Жогорку Кеңештин жыйын залы. Архив

Ичи бураганбы, айтор... ЖКдагы өтө жагымсыз окуяга соцтармактын реакциясы

13446
(жаңыланган 14:08 08.07.2021)
Эл өкүлүнүн айтымында, окуя депутаттар мыйзам долбоорлору тууралуу маалымат угуп, суроолор берилип жаткан учурда болгон.

БИШКЕК, 8-июл. — Sputnik. Кечээ Жогорку Кеңештин жыйынында өтө жагымсыз жагдай түзүлдү. Бул тууралуу эл өкүлү Дастан Бекешев өзүнүн социалдык тармактагы баракчасына жазды.

Анын айтымында, бул окуя депутаттар мыйзам долбоорлору тууралуу маалымат угуп, суроолор берилип жаткан учурда болгон.

"Өлкөдөгү хаостон тажаганбы, бийликке кыжыры келгенби же жөн гана ичи бураганбы, айтор, Жогорку Кеңештин кызматкерлеринин бири үчүнчү кабаттагы депутаттардын биринин кабинетинин алдында өзүнүн "аргументтерин" таштап кетиптир. Андан кийинки жытты айтып болбойт. Жоопкерчиликсиздик гана буруксуп турду", — деди парламентарий.

Бул окуя кайсы депутаттын кабинетинин алдында болгону белгисиз бойдон калды. Кечээ Жогорку Кеңеште "Сапат" лицейлер тармагынын жетекчиси Орхан Инандынын уурдалышы боюнча жыйын болгон.

Социалдык тармактардын колдонуучулары бул жаңылыкты сарказм менен кабыл алышты.

Мисалы, журналист Семетей Аманбеков "белгисиз баатыр" тууралуу мындай пост жазды.

Пиар-адис Марс Черикчиев бул окуя боюнча күч органдарынын жетекчилерин чакырып, кезексиз жыйын өткөрүүнү "сунуштады".

Ал эми Азиз Пиримкулов аттуу колдонуучу жүктүн баары карапайым элге, бул мисалда тазалоочу болуп иштеген кыз-келиндерге түшөт деген пикирин жазды. 

13446
Белгилер:
Кыргызстан, Жогорку Кеңеш, Дастан Бекешев, окуя, социалдык тармак
Тема:
Орхан Инандынын Бишкекте жоголушу (46)
Тема боюнча
ШИИБ: Инанды Түркия жарандыгынан баш тартпай, эки паспорт колдонуп жүргөн
Башкы прокуратура Инандынын жубайы жазган арыз боюнча жооп берди
Жогорку Кеңештин төрагасы Талант Мамытов. Архив

Төрага Мамытов жана депутаттар Ирандын президентинин инаугурациясына катышты

114
(жаңыланган 16:41 05.08.2021)
Спикер ирандык кесиптешине Кыргызстанда болуп өткөн саясий процесстер тууралуу маалымат берип, Жогорку Кеңештин жаңы курамы октябрда шайланарын айткан.

БИШКЕК, 5-авг. — Sputnik. Жогорку Кеңештин төрагасы Талант Мамытов жана депутаттар Каныбек Иманалиев, Замирбек Эсенаманов Тегеранда Ирандын президенти аятолла Сейед Эбрахим Раисинин инаугурациясынын расмий салтанатына катышты. Бул туурасында парламенттин маалымат кызматы билдирди.

Анын алкагында Мамытов Ирандын Ислам Кеңеши межлисинин төрагасы Мохаммад Багер Галибаф менен жолугушкан.

"Тараптар эки өлкөнүн ортосундагы соода-экономикалык мамилелерди өнүктүрүүгө кызыкдар экендигин билдиришип, туризм, инвестициялар, медициналык туризм, инженердик-техникалык кызматтар жана башка чөйрөдөгү кызматташтыктын перспективаларын талкуулашты", — деп айтылат маалыматта.

Ошондой эле спикер чакыруу үчүн ыраазычылык билдирип, Ирандын элин жаңы мамлекет башчысын ийгиликтүү шайлап алышы менен куттуктады. Андан соң ал Кыргызстанда болуп өткөн саясий процесс тууралуу маалымат берип, Жогорку Кеңештин жаңы курамы быйыл октябрда шайланарын билдирди.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Бизде да, сиздерде да саясий процесс активдүү өнүгүп жатат, бирок муну менен катар эле соода-экономикалык мамилелерибизди да өнүктүрүүгө тийишпиз. Тилекке каршы, пандемия көп пландарыбызды ишке ашырууга жолтоо болду. Учурда биздин өлкөлөрдүн темир жол уюмдары Түркмөнстан жана Өзбекстан менен бирдикте кызматташууну баштады. Ал Кыргызстан менен Ирандын ортосундагы соода-экономикалык мамилелерди өнүктүрүүгө түрткү берет", — деп айткан Мамытов.

Ирандык кесиптеши анын сөзүн кубаттап, чакырууну кабыл алганы үчүн ыраазычылык билдирди.

Иш сапардын алкагында ЖК төрагасы Ирандын жетекчилери, ошондой эле инаугурацияга келген чет элдик делегациялардын башчылары менен дагы жолугары пландалууда.

114
Белгилер:
Иран, инаугурация, Талант Мамытов, спикер, депутат, жолугушуу
Тема боюнча
Босого 5%, аялдардын квотасын азайтуу. Парламент жаңы шайлоо мыйзамын колдоду
Кыргызстандын президенти Садыр Жапаров. Архив

Садыр Жапаров Түркмөнстанга учуп кетти. Коштоп жүргөндөрдүн тизмеси

205
(жаңыланган 14:43 05.08.2021)
Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

БИШКЕК, 5-авг. — Sputnik. Президент Садыр Жапаров Борбор Азия мамлекет башчыларынын консультативдик жолугушуусуна катышуу үчүн эки күндүк иш сапары менен Түркмөнбашы шаарына (Түркмөнстан) жөнөп кетти. Бул туурасында мамлекет башчынын маалымат кызматы билдирди.

Жолугушууда соода-экономика, энергетика, транспорт-коммуникация чөйрөлөрүндөгү региондук кызматташтык маселелери, ошондой эле коронавирус пандемиясына каршы күрөшүүдө биргелешкен чаралар талкууланат.

Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

Мамлекет башчыны коштоп кеткен расмий делегациянын курамы:

  • тышкы иштер министри Руслан Казакбаев;
  • Жогорку Кеңештин төрагасынын орун басары Аида Касымалиева;
  • Министрлер кабинетинин төрагасынын орун басары — экономика жана финансы министри Акылбек Жапаров;
  • Президенттин администрациясынын тышкы саясат бөлүмүнүн башчысы Дастан Дюшекеев;
  • Кыргызстандын Түркмөнстандагы атайын жана ыйгарым укуктуу элчиси Талант Султанов;
  • ички иштер министри Улан Ниязбеков;
  • энергетика жана өнөр жай министри Доскул Бекмурзаев;
  • транспорт жана коммуникациялар министри Гүлмира Абдралиева;
  • маданият, маалымат, спорт жана жаштар саясаты министри Кайрат Иманалиев.
205
Белгилер:
Садыр Жапаров, Түркмөнстан, министр, делегация
Тема боюнча
Жапаров Эрдоганга адам өмүрүн алган өрт кырсыгына байланыштуу көңүл айтты
Хабиб Садыр Жапаров менен жолуккандагы сүрөтүн жарыялады
Pfizer вакцинасы. Архив

Кыргызстанга күзүндө Pfizer вакцинасынын келиши күтүлүүдө

0
(жаңыланган 00:32 06.08.2021)
Өкмөттүн өкүлүнүн билдиришинче, Pfizer вакцинасынан тышкары, күзүндө кайтарымсыз түрдө Sinopharm препараты келиши күтүлүүдө. Ошондой эле Moderna вакцинасын колдонуу планы бар.

БИШКЕК, 5-авг. — Sputnik. Кыргызстанга COVAX линиясы аркылуу коронавируска каршы Sinopharm жана Pfizer препараттары келиши мүмкүн. Бул тууралуу министрлер кабинетинин төрагасынын орун басары Жылдыз Бакашова билдирди.

"Ушул жылдын сентябь айынын этегинде Кытайдын Sinopharm вакцинасы кайтарымсыз түрдө берилери күтүлүүдө, ошондой эле күздүн ортосунда Pfizer вакцинасынын 259 миң дозасынын келишин күтүп жатабыз. 2022-жылдын биринчи кварталында Дүйнөлүк банктын донордук колдоосунун линиясы менен Moderna вакцинасы келиши мүмкүн", — деген Бакашова.

Анын айтымында, министрлер кабинети дипломатиялык каналдар аркылуу вакциналарды алуу боюнча иштерди улантууда.

0
Белгилер:
Кыргызстан, Министрлер кабинети, коронавирус, вакцина
Тема:
Коронавируска каршы эмдөө
Тема боюнча
Дарыгер COVID-19дан айыккандар жана эмделгендер качан кан тапшырса болорун айтты
Окуучулар сентябрда кадимки тартипте окуйбу? Министрликтин жообу
Кыргызстанда жарым миллиондон ашуун адам коронавируска каршы вакцина алды