Чек ара. Архив

Кыргызстан Тажикстандын "Унжу-Булак" боюнча билдирүүсүнө жооп кайтарды

3234
(жаңыланган 20:03 04.06.2021)
Маалыматта Кыргызстан менен Тажикстан ортосунда аталган участоктун такталышы тууралуу тийиштүү келишимге кол коюлбаганы белгиленди.

БИШКЕК, 4-июн. — Sputnik. Кыргызстандын министрлер кабинетинин чек ара маселеси боюнча атайын өкүлчүлүгү тажик тараптын Ош облусунун Чоң-Алай районундагы "Унжу-Булак" участогуна байланыштуу маалыматы боюнча билдирүү таратты.

"2002-жылдан тарта Кыргызстан менен Тажикстандын өкмөттүк делегациялары тарабынан кыргыз-тажик мамлекеттик чек арасын делимитациялоо жана демаркациялоо боюнча биргелешкен иш жүргүзүлүүдө, учурда ал иш процесси жыйынтыктала элек. Буга байланыштуу "Унжу-Булак" участогу такталып бүткөн деген маалымат чындыкка дал келбейт", — дешти өкмөттөн.

Маалыматта Кыргызстан менен Тажикстан ортосунда аталган участоктун такталышы тууралуу тийиштүү келишимге кол коюлбаганы белгиленди.

"Мунун өзү кыргыз-тажик мамлекеттик чек арасын юридикалык жактан тариздөө жыйынтыктала электигин билдирет, натыйжада, аталган участокту Тажикстан тарабынан макулдашуусуз ар кандай конструкцияларды жана контейнерлерди орнотуу аркылуу өздөштүрүү аракеттери коңшулук жана достук мамилелерге дал келбейт жана мындан ары чек арага чектеш аймактардагы абалдын курчушуна алып келиши мүмкүн", — деп айтылат өкмөттүн маалыматында.

Белгилей кетсек, 4-июнга караган түнү саат 03:00дөр чамасында тажик тарап Чоң-Алай районундагы Унжу-Булак аймагындагы такталбаган жерге 1000 метрге чейин кирип келип, контейнер коё баштаган. Ошол эле учурда тажик аскерлери автоунаа жана жеңил брондолгон техникалары менен топтолгону байкалган.

Кыргыз өкмөтү муну менен буга чейин жетишилген кыргыз-тажик чек арасын делимитациялоо жана демаркациялоо иштери боюнча өкмөттөр аралык делегациянын келишими бузулганын белгиледи.

Бирок Тажикстандын ТИМи аскердик наряд Тажикстандын өзүнүн аймагында, буга чейин такталган, эки тараптын биргелешкен протоколу менен макулдашылган жеринде турганын билдирүүдө.

3234
Белгилер:
чек ара, Тажикстан, Кыргызстан
Тема:
Баткендеги кыргыз-тажик жаңжалы (299)
Тема боюнча
Контейнерди бузуп, аскерлерди артка тарткыла! ТИМ тажик элчисине нота тапшырды
Наряд өз аймагында турат. Тажикстан дагы Кыргызстандын элчисине нота тапшырды
Президент Садыр Жапаров

Садыр Жапаров июндун соңу менен Тажикстанга барат

92
(жаңыланган 13:04 24.06.2021)
Ведомство иш-чараны чагылдыра турган жергиликтүү жана эл аралык ЖМК өкүлдөрүн аккредитациядан өтүүгө чакырган.

БИШКЕК, 24-июн. — Sputnik. Ушул жылдын 28-29-июнь күндөрү президент Садыр Жапаровдун Тажикстанга расмий сапар менен барары күтүлүп жатат. Бул тууралуу коңшу өлкөнүн Тышкы иштер министрлиги кабарлады.

Ведомство иш-чараны чагылдыра турган жергиликтүү жана эл аралык ЖМК өкүлдөрүн аккредитациядан өтүүгө чакырган.

Иш сапар тууралуу КР президентинин администрациясы менен ТИМи азырынча маалымат бере элек.

92
Белгилер:
Тышкы иштер министрлиги, расмий сапар, Тажикстан, Садыр Жапаров
Тема боюнча
Алдап жүргөн. Жапаров энергетика министрин иштен кетирген себебин айтты
Жапаров бизнесмен Баляндын иши боюнча айтып берди

Россиянын аскер учагы Кара деңизде британиялык кемени кантип токтотту. Видео

339
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

339
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?

Саясатташкан айбанаттар. Желек "уурдаган" токой жаныбарынын видеосу

0
Кадимки эле кемчеттин паркка сайып койгон желектин таяктарын түбү менен сууруп алып, шашып, күч менен сүйрөп бараткан учуру интернетке тарады.

"National Geographic Россия" сайтынын маалыматына караганда, канадалык сүрөтчү Майк Дигаут паркка желекти сайып коюп, ага келген кемчетти видеого тартууну көздөгөн. Бирок маалыматта анын планы эки эсе майнаптуу болуп, жаныбар "саясатташып кетип" ал тургай желекти ийинин көздөй сүйрөп жөнөгөн.

Видеодогу каарманды аты Spud (Картофелина) жана бир жашта экени айтылды.

Кадрдан анын басып келип, жыгачка сайылган желекти айландыра карап, андан соң эки буттап тура калып, жетүүгө аракет кылганын көрүүгө болот. Анысы майнаптуу болбогондон кийин сайылып турган таякты жулууга тырмышып жатып, тиштегилеп да жиберип, акыры максатына жеткен.

Анын желек байланган таяктардын бирин тиштеп алып чуркап кетүүгө аракет кылып жаткан жеринен видео бүтүп калган.

"Spud —жергиликтүү сүрөтчүлөрдүн сүймөнчүгү, кишилерден коркпойт жана паркта пайда болгон жаңы объектилерди кызыгуу менен карап чыгат", — деп жазылган сайтта.

Анын адамдардан чочубаганы сүрөтчүлөрдүн кызыктуу ирмемдерди кармашына жакшы мүмкүнчүлүк түзүп берери да айтылган.

0
Белгилер:
желек, видео, Канада
Тема боюнча
Кескелдирикти кебелбей жутуп койгон кобранын видеосу
Илбирс камераны аз жерден чайнап кое жаздады. Видео