Жогорку соттун залы. Архив

Жапаров Бишкекке жана аймактар боюнча 10 судьяны дайындады

224
(жаңыланган 22:00 07.06.2021)
Судьяларды тандоо боюнча кеңеш судьялык ыйгарым укуктарынын мөөнөттөрү аяктагандыгына байланыштуу аймактар боюнча сегиз, Бишкектен эки талапкерди сунуштаган.

БИШКЕК, 7-июн. — Sputnik. Президент Садыр Жапаров 10 судьяны кызмат ордуна дайындады. Бул тууралуу өлкө башчынын маалымат кызматынан кабарлады.

Судьяларды тандоо боюнча кеңеш тарабынан Жапаровдун дарегине судьялык ыйгарым укуктарынын мөөнөттөрү аяктагандыгына байланыштуу сегиз талапкер боюнча сунуш жиберилген. Алар Ош, Жалал-Абад, Ысык-Көл, Нарын облустары боюнча көрсөтүлгөн. Дагы эки талапкер Бишкек шаарынын Ленин жана Свердлов райондук сотторуна сунушталган.

Дайындалгандар:

  • Замирбек Атаев, Заурбек Жунусов — Ош облустук соту;
  • Бакыт Калыков, Бактыбек Султанканов — Жалал-Абад облустук соту;
  • Гүлбара Кудабаева — Ысык-Көл облустук соту;
  • Майрагүл Дүйшөнбекова — Нарын облустук соту.

Бишкек:

  • Салтанат Бектемирова, Анара Өмүралиева — Бишкек шаардык соту;
  • Самат Каипов — Ленин райондук соту;
  • Чолпон Назирдинова — Свердлов райондук соту.
224
Белгилер:
дайындоо, Садыр Жапаров, судья, Кыргызстан
Тема боюнча
Зулушевге генерал-лейтенант наамына барабар болгон чин ыйгарылды
Бакиевдин үй-бүлөсүн соттогон. Жапаров көрсөткөн мас судья тууралуу 6 факты

Камалып кетесиңер! Ара жолдо калган ишкерди колдогон Жапаровдун видеосу

117
(жаңыланган 13:28 25.06.2021)
Апта ортосунда президент Садыр Жапаров ар кыл тармакта өз ишмердүүлүгүн жүргүзгөн ата мекендик ишкерлер менен жолугуп, алардын көйгөйүн угуп, суроолоруна жооп берди.

Жолугушууда өлкө башчысы бизнес өкүлдөрүнө шарт түзүп берүүгө, бюрократиялык тоскоолдуктарды жоюуга, мыйзамдарды өзгөртүп, инвестициялык климатта жакшыртууга кызыкдар экендигин билдирди.

Иш-чарада президент Ысык-Көл облусунда мындан үч жыл мурун эки кичи ГЭС курган жеке ишкер Рахатбек Ирсалиевдин суроосуна жооп берип жатып, анын маселесин чечпеген министр кызматынан кол жууганын айтты. Муну менен бирге башка мамлекеттик кызматкерлерге дагы катуу эскертүү берди.

"Рахатбек Ирсалиев үч жылда чакан ГЭСтен үчтү салган. Бирок андан өндүрүлгөн электр энергиясын мамлекет сатып албай, электр түйүнүнө кошпой келген. Анан айла жогунан ал биткоиндерди коюп алып иштеп келгенин билчүмүн. Мен кызматка келип эле министрге "келишим түз, булардан 2 сом 90 тыйындан сатып алалы" деп айткам. Ошол кезде импорттолгон электр энергиясы 2 сом 90 тыйын эле. Азыр 2 сом 70 тыйындан келишим түзүп жатабыз. Бир-эки ай өткөндөн кийин сурасам "келишим түзүлдү, чакан ГЭСтер менен маселе чечилди" деген. Ошол бойдон чечилди го деп жүргөм. Өткөндө, мындан 15 күн, бир ай мурун сизге чалып "маселе чечилген беле" десем "жок" дедиңиз. Мен кайра мурдагы министрге "эмнеге чечкен жоксуңар, мага чечилди деп маалымат бербедиңер беле" десем, "чечилген" деп дагы калп айтты. Мына, министрдин алмашканынын бир себеби ушул болду. Эми мындан ары саботаж кылып буйрук, мыйзамдарды аткарбай, бюрократия менен алектенсеңер жөн эле кызматтан кетпейсиңер, камалып кетесиңер", — деген Жапаров.

Ирсалиев 2018-жылы 730 миллион сомго Тоң районуна эки кичи ГЭС курган. Ишкердин ал гидроэлектростанциялары өндүргөн электр кубатын мамлекет сатып албай коюп, анын барбаган жери, какпаган эшиги калган эмес.

"Мен курган эки ГЭС үчүн мамлекеттик банктан алган насыямдын үстөк пайызы 2018-жылдан 2020-жылга чейин 500 миң долларды түзүп кетти. Бүгүнкү маалда мен аны төлөөгө аргасыз болуп жатам. Ошол себептен "Энергиянын кайра жаралуучу булактары жөнүндө" мыйзамга өзгөртүүлөрдү токтоосуз киргизүү керек", — деди Ирсалиев.

Бир нече жылдан бери чечилбей келе жаткан маселени президент Энергетика жана өнөр жай министрлигине эки күндө чечүү тапшырмасын берген.

Эске салсак, мурдагы энергетика жана өнөр жай министри Кубанычбек Турдубаев ээлеген ордунан 8-июнь күнү бошотулган. Аталган кызматка ал ушул жылдын февраль айында келген. Эми бул министрликти Доскул Бекмурзаев башкарып жатат.

117
Белгилер:
ишкер, энергетика, Садыр Жапаров, Кыргызстан
Тема боюнча
Президент: салык менен соцтөлөмдү азайткан мыйзам иштеп чыгууну тапшырдым
Бизнеске кысым болууда! Садыр Жапаров экономиканы өнүктүрүүнүн жолдорун айтты
Шайлоо участогундагы добуш берүүчү кабина. Архив

АШК Бишкек шаардык кеңешине аттанган үч партия, бир талапкерге эскертүү берди

43
(жаңыланган 12:48 25.06.2021)
Шайлоо алдындагы үгүт өнөктүгүн көзөмөлдөө боюнча жумушчу топ түшкөн арыздарды, социалдык тармактарга чыккан постторду караган.

БИШКЕК, 25-июн. — Sputnik. Бишкек аймактык шайлоо комиссиясы үч саясий партияга жана бир талапкерге оозеки эскертүү берди. Бул туурасында БШКнын маалымат кызматы билдирди.

Бишкек АШКнын шайлоо алдындагы үгүт өнөктүгүн көзөмөлдөө боюнча жумушчу топ түшкөн арыздарды, социалдык тармактарга чыккан постторду караган.

Анын натыйжасында үгүт иштерин мөөнөтүнөн мурда баштап жибергени үчүн "Ата-Журт Кыргызстан" партиясынан талапкер Кубанычбек Конгантиевге эскертүү берүү чечимин кабыл алган. Ал эми үгүт эрежелерин бузгандыгы үчүн "Ишеним", "Реформа" жана "Столица" партияларына да оозеки эскертүү берилген.

Белгилей кетсек, Бишкек шаардык кеңешинин депутаттарын кайра шайлоого 17 партия талапкерлигин көрсөткөн. Добуш берүү күнү 11-июлга белгиленген.

43
Белгилер:
эскертүү, үгүт, шайлоо, Бишкек
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Бишкек, Ош жана Токмоктогу шайлоо кайра жылабы. Расмий органдардын жообу

Коомдук транспортто, соода түйүндөрүндө бет кап тагынып жатасызбы?

0
(жаңыланган 16:05 25.06.2021)
0