Экология жана климат боюнча мамлекеттик комитеттин төрайымы Динара Кутманова

Башкы эколог Кумтөр тууралуу: бардык соттук процессте жеңерибизге ишенем

132
(жаңыланган 17:51 17.05.2021)
Кыргызстандын башкы экологунун айтымында, Centerra Gold Inc. бардык нормаларды сактап жатабыз деп коомчулукту, анын ичинде дүйнөлүк коомчулукту адаштырып жатат.

БИШКЕК, 17-май — Sputnik. Кыргызстан Centerra Gold Inc. компаниясына каршы бардык соттук процесстерди, анын ичинде эл аралык арбитраждык сотто дагы жеңет. Бул тууралуу Экология жана климат боюнча мамлекеттик комитеттин төрайымы Динара Кутманова билдирди.

Эске салсак, буга чейин Centerra Gold Inc. Кыргызстандын өкмөтүн эл аралык арбитраждык сотко берерин жар салган.

Учурда Жогорку Кеңеш Кумтөр кениндеги ишмердүүлүктү иликтеген мамлекеттик комиссиянын корутундусун угуп жатат.

Адистин айтымында, 2012-жылы ошол кездеги Кумтөр боюнча комиссиянын курамына кирген. Андан бери экологиялык коркунуч курчуду.

"Анткени компания биздин улуттук мыйзамдарды тоотпой жатат жана көзөмөлдөөчү мамлекеттик органдар дагы компаниянын ишмердүүлүгүнө көңүл кош карашууда. Кумтөр боюнча келишимдердин бардыгында тең канадалык компания Кыргызстандын жаратылышка байланышкан мыйзамдарын сактоого милдеттенме алган. Бирок канадалык тарап милдеттерин аткарбастан, жаратылыш коопсуздугу боюнча мыйзамдарды бузду", — деди Кутманова.

Анын айтымында, мөңгүгө калдыктарды үйүп-жыйып салганы эң чоң жана көңүл ооруткан эреже бузууга жатат.

"Бул көрүнүш аларды сотко берүүгө жана келишимди бузууга толук укук берет", — деди ал.

Кутманова белгилегендей, бардык мыйзамдарда мөңгүлөргө калдыктарды жыюуга тыюу салынып, суу стратегиялык объектиге кирери жазылган.

"Centerra жаратылышты коргоо мыйзамдарын сактап жатканын айтып коомчулукту, анын ичинде дүйнөлүк коомчулукту адаштырып жатат. 2017-жылы өзгөртүүлөр киргизилген Суу кодексинин 62-беренесинде Давыдов жана Лысый мөңгүлөрүнүн аймагында иш алып барууга уруксат берилген. Компания учурда ушул нормага таянып, эреже бузган жокпуз деп жатат. Белгилей кетким келет, сөз ар башка нормалар боюнча болууда. Centerra маселени башка нукка буруп, парламент ишмердүүлүк жүргүзүүгө уруксат бергенин айтып жатат. Ооба, уруксат берилген, бирок мөңгүлөргө калдыктарды топтоого эч ким макул болгон эмес", — деди ал.

Анын айтымында, Centerra Gold Inc. мөңгүлөргө калдык топтогон фактыны жокко чыгарган жок. Кутманова компаниянын 2011-жылкы отчетунда "Давыдов мөңгүсүнүн карьерине ири көлөмдөгү калдык ташталды" деп жазылганын айтты.

"Эмнеге мен бул маселеге кеңири токтолуп жатам? Бүгүн биздин абдан күчтүү позициябыз бар. Бир нече мыйзам менен абдан көп нормалар бузулган. Ошондуктан толук кандуу негиз жана аргументтер жетиштүү. Биз бардык соттук процессти жана арбитраждык процессти дагы жеңебиз деп ишенем. Мөңгүгө калдык топтогон практика дүйнөдө жок", — деди Экология жана климат боюнча мамлекеттик комитеттин төрайымы.

"Кумтөр Голд Компани" боюнча абал

Эске салсак, 7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. 11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Ink менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Ал эми Канадалык Centerra Gold Inc. компаниясы өзүнүн укуктарын коргош үчүн кыргыз өкмөтүнө каршы эл аралык арбитраждык сотко доо менен кайрыларын айтты.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

132
Белгилер:
Динара Кутманова, компания, Кумтөр, Кыргызстан
Тема:
"Кумтөргө" 3 миллиард доллар айып салынышы (82)
Тема боюнча
Теңиз Бөлтүрүк тууралуу эмне белгилүү
Момбеков: "Кумтөрдөн" 5 млрд. доллар өндүрүү — бул жомок
Кытай Эл Республикасынын төрагасы Си Цзиньпин. Архив

Садыр Жапаров Си Цзиньпинди туулган күнү менен куттуктады

8
(жаңыланган 12:28 15.06.2021)
Садыр Жапаров Кытай лидерин туулган күнү менен куттуктап, анын "кыраакы саясаты менен салмактуу чечимдери Кытайды эл аралык аренада алдыңкы орундарга кармап турганын" белгиледи.

БИШКЕК, 15-июн. — Sputnik. Президент Садыр Жапаров Кытай Эл Республикасынын төрагасы Си Цзиньпинди туулган күнү менен куттуктады. Бул тууралуу өлкө башчынын маалымат кызматынан билдиришти.

"Сиздин кыраакы саясатыңыздын, салмактуу чечимдериңиздин натыйжасында Кытай эл аралык аренада ишенимдүү алдыңкы орундарды ээлеп турат. Кытайдын "Бир алкак — бир жол" демилгеси дүйнө жүзүнө таанылып, ар кайсы континенттеги көптөгөн мамлекеттерди бириктирген демилгеге айланды", — деп айтылат куттуктоодо.

Мындан тышкары, Жапаров Кытай COVID-19 коронавирусуна каршы күрөшүүдө чоң ийгиликтерге жетишкенин баса белгилеп, бул жаатта Кыргызстанга көрсөткөн жардамы үчүн ыраазычылык билдирди.

Сауд Аравия падышасы Салман бин Абдель Азиз Аль Сауд. Архив
© Фото / пресс-служба правительства/ Алишер Алиев
"Кытай тарабынан Кыргызстанга көрсөтүлүп келе жаткан гуманитардык жардам үчүн чын дилимден ыраазычылык билдирем. Кыргызстан ар дайым Кытайдын достук мамилесин жана колдоосун сезип турат", — деди Жапаров.

Мамлекет башчысы кыргыз-кытай мамилелеринин бардык тармактарын өнүктүрүү боюнча конструктивдүү ишти мындан ары да улантууга даяр экенин ырастады.

Белгилей кетсек, Си Цзиньпин бүгүн, 15-июнда, 68 жашка чыкты.

8
Белгилер:
куттуктоо, Си Цзиньпинь, Кытай, Садыр Жапаров
Тема боюнча
Кытай Кыргызстанга аскердик унаа жана техника берди. Сүрөт
Кытай Кыргызстанга азык-түлүк жактан жардам кылып, грант бөлөт
Сауд Аравия падышасы Салман бин Абдель Азиз Аль Сауд. Архив

Садыр Жапаров Сауд Аравия падышасын Кыргызстанга чакырды

150
(жаңыланган 21:01 14.06.2021)
Мамлекет башчы падышаны эки тараптуу кызматташууну жаңы деңгээлге көтөрүү жана достук мамилелерди чыңдоо максатында чакырган.

БИШКЕК, 14-июн. — Sputnik. Президент Садыр Жапаров Сауд Аравия падышасы Салман бин Абдель Азиз Аль Сауд менен телефон аркылуу сүйлөштү. Бул тууралуу мамлекет башчынын маалымат кызматы билдирди.

Сүйлөшүүнүн жүрүшүндө кыргыз-сауд эки тараптуу кызматташуусунун актуалдуу маселелери жана аны өнүктүрүү келечеги, ошондой эле соода-экономикалык жана инвестициялык байланыштар талкууланды.

“Президент Сауд Аравиясы менен эки өлкөнүн бир тууган элинин кызыкчылыгындагы өз ара колдоо жана ишенимдин негизинде ар тараптуу кызматташууну мындан ары да өнүктүрүүгө даяр экендигин айтты. Аны менен катар Кыргызстанга оор мезгилдерде ар дайым көмөктөшүп келгендигин баса белгиледи. Эки тараптуу кызматташууну жаңы деңгээлге көтөрүү жана достук мамилелерди чыңдоо максатында Сауд Аравия падышасын Кыргызстанга расмий сапар менен келип кетүүгө чакырды”, — деп жазылат маалыматта.

Өз кезегинде Салман бин Абдель Азиз Аль Сауд чакырууга ыраазычылык билдирип, эки тараптуу алакалар жигердүү өнүгүп жатканын канааттануу менен белгилегени айтылат.

150
Белгилер:
сүйлөшүүлөр, чакыруу, Садыр Жапаров, Сауд Аравиясы
Тема боюнча
"Достуктун" тагдыры, 20 ординатор, фармзавод. Түркия сапарынын жыйынтыгы
Панорамадан табиятка суктанып... Эрдогандын Жапаровду узаткан видеосу
Молодые люди в масках идут по уличному рынку в Бишкеке. 24 июля 2020 года

Министрлик: Кыргызстанда коронавирустун үчүнчү толкуну байкала баштады

0
(жаңыланган 12:48 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

0
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал