Премьер-министр Улукбек Марипов Татарстандын Казань шаарына болгон иш сапарынын алкагында Россия өкмөтүнүн төрагасы Михаил Мишустин менен жолукту

Марипов Татарстанда Мишустин менен жолукту

85
(жаңыланган 18:15 29.04.2021)
Өкмөт башчы кечээ Евразия өкмөттөр аралык кеңешмесинин кезексиз жыйынына катышуу үчүн Татарстанга учуп кеткен.

БИШКЕК, 29-апр. — Sputnik. Премьер-министр Улукбек Марипов Татарстандын Казань шаарына болгон иш сапарынын алкагында Россия өкмөтүнүн төрагасы Михаил Мишустин менен жолукту. Бул тууралуу өкмөттүн маалымат кызматы билдирди.

  • Премьер-министр КР Улукбек Марипов, находящийся с рабочей поездкой в городе Казань (Россия) встретился с, председателем правительства РФ Михаилом Мишустиным
    Премьер-министр Улукбек Марипов Татарстандын Казань шаарына болгон иш сапарынын алкагында Россия өкмөтүнүн төрагасы Михаил Мишустин менен жолукту
    © Пресс-служба правительства / Алишер Алиев
  • Премьер-министр КР Улукбек Марипов, находящийся с рабочей поездкой в городе Казань (Россия) встретился с, председателем правительства РФ Михаилом Мишустиным
    Анда эки тараптуу кызматташуунун абалы жана келечеги талкууланган
    © Пресс-служба правительства / Алишер Алиев
  • Премьер-министр КР Улукбек Марипов, находящийся с рабочей поездкой в городе Казань (Россия) встретился с, председателем правительства РФ Михаилом Мишустиным
    Марипов Мишустинди быйыл күздө Бишкекте өтө турган кыргыз-орус эриш-аркак жылынын жабылуу аземине катышуу үчүн келип кетүүгө чакырды.
    © Пресс-служба правительства / Алишер Алиев
1 / 3
© Пресс-служба правительства / Алишер Алиев
Премьер-министр Улукбек Марипов Татарстандын Казань шаарына болгон иш сапарынын алкагында Россия өкмөтүнүн төрагасы Михаил Мишустин менен жолукту

Анда эки тараптуу кызматташуунун абалы жана келечеги талкууланган.

"Россия тарапка "Спутник V" вакцинасынын биринчи партиясын гранттык негизде бергендиги үчүн ыраазычылык билдирем. 2021-жылдын 1-апрелинен тарта биздин өлкө "COVID-19суз саякаттайм" тутумуна расмий кошулду", — деди Марипов.

Ошондой эле ал Мишустинди быйыл күздө Бишкекте өтө турган Кыргыз-орус эриш-аркак жылынын жабылуу аземине катышуу үчүн келип кетүүгө чакырды.

Белгилей кетсек, Улукбек Марипов кечээ, 28-апрелде, Евразия өкмөттөр аралык кеңешмесинин кезексиз жыйынына катышуу үчүн Татарстанга (Россия) учуп кеткен.

85
Белгилер:
жолугушуу, Татарстан, Михаил Мишустин, өкмөт, Улукбек Марипов
Тема боюнча
Бишкекте митингчилер Жапаров, Ташиев жана Мариповдун чыгышын талап кылышууда. Видео
Жапаров чек ара жаңжалын жөнгө салууну Артём Новиковго тапшырды
Добуш берип жаткан шайлоочу. Архив

БШК Ош шаардык кеңешке шайлоонун жыйынтыгын жокко чыгарды. Себеби

644
(жаңыланган 21:44 11.05.2021)
Боршайкомдун төрайымы Нуржан Шайлдабекова президент Садыр Жапаровдон кайра шайлоо дайындоону сурады.

БИШКЕК, 11-май — Sputnik. Борбордук шайлоо комиссиясы массалык мыйзам бузуулар катталганын жүйө келтирип, Ош шаардык кеңешине шайлоонун жыйынтыгын жокко чыгарды.

Мындай чечим бүгүн БШКнын жыйынында кабыл алынды. Боршайкомдун төрайымы Нуржан Шайлдабекова президент Садыр Жапаровдон кайра шайлоо дайындоону өтүндү.

Ал шайлоо маалында кызмат адамдары добуш берүү процессине кийлигишкени, административдик ресурс колдонулганы, үгүт иштеринде, добуш берүү учурунда, имараттан сырткары добуш берүүдө мыйзам бузуулар аныкталганын билдирди.

“Мунун баары жарандардын эркин добуш берүүсүнө көзгө урунарлык таасир этет, добуш берүүнүн жыйынтыгын так аныктоону кыйындатат. Ошондой эле шайлоо процессинин негиздерине жана добуш берүү укугунун принциптерине каршы келет. Мындай мыйзам бузуулар көп санда катталгандыктан шайлоого болгон ишенимди ажыратат”, — деди Шайлдабекова. 

Буга байланыштуу БШК Ош шаардык кеңешине шайлоонун жыйынтыгын жараксыз деп табуу боюнча токтом чыгарды. Ага ылайык, кимдин иш-аракети жыйынтыкты жокко чыгарууга түрткү болсо, ошол талапкер кайра шайлоого катыша албайт.

Мындан сырткары, Ош аймактык шайлоо комиссиясынын жоопкерчилигин кароо чечими чыккан.

11-апрелде өткөн шайлоодо Ош шаардык кеңешине төрт партия утуп чыккан.

АСУнун жыйынтыгы боюнча мандат төмөнкүдөй бөлүштүрүлмөк:

  • "Ата-Журт Кыргызстан" — 48,68 пайыз (27 мандат);
  • "Улуттар биримдиги" — 17,52 пайыз (12 мандат);
  • "Ыйман нуру" — 8,11 пайыз (4-5 мандат);
  • "Ынтымак" — 7,02 пайыз (3-4 мандат). 
644
Белгилер:
жокко чыгаруу, жыйынтык, шайлоо, шаардык кеңеш, Ош
Тема:
Жергиликтүү кеңештерди шайлоо
Тема боюнча
Экс-депутат, мэрия кызматкерлери жүрөт. Ош шаардык кеңешине кимдер баратат
Кыргызстандын мурдагы президенти Курманбек Бакиев. Архив

Курманбек Бакиевдин бир тууганына карата сот өкүмү жокко чыгарылды

246
(жаңыланган 19:00 11.05.2021)
Буга чейинки чыккан өкүмдөр жокко чыгарылып, иш кайра кароо үчүн Жалал-Абад шаардык сотуна жөнөтүлгөн.

БИШКЕК, 11-май — Sputnik. Мурдагы президент Курманбек Бакиевдин бир тууганы Каныбек Бакиевдин кылмыш иши боюнча соттун өкүмү жокко чыгарылды. Бул тууралуу Жогорку соттун маалымат кызматы кабарлады.

Билдирүүгө ылайык, 27-апрелде Жогорку сот тарабынан буга чейин Бакиевге карата чыккан Жалал-Абад шаардык (25-март, 2020-жыл) жана облустук соттун (10-декабрь, 2020-жыл) өкүмү жокко чыгарылган. Кылмыш иши толук иликтенбегенине байланыштуу кайра кароого жиберилди.

Ал эми адвокаттын Каныбек Бакиевди толугу менен актоо боюнча келтирген өтүнүчү канааттандырылган эмес.

246
Белгилер:
Жогорку сот, өкүм, сот, Курманбек Бакиев
Тема боюнча
Өмүрбек Текебаев менен Дүйшөнкул Чотонов биротоло акталды
Аида Саляновага карата сот өкүмү жокко чыгарылды. Иш кайрадан каралат
Банк. Архив

Былтыр банктар канча киреше көргөн? Статистика

0
Кыргызстанда жалпысынан 23 коммерциялык банк бар. Алардын ичинен 16сында чет элдик капитал бар.

БИШКЕК, 12-май — Sputnik. 2020-жылы Кыргызстанда коммерциялык банктардын жалпы кирешеси 32,6 миллиард сомду түзүп, мурдагы жылга салыштырмалуу 9,2 пайызга көбөйгөн. Бул тууралуу Улуттук статистика комитетинен билдиришти.

Ошол эле учурда банктардын капиталынын чыгаша бөлүгү 30 миллиард сомго жетип, 2019-жылга салыштырмалуу 12,8 пайызга көбүрөөк болду.

"Өткөн жылы 22 банк пайда көрсө, бир банк жылды чыгым тартуу менен жыйынтыктады. Коммерциялык банктардын ачык кредиттик портфели 2019-жылга салыштырмалуу 10,5 пайызга өсүп, жыл аягында 162,8 миллиард сомду түздү. Кардарлар көбүнчө соода, айыл чарба, ипотека жана керектөө жаатында насыяларды алышкан", — деп айтылат билдирүүдө.

Ошондой эле былтыр жеке тараптардын депозиттери дагы 2 пайызга көбөйдү. Жарандар аманат катары банктарга 13,8 миллиард сом салган.

Белгилей кетсек, Кыргызстанда 23 коммерциялык банк бар. Алардын ичинен 16сында чет элдик капитал сакталат.

0
Белгилер:
депозит, кредит, чыгаша, киреше, коммерциялык банктар, Кыргызстан
Тема боюнча
Сом КМШда эң кооз валюта болуп саналат. Адис кыргыз акчанын өзгөчөлүктөрүн айтты