Пакистандын Ran Haward порту. Архив

Пакистан Кыргызстанга өз портторун колдонууга уруксат берүүгө даяр

314
Кыргызстан менен Пакистандын тышкы иштер министрлери 18-июнда өткөн Анталия дипломатиялык форумунун аянтчасында жолукту.

БИШКЕК, 19-июн. — Sputnik. Кыргызстандын тышкы иштер министри Руслан Казакбаев пакистандык кесиптеши Макдум Шах Махмуд Хуссейн Куреши менен жолугуп, эки өлкөнүн ортосундагы кызматташтыкты күчөтүү боюнча сүйлөшүүлөрдү жүргүздү.

Министрлер 18-июнда өткөн Анталия дипломатиялык форумунун аянтчасында жолукканын ТИМден билдиришти.

Алгач Казакбаев бул өлкөнүн кара тизмесинен медицина кызматкерлерин даярдап чыгарган Кыргызстандагы төрт жогорку окуу жайды чыгаруу тууралуу өтүнүчүн айтты.

Министр Куреши Казакбаевди Исламабадга расмий сапар менен барып кетүүгө чакырып, Пакистан Кыргызстанга Карачи жана Гвадардагы деңиз портторун колдонууга кол кабыш кылууга даяр экенин билдирди.

“Пакистан — Кытай — Кыргызстан — Казакстан” төрт тараптуу транзиттик келишимин активдештирүү зарыл”, — деди Куреши.

Ошондой эле тараптар быйыл Афганистандан эл аралык коалициянын аскерлери чыкканына байланыштуу терроризмге, баңгизат сатууга каршы жана аймактык коопсуздук боюнча биргелешип иштешүү керектигин билдиришти.

Пакистан, Кытай, Кыргызстан жана Казакстандын ортосундагы транзиттик жүк ташуу боюнча келишим 1995-жылдын 9-мартында Исламабад шаарында түзүлгөн. Ал бир нече жыл иштеп, кийин 10 жылга токтоп калган. 2017-жылдан бери документ кайрадан күчүнө киргени айтылып келе жаткан.

314
Белгилер:
Кыргызстан, Пакистан, Руслан Казакбаев, жол, порт, экономика, кызматташуу
Тема боюнча
Чүйдө кыргыз-түрк өнөр жай аймагын ачуу пландалып жатат
Иран жана Австриядагы элчилер кызматтан кетип, жаңылары дайындалды
Кыргызстандын президенти Садыр Жапаров Душанбеде ШКУга мүчө мамлекеттердин башчыларынын кеңешинин отуруму учурунда

Афганистанга жардам, коопсуздук, кызматташуу. Жапаровдун Душанбедеги сөзү

17
(жаңыланган 15:54 17.09.2021)
Жапаров Кыргызстандын учурда кыйын абалга туш болгон Афганистандын элине гуманитардык жардам жөнөтүүгө даяр экенин билдирди.

БИШКЕК, 17-сен. – Sputnik. Президент Садыр Жапаров Душанбеде (Тажикстан) ШКУга мүчө мамлекеттердин башчыларынын кеңешинин отурумунда региондо коопсуздук алкагын калыптандырууга өзгөчө көңүл бурууга чакырды. Бул туурасында мамлекет башчынын маалымат кызматынан кабарлады.

Ал 20 жыл ичинде Шанхай кызматташтык уюму (ШКУ) конкреттүү натыйжа жана салмактуу ийгиликтерге жетишти деген пикирин билдирген.

"Жапаров биргелешкен аракеттердин аркасында ШКУ мейкиндигинде коопсуздук жана стабилдүүлүктү колдоо боюнча чоң иш жүрүп жатканын белгилеп, региондо коопсуздук алкагын калыптандырууга өзгөчө көңүл бурууга чакырды. Афганистандагы акыркы кырдаалды эске алуу менен эл аралык экстремизм жана террорчулук күчтөрүнүн коркунуч жана чакырыктарына каршы күрөшүү маселелери өзгөчө мааниге ээ болгонун белгиледи", – деп айтылат маалыматта.

Душанбе шаарында өтүп жаткан Жамааттык коопсуздук кеңешинин (ЖККУ) сессиясы
© Пресс-служба президента КР / Султан Досалиев
Жапаров белгилегендей, башка мамлекеттердин ШКУга кошулууга умтулуусу уюм ишмердүүлүгү эл аралык аренада кеңири кызыгуу жараткандыгын айгинелейт. Алсак, ШКУ саммитинде Иранды жаңы мүчө катары кабыл алуу, ошондой эле Сауд Аравия Падышалыгына, Египет Араб Республикасына жана Катар мамлекетине ШКУ диалогу боюнча өнөктөш макамын берүү процедурасын баштоого старт берилди.

Президент сүйлөп жатып, кол салууга жол бербөө жана миграциялык процесстерди жөнгө салуу үчүн өз ара кызматташуунун стратегиясын иштеп чыгууну сунуштады.

"Аны менен бирге Кыргызстан эң эле көп жабыркаган афган калкынын да, регион жана эл аралык коомчулуктун кызыкчылыгында да Афганистанда аскердик чыр-чатактын токтошун, тынчтык, бейпилдик жана стабилдүүлүктүн орношун жактаарын айтты. Президент Кыргызстан Афганистандын элине гуманитардык жардам жөнөтүүгө даярдыгын билдирди", — деп айтылат маалыматта.

Жапаров санариптештирүүнүн глобалдашуу тенденциясынын, маалыматтык-коммуникациялык технологиялардын өнүгүүсү фонунда акыркы жылдары ШКУ мейкиндигинде кибертеррорчулуктун тобокелдик жана коркунучтары күчөгөнүнө катышуучулардын көңүлүн бурган.

Президент киберкоопсуздукту камсыздоо жаатында кызматташууну жылдыруу максатында, ШКУга мүчө мамлекеттердин тармактык министрлик жана ведомство жетекчилеринин кеңешмеси түрүндөгү атайын механизмди негиздөөнү сунуштаган.

Жапаров ШКУнун өнүктүрүү банкын жана ШКУнун өнүктүрүү фондун түзүү боюнча консультацияларды улантууну сунуштаган. Бул институтту эсеп-кысапты улуттук валютада жүргүзүүгө өтүү боюнча механизми катары карап, натыйжалуу финансы механизмдерин киргизүү жардамында экономикалык кызматташтыкты тереңдетүүнүн маанилүүлүгүн белгилеген.

Аны менен бирге ал транспорттук инфраструктураны биргелешип өнүктүрүү соода мамилелерин активдештирүүгө жана көптөгөн социалдык-экономикалык көйгөйлөрдү чечүүгө мүмкүндүк берет деген ишенимин билдирген.

"Пандемия шартында, ошондой эле кабыл алынган карантиндик чаралардан кийин автожүк ташуулар чектелүү болуп калды, андыктан эң ишенимдүү транспорттук жол бул — темир жолу. Кыргызстан "Кытай — Кыргызстан — Өзбекстан" темир жолунун курулушунун долбоорун тез арада ишке ашуусун көздөйт. Ал региондун транзиттик потенциалын толук кандуу ачууга маанилүү жана конкреттүү кадам болуп, деңиз портторуна чыгууга мүмкүндүк берет", — деп билдирген Жапаров.

Президент азык-түлүк коопсуздугу жана ШКУнун билим берүү жаатындагы кызматташуу маселелерин көтөрүп, туризм, жаштар жана спортту кошуп, маданий-гуманитардык өз ара кызматташуунун маанилүүлүгүн белгилеген.

17
Белгилер:
Кыргызстан, ШКУ, Садыр Жапаров, кеңешме, сунуш
Тема боюнча
Жапаров ШКУ саммитине катышуу үчүн "Кохи Навруз" комплексине келди
Эмомали Рахмон Жапаровду "Улут сарайынан" тосуп алды. Сүрөт
Өлкө башчы Садыр Жапаров Душанбе шаарындагы Кохи Навруз комплексине келди.

Жапаров ШКУ саммитине катышуу үчүн "Кохи Навруз" комплексине келди

85
(жаңыланган 13:56 17.09.2021)
Жапаровду комплекстен Тажикстандын ажосу Эмомали Рахмон тосуп алды. Андан соң саммитке катыша турчу өлкө лидерлери чогуу сүрөткө түшүштү.

БИШКЕК, 17-сен. — Sputnik. Өлкө башчы Садыр Жапаров бүгүн, 17-сентябрда, Шанхай кызматташтык уюмуна (ШКУ) мүчө мамлекеттердин жетекчилеринин кеңешинин отурумуна катышуу үчүн Душанбе шаарындагы "Кохи Навруз" комплексине келди. Бул тууралуу президенттин маалымат кызматы билдирди.

Жапаровду комплекстен Тажикстандын ажосу Эмомали Рахмон тосуп алды. Андан соң саммитке катыша турчу өлкө лидерлери чогуу сүрөткө түшүштү. 

Президент Кыргызстана Садыр Жапаров во время встречи с главной Таджикистана Эмомали Рахмоном в комплексе Кохи Навруз для участия в заседании Совета глав государств-членов Шанхайской организации сотрудничества (ШОС) в Душанбе. 17 сентября 2021 года
© Пресс-служба президента КР / Султан Досалиев
Садыр Жапаровду комплекстен Тажикстандын ажосу Эмомали Рахмон тосуп алды
"Президенттер уюмдун алкагындагы кызматташтыктын актуалдуу маселелерин талкуулоо үчүн жыйындар залына кирип кетишти", — деп айтылат маалыматта.

ШКУ саммитине бирикмеге мүчө мамлекет башчылары катышат. Алар: Кыргызстан, Индия, Казакстан, Пакистан, Россия, Тажикстан жана Өзбекстан. Ошондой эле байкоочу макамы бар мамлекеттердин (Афганистан, Беларусь, Иран жана Монголия) лидерлери да бар. 

Участники и гости саммита заседания Совета глав государств-членов Шанхайской организации сотрудничества (ШОС).
© Пресс-служба президента КР / Султан Досалиев
ШКУ саммитине бирикмеге мүчө-мамлекет башчылары катышат

Мааракелүү саммитке ардактуу мейман катары Түркмөнстандын президенти Гурбангулы Бердымухамедов катышат.

Эске салсак, дагы алты өлкө уюмдун диалог боюнча өнөктөш макамына ээ (Азербайжан, Армения, Камбоджа, Непал, Түркия жана Шри-Ланка).

Бүгүн биринчи жолу Шанхай кызматташтык уюму жана Жамааттык коопсуздук келишими уюмуна мүчө мамлекет башчыларынын жолугушуусу дагы болот.

85
Белгилер:
Кыргызстан, Садыр Жапаров, ШКУ, саммит
Председатель КНР Си Цзиньпин слушает премьер-министра Японии Синдзо Абэ во время встречи в Большом Народном зале в Пекине. 23 декабря 2019 года

Си Цзиньпин: Кытай ШКУ өлкөлөрүнө жакырчылыктан чыгуу жолдорун көрсөтүүгө даяр

0
Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Эми Кытай бул тажрыйбаны башкалар менен бөлүшүүнү көздөп жатат.

БИШКЕК, 17-сен. — Sputnik. Кытай Шанхай кызматташтык уюмуна мүчө мамлекеттердин жарандарына жакырчылык менен күрөшүү боюнча билим алуу үчүн 1 000 квота берет. Бул тууралуу өлкө башчысы Си Цзиньпин Душанбе шаарында өтүп жаткан ШКУ саммитинде айтканын РИА Новости жазды.

"Алдыдагы үч жыл ичинде Кытай ШКУга мүчө мамлекеттерге 1 000 квота берүүгө даяр. Ага илинген балдар жакырчылыктан чыгуунун жолун издеген кесиптер боюнча билим алат", — деп айтылат кабарда.

Ушул жылдын 25-февралында Си Цзиньпин кытай эли толугу менен жакырчылыкты жеңгенин жар салган. Акыркы сегиз жыл ичинде коңшу өлкөдө 100 миллиондой адам итке минген абалдан чыгарылган. Мунун аркасы менен Кытай БУУнун жашоону жакшыртуу программасына ылайык алдыга коюлган максатка жеткен.

ШКУ — 2021-жылы түзүлгөн эл аралык уюм. Ага Кытай, Россия, Казакстан, Тажикстан, Кыргызстан жана Өзбекстан кирет.

0
Белгилер:
Кытай, ШКУ, жакырчылык, квота, билим берүү