Мурдагы биринчи вице-премьер-министр Тайыр Сарпашев. Архив

УКМК мурдагы биринчи вице-премьер Тайыр Сарпашевди кармады

450
(жаңыланган 11:12 18.06.2021)
Ушу тапта Кумтөр кениндеги ишмердүүлүк боюнча козголгон кылмыш ишти иликтөө уланып жатканы айтылды.

БИШКЕК, 18-июн. — Sputnik. Кумтөр иши боюнча мурдагы биринчи вице-премьер-министр Тайыр Сарпашев кармалды. Бул тууралуу УКМКнын маалымат кызматынан билдиришти.

Комитеттен билдиришкендей, ведомстволор аралык тергөө тобу Кумтөр кенин иштетүү боюнча долбоорду ишке ашыруунун ар кандай баскычтарында коррупциялык фактылар боюнча кылмыш иштерин иликтөө уланууда.

"Сотко чейинки өндүрүштө мурдагы биринчи вице-премьер Тайыр Сарпашевдин өлкөнүн жогорку саясий жетекчилигинде иштеп жатып канадалык Centerra Gold Inc. компаниясынын өкүлдөрү менен жең ичинен сүйлөшүүлөрдү жүргүзгөнү аныкталды. Муну менен катар Кумтөр кенинде жайгашкан мөңгүлөрдүн экологиялык коопсуздугуна зыян келтирип, аталган компаниянын кызыкчылыгын ишке ашырууга багытталган кылмыштуу иш-аракеттери болгон", — деп айтылат билдирүүдө.

Ошондой эле Сарпашев өкмөттөгү жооптуу кызматтарды ээлөө менен мөңгүлөрдүн сакталышын камсыз кыла турган мыйзам долбоорун иштеп чыгууга жана кабыл алууга тоскоолдук кылганы айтылат.

УКМКнын төрагасы Камчыбек Ташиев. Архив
© Фото / Пресс-служба правительства/ Алишер Алиев
"Ал кылмыштуу сүйлөшүүлөрдү жүргүзүп, "Кумтөр Голд Компани" ЖАКына мөңгүлөрдү иштетүүгө мүмкүнчүлүк берүүгө, Кумтөр кенинде жайгашкан "Лысый" жана "Давыдов" мөңгүлөрүнүн талкаланышына алып келе турган Суу кодексине өзгөртүү киргизүү үчүн өлкөнүн парламентинин кароосуна киргизген", — дешти УКМКдан.

Мындан улам Сарпашев кечээ, 17-июнь күнү, Кылмыш-жаза кодексинин 319-беренесинин 2-бөлүмү ("Коррупция") боюнча кылмышка шектүү делип кармалды.

Эми Бишкек шаарынын Биринчи май райондук соту баш коргоо чарасын карайт. 

450
Белгилер:
Тайырбек Сарпашев, Кумтөр, УКМК, кармоо
Тема:
"Кумтөргө" 3 миллиард доллар айып салынышы (100)
Тема боюнча
УКМК: Динара Молдошева Кумтөр иши боюнча шектелүүдө
Данияр Нарымбаев менен Алмазбек Баатырбеков камакка алынды
Мурдагы премьер-министр Сапар Исаков. Архив

Сапар Исаковго издөө жарыяланды. ШИИБ Инандыга паспорт берүү ишин тергеп бүттү

232
(жаңыланган 19:30 18.09.2021)
Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелер ("Коррупция") менен жүргүзүлгөн.

БИШКЕК, 18-сен. — Sputnik. Бишкек шаардык милициясы Сапат лицейлер мектебинин президенти Орхан Инанды жана Түркияда туулган он адамга кыргыз паспортун берүү фактысы боюнча тергөөнүн чоо-жайы тууралуу маалымат берди.

Кечээ аталган кылмыш иши боюнча абактагы мурдагы президент Алмазбек Атамбаевге дагы шектүү катары кабарлама тапшырылган.

Сотко чейинки өндүрүш 320 ("Кызмат абалынан кыянаттык менен пайдалануу") жана 319-беренелери ("Коррупция") менен жүргүзүлгөн.

Тергөөнүн версиясы боюнча, Кыргызстандын жарандыгын алуу үчүн документтер жасалмаланып, бардык бланктар мыйзамды одоно бузуу менен толтурулган. Кыргызстандан башка аймакта жүргөн Түркиянын үч жараны жадагалса өлкөнүн чек арасына кирген да эмес, жетөө КРге келип паспортторун алып кайра чыгып кеткен.

"10 түрк жараны андан мурда Түркияда террордук уюм катары таанылган FETO гүлендик кыймылынын мүчөлөрүнүн тизмесине киргизилген. Өлкөнүн жогорку кызмат адамдары документтерге кол коюп, аларга Кыргызстандын жарандыгын берүү процессин тездетүү боюнча мыйзамсыз көрсөтмө берген", — деп билдирди ШИИБ.

Бул кылмышка шектелип жатканы туурасында мурдагы премьер Сапар Исаковго, президенттин кеңешчиси Фарид Ниязовго, экс-вице-премьер Тайырбек Сарпашевге, УКМКнын мурдагы башчысы Бусурманкул Табалдиевге, Калктын жарандык абалынын актыларын жана калкты каттоо департаментинин экс-директору Дүйшөн Сатыбалдиевге, Мухаббат Пратовага, Г. М. Бердигуловага, Э.М. Апиловго кабарлама берилген.

Исаков менен Табалдиевге мамлекеттер аралык издөө жарыяланды.

ШИИБ Атамбаевге 15-сентябрда 319-берене ("Коррупция") боюнча шектүү катары кабарлама тапшырылып, 16-сентябрда айыптоо актысы чыгарылганын белгиледи. Тергөөнүн материалдары Биринчи май райондук сотуна жөнөтүлдү.

232
Белгилер:
Орхан Инанды, Түркия, жарандык, кылмыш иши
Тема:
Орхан Инандынын Бишкекте жоголушу
Тема боюнча
Түркиялыктарга мыйзамсыз жарандык берүү: дагы бир кызматкер камакка алынды
Жогорку Кеңештин экс-депутаты Руслан Чойбеков. Архив

300 миң доллар пара алды делген экс-депутаттын баш коргоо чарасы каралды

74
(жаңыланган 19:31 18.09.2021)
Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү боюнча өндүрүш ачылган

БИШКЕК, 18-сен. — Sputnik. Былтыркы парламенттик шайлоодо депутаттык мандат убадалап, пара алды деген шек менен кармалган "Кыргызстан" партиясынын мүчөсү, Ч.Р. аттуу экс-депутаттын баш коргоо чарасы каралды. Бул тууралуу УКМКнын маалымат кызматы билдирди.

"Биринчи май райондук соту аны тергөө аяктаганга чейин убактылуу кармоо жайына калтыруу өкүмүн чыгарды", — деп айтылат билдирүүдө.

Эске салсак, Ч.Р. 2020-жылкы парламенттик шайлоодогу коррупциялык иштер боюнча шектелип кармалган. Ал Жогорку Кеңештин депутаты мандатын убадалап 300 миң доллар алганы айтылган.

Тергөө иштеринин жана алынган далилдердин натыйжасында 16-сентябрда Жазык кодексинин 204-беренесинин 3-бөлүгү ("Алдамчылык, өзгөчө ири өлчөмдө жасалган жосун") боюнча өндүрүш ачылган.

Кармалган Ч.Р. аттуу экс-депутаттын инициалы өткөн жылдын июнь айында мандатын тапшырган "Кыргызстан" партиясынын мүчөсү Руслан Чойбековдун аты-жөнү менен дал келүүдө.

Баса, ушул эле ишке тиешеси бар деген шек менен бүгүн Бишкек шаарынын Свердлов районунун мурдагы акими, азыр Нарын шаарынын мэри Б. С. кармалды.

 

74
Белгилер:
УКМК, депутат, мандат, коррупция
Тема боюнча
Нарындын мэри шайлоодогу коррупциялык иштерге шектелип кармалды
Тамеки чегип жаткан кыз. Архив

Көрбөй, укпай каласың! Министрлик тамекинин зыянын эскертти

0
Тамекинин ар кандай таасиринен улам сокур болуп калуу кооптуулугу да бар. Көрүүнү калыбына келтирүүгө операция талап кылынат.

БИШКЕК, 19-сен. — Sputnik. Саламаттык сактоо министрлиги тамеки чеккен адамдардын көрүүсү жана угуусу начарлай турганын эскертти.

Маалыматка караганда, тамеки чегүү көздүн көптөгөн ооруларын пайда кылат. Эгер убагында дарылабаса көрүү жөндөмүн биротоло жоготуп алышы мүмкүн.

"Чылым чекпегендерге караганда чеккен адамдарда макулодистрофия илдети көбүрөөк кездешет, убакыттын өтүшү менен бул илдет көрүү жөндөмүнөн таптакыр ажыратып коёт. Аны менен катар көздүн тунук чели бозоруп кетүү тобокелдиги да жогору. Мунун натыйжасында көздүн жарык нурларын өткөрүү жөндөмү бузулат. Катаракта көздүн көрүүсүн начарлатат, аны калыбына келтирүүнүн бирден-бир жолу операция", — деп айтылат маалыматта.

Ошондой эле тамеки чегүүдө көздүн ичиндеги басым жогорулап (глаукома), кесепети көрүүнү начарлатары белгиленген.

Мындан сырткары, кээ бири көп учурда угуу жөндөмүн жоготуп алары да айтылды.

 

0
Белгилер:
тамеки, оору, көз, кооптуулук, эскертүү
Тема боюнча
Вакцина алгандан кийин чылым чегүү антителонун иштелип чыгуусун алсыратат
Уйку безинин рагын алдын алуу үчүн эмне кылуу керек? Адистин кеңеши