Токмок шаарынын мэриясы. Архивдик сүрөт

Мэр, ветеринар, жумушсуз. Токмок шаарында мандатка жеткендердин тизмеси

76
(жаңыланган 12:00 12.07.2021)
Добуштардын 7 пайызына ээ болгон партия жеңүүчү деп таанылат. Токмок шаардык кеңешине 31 мандат каралган.

БИШКЕК, 12-июл. — Sputnik. Токмок шаардык кеңешине депутат болчулардын болжолдуу тизмеси белгилүү болду.

Кайра шайлоого катышкан алты партиянын бешөө жеңишке жетип, бир гана "Ата-Журт Кыргызстан" партиясы 1,65 пайыз добуш менен өтпөй калган. Токмок шаардык кеңешине 31 мандат каралган.

Добуштардын 7 пайызына ээ болгон партия жеңүүчү деп таанылат. Материал партиялардын БШКга берген тизмесинин негизинде даярдалды.

Мандаттар төмөнкүдөй бөлүштүрүлөт:

"Бирге — Вместе" — 10 мандат

  1. Чокеев Кайрат Кубанычбекович, 33 жашта, жеке ишкер;
  2. Исабеков Чыңгыз Азизович, 28 жашта, "Сода-Трейд" компаниясында менеджер;
  3. Машалаева Роза Шывасовна, 46 жашта, "Бай Эл Инвест" ишканасынын башкы директору;
  4. Хусаинов Алишер Мухаматшарипович, 39 жашта, жеке ишкер;
  5. Жунушалиев Сатыбалды Бакытбекович, 28 жашта, "Манас" эл аралык аэропортунда инженер;
  6. Жаркын Абдылас, 44 жашта, жумушсуз;
  7. Абраимов Зафаржан Сабыржанович, 31 жашта, жеке ишкер;
  8. Сексенбаев Адилет Үсөнович, 29 жашта, жумушсуз;
  9. Самаева Нафисат Обозбековна, 28 жашта, "Не болит" ЖЧКнын администратору;
  10. Ташмамбетов Азат Шейшенаалыевич, 28 жашта, жумушсуз.

"Эмгек" — 8 мандат

  1. Амангельдиев Данияр Жолдошевич, 39 жашта, Токмок шаарынын мэри;
  2. Кубатбек уулу Азат, 30 жашта, Токмок муниципалдык менчик башкармалыгынын бөлүм башчысы;
  3. Айтышева Толгонай Канатбековна, "Айтыш-Ата" жеке менчик ишканасынын администратору;
  4. Лулаков Роман Владимирович, 39 жашта, дарыгер-ветеринар;
  5. Ваншу Абу-Бакыр Юсупович, 34 жашта, жумушсуз;
  6. Маткеримова Венера Акылбековна, 52 жашта, Токмоктогу Үй-бүлөлүк медицина борборунун директорунун орун басары;
  7. Жетимишев Самат Жанышевич, 30 жашта, жумушсуз;
  8. Парпиев Тахир Худобердиевич, 29 жашта, жумушсуз.

"Асыл мурас жаштар" — 5 мандат

  1. Солтобаев Тилек Асанович, 33 жашта, Токмок шаардык кеңешинин төрагасы;
  2. Мураталиев Хаётилло Султанжанович, 44 жашта, жеке ишкер;
  3. Сыдыкова Чолпон Сахалинбековна, 51 жашта, Токмок кесиптик бирлигинин төрагасы;
  4. Ложаров Сулайман Даурович, 58 жашта, "Айым" жеке клиниканын дарыгери;
  5. Абдрахманов Икрам Акрамович, 29 жашта, жеке ишкер.

"Патриот ынтымагы" —  4 мандат

  1. Маров Ильяс Даусович, 51 жашта, Токмок шаардык спорт мектебинин улук машыктыруучусу;
  2. Исаков Ибрахимжан Рахимжанович, 23 жашта, жумушсуз;
  3. Каптагаева Гүлшат Эшембековна, 57 жашта, Токмок шаардык кеңешинин депутаты;
  4. Ормоков Куват Карымшакович, 41 жашта, жумушсуз.

"Эл биримдиги" — 4 мандат

  1. Сансызбаев Тынайбек Мамбетжанович, 54 жашта, "ДиОА Шумкар" мунай базасы компаниясынын директору;
  2. Маликов Анарбек Туйгунбекович, 30 жашта, "Томат КейДжи" айыл чарба фермеринин техникалык директору;
  3. Мамбетжанова Алтынай Кадырбековна, 27 жашта, "Брент" күйүүчү май куюучу жайынын улук оператору;
  4. Раимов Батыр Шүкүрович, 44 жашта, "Версаль" компаниясынын инженери.

Белгилей кетсек, эгер кимдир бирөө мандаттан баш тартса, артында турган талапкер депутат боло алат.

Ошондой эле расмий жыйынтык чыкканда мандаттардын бөлүштүрүлүшү өзгөрүшү мүмкүн.

76
Белгилер:
депутат, шайлоо, мандат, шаардык кеңеш, Токмок
Тема:
Бишкек, Ош жана Токмок шаарларында кайрадан өтө турчу шайлоо (55)
Тема боюнча
Бишкек шаардык кеңешке шайлоонун алдын ала жыйынтыгы — кол менен саноо
Атамбаевдин уулу, ырчы жана бизнесмендер. Бишкекте кимдер мандатка жетти
Мугалимдер, мэрия кызматкерлери, ишкерлер. Ошто депутат болчулардын аты-жөнү
Кыргызстан жана Тажикстан желектери. Архивдик сүрөт

Баткендеги атышуу: Кыргызстан менен Тажикстандын Чек ара жетекчилери сүйлөштү

72
(жаңыланган 20:26 24.07.2021)
Эске салсак, Бүгүн Баткен облусунун аймагында кыргыз-тажик чек арачыларынын ортосунда атышуу болгон. 

БИШКЕК, 24-июл. — Sputnik. Кыргыз-тажик чек арасындагы бүгүнкү окуя боюнча эки тараптын чек ара кызматтары сүйлөшүүлөрдү жүргүздү. Бул тууралуу УКМКнын Чек ара кызматынан кабарлашты.

"Баткен облусунун Тумба аймагында эки өлкөнүн чек арачылары сүйлөшүүлөрдү жүргүздү. Жолугууга жергиликтүү бийлик органдарынын өкүлдөрү менен Баткен жана Согди облустарынын укук коргоо органдарынын башчылары катышты. Жыйынтыгында тараптар Кум-Мазар (Кыргызстан) жана Сомоньен (Тажикстан) аймагында эч кандай иштерди жүргүзбөө чечимин кабыл алышты", — деп айтылат билдирүүдө.

Ошондой эле эки тараптын чек арачылары аталган аймактагы тартиптин сакталышын көзөмөлдөй турганы айтылды.

Эске салсак, бүгүн, 24-июлда, Баткен облусунун аймагында кыргыз-тажик чек арачылары бири-бирине ок чыгарган. Окуя чек арага жакын Баткен районунун Кум-Мазар аймагында болгон. Тажик тарап кыргыз тарап менен макулдашпай туруп аймакта кум тазалоо иштерин кыла баштаган. Ал жерге Кыргызстандын чек арачылары, жергиликтүү бийлик өкүлдөрү жана тургундар барып, ишти токтотуусун талап кылган. Бирок тажик тарап буга макул болгон эмес. Тараптар бири-бирине таш ыргытып, кийин чек арачылар ок чыгарган.

72
Белгилер:
чек ара, Баткен, Кыргызстан
Тема боюнча
УКМК: бүгүн кыргыз-тажик чек арасында ок атышуу болду
Тажикстан Кыргызстан менен чектешкен аймагында ири аскердик машыгуу өткөрөт  
Афганистандан качкындар. Архив

Тажикстан Афганистандан 100 миң качкын кабыл алууга даяр экенин айтууда

55
Учурда өлкө бийлиги эл аралык уюмдар менен биргеликте республиканын качкындар менен иштөө потенциалын иликтеп жатканы маалымдалды.

БИШКЕК, 24-июл. — Sputnik. Тажикстан Афганистандан 100 миң качкынды кабыл алууга даяр. Бул тууралуу Өзгөчө кырдаалдар комитетинин жетекчисинин орун басары Эмомали Иброхимзодага шилтеме берип Sputnik Тажикстан агенттиги жазды.

"Тажикстандын Афганистан менен чектешкен аймактарындагы аскер полигондоруна 100 миңдей качкынды кабыл алып, жайгаштырса болот. Зарылдык болсо андан дагы көп кишини киргизүүгө мүмкүндүк бар. Учурда өлкө бийлиги эл аралык уюмдар менен биргеликте республиканын качкындар менен иштөө потенциалын иликтеп жатат", — деди Иброхимзода.

Эске салсак, Афганистандан НАТО күчтөрү акырындык менен чыгып кетип жатат. Мындан улам бир катар өлкөлөрдө тыюу салынган террордук уюм деп эсептелген "Талибан" өкмөттүк күчтөр менен тирешүүдө.

Буга чейин Афганистанда жашаган 347 этникалык кыргыз талибдерден качып Тажикстандын аймагына киргени маалым болгон. Чек араны кесип өтүүдө эки наристе чарчап калган. Бир нече күндөн кийин тажик тараптын Улуттук коопсуздук кызматы Афганистандын өкмөтү этникалык кыргыздардын жеке коопсуздугуна кепилдик бергенден кийин алар артка кайтарылганын билдирген. Качкындар Вахон уездинин Андемин аймагына төрт миң малы жана автоунаалары менен кайтышкан.

55
Белгилер:
жардам, качкын, Афганистан, Тажикстан
Тема:
Афган бийлиги менен талибдердин тиреши
Тема боюнча
Афганистандагы согуш Борбордук Азияны көздөй "жылууда". Опкоолжуткан фактылар
Афганистан көйгөйү: борбор азиялыктарды азгыруу күчөп, баңгизат өндүрүшү рекорд койду
Индияда басылбаган жаандын кесепети

Индияда басылбаган жаан менен жер көчкүдөн 138 киши каза болду

0
Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады.

БИШКЕК, 24-июл. — Sputnik. Индиянын Махараштра штатында нөшөрлөп жааган жамгырдан улам жер көчүп, каза болгондордун саны бери дегенде 138ге жетти. Бул тууралуу NDTV телеканалына шилтеме берип РИА Новости жазды.

"Нөшөрлөгөн жамгыр токтобой, жер көчкү жүргөндүктөн 138 жергиликтүү жаран каза тапты. Мындан тышкары, 84 миң киши коопсуз жайларга көчүрүлдү", — деп жазылат кабарда.

Индиянын метеорологиялык бюросу Махараштра штатынын Мумбаи шаарында катаал аба ырайына байланыштуу өзгөчө кырдаал жарыялады. Басылбаган жаандан улам электр энергиясы менен таза суу шаардыктарга берилбей калды.

0
Белгилер:
жаан, өлүм, жаратылыш, Индия
Тема боюнча
Таласта сел көпүрөнү алып кетип, элди жүктөгүч менен алып чыгышты. Видео