Президент Садыр Жапаров

Президент Жапаров алты өлкөнүн жаңы элчилери менен таанышты. Сүрөт

80
(жаңыланган 12:33 17.05.2021)
Өлкө башчысы элчилерге ар тараптуу жардам көрсөтүүгө, алардын жооптуу дипломатиялык кызматтагы иш-аракеттерин колдоого даяр экендигин белгиледи.

БИШКЕК, 17-май — Sputnik. Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды. Бул тууралуу өлкө башчынын маалымат кызматы билдирди.

Мамлекет башчы ар бир элчини өзүнчө кабыл алып, алар менен эки тараптуу кызматташуунун актуалдуу багыттарын, жакынкы келечектеги өз ара кызматташуунун артыкчылыктарын, өлкөлөр ортосундагы мамилелерди мындан ары тереңдетүү чараларын талкуулады. Ошондой эле саясий, соода-экономикалык, маданий-гуманитардык чөйрөдөгү кызматташуунун келечеги жөнүндө пикир алмашуу болду.

  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
  • Президент Садыр Жапаров принял верительные грамоты от Чрезвычайных и Полномочных Послов Исламской Республики Пакистан, Республики Узбекистан, Венгрии, Исламской Республики Афганистан, Турецкой Республики, Республики Казахстан.
    Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды
    © Пресс-служба президента КР / Султан Досалиев
1 / 6
© Пресс-служба президента КР / Султан Досалиев
Президент Садыр Жапаров бүгүн, 17-майда, Пакистан, Афганистан, Өзбекстан, Венгрия, Түркия жана Казакстандын элчилери менен жолугуп, ишеним грамоталарын кабыл алды

Жолугушууга Пакистандын элчиси  Сардар Азхар Тарик Хан, Өзбекстандын элчиси  Хуршид Мирзахидов, Венгриянын элчиси Шандор Дороги, Афганистандын элчиси Бисмилла Вазири, Түркиянын элчиси  Ахмет Садык Доган, Казакстандын элчиси  Рапил Жошыбаев катышты.

Жапаров элчилерди дипломатиялык миссиясынын башталышы менен куттуктап, өлкөлөрдүн ортосундагы эки жана көп тараптуу кызматташтыкты өнүктүрүүгө, кызыкчылык туудурган бардык маселелер боюнча өз ара аракеттенүүнү активдештирүүгө кызмат кыла тургандыгына ишеним артты.

Президент чет мамлекеттердин элчилерине ар тараптуу жардам көрсөтүүгө, алардын жооптуу дипломатиялык кызматтагы иш-аракеттерин колдоого даяр экендигин билдирди.

80
Белгилер:
кабыл алуу, грамота, ишеним, элчилер, Садыр Жапаров
Тема боюнча
Жапаров миссиясы аяктаган АКШ элчиси Луну кабыл алды
Кытай Эл Республикасынын төрагасы Си Цзиньпин. Архив

Садыр Жапаров Си Цзиньпинди туулган күнү менен куттуктады

12
(жаңыланган 12:28 15.06.2021)
Садыр Жапаров Кытай лидерин туулган күнү менен куттуктап, анын "кыраакы саясаты менен салмактуу чечимдери Кытайды эл аралык аренада алдыңкы орундарга кармап турганын" белгиледи.

БИШКЕК, 15-июн. — Sputnik. Президент Садыр Жапаров Кытай Эл Республикасынын төрагасы Си Цзиньпинди туулган күнү менен куттуктады. Бул тууралуу өлкө башчынын маалымат кызматынан билдиришти.

"Сиздин кыраакы саясатыңыздын, салмактуу чечимдериңиздин натыйжасында Кытай эл аралык аренада ишенимдүү алдыңкы орундарды ээлеп турат. Кытайдын "Бир алкак — бир жол" демилгеси дүйнө жүзүнө таанылып, ар кайсы континенттеги көптөгөн мамлекеттерди бириктирген демилгеге айланды", — деп айтылат куттуктоодо.

Мындан тышкары, Жапаров Кытай COVID-19 коронавирусуна каршы күрөшүүдө чоң ийгиликтерге жетишкенин баса белгилеп, бул жаатта Кыргызстанга көрсөткөн жардамы үчүн ыраазычылык билдирди.

Сауд Аравия падышасы Салман бин Абдель Азиз Аль Сауд. Архив
© Фото / пресс-служба правительства/ Алишер Алиев
"Кытай тарабынан Кыргызстанга көрсөтүлүп келе жаткан гуманитардык жардам үчүн чын дилимден ыраазычылык билдирем. Кыргызстан ар дайым Кытайдын достук мамилесин жана колдоосун сезип турат", — деди Жапаров.

Мамлекет башчысы кыргыз-кытай мамилелеринин бардык тармактарын өнүктүрүү боюнча конструктивдүү ишти мындан ары да улантууга даяр экенин ырастады.

Белгилей кетсек, Си Цзиньпин бүгүн, 15-июнда, 68 жашка чыкты.

12
Белгилер:
куттуктоо, Си Цзиньпинь, Кытай, Садыр Жапаров
Тема боюнча
Кытай Кыргызстанга аскердик унаа жана техника берди. Сүрөт
Кытай Кыргызстанга азык-түлүк жактан жардам кылып, грант бөлөт
Сауд Аравия падышасы Салман бин Абдель Азиз Аль Сауд. Архив

Садыр Жапаров Сауд Аравия падышасын Кыргызстанга чакырды

150
(жаңыланган 21:01 14.06.2021)
Мамлекет башчы падышаны эки тараптуу кызматташууну жаңы деңгээлге көтөрүү жана достук мамилелерди чыңдоо максатында чакырган.

БИШКЕК, 14-июн. — Sputnik. Президент Садыр Жапаров Сауд Аравия падышасы Салман бин Абдель Азиз Аль Сауд менен телефон аркылуу сүйлөштү. Бул тууралуу мамлекет башчынын маалымат кызматы билдирди.

Сүйлөшүүнүн жүрүшүндө кыргыз-сауд эки тараптуу кызматташуусунун актуалдуу маселелери жана аны өнүктүрүү келечеги, ошондой эле соода-экономикалык жана инвестициялык байланыштар талкууланды.

“Президент Сауд Аравиясы менен эки өлкөнүн бир тууган элинин кызыкчылыгындагы өз ара колдоо жана ишенимдин негизинде ар тараптуу кызматташууну мындан ары да өнүктүрүүгө даяр экендигин айтты. Аны менен катар Кыргызстанга оор мезгилдерде ар дайым көмөктөшүп келгендигин баса белгиледи. Эки тараптуу кызматташууну жаңы деңгээлге көтөрүү жана достук мамилелерди чыңдоо максатында Сауд Аравия падышасын Кыргызстанга расмий сапар менен келип кетүүгө чакырды”, — деп жазылат маалыматта.

Өз кезегинде Салман бин Абдель Азиз Аль Сауд чакырууга ыраазычылык билдирип, эки тараптуу алакалар жигердүү өнүгүп жатканын канааттануу менен белгилегени айтылат.

150
Белгилер:
сүйлөшүүлөр, чакыруу, Садыр Жапаров, Сауд Аравиясы
Тема боюнча
"Достуктун" тагдыры, 20 ординатор, фармзавод. Түркия сапарынын жыйынтыгы
Панорамадан табиятка суктанып... Эрдогандын Жапаровду узаткан видеосу
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

0
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

0
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы