Россия президенти Владимир Путин АКШнын лидери Жо Байден менен Женевада жолугушуу учрунда

Путин: Байден “жан алгыч” деп эмнеге айтканын түшүндүргөн

381
(жаңыланган 23:25 16.06.2021)
Ушул жылдын 17-мартында Байден ABC News каналында маек куруп жатып “Путин шайлоого кийлигишкени үчүн жооп берерин" айтып, кыйыр түрдө аны "жан алгыч" деп атаган.

БИШКЕК, 16-июн. — Sputnik. Россия президенти Владимир Путин АКШлык кесиптеши Жо Байден "жан алгыч" деген сөзү боюнча түшүндүрүп бергенин айтты. Бул тууралуу ал Женевадагы жолугушуудан кийин журналисттердин суроолоруна жооп берип жатып билдирди.

Россия лидеринин айтымында, мындай айыптоодон кийин АКШ президенти ага телефон чалган.

"Бул билдирүү боюнча баарыбызга белгилүү, эмне айтайын? Бул сөздү айткандан кийин мага АКШ лидери телефон чалып түшүндүргөн. Анын айткандары менин купулума толгон”, — деди Путин.

“Жан алгыч” деген сөздү айтып жатып, Россия президенти АКШда күн сайын кимдир бирөөлөр өлтүрүлүп жатканын эске салды.

"Жүздөгөн кишилерди бир эле сокку менен өлтүрүшкөн, Афганистанда дагы", — деди ал.

Эске салсак, ушул жылдын 17-мартында Байден ABC News каналына маек куруп жатып “Путин шайлоого кийлигишкени үчүн жооп берерин" айтып, кыйыр түрдө аны "жан алгыч" деп атаган.

381
Белгилер:
түшүндүрмө, Жо Байден, Владимир Путин, Россия
Тема боюнча
Путин Байден менен жолугушуусу кандай өткөнүн айтып берди
Өзөктүк согушта жеңүүчү болбойт! Путин менен Байдендин биргелешкен билдирүүсү
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1417
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1417
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады
Бишкектеги Жогорку Кеңештин имараты. Архив

ЖК депутаттары кезексиз жыйындарын аяктап, каникулга тарады

35
(жаңыланган 22:05 29.07.2021)
Эс алуу 1-сентябрга чейин уланат. Эл өкүлдөрү төраганын чакыруусу менен 5-июлдан бери кезексиз жыйында отурушкан.

БИШКЕК, 29-июл. — Sputnik. Жогорку Кеңештин депутаттары кезексиз жыйындарын аяктап, каникулга тарады.

Эс алуу 1-сентябрга чейин уланат.

Белгилей кетсек, регламент боюнча парламентарийлер июнь айынын аягында каникулга тараган. Бирок төрага Талант Мамытов Кыргызстандагы пандемияга байланыштуу оор кырдаалды эске алып, эмгек өргүүгө чыкпастан, колдонуудагы мыйзамдарды Конституцияга шайкеш келтирүү максатында жаңы мыйзамдарды кабыл алуу зарыл экенин белгилеп, бир айлык мөөнөткө кезексиз жыйынга чакырган.

35
Белгилер:
депутат, каникул, кезексиз жыйын, парламент
Тема боюнча
Качып, жалтактап... Жапаровдун сый тамагына бараткан депутаттардын видеосу
Каникулда жүрүп 200-300 миң сом акча алышат. Депутаттар тууралуу пост
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео