Инвестицияларды илгерилетүү жана коргоо министри Алмамбет Шыкмаматов

Шыкмаматов: "Кумтөр" маселесин цивилизациялык жол менен чечебиз

225
(жаңыланган 14:57 18.05.2021)
Алмамбет Шыкмаматовдун айтымында, "Кумтөр" менен акыркы келишим коррупциялык механизмдер менен түзүлгөн деген далилдер бар.

БИШКЕК, 18-май — Sputnik. "Кумтөр" маселесин Кыргызстан цивилизациялык жол менен чечүү аракетин жасап жатат. Бул тууралуу брифингде инвестицияларды илгерилетүү жана коргоо министри Алмамбет Шыкмаматов билдирди.

"Акыркы үч саясий окуянын бирине Кумтөрдөгү алтындын туура эмес бөлүштүрүлүшү себеп болгон. Бийликтин булагы эл болуп саналат. Эгерде азыр референдум өтсө, жарандардын 90 пайызы Кумтөргө байланыштуу маселени Кыргызстандын улуттук кызыкчылыгы үчүн карап чыгууга добуш берерине ишенем. 2011-жылы AMEC бирикмесинин эл аралык эксперттери Centerra Gold Inc. алтын артынан түшүп, экологияны коргоонун нормаларын унутта калтырып жатат деген жыйынтыкка келишкен. Финансылык эксперттердин кирешени бөлүштүрүү коррупция менен коштолгон деген корутундусу да бар", — деген ал.

Шыкмаматовдун пикиринде, инвестициялык климат жана "Кумтөр" маселеси боюнча тарыхый адилеттүүлүктү калыбына келтирүү — ар башка маселе.

"Кумтөр" маселесин көтөрбөш үчүн дайыма инвестициялык климат, эл аралык соттор тууралуу айтылчу. Бизге эрктүүлүк жана чечкиндүүлүк жетпей жатты. Талаш-тартыштарды эл аралык сотто цивилизациялык жол менен чечүүгө даярбыз. Эл аралык сотто адатта көп иш каралат. Дүйнө жүзүндө маселелер болгон үчүн сот бар. Биз соттошууга даярбыз, жапайычылык менен мамиле кылып, дүйнөлүк коомчулуктун эрежелерин тааныбайбыз деп айткан жерибиз жок. Биз өзүбүзгө алган бардык эл аралык милдеттенмелерди аткарабыз", — деп билдирди министр.

Ал ошондой эле "Кумтөр" менен акыркы келишимдер коррупциялык механизмдерди колдонуу менен түзүлгөн деген далилдер бар экендигин белгиледи.

"Кумтөр Голд Компани" боюнча абал

7-май күнү Бишкек шаарынын Октябрь райондук соту "Кумтөр Голд Компани" ишканасын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Президент Садыр Жапаров 14-майда бул мыйзамга кол койгон.

Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан. 11-май күнү УКМК "Кумтөр Голд Компани" ишканасынын жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча, жалпысынан 4,3 миллиард доллар боюнча доо арыз берүү каралган.

Ал эми 17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

225
Белгилер:
сот, маселе, Алмамбет Шыкмаматов, Кумтөр, Кыргызстан
Тема:
"Кумтөргө" 3 миллиард доллар айып салынышы (86)
Тема боюнча
Кумтөр — бул рак! Депутат алтын кенин таптакыр жаап салууну сунуштады
Парламент Кумтөрдү тышкы башкарууга алууга макулдук берди
Кумтор голд компани ишканасынын тышкы башкаруучусу Теңиз Бөлтүрүк. Архив

Бөлтүрүк: Кыргызстан Centerra менен бир гана шартта сүйлөшүүгө макул болот

434
(жаңыланган 18:48 21.06.2021)
"Кумтөр" компаниясынын тышкы башкаруучусу Теңиз Бөлтүрүк кыргыз тарап кайсы учурда канадалык компания менен сүйлөшүүгө макул болорун айтып берди.

БИШКЕК, 21-июн. — Sputnik. Кыргызстан Centerra Gold Inc. компаниясынын жетекчилиги өлкөнү экология жаатында чыгымга учуратканын моюндаганда гана сүйлөшүүлөрдү жүргүзөт. Бул тууралуу "Кумтор голд компани" ишканасынын тышкы башкаруучусу Теңиз Бөлтүрүк билдирди.

"Азырынча компания Кыргызстандын доо арызы менен чыгымын мойнуна ала элек. Мындан улам алардын жетекчилиги менен кандайдыр бир сүйлөшүүлөрдү жүргүзүүгө негиз жок. Мен өкмөт менен президент кандай ойдо экенин билем, бул менин жеке пикирим эмес. Алар акыры бир чечимге келет деген ойдомун. Кыргыз тарап менен мурдагыдай теңсинбей сүйлөшүүгө жол берилбейт. Англисче айтканда, enough is enough (жетишет — ред.). Жетишет, бизди шылдыңдаганды токтотуш керек", — деди Бөлтүрүк.

Тышкы башкаруучу Centerra Кыргызстанды тең укуктуу өнөктөшү катары көрүшү керектигин кошумчалады.

"Мен Скотт Перри (Centerra компаниясынын президенти — ред.) менен директорлор кеңешинин бардык мүчөлөрүнө декабрда дагы, февралда дагы "Мындан ары диалог эмес, монолог болот. Силер биз айткыбыз келген нерсени угасыңар. Мына, комиссиянын чечими бар. Моюндасаңар, иштешебиз. Антпесе өкмөт кандай чечсе ошондой иш алып барабыз. Кенди өзүбүз башкарып, эл үчүн иштей баштайт" деп айткан элем", — деди Бөлтүрүк.

Ал ошондой эле канадалык компания мурдагы мамлекеттик комиссиянын Кумтөрдүн ишмердүүлүгүн изилдөөгө багытталган сунуштарынын бардыгын четке кагып келгенин кошумчалады.

434
Белгилер:
Теңиз Бөлтүрүк, Centerra Gold Inc, кен, Кумтөр, Кыргызстан
Тема:
"Кумтөргө" 3 миллиард доллар айып салынышы (86)
Тема боюнча
Президент Жапаров: "Кумтөрдүн" эсебинен Нарын өнүктүрүү фонду түзүлөт
Мурдагы премьер-министр Өмүрбек Бабанов. Архив

Бабанов абакта машыгып жатабы? УКМК интернетте тараган видео боюнча жооп берди

398
(жаңыланган 13:24 21.06.2021)
УКМК убактылуу кармоочу жай режимдик объект болуп саналгандыктан, анын ичинен сүрөт, видео тартууга болбой турганын айтты.

БИШКЕК, 21-июн. — Sputnik. УКМК Өмүрбек Бабанов атайын кызматтын абагында спорт менен машыгып жатат деген маалыматты төгүндөдү.

Жакында эле соцтармакка Бабановдун машыгып жаткан видеосу тараган. Кадрдан саясатчынын спорт залда экенин, артында атайын машыгуу үчүн жабдуулар турганын көрүүгө болот.

"Убактылуу кармоочу жай режимдик объект болуп саналат. Анын ичинде сүрөт, видео тартууга болбойт. Тараган видео материал фейк", — деп айтылат маалыматта.

Белгилей кетсек, Өмүрбек Бабанов Кумтөр боюнча козголгон кылмыш иштин алкагында кармалып, 2-июнь күнү эки айга УКМКнын тергөө абагына киргизилген.

398
Белгилер:
видео, спорт, машыгуу, УКМК, Өмүрбек Бабанов
Тема:
Өмүрбек Бабановдун камалышы
Тема боюнча
Таласта Бабановдун тарапташтары митингге чыкты. Сүрөт, видео
COVID-19 эмдөө пунктунда адамдар

Өспүрүмдөр COVID-19га каршы эмделиши керек. Себебин адис түшүндүрдү

8
(жаңыланган 10:48 22.06.2021)
Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Ал эми Pfizer вакцинасы 2021-жылдын март айында 12 жаштан жогорку балдарга жарайт деген бүтүм чыккан.

БИШКЕК, 22-июн. — Sputnik. Өспүрүмдөр адатта COVID менен жеңил формада оорушат. Бирок алар дайыма чоңдор менен байланышта болгондуктан, аларга жугузуп салбоо үчүн вакцина алышы керек. Бул тууралуу "Известия" басылмасына BestDoctor аталышындагы медицинаны өнүктүрүү департаментинин жетекчиси Юлия Ткаченко билдирди.

Ошол эле учурда дарыгер балдар коронавирустун жаңы штаммдарын, анын ичинде "индия" штаммын кандай кабыл алары тууралуу маалыматтар жок экенин айтат.

"Өспүрүмдөргө эмдөө эмне үчүн зарыл? Алар инфекция жуктуруу жагынан негизги звено болуп эсептелет. Өздөрү ооруну жеңил көтөргөнү менен ар дайым ата-энеси, чоң ата, чоң апасы же башка жашы өтүп калган туугандарына жуктуруп коюшу мүмкүн", — деди Ткаченко.

Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Дарыгердин айтымында, бул нерсе жаңылык эмес. 2021-жылдын март айында Pfizer вакцинасы 12 жаштан жогорку балдарга жарайт деген бүтүм чыккан. Ал эми AstraZeneca вакцинасы кыйыр таасиринен улам изилдөөгө алынбай токтоп турат.

8
Белгилер:
эмдөө, коронавирус, өспүрүм, вакцина, Россия
Тема:
Дүйнөгө жайылган коронавирус
Тема боюнча
Окумуштуу "индия" штаммынын "куулугун" айтып берди
COVID жуктургандар кайда кайрылат. Бишкектин ооруканаларындагы бош орундар