Вице-спикер Аида Касымалиева. Архив

Вице-спикер Касымалиева: өлүм көбөйгөнүнө "аконитовый министр" күнөөлүү

152
(жаңыланган 18:46 30.06.2021)
Вице-спикер учурда коронавирустан каза болуп жаткандарга министрдин түздөн-түз күнөөсү бар деп эсептейт.

БИШКЕК, 30-июн. — Sputnik. Вице-спикер Аида Касымалиева саламаттык сактоо жана социалдык өнүктүрүү министри Алымкадыр Бейшеналиевди сындады.

Ал учурда коронавирустан каза болуп жаткандарга министрдин түздөн-түз күнөөсү бар деп эсептейт.

"Коңшу Казакстан менен Өзбекстанда беш-алты миллион адам вакцина алып бүттү. Силер ошондой жумушту аткарган жоксуңар. Министр "аконит" деп канча адамдын башын айлантты. Эми "аконитовый министрге" карабастан эмдөөдөн өтөбүз деп калганда вакцина жок. Мээсинен айнып калган министриңер ушул жерге келип жооп берсин же жумуштан кетсин. Медицина кызматкерлери кантип чыдап отурасыңар, силер кесипкөйсүңөр го, айтпайсыңарбы...", — деди вице-спикер.

Саламаттык сактоо жана социалдык өнүктүрүү министри Алымкадыр Бейшеналиев Суворов окуу жайынын жетекчилиги менен коронавирус жуктурган бейтаптарды жаткыруу үчүн орун даярдоо тууралуу сүйлөшүү учурунда
© Фото / пресс-служба Министерства здравоохранения и социального развития
Мындан сырткары, ал кызыл зонада иштеген медиктер кошумча маянасын ала албай арызданып жатканын белгиледи.

Учурда ЖК депутаттары Коронавируска каршы күрөшүү боюнча республикалык штабдын соңку абал боюнча маалыматын угуп жатат. Министр Бейшеналиев ШКУнун эпидкырдаал тууралуу жыйынына катышып жатканына байланыштуу ордуна орун басары келген.

152
Белгилер:
уу коргошун, Алымкадыр Бейшеналиев, депутат, Аида Касымалиева
Тема:
Уу коргошун чуусу (28)
Тема боюнча
Антитело пайда болбоптур. Бейшеналиев COVID жуктурган себебин түшүндүрдү
Вакцинанын жардамы тийүүдө. COVID болгон Бейшеналиевдин абалы айтылды
Элчи менен сүйлөшкөнбүз. Министр Бейшеналиев QazVac вакцинасы тууралуу
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

33
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

33
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
Шайлоо участогундагы киши. Архив

Ош шаардык кеңешине өткөн "Биздин Кыргызстан" партиясынын жеңиши жокко чыгарылды

205
(жаңыланган 21:56 26.07.2021)
БШКнын жумушчу тобу аталган партия шайлоо өнөктүгү маалында добуш сатып алганы аныкталганын билдирди.

БИШКЕК, 26-июл. — Sputnik. Ош шаардык кеңешине өткөн "Биздин Кыргызстан" партиясы жарыштан четтетилди. Мындай чечимди Борбордук шайлоо комиссиясы кабыл алды.

БШКнын жумушчу тобу аталган партия шайлоо өнөктүгү маалында добуш сатып алганы аныкталды деп билдирип, андан улам "Биздин Кыргызстан" саясий бирикмесин жарыштан четтетүүнү сунуштады. Ал эми БШКнын мүчөлөрү жумушчу топтун чыгарган корутундусун колдоду.

"Биздин Кыргызстан" партиясы шаардык кеңешке кайра шайлоонун алдында түзүлгөн. Жетекчиси Жогорку Кеңештин депутаты Айбек Осмонов.

11-июлдагы шайлоодо Ош шаарында 32 пайыздан ашыгыраак добуш менен экинчи орунду ээлеген. Ал эми Бишкекте 7 пайыздык босогого бир аз жетпей калган.

205
Белгилер:
шаардык кеңеш, жыйынтык, четтетүү, шайлоо, саясый партия
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Атамбаевдин уулу, ырчы жана бизнесмендер. Бишкекте кимдер мандатка жетти
БШК Бишкек шаардык кеңештин кайрадан өткөн шайлоосун тааныды