Чек ара чыры кайталанбашы керек. Жапаров менен Рахмон жолугуп сүйлөштү

© Пресс-служба президента КР / Султан ДосалиевПрезидент Садыр Жапаров жана Тажикстан президенти Эмомали Рахмон жолугушуу учурунда
Президент  Садыр Жапаров жана Тажикстан президенти Эмомали Рахмон жолугушуу учурунда - Sputnik Кыргызстан, 1920, 29.06.2021
Жазылуу
Жапаров биргелешкен аракеттердин натыйжасында тараптар чек ара маселелерин чечүү жолдорун табарына ишенерин билдирген.
БИШКЕК, 29-июн. — Sputnik. Кыргызстан жана Тажикстандын президенттери Садыр Жапаров менен Эмомали Рахмон бүгүн, 29-июнда, Душанбе шаарында тет-а-тет форматында жолугушууда. Бул туурасында мамлекет башчынын маалымат кызматынан кабарлашты.
Маалыматта Рахмон Тажикстан Жапаровдун өлкөгө болгон расмий сапарына өзгөчө маани берерин, мамлекеттердин ортосундагы эки тараптуу кызматташтыкты жаратмандык менен өнүктүрүүгө чындап кызыкдар экенин баса белгиленгени жазылган.
"Тажикстан менен Кыргызстан көп тараптуу негизде конструктивдүү кызматташат. Сиздер менен өз ара мамилелерибиздин бардык чөйрөсүнүн бүгүнкү күндөгү абалы менен келечегин талкуулоого даярбыз", — деген Рахмон.
Жапаров Рахмонго Тажикстанга расмий сапар менен келип кетүүгө чакырганы үчүн ыраазычылык билдирген.
Жапаров ушул жылдын 28-30-апрель күндөрүндө болгон трагедиялуу окуялар эки өлкөнүн эли үчүн оор тарыхый сыноонун жана кайгы-капанын күндөрү болуп калгандыгын өкүнүү менен белгиледи.
Официальный визит президента Кыргызстана Садыра Жапарова в Таджикистан - Sputnik Кыргызстан, 1920, 29.06.2021
Рахмон Жапаровду шаар четиндеги резиденциясына алып барып сейилдетти. Видео, сүрөт
"Келечекте эки тарап тең куралдуу кагылышуунун кайталанышына жол бербеши керектигин өзгөчө белгилегим келет. Кыргызстан менен Тажикстандын эли илгертен бери бир тууган эл, кыргыздар менен тажиктер ар дайым ынак коңшулук, достук мамилелерди сактап келишкен", — деген Кыргызстандын президенти.
Жапаров биргелешкен аракеттердин натыйжасында тараптар чек ара маселелерин чечүү жолдорун табарына ишенерин билдирген.
Маалымат кызматы тет-а-тет форматындагы жолугушуудан кийин Жапаров менен Рахмон сүйлөшүүлөрдү кеңейтилген форматта улантарын кабарлады.
Жаңылыктар түрмөгү
0