Россия ТИМи. Архив

Россия ТИМи кыргыз-тажик чек арасындагы абал боюнча билдирүү жасады

475
(жаңыланган 16:19 30.04.2021)
Россия Кыргызстан менен Тажикстанга союздаш мамлекет катары саясий-дипломатиялык жол менен кырдаалдан чыгууга ар кыл көмөк көрсөтүүгө даяр экенин билдирди.

БИШКЕК, 30-апр. — Sputnik. Россия Кыргызстан менен Тажикстандын чек арасындагы абалдын кескин курчуп кеткенин тынчсыздануу менен кабыл алды. Бул тууралуу өлкөнүн Тышкы иштер министрлигинин өкүлү Мария Захаровага шилтеме берип Sputnik радиосу кабарлады.

"Тилекке каршы, куралдуу кагылышуудан улам эки тараптан тең каза тапкандар жана оор жаракат алгандар болду. Учурда абал турукташып калды, бирок чыңалуу дагы деле бар", — деди ТИМ өкүлү.

Расмий Москва каза болгондордун жакындарына көңүл айтып, жаракат алгандарга тезирээк сакайып кетишин каалайт. Ал эми Тышкы иштер министрлиги эки тараптын кагылышууларды токтотуу чечимин колдой турганы кошумчаланды.

"Тараптарды мындан ары жакын коңшу жана стратегиялык өнөктөш катары сүйлөшүүлөрдү жүргүзүп, абалды жөнгө салууга чакырды. Россия Кыргызстан менен Тажикстанга союздаш мамлекет катары саясий-дипломатиялык жол менен кырдаалдан чыгууга ар кыл көмөк көрсөтүүгө даяр", — деди Захарова.

Баткендеги чек ара чыры

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок атып, алгач бир, анан экөө, акыркы маалымат боюнча 13 кыргызстандык каза болду. Алардын арасында 13 жашар кыз бар экени айтылган. Жабыркаган 121 адамдын 25и Баткенден Бишкекке атайын борт менен алып келинип, ооруканаларда дарыланып жатышат.

Кыргызстан менен Тажикстандын ортосунда бардык деңгээлде сүйлөшүүлөр жүрүп, тараптар бир пикирге келүүдө.

Бүгүн УКМК төрагасы Камчыкбек Ташиев Тажикстандын атайын кызматынын жетекчиси Саймумин Ятимов менен сүйлөшүп, абал бүгүн кечке чейин жөнгө салынарын айтты.

Учурда аймакта кырдаал кандай болуп жатканын Sputnik Кыргызстан агенттигинин тексттик трансляциясынан көрө аласыздар.

475
Белгилер:
Россия, чек ара, Тажикстан, Баткен облусу, Кыргызстан
Тема:
Баткендеги кыргыз-тажик жаңжалы (260)
Тема боюнча
Баткенде белгисиз адамдар Sputnik агенттигинин кабарчысына кол салды
Өкмөттүн алдында "Баткенге жардам" штабы түзүлдү. Телефондору
Мирзиёев Жапаров жана Рахмон менен сүйлөшүп, эки элди ынтымакка чакырды
Кумтөр алтын кени. Архив

Таң калып турабыз. Канада бийлиги "Кумтөр" чыры боюнча билдирүү жасады

107
(жаңыланган 10:14 18.05.2021)
Канадалык аткаминерлер тоо кен тармагындагы талаштуу иштер кыргыз элинин экономикалык абалын ого бетер кыйынчылыкка кептейт деген оюн айтышкан.

БИШКЕК, 18-май — Sputnik. Канаданын тышкы иштер министри Марк Гарно менен чакан ишкерлик, экспорт жана эл аралык сооданы өнүктүрүү министри Мэри Ын Кыргызстандагы тоо кен тармагындагы акыркы окуяларга тынчсызданганын айтып, биргелешкен билдирүү жасашты.

"Биз Кыргыз Республикасынын парламенти 17-майдагы кезексиз жыйынында "Центерра Голдго" көзөмөл жүргүзүү үчүн "Кумтөр Голд" компаниясына тышкы башкаруу киргизүүгө өтүү тууралуу чечим кабыл алганына, ошондой эле Кыргызстан көптөгөн эл аралык активдер менен канадалык компаниянын үстүнөн көзөмөл жүргүзүүгө жетише турганы боюнча билдирүүгө таңданып турабыз. Бул Кыргыз Республикасына түз келген чет өлкөлүк инвестицияларга узак убакытка залалын тийгизиши ыктымал", — деп айтылган алар тараткан маалыматта.

Канада "чет өлкөлүк инвесторлор менен Кыргыз Республикасынын министрлер кабинетинин ортосундагы бул талаш бирге иштешкен тараптар үчүн ачык-айкын чечилбегенине таңданганын" да билдиришкен.

"COVID-19 пандемиясынан кийин экономиканы толугу менен калыбына келтирүү үчүн ачык-айкын жана акыйкаттуу ишкердик чөйрөсү керек. Соода жана чет өлкөлүк түз инвестициялардын көлөмүн төмөндөтө турган мындай чаралар кыргыз элинин экономикалык абалын ого бетер кыйынчылыкка кептейт", — деп жазылган таратылган билдирүүдө.

"Кумтөр Голд Компани" боюнча абал

7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан. 11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Ал эми 17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

107
Белгилер:
Жогорку Кеңеш, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Парламент Кумтөрдү тышкы башкарууга алууга макулдук берди
Теңиз Бөлтүрүк Centerra тууралуу: Канадада мындай ишкананы эчак жаап салмак
Президент Садыр Жапаров. Архив

Садыр Жапаров обочолонуп иштөө режимине өттү. Себеби

82
(жаңыланган 10:11 18.05.2021)
Өлкөдөгү бардык окуялар, анын ичинде социалдык-экономикалык маселелер мамлекет башчынын көзөмөлүндө болору белгиленет.

БИШКЕК, 18-май — Sputnik. Президент Садыр Жапаров убактылуу аралыктан иштөө режимине өттү. Бул тууралуу мамлекет башчынын маалымат кызматы кабарлады.

Ал мурда пландаштырылган эл аралык иш-чараларга байланыштуу, эпидемиологиялык кырдаалды эске алуу менен санитардык талаптарды сактоо максатында обочолонуп иштей турганы айтылат.

Маалыматта өлкөдө болуп жаткан бардык окуялар, анын ичинде социалдык-экономикалык маселелер мамлекет башчынын көзөмөлүндө болору белгиленди.

82
Белгилер:
санитардык талаптар, иштөө, Садыр Жапаров
Тема боюнча
Жапаров миссиясы аяктаган АКШ элчиси Луну кабыл алды
Президент Жапаров алты өлкөнүн жаңы элчилери менен таанышты. Сүрөт
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Токтогулда Volvo унаасы өрттөнүп, чиркегичиндеги ун жарабай калды. Сүрөт

0
(жаңыланган 11:01 18.05.2021)
Оор жүк ташуучу унаанын чиркегичинин каркасы эле калган, жерде өрттөнгөндөн калган ун чачылып жатканын көрүүгө болот.

БИШКЕК, 18-май — Sputnik. Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады.

  • На месте пожара в большегрузной машине на 219-м км автодороги Бишкек — Ош
    Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады
    © Фото / пресс-служба МЧС
  • На месте пожара в большегрузной машине на 219-м км автодороги Бишкек — Ош
    Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.
    © Фото / пресс-служба МЧС
1 / 2
© Фото / пресс-служба МЧС
Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады

Окуя Бишкек — Ош унаа жолунун 219-чакырымында болгон. Анда Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.

ӨКМ тараткан сүрөттөн чиркегичтин каркасы эле калганын, жерде өрттөнгөндөн калган ун чачылып жатканын көрүүгө болот.

Өрттүн себеби такталууда.

0
Белгилер:
ун, өрт, жол, унаа, Токтогул, ӨКМ
Тема боюнча
Кабинанын темири эле калган. Сузакта май ташыган автоунаа өрттөндү. Видео