Аткаминер кол коюп жатат документтерге. Архив

Кумтөр боюнча келишимдерге кол койгон аткаминерлердин тизмеси

759
(жаңыланган 17:26 17.05.2021)
"Кумтөр Голд Компани" компаниясынын ишмердүүлүгүн текшерген мамлекеттик комиссиянын төрагасы "Кумтөр" долбоору боюнча түрдүү келишимдерге кол койгон аткаминерлердин тизмесин берди.

БИШКЕК, 17-май — Sputnik. Кумтөр кенинин ишмердүүлүгүн караган мамлекеттик комиссиянын төрагасы Акылбек Жапаров Жогорку Кеңештин кезексиз жыйынында кайсы аткаминерлер аталган добоор боюнча кол койгонун санап берди.

Тизме:

  • 1992-жыл – премьер-министр Турсунбек Чыңгышев, "Кыргызалтындын" өкүлү Дастан Сарыгулов;
  • 1993-жылы — Чыңгышев (парламент бул концессиялык келишимди жактырган эмес);
  • 1994 — концессиялык келишим. Премьер-министр Апас Жумагулов, "Кыргызалтындын" өкүлү Дастан Сарыгулов, "Голд Компани" ишканасынын директору Давлетов кол койгон;
  • 1995-жыл — устав. Сарыгулов кол койгон;
  • 2003 (31-декабрь) — "Кыргызалтындын" өкүлү Камчыбек Кудайбергенов (реструктуризация жөнүндөгү келишим);
  • 2003 (31-декабрь) — концессиялык келишимди өзгөртүү жана кошумчалоо. Танаев жана Кудайбергенов;
  • 2004 — Кудайбергенов жана министр Курманбек Осмонов;
  • 2007 — Алмазбек Атамбаев;
  • 2009 — президент Курманбек Бакиев жана "Кыргызалтындын" башчысы Алексей Елисеев;
  • 2009 (24-апрель) — Чудинов жана "Кыргызалтындын" өкүлү Алмазбек Жакыпов;
  • 2009 (6-июнь) — Чудинов жана "Кыргызалтындын" өкүлү Жакыпов;
  • 2013 — реструктуризациянын өзгөчө шарттары жөнүндөгү келишим (күчүнө кирген эмес, парламент алып койгон);
  • 2017-жылдын 11-сентябрындагы стратегиялык келишим боюнча Кыргызстан экологиялык талаптардан толугу менен баш тарткан. Сапар Исаков;
  • 2019-жылы келишимге Мухаммедкалый Абылгазиев кол койгон.
759
Белгилер:
Жогорку Кеңеш, комиссия, Акылбек Жапаров, аткаминер, Кумтөр, келишим
Тема:
"Кумтөргө" 3 миллиард доллар айып салынышы (82)
Тема боюнча
Эки талапкер бар. "Кумтөр Голд Компани" ишканасын ким башкарышы мүмкүн
Кытай Эл Республикасынын төрагасы Си Цзиньпин. Архив

Садыр Жапаров Си Цзиньпинди туулган күнү менен куттуктады

11
(жаңыланган 12:28 15.06.2021)
Садыр Жапаров Кытай лидерин туулган күнү менен куттуктап, анын "кыраакы саясаты менен салмактуу чечимдери Кытайды эл аралык аренада алдыңкы орундарга кармап турганын" белгиледи.

БИШКЕК, 15-июн. — Sputnik. Президент Садыр Жапаров Кытай Эл Республикасынын төрагасы Си Цзиньпинди туулган күнү менен куттуктады. Бул тууралуу өлкө башчынын маалымат кызматынан билдиришти.

"Сиздин кыраакы саясатыңыздын, салмактуу чечимдериңиздин натыйжасында Кытай эл аралык аренада ишенимдүү алдыңкы орундарды ээлеп турат. Кытайдын "Бир алкак — бир жол" демилгеси дүйнө жүзүнө таанылып, ар кайсы континенттеги көптөгөн мамлекеттерди бириктирген демилгеге айланды", — деп айтылат куттуктоодо.

Мындан тышкары, Жапаров Кытай COVID-19 коронавирусуна каршы күрөшүүдө чоң ийгиликтерге жетишкенин баса белгилеп, бул жаатта Кыргызстанга көрсөткөн жардамы үчүн ыраазычылык билдирди.

Сауд Аравия падышасы Салман бин Абдель Азиз Аль Сауд. Архив
© Фото / пресс-служба правительства/ Алишер Алиев
"Кытай тарабынан Кыргызстанга көрсөтүлүп келе жаткан гуманитардык жардам үчүн чын дилимден ыраазычылык билдирем. Кыргызстан ар дайым Кытайдын достук мамилесин жана колдоосун сезип турат", — деди Жапаров.

Мамлекет башчысы кыргыз-кытай мамилелеринин бардык тармактарын өнүктүрүү боюнча конструктивдүү ишти мындан ары да улантууга даяр экенин ырастады.

Белгилей кетсек, Си Цзиньпин бүгүн, 15-июнда, 68 жашка чыкты.

11
Белгилер:
куттуктоо, Си Цзиньпинь, Кытай, Садыр Жапаров
Тема боюнча
Кытай Кыргызстанга аскердик унаа жана техника берди. Сүрөт
Кытай Кыргызстанга азык-түлүк жактан жардам кылып, грант бөлөт
Сауд Аравия падышасы Салман бин Абдель Азиз Аль Сауд. Архив

Садыр Жапаров Сауд Аравия падышасын Кыргызстанга чакырды

150
(жаңыланган 21:01 14.06.2021)
Мамлекет башчы падышаны эки тараптуу кызматташууну жаңы деңгээлге көтөрүү жана достук мамилелерди чыңдоо максатында чакырган.

БИШКЕК, 14-июн. — Sputnik. Президент Садыр Жапаров Сауд Аравия падышасы Салман бин Абдель Азиз Аль Сауд менен телефон аркылуу сүйлөштү. Бул тууралуу мамлекет башчынын маалымат кызматы билдирди.

Сүйлөшүүнүн жүрүшүндө кыргыз-сауд эки тараптуу кызматташуусунун актуалдуу маселелери жана аны өнүктүрүү келечеги, ошондой эле соода-экономикалык жана инвестициялык байланыштар талкууланды.

“Президент Сауд Аравиясы менен эки өлкөнүн бир тууган элинин кызыкчылыгындагы өз ара колдоо жана ишенимдин негизинде ар тараптуу кызматташууну мындан ары да өнүктүрүүгө даяр экендигин айтты. Аны менен катар Кыргызстанга оор мезгилдерде ар дайым көмөктөшүп келгендигин баса белгиледи. Эки тараптуу кызматташууну жаңы деңгээлге көтөрүү жана достук мамилелерди чыңдоо максатында Сауд Аравия падышасын Кыргызстанга расмий сапар менен келип кетүүгө чакырды”, — деп жазылат маалыматта.

Өз кезегинде Салман бин Абдель Азиз Аль Сауд чакырууга ыраазычылык билдирип, эки тараптуу алакалар жигердүү өнүгүп жатканын канааттануу менен белгилегени айтылат.

150
Белгилер:
сүйлөшүүлөр, чакыруу, Садыр Жапаров, Сауд Аравиясы
Тема боюнча
"Достуктун" тагдыры, 20 ординатор, фармзавод. Түркия сапарынын жыйынтыгы
Панорамадан табиятка суктанып... Эрдогандын Жапаровду узаткан видеосу
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

0
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

0
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы