Кыргызстандын Түркиядагы элчиси Кубанычбек Өмүралиев (оңдо). Архивдик сүрөт

Инандынын иши. КР элчиси Түркиянын ТИМ жетекчисинин орун басары менен жолукту

124
(жаңыланган 16:04 07.07.2021)
Консулдук маселелерди көзөмөлдөгөн чиновник менен элчинин жолугушуусу кечээ, 6-июлда, болгон.

БИШКЕК, 7-июл. — Sputnik. Кыргызстандын Түркиядагы элчиси Кубанычбек Өмүралиев Түркиянын тышкы иштер министринин орун басары Явыз Селим Кыран менен жолугушту. Бул тууралуу өлкөнүн Тышкы иштер министрлиги билдирди.

Консулдук маселелерди көзөмөлдөгөн чиновник менен элчинин жолугушуусу кечээ, 6-июлда, болгон.

Анда элчи түрк бийлигине Кыргызстандын жараны Орхан Инандынын кайда экенин, аны менен консулдук кызматкердин жолугушуусуна мүмкүнчүлүк берүү өтүнүчү боюнча кыргыз тарап жиберген нота тууралуу маалымдады.

Өз кезегинде министрдин орун басары кыргыз тараптын өтүнүчү Юстиция министрлигине жиберилерин билдирди. Ал ошондой эле Орхан Инанды Түркиянын жараны экенин белгилеп, жеке өзү анын кайсы жакта экенинен кабары жоктугун айткан.

"Сапат" лицейлер тармагынын президенти, Кыргызстан жараны Орхан Инанды кармалып, Түркияга жеткирилгенин өлкө президенти Режеп Тайип Эрдоган билдиргенин TRT-HABER агенттиги апта башында жазып чыккан.

Бул боюнча Кыргызстандын Тышкы иштер министрлиги билдирүү таратып, кыргыз тарап эл аралык документтерде так көрсөтүлгөн укуктук нормалардын бузулушуна алып келген аракеттер кылынбашы керек деп айткан. Ал арада президент Садыр Жапаров Орхан Инандыны кайтарып берүүнү Түркиядан талап кыларын билдирди.

124
Белгилер:
Кубанычбек Өмүралиев, элчилик, Түркия, Орхан Инанды
Тема:
Орхан Инандынын Бишкекте жоголушу (46)
Тема боюнча
Суверендүүлүккө кол салуу. Текебаев менен Бекешев Инандынын кармалышы тууралуу
Кышта УКМК сактап калган. Жапаров Инандыны кайтарууну талап кыларын билдирди
ТИМ Орхан Инандынын Түркияга жеткирилиши боюнча үн катты
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

34
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

34
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
Шайлоо участогундагы киши. Архив

Ош шаардык кеңешине өткөн "Биздин Кыргызстан" партиясынын жеңиши жокко чыгарылды

207
(жаңыланган 21:56 26.07.2021)
БШКнын жумушчу тобу аталган партия шайлоо өнөктүгү маалында добуш сатып алганы аныкталганын билдирди.

БИШКЕК, 26-июл. — Sputnik. Ош шаардык кеңешине өткөн "Биздин Кыргызстан" партиясы жарыштан четтетилди. Мындай чечимди Борбордук шайлоо комиссиясы кабыл алды.

БШКнын жумушчу тобу аталган партия шайлоо өнөктүгү маалында добуш сатып алганы аныкталды деп билдирип, андан улам "Биздин Кыргызстан" саясий бирикмесин жарыштан четтетүүнү сунуштады. Ал эми БШКнын мүчөлөрү жумушчу топтун чыгарган корутундусун колдоду.

"Биздин Кыргызстан" партиясы шаардык кеңешке кайра шайлоонун алдында түзүлгөн. Жетекчиси Жогорку Кеңештин депутаты Айбек Осмонов.

11-июлдагы шайлоодо Ош шаарында 32 пайыздан ашыгыраак добуш менен экинчи орунду ээлеген. Ал эми Бишкекте 7 пайыздык босогого бир аз жетпей калган.

207
Белгилер:
шаардык кеңеш, жыйынтык, четтетүү, шайлоо, саясый партия
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Атамбаевдин уулу, ырчы жана бизнесмендер. Бишкекте кимдер мандатка жетти
БШК Бишкек шаардык кеңештин кайрадан өткөн шайлоосун тааныды