Жапаров чуу жараткан "Коммерциялык эмес уюмдар жөнүндө" мыйзамга кол койду

© Фото / Пресс-служба правительства / Алишер АлиевМамлекет башчы Садыр Жапаров. Архив
Мамлекет башчы Садыр Жапаров. Архив - Sputnik Кыргызстан, 1920, 08.07.2021
Жазылуу
Аталган мыйзам долбоорун Жогорку Кеңеш 17-июнда кабыл алып, Жапаров 26-июнда кол койгон. Ага ылайык, бейөкмөт уюмдар каржы булактары, кирешелеринин өлчөмү, чыгымдары тууралуу Мамлекеттик салык кызматына отчёт берип турушу керек.
БИШКЕК, 8-июл. — Sputnik. Мамлекет башчы Садыр Жапаров "Коммерциялык эмес уюмдар жөнүндө" мыйзам долбооруна кол койду. Документ президенттин сайтына эмес, "Эркин Тоо" гезитине жарыяланган. 
© Фото / газета "Эркин-Тоо""Коммерциялык эмес уюмдар жөнүндө" мыйзам долбоору
Поправки в законопроект О некоммерческих организациях - Sputnik Кыргызстан, 1920, 16.12.2021
"Коммерциялык эмес уюмдар жөнүндө" мыйзам долбоору
Аталган мыйзам долбоорун Жогорку Кеңеш 17-июнда кабыл алып, Жапаров 26-июнда кол койгон. Ага ылайык, бейөкмөт уюмдар каржы булактары, кирешелеринин өлчөмү, чыгымдары тууралуу Мамлекеттик салык кызматына отчет берип турушу керек.
Кыргызстандын тышкы иштер министри Руслан Казакбаев Азербайжанга болгон расмий сапарынын алкагында кесиптеши Джейхун Байрамов менен жолукту - Sputnik Кыргызстан, 1920, 02.07.2021
Казакбаев Жапаровдун кайрылуусун жеткирүү үчүн атайын Азербайжанга барды
Парламент бул мыйзам долбоорун былтыр да сунуштап, бирок коомчулукта жаралган чуудан улам ошол учурдагы президент Сооронбай Жээнбеков ага кол койгон эмес.
Бейөкмөт уюмдар менен батыш мамлекеттеринин КРдеги элчиликтери бул өзгөртүүлөргө каршы болуп чыгышкан. Жакында эле Франциянын Кыргызстандагы элчиси Жапаров менен болгон жолугушууда мыйзам долбоору тынчсыздануу жаратып жатканын айткан.
Президент элчиден анын өлкөсүндө бейөкмөт уюмдар мамлекеттик каржы тууралуу отчёт берип турган мыйзам барбы деп сураганда, дипломат "бар" деп жооп берген.
"Эмнеге сиздерде отчётту ачык берип турушат, ал эми бизде андай болбошу керек? Мен ушул эле суроону Дональд Луга, Американын Кыргызстандагы элчисине да бергем. Ал да жооп бере алган эмес. Биз дагы каржы кайдан келип жатканын көргүбүз келет. Бул кылмыш эмес да. Миллиард доллардан ала берсин, биз ага кубанычта гана болобуз. Бирок ал акчалар кайда кетип жатканын көргөзүшү керек. Мыйзамда ушул нерсе эле жазылган. Мындан кыйкым издөөнүн кажети жок", — деген Жапаров.
Мамлекет башчы ушул эле маселени Финляндиянын элчиси менен жолукканда да көтөргөн. Жапаров бул "биздин мамлекетте тартип болуп, силерде башаламан болсун" деген принципке окшоп каларын айткан.
Жаңылыктар түрмөгү
0