен Канададагы эң мыкты юридикалык компания катары таанылган. 2018-жылдын сентябрь айында ишкана Americas Tax Awards сыйлыгын алган.

Компаниянын расмий сайтындагы маалыматка караганда, Goodmans LLP юристтеринин командасы жакында эле алтын өндүргөн дүйнөдөгү эң ири Newmont Mining корпорациясынын кызыкчылыгын коргогон. Соттук иш эмне менен аяктаганы жазылган эмес.

Белгилей кетсек, Newmont Mining ишканасынын туунду компаниясы Өзбекстанда иштеген. Бирок 2006-жылы өлкө бийлиги алтын менен компаниянын активдеринин бир бөлүгүн камакка алган. Себеби жергиликтүү сот 2002-2005-жылдардан бери төлөнбөй келген салыктар үчүн деп 48 миллион доллар айыпка жыккан. Ал эми корпорация бирдиктүү ишкана өкмөт 1995-жылы берген салык льготаларын мыйзамдуу негизде колдонуп келгенин айткан. Кийин сот компанияны банкрот деп жарыялап тийиштүү чараларды көргөн.

251
Белгилер:
арбитраж, сот, Кумтөр, Канада, Кыргызстан
Тема боюнча
Шыкмаматов: "Кумтөр" маселесин цивилизациялык жол менен чечебиз
Таң калып турабыз. Канада бийлиги "Кумтөр" чыры боюнча билдирүү жасады
Аткаминер. Архив

Эсен Шерботоев "Кыргыз почтасынын" башкы директору болуп дайындалды

0
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

0
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды