Биринчи май райондук сотун алдындагы митинг

Колуна кишен салынып... Камалган Бабановду соттон алып чыккан видео

1218
(жаңыланган 18:18 02.06.2021)
Саясатчы мындан эки күн мурун УКМК тарабынан кармалган. Бүгүн эртең менен саат 9:00дө сот залына алып келинген.

БИШКЕК, 2-июн. — Sputnik. Экс-премьер-министр Өмүрбек Бабановдун бөгөт чарасы Биринчи май райондук сотунда тандалып, эки айга тергөө абагына киргизилди.

Ал бүгүн эртең менен саат 9:00дө сот залына алып келинген. Адвокаттары саясатчынын кармалышы боюнча мыйзам бузуу болгонуна даттанышкан. Бирок сот алардын өтүнүчүн четке каккан.

Бабанов УКМК тарабынан 31-май күнү "Кумтөр" боюнча козголгон кылмыш ишинин алкагында кармалган. Ошол эле күнү Жогорку Кеңештин депутаттары Асылбек Жээнбеков менен Төрөбай Зулпукаров кармалып, эки айга камалган. Мындан сырткары, экс-депутаттар Талант Узакбаев менен Исхак Пирматов дагы эки айга тергөө абагына киргизилди.

Бардыгы тең "Кумтөр" иши боюнча коррупцияга шектелүүдө. 

1218
Белгилер:
камоо, чыгаруу, сот, Кумтөр, Өмүрбек Бабанов
Тема:
Өмүрбек Бабановдун камалышы (9)
Тема боюнча
Өмүрбек Бабанов эки айга УКМКнын тергөө абагына киргизилди
Бардыгы абсурд. Өмүрбек Бабанов сотко алып келинген видео
Кумтор голд компани ишканасынын тышкы башкаруучусу Теңиз Бөлтүрүк. Архив

Бөлтүрүк: Кыргызстан Centerra менен бир гана шартта сүйлөшүүгө макул болот

142
(жаңыланган 18:48 21.06.2021)
"Кумтөр" компаниясынын тышкы башкаруучусу Теңиз Бөлтүрүк кыргыз тарап кайсы учурда канадалык компания менен сүйлөшүүгө макул болорун айтып берди.

БИШКЕК, 21-июн. — Sputnik. Кыргызстан Centerra Gold Inc. компаниясынын жетекчилиги өлкөнү экология жаатында чыгымга учуратканын моюндаганда гана сүйлөшүүлөрдү жүргүзөт. Бул тууралуу "Кумтор голд компани" ишканасынын тышкы башкаруучусу Теңиз Бөлтүрүк билдирди.

"Азырынча компания Кыргызстандын доо арызы менен чыгымын мойнуна ала элек. Мындан улам алардын жетекчилиги менен кандайдыр бир сүйлөшүүлөрдү жүргүзүүгө негиз жок. Мен өкмөт менен президент кандай ойдо экенин билем, бул менин жеке пикирим эмес. Алар акыры бир чечимге келет деген ойдомун. Кыргыз тарап менен мурдагыдай теңсинбей сүйлөшүүгө жол берилбейт. Англисче айтканда, enough is enough (жетишет — ред.). Жетишет, бизди шылдыңдаганды токтотуш керек", — деди Бөлтүрүк.

Тышкы башкаруучу Centerra Кыргызстанды тең укуктуу өнөктөшү катары көрүшү керектигин кошумчалады.

"Мен Скотт Перри (Centerra компаниясынын президенти — ред.) менен директорлор кеңешинин бардык мүчөлөрүнө декабрда дагы, февралда дагы "Мындан ары диалог эмес, монолог болот. Силер биз айткыбыз келген нерсени угасыңар. Мына, комиссиянын чечими бар. Моюндасаңар, иштешебиз. Антпесе өкмөт кандай чечсе ошондой иш алып барабыз. Кенди өзүбүз башкарып, эл үчүн иштей баштайт" деп айткан элем", — деди Бөлтүрүк.

Ал ошондой эле канадалык компания мурдагы мамлекеттик комиссиянын Кумтөрдүн ишмердүүлүгүн изилдөөгө багытталган сунуштарынын бардыгын четке кагып келгенин кошумчалады.

142
Белгилер:
Теңиз Бөлтүрүк, Centerra Gold Inc, кен, Кумтөр, Кыргызстан
Тема:
"Кумтөргө" 3 миллиард доллар айып салынышы
Тема боюнча
Президент Жапаров: "Кумтөрдүн" эсебинен Нарын өнүктүрүү фонду түзүлөт
Мурдагы премьер-министр Өмүрбек Бабанов. Архив

Бабанов абакта машыгып жатабы? УКМК интернетте тараган видео боюнча жооп берди

375
(жаңыланган 13:24 21.06.2021)
УКМК убактылуу кармоочу жай режимдик объект болуп саналгандыктан, анын ичинен сүрөт, видео тартууга болбой турганын айтты.

БИШКЕК, 21-июн. — Sputnik. УКМК Өмүрбек Бабанов атайын кызматтын абагында спорт менен машыгып жатат деген маалыматты төгүндөдү.

Жакында эле соцтармакка Бабановдун машыгып жаткан видеосу тараган. Кадрдан саясатчынын спорт залда экенин, артында атайын машыгуу үчүн жабдуулар турганын көрүүгө болот.

"Убактылуу кармоочу жай режимдик объект болуп саналат. Анын ичинде сүрөт, видео тартууга болбойт. Тараган видео материал фейк", — деп айтылат маалыматта.

Белгилей кетсек, Өмүрбек Бабанов Кумтөр боюнча козголгон кылмыш иштин алкагында кармалып, 2-июнь күнү эки айга УКМКнын тергөө абагына киргизилген.

375
Белгилер:
видео, спорт, машыгуу, УКМК, Өмүрбек Бабанов
Тема:
Өмүрбек Бабановдун камалышы (9)
Тема боюнча
Таласта Бабановдун тарапташтары митингге чыкты. Сүрөт, видео
Автоунаалар Бишкек - ​​Ош трассасында бара жатат

Шейшембиге карата аба ырайы

0
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

0
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы