Россия президенти Владимир Путин АКШнын лидери Жо Байден менен Женевада жолугушуу учрунда

Көп маселеге мелженген так дискуссия. Ак үй Путин Байден саммитине баа берди

142
(жаңыланган 11:23 17.06.2021)
Путин менен Байдендин биринчи жолугушуусу шаршемби күнү Женева шаарында болуп, ал танаписти эске алганда 4,5 саатка созулду.

БИШКЕК, 17-июн. — Sputnik. Россия менен АКШнын президенттери Владимир Путин жана Жо Байдендин Женевадагы саммити эрте аяктап, бир топ маселелер талкууланды. Бул тууралуу РИА Новости америка лидеринин администрациясындагы жогорку кызматтагы аткаминер учактын бортунда журналисттерге айтып бергенин жазды.

"Негизи алар сүйлөшүүсүн мурда айтылган мөөнөттөн эрте бүтүрүштү. Белгиленген кээ бир танапистерге чыккан жокпуз. Бирок президент (АКШ) алар бир топ маселелерди 1+1 форматында талкуулагандыгын билдирди", — деген аткаминер.

Ал эки президенттин сүйлөшүүсүн "так, эптүү, иштиктүү жана конфронтациясыз" деп атаган.

"Жыйынтыгында алар мурда даярдалган тексттерди окуп, жөн гана монолог айтышкан жок. Бул иштиктүү, бир топ маселелерге мелженген так дискуссия болду", — деп кошумчалаган Ак үйдүн өкүлү.

Ал АКШ тарабынан Россия жана Штаттардагы кибер чабуул жасоого "ылайыксыз" 16 сектордун тизмеси айтылганын билдирди. Ага химиялык, байланыш тармактары, дамбалар, аскердик өнөр жай комплекстери, ыкчам кызматтар, энергетика, финансылык кызмат көрсөтүү багыты, азык-түлүк чыгаруу өнөр жайы жана айыл чарбасы кирген.

Аткаминер, мындан сырткары, Байден менен Путин Украина кризисин ордунан жылдыруу, чечүү мүмкүндүгүн талкуулаганын, аны менен бирге эки өлкөнүн дипломатиялык миссияларынын чакырыктарын караштырууну макулдашканын айтты.

"Бул тармактардагы кызматташуу өзүнүн майнабын чын эле берер-бербесин көрүү үчүн убакыт керек. Биз али билбейбиз, бирок бул божомолдорду азыр текшерип тура алабыз", — деп сөзүн аяктаган Ак үй өкүлү.

Путин менен Байдендин биринчи жолугушуусу шаршемби күнү Женева шаарында болуп, ал танаписти эске алганда 4,5 саатка созулду. Сүйлөшүүлөрдүн жыйынтыгы боюнча россиялык лидер АКШ президенти менен ведомстволор аралык деңгээлде стратегиялык туруктуулук жаатында сүйлөшүүлөрдү баштоо боюнча сөз бекиткендигин айтты. Анын билдиргенине караганда, эки тарап тең дүйнөдөгү стабилдүүлүк үчүн чоң жоопкер тараптардан экендигин сезип, билип турушат.

Мындан сырткары, президенттер биргелешкен билдирүү кабыл алышты. Анда Москва менен Вашингтондун өзөктүк курал согушунда жеңүүчү болбойт жана ал эч качан башталбашы керек деген принципти карманары айтылган. Бул принцип 1985-жылы СССР менен АКШнын лидерлеринин дал ушул Женевадагы жолугушуусунда да белгиленген эле.

142
Белгилер:
Россия, АКШ, Женева, Владимир Путин, Жо Байден, саммит
Тема боюнча
Россия менен АКШ лидерлери бири-бирине эмне белек бергени айтылды
Путин менен Байден RT жана Sputnik радиосунун ишин талкуулады
Аткаминерлер. Архив

Бишкектин мэринин милдетин аткаруучу өзүнө кеңешчи жана аппарат башчысын дайындады

18
(жаңыланган 21:36 04.08.2021)
Жаңы дайындалган аппарат жетекчи буга чейин өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциянын директору болуп иштеген.

БИШКЕК, 4-авг. — Sputnik. Бишкек мэриясында кадрдык өзгөрүүлөр болуп, эки кызматка жаңы адамдар келди.

Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды. Буга чейин ал өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциянын директору болуп иштеген. Аппараттын жаңы башчысы Талас облусунун тургуну.

Директор Государственной инспекции по экологической и технической безопасности при Правительстве Кыргызской Республики (ГИЭТБ) Мырзабек Жыпаркулов во время визита к президенту. 12 июня 2020 года
© Пресс-служба президента КР / Султан Досалиев
Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды

Ал эми Бишкек шаарынын мэринин кеңешчиси болуп Азамат Абсаттаров дайындалды. Буга чейин ал Ош шаарынын мэринин маалымат катчысы эле.

Тиешелүү буйруктарга борбор калаанын мэринин милдетин аткаруучу Таалайбек Сарыбашов кол койгон.

18
Белгилер:
Бишкек, мэр, кеңешчи, аппарат, жетекчи, дайындоо
Тема боюнча
Сарыбашов ишке киришери менен Бишкек мэриясында иштеген уулун жумуштан алды
Бактыбек Кудайбергенов президенттин иш башкаруучусу болду
Экс-депутат Талант Узакбаев. Архив

Экс-депутат Узакбаев Кумтөр иши боюнча күнөөлүү деп табылды. Камакта калабы?

88
(жаңыланган 17:29 04.08.2021)
Талант Узакбаев "Кумтөр" долбоорун ишке ашырууда коррупцияга шектелип май айынын аягында кармалып, эки айга камалган.

БИШКЕК, 4-авг. — Sputnik. Бишкектеги Биринчи май райондук соту экс-депутат Талант Узакбаевди Кумтөр иши боюнча күнөөлүү деп тапты. Бул тууралуу аталган соттун маалымат кызматы кабарлады.

Эске салсак, Талант Узакбаев "Кумтөр" долбоорун ишке ашырууда коррупцияга шектелип кармалып, кийин УКМКнын тергөө абагына киргизилген.

"Экс-депутат Биринчи май райондук соту тарабынан Кылмыш-жаза кодексинин 319-беренесинин 2-бөлүгү ("Коррупция") боюнча күнөөлүү деп табылды. Ушул эле Кодекстин 80-беренесинин 3-бөлүгү боюнча аны айыпка жыккан. Ага ылайык, экс-депутат мамлекетке 300 000 миң сом айып төлөшү керек", — деп жазылат билдирмеде.

Маалым болгондой, мындай өкүм күчүнө киргенден кийин тергөө абагында отурган Талант Узакбаев эркиндикке чыгат. Өкүмгө макул болбогон тарап 30 күндүн аралыгында Бишкек шаардык сотуна кайрылууга укуктуу.

Белгилей кетсек, Кумтөр маселеси боюнча өлкөдө бир нече аткаминер кармалды. Кечээ дал ушул иш боюнча мурдагы премьер-министр Темир Сариев колго түшүрүлгөн.

88
Белгилер:
Талант Узакбаев, Кумтөр, коррупция, сот, айып
Тема боюнча
УКМК: экс-премьер-министр Темир Сариев кармалды
"Кумтөр" кимдерди ала жатат. Ташиев Акаев, Бакиев баш болгон бир топ ысымдарды атады

Бир секиргенде илип кетти. Төрт жаштагы жолборстун видеосу

0
Эгерде зарылдык жаралса, жолборстор өзүнүн узундугунан эки эсе ашык болгон бийик тоскоолду жеңип өткөнгө жөндөмдүү. АКШнын Оклахома-Сити штатынын аймагындагы зоопарктагы жолборс бийиктикке секирүү жагынан көптөрдү таң калтырды.

"National Geographic Россия" сайтынын жазганына караганда, Густи аттуу бул жырткыч учурда төрт жашта. Ал аталган зоопаркта жашап жаткан суматра тукумундагы жолборстордун экинчи мууну.

Кадрдан калың түркүктүн башына коюлган тамакты алыш үчүн кадыресе эле чоң жолборстун күчүнүн болушунча секирип, акыры алып түшкөнүн көрүүгө болот. Жырткыч секирип эле кайра жерге түшпөстөн, жыгачтын чокусундагы тамакты илип кеткенге үлгүргөнү даана тартылып калган.

Жапайы жаратылышта бул тукумдагы жолборстор 15-20 жыл, ал эми зоопаркта 25 жылга чейин жашайт. Видеодогу Густи азыр күчкө толуп турган кези. Суматра тукумундагы жолборстор азыр жоголуп бара жаткан жаныбарлардын катарына кирет. Сайт алардын Индонезиянын токойлорунда 500дөйү гана калганын жазды.

0
Белгилер:
жолборс, зоопарк, тамак, видео
Тема боюнча
Баткак соруп бараткан пилди адамдар куткарып калды. Окуянын сүрөт, видеосу
Тап берип, сүр көрсөтүп. Буйволдун кабыландын баласын коргогон видеосу