Мурдагы президент Курманбек Бакиев. Архив

Жапаров: Бакиев Кумтөр маселесин чечип коймок, бирок уулу бийликти тартып алды

363
(жаңыланган 17:57 17.05.2021)
Депутат азыркы мамлекеттик комиссия маселени парламентке чейин жеткирип, биргеликте иш алып барганы менен айырмаланарын кошумчалады.

БИШКЕК, 17-май — Sputnik. 2009-жылы ошол кездеги президент Курманбек Бакиев кийлигишип койсо Кумтөр маселеси Кыргызстандын пайдасына чечилип калмак. Бул тууралуу "Кумтор Голд компани" ишканасынын ишмердүүлүгүн текшерген мамлекеттик комиссиянын төрагасы Акылбек Жапаров билдирди.

Ушу тапта Жогорку Кеңеш Кумтөр кениндеги ишмердүүлүктү текшерген мамлекеттик комиссиянын корутундусун угуп жатат.

"2009-жылы эгер Бакиев өзү дагы катышканда иштин аягына чыгармакпыз. Бирок, тилекке каршы, уулу бийликти тартып алып акырында бири-бири менен тил табыша албай калышты. 2003-жылы мүмкүнчүлүктү колдон чыгарып алдык, 2007-жылы Атамбаев премьер-министр болуп турган кезде маселени Жогорку Кеңешке чейин жеткирип, бирок парламент тарап кетти. 2012-жылы депутат Садыр Жапаров депутаттык комиссия түзгөн. Бирок ага ишеним көрсөтүлбөй мамлекеттик комиссия уюштурулган. Ал дагы жыйынтык берген жок", — деди Жапаров.

Депутат азыркы мамлекеттик комиссия маселени парламентке чейин жеткирип, биргеликте иш алып барганы менен айырмаланарын кошумчалады.

Буга чейин Жапаров "Кумтор Голд компани" канча алтын казганын, кирешеси кандай болгонун, чет элдик компанияга эмне доомат коюлуп жатканын айтып берген.

363
Белгилер:
Курманбек Бакиев, Садыр Жапаров, Кумтөр, Кыргызстан
Тема:
"Кумтөргө" 3 миллиард доллар айып салынышы (82)
Тема боюнча
Сүйлөшсөк да, ажырашсак да болот. Кыргыз бийлиги "Кумтөргө" кандай шарт коюуда
Эл аралык соттордо Centerra Gold Inc. компаниясына кандай доомат коюлууда
Кыргыз Республикасынын толук жана ыйгарым укуктуу элчиси, профессор Тилектеш Ишемкулов

Ишемкулов: чек арадагы согуштун токтошуна Путиндин таасири болушу мүмкүн

6
Кыргыз Республикасынын толук жана ыйгарым укуктуу элчиси, профессор Тилектеш Ишемкулов Россия менен Кыргызстандын кызматташтыгы жакшыруу жолунда бара жатканын белгиледи.

Кыргыз-тажик чек арасындагы кандуу окуялардын токтошуна Россия кандайдыр бир деңгээлде таасир этиши ыктымал. Мындай пикирин Тилектеш Ишемкулов Sputnik Кыргызстан радиосунда маек куруп жатып билдирди.

Ишемкулов: чек арадагы согуштун токтошуна Путиндин таасири болушу мүмкүн

Анын айтымында, коомчулукка жарыяланбай жашыруун каналдар аркылуу көп маселелер чечилет.

"Садыр Жапаровдун Сочиде Владимир Путин менен кездешкенинде көптөгөн көйгөйлөр көтөрүлүп, бир кыйла маселелерди жөнгө салуу талкууланды. Алардын ичинен эң олуттуусу кыргыз-тажик чек арасындагы кандуу окуялардын кесепеттерин жоюу, бардык маселелерди тынчтык жолуна буруу болду. Владимир Путин Москвада Эмомали Рахмон менен 9-майда кездешип, бул маселелер тынчтык, дипломатия жолу менен чечилүүсү керектигин белгилегенин ачык эле айтты. Ага болбой тажиктер Чоң-Алайда чагымчылык жасоого аракет кылышты. Азыр эми аскерлер жайгашкан ордуна кайтарылып, тынчтык сакталып турат. Буга Россиянын лидери телефон байланыштары менен өз таасирин тийгизди деп ойлойм. Себеби көпчүлүк учурда дипломатиялык каналдар аркылуу жашыруун көп маселе чечилет. Демек, жаңжалдын токтошуна Путиндин берген убадасынын кандайдыр бир таасири тийди деген пикирдемин", — деди Ишемкулов.

Дипломат Садыр Жапаровдун "Россия Кыргызстан үчүн түбөлүктүү стратегиялык өнөктөш" дегени жөн жерден эместигин кошумчалады.

6
Белгилер:
Тилектеш Ишемкулов, Владимир Путин, Россия, кыргыз-тажик чек арасы, кызматташтык
Тема боюнча
Сүйлөшүүлөр аяктады. Путин менен Жапаров кучакташып коштошкон видео
Пикир регионалдык эксперттер клубунун тең төрагасы, саясат таануучу Шерадил Бактыгулов. Архив

Бактыгулов: Россия Борбор Азияда тынчтык болушуна кызыкдар

6
"Пикир" регионалдык эксперттер клубунун тең төрагасы, саясат таануучу Шерадил Бактыгулов Россия Кыргызстанга алты ай сайын финансылык көмөк көрсөтүп турарын белгиледи.

Борбор Азияда террордук коркунуч жаралса Россия жардамдашат. Себеби алар деле аталган аймакта тынчтык болушуна кызыкдар. Мындай пикирин Шерадил Бактыгулов Sputnik Кыргызстан радиосунда маек куруп жатып билдирди.

Бактыгулов: Россия Борбор Азияда тынчтык болушуна кызыкдар

Анын айтымында, коомчулуктун айрым бөлүгү "эки өлкөнүн мамилеси сууп кетти" деген божомолу таарынычтан улам айтылууда.

"Кыргыз-тажик кандуу жаңжалынан улам коомдун айрым бөлүгүндө Россия менен Кыргызстандын мамилеси муздап калды деген божомолдор айтылууда. Чынында буга негиз жок. Себеби кыргыз-тажик жетекчилери Россиядан жаңжалды токтотууга көмөк сураса, бермек. Бирок кыргыз-тажик президенттери кандуу кагылышты эки тараптуу сүйлөшүүлөрдүн негизинде чече турганын билдирди. Мындан улам Россия өзүн нейтралдуу кармады. Чынында коомчулук Россия болушат, көмөктөшөт деп күтүп жаткан. Ошондуктан кандайдыр бир деңгээлде таарынычтан улам жогорудагыдай сөздөр айтылып жатышы ыктымал. Чынында Россия жардам берип эле келе жатат. Алсак, гуманитардык, аскердик көмөк көрсөтүп, вакцинадан каралашууда. Мындан тышкары, Россия тарабынан кыргыз бюджетине алты ай сайын каражат бөлүнөт. Анын ичинен социалдык төлөмдөр төлөнүүдө. Ошондуктан кандай жардам берилиши керектиги аныкталышы зарыл. Маселен, кыргыз мигранттары Россияда ээн-эркин иштеп жатат. Мындай жеңилдиктер башка өлкөлөргө берилген жок. Эки өлкө өнөктөштүк, шериктештик негизде кызматташууда. Алар Борбордук Азияда тынчтык болушуна кызыкдар. Учурда Афганистандын аймагында террордук топтор бар экени айтылууда. Алар коркунуч жаратып, күчүбүз жетпей калса Россияга кайрылабыз. Себеби эки өлкө кызматташат", — деди Бактыгулов.

Ошондой эле ал муктаждык жаралып кыргыз жетекчилиги Россияга кайрылса, алар өз көмөгүн бере турганын кошумчалады.

6
Белгилер:
Тажикстан, Кыргызстан, Россия, кызматташтык, Шерадил Бактыгулов
Тема боюнча
Россияда Айтматов атындагы эл аралык көк бөрү мелдеши башталды
Мыйзамсыз алынган деп шектелүүдө кыймылсыз мүлк

11 батир, 7 жер тилке... Бишкектин экс-вице-мэри мыйзамсыз байыган деп шектелүүдө

0
(жаңыланган 13:26 15.06.2021)
Мурдагы вице-мэр кызматта турган учурда жеке курулуш компанияларга көп кабаттуу турак жай куруу үчүн муниципалдык жер тилкелерин мыйзамсыз бергендиги айтылууда.

БИШКЕК, 15-июн. — Sputnik. Бишкек шаарынын мурдагы вице-мэри мыйзамсыз байыган деп шектелип жатат. Бул тууралуу УКМКдан билдиришти.

  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бишкек шаарынын мурдагы вице-мэри мыйзамсыз байыган деп шектелип жатат
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бул тууралуу УКМКдан билдиришти
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө
    © Фото / пресс-служба ГКНБ
1 / 6
© Фото / пресс-служба ГКНБ
Бишкек шаарынын мурдагы вице-мэри мыйзамсыз байыган деп шектелип жатат

Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган.

"Мыйзамсыз аракеттердин натыйжасында А.У.Ш. жакын туугандарына Бишкек шаарында жана Ысык-Көл облусунда 7 жер тилке, 11 кызматтык жай, 4 турак жай, 11 батир жана 10 унаа токтотуучу жай, Ысык-Көл облусунда 2 коттедж жана 5 кымбат баалуу унааны өзүнө тиешелүү адамдарга каттаткан", — деп айтылат маалыматта.

Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган.

Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды.

А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө.

0
Белгилер:
УКМК, Бишкек, мыйзамсыз, вице-мэр
Тема боюнча
Коррупциялык схема түзгөн. УКМК Суракматовдун кармалган себебин айтты
Мыйзамсыз байыган деген судья мүлкүнүн чоо-жайын айтып берген