Министр здравоохранения Алымкадыр Бейшеналиев показывает бутылку настойки иссык-кульского корня (ядовитое растение) на пресс-конференции в Бишкеке

Министр Бейшеналиев: менден өткөн мыкты адис табылса креслону бошотуп берем

192
(жаңыланган 12:41 29.04.2021)
Министр эл Кыргызстан 10 жыл бою кандай Конституция жана кандай парламент менен жашап келгенин түшүнүп калганын белгиледи.

БИШКЕК, 29-апр. — Sputnik. Саламаттык сактоо министри Алымкадыр Бейшеналиев өзүнөн өткөн мыкты адис табылса ага креслосун бошотуп берерин Sputnik Кыргызстан агенттигине билдирди.

Кечээ, 28-апрелде, Жогорку Кеңештин депутаттары соңку кырдаал боюнча маалымат алуу максатында саламаттык сактоо министрин жыйынга чакырган. Бирок ал келбей коюп эл өкүлдөрүнүн нааразычылыгын жараткан. Натыйжада Бейшеналиевди кызматтан кетирүү тууралуу өкмөткө сунуш берүү токтом долбоору добушка коюлуп, 81 депутат "макул", сегизи "каршы" добуш беришкен.

Министр Кыргызстандын эли 10 жыл бою кандай Конституция жана кандай парламент менен жашап келгенин түшүнүп калганына кубанып жатканын айтты.

"Эл референдум эмнеге өтүп, Конституция кандай максатта өзгөртүлүп жатканын түшүнүп калды. Жогорку Кеңеш бул жылдар аралыгында портфель бөлүштүрүү менен гана алектенди. Депутаттар министрлерге дайыма өз ойлорун таңуулап тургандыктан алар иштей албай келишкен. 10 жыл бою ушинтип жашадык. Министрлер чакыруу түшсө эле парламентке барып жатышты, мен анткен жокмун. Командировкада жүргөндүктөн комитеттин жыйынына эки ирет барбай калдым. Алдыга койгон пландарды ишке ашыруу үчүн мындан ары дагы иштей берем. Эгер жетекчилик менден өткөн мыкты адис тапса, анда ордумду бошотуп берем", — деди министр.

Анын айтымында, депутаттар жеке таарынычынан улам ушундай чечим кабыл алышкан.

"Мен элге ачык эле айттым, 40 депутат өзүнүн тааныштарын башкы дарыгер, борборлорго жетекчи кылып дайындоону суранды. Эгер мен мурдагы министрлердей иш алып барсам, абийирим таза болбой калмак", — деди Бейшеналиев.

Кечээки жыйында парламент депутаттары министр Алымкадыр Бейшеналиев COVID менен ооругандарды уу коргошун менен дарылоону сунуштап кыргыз медицинасын уят кылганын айтышкан. Эл өкүлү Мирлан Жээнчороев Бейшеналиевди парламентке келбей калганы үчүн эмес, элди аконит менен дарылоого чакырык жасаганы үчүн иштен алуу керектигин белгилеген.

192
Белгилер:
Алымкадыр Бейшеналиев, депутат, парламент, КР Саламаттык сактоо министрлиги, Кыргызстан
Тема:
Уу коргошун чуусу (22)
Тема боюнча
Отставкасы каралмак. Министр Бейшеналиев парламентке да келбей койду
Алымкадыр Бейшеналиевди кызматтан кетирүү. Парламент токтом кабыл алды
Беларусь лидери Александр Лукашенко. Архивдик сүрөт

Лукашенко президент көз жумса өлкөнү ким башкарарын аныктаган декретке кол койду

453
(жаңыланган 13:58 09.05.2021)
Декретте президентке кол салуу, теракт жана тыштан агрессия же башка окуя болуп көз жумса бийликтин кайсы органга өтөрү айтылган.

БИШКЕК, 9-май — Sputnik. Беларусь лидери Александр Лукашенко эгерде өлкөнүн президентинин көзү өтүп кетсе, бийликтин кайсы колго өтөрү туурасында "Суверенитет жана конституциялык түзүмдү коргоо жөнүндө" деп аталган декретке кол койду. Бул туурасында президенттин расмий сайтында маалымдалган.

"Декрет көз карандысыздыкты жана мамлекеттин суверендүүлүгүн сактоого багытталган", — деп айтылат маалыматта.

Декретте президентке кол салуу, теракт жана тыштан агрессия же башка окуя болуп көз жумса бийликтин Коопсуздук кеңешине өтөрү айтылган.

"Мамлекеттик бардык органдар жана кызматта тургандар Коопсуздук кеңешинин чечими менен иш алып барат. Анын отурумуна премьер-министр төрагалык кылат", — деп айтылган анда.

Мындай кырсык болгон учурда өзгөчө кырдаал жана аскердик абал киргизилип, Коопсуздук кеңеши аны камсыздоо чараларын көрөт. Чыккан чечимдердин бардыгы кыйшаюусуз аткарылууусу керек.

Апрелдин ортосунда Лукашенконун жана анын балдарына кол салууга даярданган кишилердин тобу кармалгандыгы боюнча кабар тараган. Беларусь лидеринин айтымында, буга америкалык атайын кызматтын тиешеси бар жана кармалгандардын арасында чет элдик агенттер болгон. Өлкөнүн Мамлекеттик коопсуздук боюнча комитети козголоңчулар өлкөдө куралдуу басып алуу даярдангандыгын билдирген эле.

453
Белгилер:
декрет, кол салуу, Александр Лукашенко, Беларусь
Тема боюнча
ФСБ: Лукашенкону өлтүрүүгө камданып, Беларуста төңкөрүш даярдагандар кармалды
Лукашенконун уулуна генерал наамы берилди
РФ президенти Владимир Путин Тажикстандын президенти Эмомали Рахмон менен жолугушу

Путин менен Рахмон Москвада жолукту

323
(жаңыланган 23:46 08.05.2021)
Тараптар эки өлкөнүн ортосундагы кызматташуу жана жалпы аймактагы коопсуздук маселелерин талкуулашкан.

БИШКЕК, 8-май — Sputnik. РФ президенти Владимир Путин Россия Тажикстанга Афганистан менен чектеш экенин эске алып ар тараптан колдоо көрсөтүүгө даяр экенин билдиргенин РИА Новости жазды.

Бүгүн Россия өлкө башчысы Тажикстандын президенти Эмомали Рахмон менен жолугушту.

"Афганистанда болуп жаткан окуялардан улам аймактагы коопсуздук маселеси курч турат. Тажикстандын Афганистан менен болгон чек арасы узун. Кырдаал сиздин тынчыңызды алып жатканын түшүнөм, негиздүү. Окуя кандай нукта өнүгөрү тууралуу сиздин пикириңиз кызык. Биз өз кезегинде колдоо көрсөтүүгө болгон аракетибизди жумшап жатабыз", — деди Путин.

Ал Тажикстанда Россия Куралдуу күчтөрүнүн 201-базасы жайгашканын, өлкө анын кубаттуулугун арттыруу боюнча иштерди жасап жатканын айтып өттү.

Сөз кезеги келгенде Рахмон Афганистандагы абалга катуу тынчсызданып жатканын белгиледи.

"АКШ Афганистандан аскерин алып чыгарын эске алып коопсуздук маселелерин талкуулоо зарыл. Бул билдирүүдөн кийин өлкөдө кырдаал курчуп кетти", — деди Рахмон.

Президент Тажикстан менен Афганистандын чек арасы 1 300 чакырымдан көп экенин, башкача айтканда, жалпы чек ара тилкесинин 60 пайызын түзөрүн белгилеп өттү. Муну менен бирге Россия менен бардык тармак боюнча, анын ичинде коопсуздук маселеси дагы бар, байланыш бекемделип жатканын кошумчалады.

Андан сырткары, Тажикстандын жетекчиси ЖККУ менен ШКУ уюмдарында төрагалык кылчу мамлекет катары саммиттерге даярдык өз деңгээлинде жүрүп жатканына токтолду.

Жолугушууда Улуу Ата Мекендик согуштун мааниси тууралуу да сөз болуп, тараптар бири-бирин Улуу Жеңиштин 76 жылдыгы менен куттукташты.

323
Белгилер:
чек ара, Афганистан, саммит, Тажикстан, Россия, Эмомали Рахмон, Владимир Путин
Тема боюнча
Путин Жапаровду жана кыргызстандыктарды Жеңиш майрамы менен куттуктады
Дарыгер. Архив

Дарыгер акча соргон, пайдасынан зыяны көп процедураларды атап берди

0
(жаңыланган 11:13 10.05.2021)
Адис вирустук-инфекциялык сезон маалында медиктер толгон-токой витамин, биологиялык активдүү кошулмаларды жана процедураларды жазып берерин айтып, керектүүсүн алууга кеңеш берди.

БИШКЕК, 10-май — Sputnik. Жөн эле акчаны кетирген жана ашыкча жасалган ден соолук процедуралары тууралуу "Прайм" телеканалына эксперттик медицина клиникасынын башкы дарыгери Олег Серебрянский айтып берди.

Маселен, отоларингологдор мурунду деңиз тузу менен жууганга кеңеш беришет. Андан даярдалган препарат дарыканада кымбат, сасык тумоо күч алганда табуу да кыйын.

"Деңиз тузунан жасалган дарынын деле пайдасы бар. Бирок мурунду кадимки туздуу суу жана физиологиялык аралашма менен жуугандын эч айырмасы жок, натыйжасы ошондой эле болот. Бирок мурун көңдөйүн кечке эле жууй бербегиле. Аралашмалар табигый микрофлораларды кетирип, былжыр челдерге зыянын тийгизет. Көп учурда бул аллергиялык ринитке алып келет", — деген дарыгер.

Ошондой эле физиотерапиялык процедуралар сакайтат деген илимий тастыктама жок. Аны негизги процедура менен чогуу же андан кийин сунуштап жүрүшөт. Физиопроцедура адистин көзөмөлүндө жасалса зыян эмес, бирок чоң пайда күтүп деле кереги жок.

Андан сырткары, курч кармаган респиратордук-вирустук инфекция маалында медиктер толгон-токой витамин менен биологиялык активдүү кошулмаларды жазып берет. Бирок туура тамактанып, пайдалуу азыктарды жеген кишиге алардын кереги деле жок.

Мындан тышкары, дарыгерлер суук тийген адамга антибиотик жазып туура эмес кыларын кошумчалаган. Ал билдиргендей, антибиотик — күчтүү препарат, аны ичкендердин организми дарыны тоготпой калат.

0
Белгилер:
сасык тумоо, мурун, процедура, дарыгер
Тема боюнча
Диетолог толуп кетпеш үчүн канча таттуу жегенге болорун айтты