Депутат Гульшат Асылбаева. Архив

Кудай алдында жооп берүүгө даярмын. Асылбаева депутаттар менен айтыша кетти

200
(жаңыланган 17:40 30.06.2021)
Мыйзам долбоорунда маалыматтын фейк экенин кайсы орган аныктай турганы жазылган эмес, бул милдет министрлер кабинетине жүктөлгөн.

БИШКЕК, 30-июн. — Sputnik. Бүгүн буга чейин президенттин каршы пикири менен артка кайтарылган "Маалыматты манипуляциялоо жөнүндө" мыйзам долбоору кайрадан парламенттин кароосуна киргизилди.

Макулдашуу тобу иштеп чыккан варианты бүгүн талкууланып жатат.

Депутат Дастан Бекешев мамлекет ансыз да элге эч нерсе бере албай жатып, эми эркин сүйлөө укугун тартып алууну көздөп жатканын айтат.

Депутат от фракции СДПК Дастан Бекешев на заседании Жогорку Кенеша
© Фото / пресс-служба Жогорку Кенеша
Депутат Дастан Бекешев
"Бул мыйзам жарандарды андан бетер жарга түртөт, өтө зыяндуу. "Жалган маалыматты таратуудан сактайт" деп жатасыздар, эң эле калпты саясатчылар айтат. Андыктан мен буга каршы добуш берүүгө чакырам. Бул мыйзам өткөн чакта деле элдин оозун жаба албайсыңар. Мурда сизди (Гүлшат Асылбаева — ред.) ушул мыйзам үчүн "Биримдик" партиясына киргизди эле, эми "Ата-Журт Кыргызстанга" кошулгуңуз келип жатабы", — деди Бекешев.

Асылбаева муну чагымчылдык катары сыпаттады.

Ал эми Абдывахап Нурбаев интернеттеги маалыматтын жалган экенин кайсы орган аныктай турганын сурады.

Депутат от фракции Онугуу — Прогресс  Гульшат Асылбаева на заседании Жогорку Кенеша. 12 июня 2020 года
© Фото / пресс-служба Жогорку Кенеша
Депутат Гульшат Асылбаева
"Үстүнө жалаа жабылган тарап тастыктоочу документи менен тиешелүү органга кайрылат. Ал кайсы орган болору азыркы мыйзам долбоорунда каралган эмес. Аны министрлер кабинети аныктайт", — деди Асылбаева.

Андан соң Нурбаев Кыргызстан демократиялык эркин өлкө катары дүйнөгө тааныла баштаганда ушундай мыйзамдар менен артка тартып жатканын белгиледи.

Депутат ЖК Абдывахап Нурбаев на заседании
© Фото / пресс-служба ЖК
Депутат Абдывахап Нурбаев
"Элдин, оппозициянын оозун жапканга аракет кылып жатасыздар. Буга эл да каршы болуп, көчөдө митинг кылууда", — деди Нурбаев.

Буга Асылбаева көчөдө мыйзамдын өтпөй калышына каршы тараптар митингге чыгып жатканын айтты.

Ал эми Нурбаев качан гана эркиндик болгондо коом тазаланарын, муну менен Түркмөнстанга түртүп жатканын белгилеп, каршы добуш берүүгө чакырды.

Деген менен Асылбаева бул мыйзам сөз эркиндигине таасир этпей турганын айтат. Кесиптеши каршы добуш берүүгө үндөө менен өтө жаңылып жатканын билдирди. Анда Нурбаев тарых алдында жооп берип каларын эскертти. Асылбаева болсо Кудайдын жана өз абийиринин алдында жооп берүүгө даяр экенин айтты.

Чуу мыйзамдын тарыхы

"Маалыматты манипуляциялоо жөнүндө" мыйзам долбоорун депутаттар Гүлшат Асылбаева, Айнура Осмонова демилгелеп, Жогорку Кеңеш тарабынан былтыр ушул маалда кабыл алынган

Бул маселе коомчулуктун кескин сынына кабылып, чуу жараткан.

Кийинчерээк ошол кездеги президент Сооронбай Жээнбеков мыйзам долбооруна вето коюп, артка кайтарган. Анда пикир билдирүүнүн жана маалыматтын эркиндиги өлкөнүн Баш мыйзамында, ошондой эле адам укуктары жөнүндө бир катар эл аралык жана региондук келишимдерде кепилдик кылынган адам укуктарынын бири болуп эсептелинип жана демократиялык коомду өнүктүрүүдө негизги ролду ойноору айтылат.

Ошондой эле бул маселенин коомдогу маанисин эске алып, мыйзамдын редакциясын, тактап айтканда, ишке ашыруунун механизмдерин жана жөнгө салуунун техникалык аспектилерин коомчулуктун, эксперттик коомдун жана мамлекеттик органдардын өкүлдөрүн тартуу менен кайрадан карап чыгуу сунушталган.

Демилгечилердин айтымында, фейк-аккаунттар өчүрүлүп, ЖМК же социалдык баракча аркылуу жалган маалымат тараткандарды соту жок эле мамлекеттик органдар жоопко тарта алат. Бирок муну менен кайсы орган алектенери так көрсөтүлгөн эмес.

200
Белгилер:
айтышуу, маалымат, манипуляциялоо, мыйзам, Гүлшат Асылбаева
Тема боюнча
Депутат прокурорлорду калп детектору менен текшерип кызматка алууну сунуштады
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

96
(жаңыланган 18:40 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

96
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео 
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

178
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

178
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды 
Казакстандын QazVac вакцинасыны. Архив

Эртең Бишкекке Казакстандын QazVac вакцинасы жеткирилет

0
(жаңыланган 18:54 27.07.2021)
Алымкадыр Бейшеналиев июнь айында өлкөгө казакстандык QazVac вакцинасы 50 миң дозада гумжардам катары алып келинерин, бул тууралуу элчи менен сүйлөшүүлөр болгонун айткан. Бирок коңшу өлкөнүн бийлиги бул маалыматты төгүндөгөн.

БИШКЕК, 27-июл. — Sputnik. Эртең Кыргызстанга QazVac вакцинасынын 25 миң дозасы жеткирилет. Бул тууралуу Казакстандын Кыргызстандагы элчилиги билдирди.

Маалыматка караганда, гуманитардык жардамды коңшу өлкө "Акжол" көзөмөл пунктунан өткөрүп бермекчи. Иш-чарага КРдин саламаттык сактоо жана социалдык өнүктүрүү министри Алымкадыр Бейшеналиев менен казак элчиси Рапиль Жошыбаев катышат.

Эске салсак, Бейшеналиев буга чейин өлкөгө казакстандык QazVac вакцинасы 50 миң дозада гумжардам катары алып келинерин, бул тууралуу элчи менен сүйлөшүүлөр болгонун айткан. Көп өтпөй коңшу өлкөнүн вице-премьери Ералы Тугжанов менен саламаттык сактоо министри Алексей Цой бул маалыматты төгүндөгөн.

0
Белгилер:
QazVac вакцинасы, гуманитардык жардам, вакцина, коронавирус, Казакстан, Кыргызстан
Тема:
Коронавируска каршы эмдөө
Тема боюнча
Штаб: COVID менен ооругандар азайды, бирок кырдаал кыйын бойдон турат
Эмдөөдөн өттү деген сертификатты кайсы жерден жана кантип алууга болот