Баткен шаары. Архив

Баткенге өзгөчө макам берүү: кандай артыкчылык каралган

570
(жаңыланган 12:28 04.05.2021)
Мыйзам долбоору президенттин тапшырмасы менен Баткен облусун социалдык-экономикалык жактан өнүктүрүү үчүн натыйжалуу шарт түзүү зарылдыгынан улам иштелип чыккан. 2021-жылдын 2-апрелинде коомдук талкууга коюлган.

БИШКЕК, 4-май — Sputnik. Баткен облусуна өзгөчө статус берүү тууралуу мыйзамга коомчулуктун пикирин эске алуу менен өзгөртүүлөр киргизилип, кечээ, 3-майда, Жогорку Кеңештин кароосуна жөнөтүлдү. Бул тууралуу өкмөттүн маалымат кызматы билдирип, документте кандай маселелер каралганын тизмектеп берди.

Эске салсак, мыйзам долбоору президенттин тапшырмасы менен Баткен облусун социалдык-экономикалык жактан өнүктүрүү үчүн натыйжалуу шарттарды түзүү зарылдыгынан улам иштелип чыккан. 2021-жылдын 2-апрелинде өкмөттүн расмий сайтына коомдук талкуу үчүн жайгаштырылган.

"Коомчулуктан түшкөн сын-пикирлерди эске алуу менен документ толукталып иштелип чыгып, Жогорку Кеңештин кароосуна кезексиз киргизилди", — деп айтылат билдирүүдө.

Долбоордо төмөнкүлөрдү каралат:

  • Өкмөттүн Баткен облусундагы ыйгарым укуктуу өкүлүнүн укуктарын күчтөндүрүү. Анын ичинде өзгөчө функционалдык-административдик, уюштуруу, бөлүштүрүү укугу. Ошондой эле мамлекеттик органдардын, жергиликтүү өз алдынча башкаруу органдарынын аймактык түзүмдөрүнүн ишин, укук коргоо органдары менен күч түзүмдөрүнүн биргеликте иштөөсүн  координациялоо.
  • Төмөнкүлөрдү эске алуу менен аймактын социалдык-экономикалык өнүгүүсү үчүн жагымдуу шарттарды түзүү:
  • өнүктүрүү программасын мониторинг кылып, баалоо жана контроль жүргүзүүчү Координациялык кеңеш түзүү;
  • жеңилдетилген каржылоо механизми;
  • облусту өнүктүрүүнүн бюджетин уюштуруунун өзгөчө тартиби;
  • өкмөт тарабынан мамлекеттик кепилдиктерди караган өзгөчө салык режимин жана өзгөчө инвестициялык режимди киргизүү;
  • товарларды жана кызмат көрсөтүүлөрдү мамлекеттик сатып алууну ишке ашыруунун өзгөчө режими;
  • Баткен облусунун калкына мамлекеттик жана муниципалдык тейлөө көрсөтүү боюнча өзгөчө жеңилдетилген режим;
  • 2022-жылдан тарта жалпы билим берүү уюмдарынын жана маданият обьектилеринин имараттарын кармап турууга коммуналдык тейлөө жана чыгымдарды жергиликтүү бюджеттен республикалык бюджетке өткөрүп берүү.

Баткен чек арасындагы кандуу кагылыш

Адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кетти. Анын кесепетинен 36 кыргызстандык жаран көз жумду. Алардын үчөө аскерлер, экөө — 13 жаштагы өспүрүм кыз менен төрт жаштагы эркек бала, ал эми калган 31 адам жергиликтүү калк жана башка аймактардан элге жардам беребиз деп келген кыргызстандыктар болду. 150гө чукул киши октон, таштан жаракат алып ооруканага түштү.

33 миңден ашык адам эвакуацияланып, жанын арачалап турак жайын таштап кетүүгө аргасыз болду. Кол салуунун кесепетинен 170тен ашуун турак жай, медициналык жана билим берүү мекемелеринин имараттары, инфраструктура объектилери жана жарандардын мүлктөрү күйүп жок болду.

1-майдан тарта эки тараптуу сүйлөшүүлөрдөн кийин абал турукташа баштап, чек ара тилкесине тартылган аскер техникасы, күч түзүмдөрү чыгарылды. Ушу тапта аймакта кырдаал тынч, тургундар айылга кайтып, КР бийлиги келтирилген зыяндын көлөмүн эсептеп жатат. Үй-жайсыз калгандарды там-таш менен камсыздоо милдети өкмөттүн мойнунда.

4-майдын түнү Башкы прокуратура Тажикстан Кыргызстанга кара ниеттик менен кол салып, аскердик агрессия жасады деген расмий билдирүү таратты. Кол салуу мурдатан пландаштырылгандыгын ага аскерлерден сырткары жалданган куралдуу адамдар менен бандиттик түзүмдөрү катышкандыгын билдирди. Бул боюнча Башкы прокуратура 2021-жылдын 29-апрелинде кылмыш ишин козгоду.

Ал эми Тажикстандын бийлиги тараткан маалымат боюнча, кагылышуудан 16 киши набыт болгон.

570
Белгилер:
мыйзам долбоору, макам, өкмөт, Баткен
Тема боюнча
Тажикстандыкы — аскердик агрессия. Баш прокуратура кеңири билдирүү таратты
БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев жолугушуу учурунда

БУУнун КРдеги координатору Баткенге жардам берүү боюнча иштерди айтып берди

94
(жаңыланган 23:00 10.05.2021)
БУУнун КРдеги координатору менен жолуккан Ниязов Баткен узак мөөнөттүү жардамга да муктаж экендигин айтты.

БИШКЕК, 10-май — Sputnik. БУУнун КРдеги тутумунун Туруктуу координатору Озонния Ожиело менен ТИМ жетекчисинин биринчи орун басары Нуран Ниязалиев кыргыз-тажик чек арасындагы жаңжалда өрттөлгөн айылдарды калыбына келтирүү боюнча биргелешкен иштерди талкуулады. Бул тууралуу аталган ведомствонун маалымат кызматынан кабарлашты.

Озонния Ожиелонун айтымында, өкмөт менен БУУнун агенттиктеринин биргелешкен иштерин координациялоочу аянтча, иш алып бара турган топ түзүлгөн. Жакында алардан куралган гуманитардык команда жапа чеккен жарандардын муктаждыктарын аныктоо үчүн Баткен облусуна барып келген.

Ниязалиев БУУнун тутумунун Туруктуу координаторуна куралдуу жаңжалдын кесепеттерин жоюу боюнча көрүлүп жаткан чаралар жана жасалган ыкчам аракеттер үчүн ыраазычылык билдирген.

"Министрдин биринчи орун басары Баткен облусу чукул эле эмес, социалдык-экономикалык өнүгүү үчүн узак мөөнөттүү жардамга да муктаж экендигин белгиледи. Ал БУУнун Баткен облусунун экономикасын кайра калыбына келтирүүгө колдоо көрсөтөрүнө жана эл аралык уюмдар тарабынан жардам тартуу боюнча иш жүргүзүүсүнө үмүт арта тургандыгын билдирди", — деп айтылат маалыматта.
94
Белгилер:
ТИМ, БУУ, кыргыз-тажик чек арасы, Нуран Ниязалиев, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Барымтага алынган кыргызстандыктар боюнча Стамбул протоколу түзүлүүдө. Сүрөт
Лейлекте чек ара чырында уурдалган 16 унаанын үчөө Тажикстандан кайтарылды
Максат айылы: өрттөлгөн үйлөр буздурулуп, жашоочулар боз үй, чатырда жашоодо
Бишкектин вице-мэри болуп дайындалган Виктория Мозгачева. Архив

Мозгачева Бишкекке кайрадан вице-мэр болуп келди

72
(жаңыланган 21:01 10.05.2021)
Былтыркы жылдын июль айынын аягында Виктория Мозгачева вице-мэр болуп дайындалып, бирок октябрдын соңунда иштен алышкан. Анын ордуна Айжан Чыныбаева келип, жарым жыл иштеп, ал дагы кызматтан кеткен.

БИШКЕК, 10-май — Sputnik. Айжан Чыныбаева Бишкектин вице-мэрлик кызматынан бошотулуп, ордуна Виктория Мозгачева дайындалды. Бул тууралуу мэриянын маалымат кызматынан кабарлашты.

Кадрлар боюнча бул буйрукка Бишкек шаарынын мэринин милдетин аткарып жаткан Бактыбек Кудайбергенов кол койгон.

Эске салсак, былтыркы жылдын июль айынын аягында Виктория Мозгачева вице-мэр болуп дайындалып, бирок 27-октябрда ал кезде мэрдин милдетин аткарып жаткан Балбак Түлөбаев иштен алган.
29-октябрда Мозгачеванын ордуна Айжан Чыныбаева келип, аталган кызматта жарым жылга чукул иштеди. 4-майда Чыныбаева Facebook тармагындагы баракчасына вице-мэрликтен кетип жаткандыгын жазган. Ал Бишкек шаарынын мэринин милдетин аткарып жаткан Бактыбек Кудайбергеновдун иш ыкмасы менен макул эместигин билдирип, "мамилеси келишпей калгандыгын" жазган.

72
Белгилер:
Айжан Чыныбаева, Виктория Мозгачева, Бишкек, Кыргызстан
Тема боюнча
Президент Баткенге чек ара айылдарын калыбына келтирүү боюнча өкүлүн дайындады
Акча каражаттары. Архив

Сом КМШда эң кооз валюта болуп саналат. Адис кыргыз акчанын өзгөчөлүктөрүн айтты

0
Кечээ, 10-май күнү, кыргыз сому ишке киргенине 28 жыл толду. Бул аралыкта ал бир нече эл аралык сынактарда жеңүүчү болгон.

БИШКЕК, 11-май — Sputnik. Кыргыз сомунун башкалардан кандай өзгөчөлүктөрү бар? Бул тууралуу Кыргызстандын Улуттук банкынын накталай акча жана адистик бөлүмүнүн башчысы Дана Сайфуллина айтып берди.

Эске салсак, кечээ, 10-май күнү, кыргыз сому ишке киргенине 28 жыл толду.

"2009-жылы чыккан төртүнчү сериядагы банкноталардын ар бири кайталангыс өңгө ээ. Ар биринде өзүнө гана тиешелүү ачык түс бар. Бул акчаны эске тутуп калууга шарт түзөт жана көрүүсү начар адамдарга бир топ жеңилдиктерди берет", — деди адис.

Анын айтымында, учурда кыргыз сому КМШдагы эң кооз банкноталардын бири болуп эсептелет.

"2009-жылы чыккан 5000 сом номиналындагы банкнота "Жылдын банкнотасы" аттуу ири эл аралык сынакта финалга чейин жеткен. Бул акчанын коргоо деңгээли жана дизайны каралчу жыл сайын өтө турчу сынак. Ал эми 100 сомдук КМШ боюнча адистер арасында өткөн сурамжылоодо сапаты боюнча экинчи орунду алган. Адистер 50 доллар, 50 евро жана 1 миң рублдин сапатын сынашкан. 2 миң сомдук “Аймактагы мыкты банкнота 2018” эл аралык сынагында КМШ, Борбордук жана Чыгыш Европа мамлекеттеринин ичинен жеңүүчү болгон”, — деди ал.

Ошондой эле адис акча өлкө тарыхынын маанилүү бир бөлүгү экенин кошумчалады.

0
Белгилер:
тарых, факты, сом, Улуттук банк, Кыргызстан
Тема боюнча
Кер мурут жигит Сүймөнкул Чокморов. Улуттук банктын улуу инсан тууралуу видеосу
Нөшөрлөгөн жаанга карабай Саякбайды уккан эл. Улуттук банктын видеосу