Жапаров Тажикстанга болгон сапарын жыйынтыктап, Бишкекке келди

Президент Садыр Жапаров - Sputnik Кыргызстан, 1920, 29.06.2021
Жазылуу
Өлкө башчы коңшу өлкөдө эки күн болуп, тажикстандык кесиптеши менен бир катар сүйлөшүүлөрдү жүргүздү.
БИШКЕК, 29-июн. — Sputnik. Президент Садыр Жапаровдун Тажикстанга болгон расмий сапары жыйынтыкталып, Бишкекке келди. Бул тууралуу өлкө башчынын маалымат кызматы кабарлады.
Жапаров Тажикстанда 28-29-июнь күндөрү болду.
Мамлекет башчы Душанбе шаарындагы "Дусти" янтына барып, тажик мамлекетинин негиздөөчүсү Исмоили Сомонинин эстелигине гүлчамбар койду.
Расмий сапарынын алкагында Тажикстандын Президенти Эмомали Рахмон менен сүйлөшүүлөрдү жүргүздү.
Рахмон менен жолуккан Жапаров чек ара маселесин көтөрдү. Видео - Sputnik Кыргызстан, 1920, 29.06.2021
Рахмон менен жолуккан Жапаров чек ара маселесин көтөрдү. Видео
Өлкө лидерлери кыргыз-тажик кызматташтыгы боюнча маселелердин кеңири чөйрөсүн кылдаттык менен талкуулашты. Тет-а-тет форматындагы жана кеңейтилген форматтагы жолугушуулардын жүрүшүндө тараптар саясий диалогду мындан ары бекемдөө маселелери боюнча пикир алмашып, ошондой эле кыргыз-тажик мамлекеттик чек арасын делимитациялоого өзгөчө көңүл бөлүштү.
Тараптар биргелешкен өкмөттөр аралык комиссияга кыргыз-тажик мамлекеттик чек арасын аныктоо иштерин активдештирүүнү, анын ичинде чек ара автожолдорун куруу жана пайдалануу маселелери боюнча чечимдерди табууну тапшырышкан.
Ошондой эле өлкө лидерлери чек ара аймактарындагы коопсуздукту камсыздоодогу кызматташтыкты жана тышкы коркунучтарга каршы күрөшүү жаатында күн тартибинде турган эки тараптуу актуалдуу маселелерди талкуулашты.
Президент Садыр Жапаров менен Тажикстандын президенти Эмомали Рахмон - Sputnik Кыргызстан, 1920, 29.06.2021
Кыргызстан менен Тажикстандын ортосунда бир катар документке кол коюлду. Тизме
Жолугушуунун жүрүшүндө мамлекет башчылары КМШ, ЖККУ жана ШКУ сыяктуу региондук бирикмелердин алкагында өз ара аракеттенүү, глобалдык институттар менен эл аралык уюмдардын алкагында кызматташтык маселелерине токтолушту.
Сүйлөшүүлөрдүн жыйынтыгында мамлекет башчылары Биргелешкен билдирүү кабыл алышты. Мындан тышкары, эки өлкөнүн расмий делегация мүчөлөрү ар кыл чөйрөдө кыргыз-тажик кызматташтыгын өнүктүрүүгө багытталган бир катар документтерге кол коюшту.
Жаңылыктар түрмөгү
0