Президент Садыр Жапаров. Архив

Германиядагы суу каптоо. Садыр Жапаров каза болгондорго байланыштуу көңүл айтты

107
(жаңыланган 10:49 19.07.2021)
Өлкө башчы жаратылыш кырсыгында адам жоготуу болгондугуна байланыштуу аза-кайгыны тең бөлүшөрүн айтып, жабыр тарткандардын тезирээк сакайып кетүүсүн каалаган.

БИШКЕК, 19-июл. — Sputnik. Президент Садыр Жапаров Германиянын федералдык канцлери Ангела Меркелге жана өлкө башчысы Франк-Вальтер Штайнмайерге суу каптоонун кесепеттеринен каза болгондорго байланыштуу көңүл айтты. Бул тууралуу президенттин маалымат кызматы кабарлады.

Эске салсак, Германияда 12-июлдан тарта нөшөрлөп жамгыр жаап, анын кесепетинен суу ташкындап, дарыялар нугунан чыгып, адам өлүмүнө алып келүүдө. Акыркы маалыматтар боюнча, көз жумгандардын саны 150дөн ашты.

"Кыргызстандын элинин жана өзүмдүн атымдан Түндүк Рейн-Вестфалия жана Рейнланд-Пфальц федералдык аймактарында суу каптап, анын айынан көптөгөн адамдар каза болгондугуна байланыштуу тереӊ кайгыруу менен көңүл айтам. Бул кырсыкта көз жумгандардын үй-бүлөлөрүнүн, жакындарынын аза кайгысын тең бөлүшөм", — деп айтылат телеграммада.

Ошондой эле президент жабыр тарткандардын тезирээк сакайып кетүүсүн каалаган.

107
Белгилер:
Кыргызстан, Германия, Садыр Жапаров, суу каптоо, өлүм, көңүл айтуу
Тема боюнча
Жапаров жаңы Баш мыйзамдын долбоорун жазган Бөрүбашовду кеңешчи кылып алды
Жапаров сунуштаган мыйзам өтпөсө, депутаттардын мөөнөтү 6 айга узарышы мүмкүн
Жогорку Кеңештин төрагасы Талант Мамытов. Архив

Төрага Мамытов жана депутаттар Ирандын президентинин инаугурациясына катышты

101
(жаңыланган 16:41 05.08.2021)
Спикер ирандык кесиптешине Кыргызстанда болуп өткөн саясий процесстер тууралуу маалымат берип, Жогорку Кеңештин жаңы курамы октябрда шайланарын айткан.

БИШКЕК, 5-авг. — Sputnik. Жогорку Кеңештин төрагасы Талант Мамытов жана депутаттар Каныбек Иманалиев, Замирбек Эсенаманов Тегеранда Ирандын президенти аятолла Сейед Эбрахим Раисинин инаугурациясынын расмий салтанатына катышты. Бул туурасында парламенттин маалымат кызматы билдирди.

Анын алкагында Мамытов Ирандын Ислам Кеңеши межлисинин төрагасы Мохаммад Багер Галибаф менен жолугушкан.

"Тараптар эки өлкөнүн ортосундагы соода-экономикалык мамилелерди өнүктүрүүгө кызыкдар экендигин билдиришип, туризм, инвестициялар, медициналык туризм, инженердик-техникалык кызматтар жана башка чөйрөдөгү кызматташтыктын перспективаларын талкуулашты", — деп айтылат маалыматта.

Ошондой эле спикер чакыруу үчүн ыраазычылык билдирип, Ирандын элин жаңы мамлекет башчысын ийгиликтүү шайлап алышы менен куттуктады. Андан соң ал Кыргызстанда болуп өткөн саясий процесс тууралуу маалымат берип, Жогорку Кеңештин жаңы курамы быйыл октябрда шайланарын билдирди.

Кыргызстандын президенти Садыр Жапаров. Архив
© Пресс-служба президента КР / Султан Досалиев
"Бизде да, сиздерде да саясий процесс активдүү өнүгүп жатат, бирок муну менен катар эле соода-экономикалык мамилелерибизди да өнүктүрүүгө тийишпиз. Тилекке каршы, пандемия көп пландарыбызды ишке ашырууга жолтоо болду. Учурда биздин өлкөлөрдүн темир жол уюмдары Түркмөнстан жана Өзбекстан менен бирдикте кызматташууну баштады. Ал Кыргызстан менен Ирандын ортосундагы соода-экономикалык мамилелерди өнүктүрүүгө түрткү берет", — деп айткан Мамытов.

Ирандык кесиптеши анын сөзүн кубаттап, чакырууну кабыл алганы үчүн ыраазычылык билдирди.

Иш сапардын алкагында ЖК төрагасы Ирандын жетекчилери, ошондой эле инаугурацияга келген чет элдик делегациялардын башчылары менен дагы жолугары пландалууда.

101
Белгилер:
Иран, инаугурация, Талант Мамытов, спикер, депутат, жолугушуу
Тема боюнча
Босого 5%, аялдардын квотасын азайтуу. Парламент жаңы шайлоо мыйзамын колдоду
Кыргызстандын президенти Садыр Жапаров. Архив

Садыр Жапаров Түркмөнстанга учуп кетти. Коштоп жүргөндөрдүн тизмеси

183
(жаңыланган 14:43 05.08.2021)
Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

БИШКЕК, 5-авг. — Sputnik. Президент Садыр Жапаров Борбор Азия мамлекет башчыларынын консультативдик жолугушуусуна катышуу үчүн эки күндүк иш сапары менен Түркмөнбашы шаарына (Түркмөнстан) жөнөп кетти. Бул туурасында мамлекет башчынын маалымат кызматы билдирди.

Жолугушууда соода-экономика, энергетика, транспорт-коммуникация чөйрөлөрүндөгү региондук кызматташтык маселелери, ошондой эле коронавирус пандемиясына каршы күрөшүүдө биргелешкен чаралар талкууланат.

Сапардын алкагында Жапаров аймактагы өлкөлөрдүн лидерлери менен эки тараптуу сүйлөшүүлөрдү жүргүзөт.

Мамлекет башчыны коштоп кеткен расмий делегациянын курамы:

  • тышкы иштер министри Руслан Казакбаев;
  • Жогорку Кеңештин төрагасынын орун басары Аида Касымалиева;
  • Министрлер кабинетинин төрагасынын орун басары — экономика жана финансы министри Акылбек Жапаров;
  • Президенттин администрациясынын тышкы саясат бөлүмүнүн башчысы Дастан Дюшекеев;
  • Кыргызстандын Түркмөнстандагы атайын жана ыйгарым укуктуу элчиси Талант Султанов;
  • ички иштер министри Улан Ниязбеков;
  • энергетика жана өнөр жай министри Доскул Бекмурзаев;
  • транспорт жана коммуникациялар министри Гүлмира Абдралиева;
  • маданият, маалымат, спорт жана жаштар саясаты министри Кайрат Иманалиев.
183
Белгилер:
Садыр Жапаров, Түркмөнстан, министр, делегация
Тема боюнча
Жапаров Эрдоганга адам өмүрүн алган өрт кырсыгына байланыштуу көңүл айтты
Хабиб Садыр Жапаров менен жолуккандагы сүрөтүн жарыялады
Бишкектеги №61 автордук физика-математикалык мектеп-лицейинин окуучусу Фёдор Корнияш өспүрүмдөр арасындагы Балкан математикалык олимпиадасында коло медаль утту

Кыргызстандык окуучу Балкан математикалык олимпиадасынан коло байге утту

0
(жаңыланган 20:36 05.08.2021)
Бул сынакка Кыргызстандын атынан Бишкектеги төрт мектептен алты окуучу катышты. Алар 22 мамлекеттен келген окуучулар менен жарышты.

БИШКЕК, 5-авг. — Sputnik. Бишкектеги №61 автордук физика-математикалык мектеп-лицейинин окуучусу Фёдор Корнияш өспүрүмдөр арасындагы Балкан математикалык олимпиадасында коло медаль утту. Бул тууралуу өлкөнүн Билим берүү жана илим министрлиги билдирди.

  • Кыргызстанец Фёдор Корнияш завоевал бронзовую медаль на Балканской математической олимпиаде среди юниоров
    Бишкектеги №61 автордук физика-математикалык мектеп-лицейинин окуучусу Фёдор Корнияш өспүрүмдөр арасындагы Балкан математикалык олимпиадасында коло медаль утту
    © Фото / пресс-служба МОН КР
  • Кыргызстанец Фёдор Корнияш завоевал бронзовую медаль на Балканской математической олимпиаде среди юниоров
    Олимпиада 1-июлда башталып, 4-июлда жыйынтыкталган. Ага бардыгы болуп 22 мамлекеттен 128 окуучу катышкан.
    © Фото / пресс-служба МОН КР
1 / 2
© Фото / пресс-служба МОН КР
Бишкектеги №61 автордук физика-математикалык мектеп-лицейинин окуучусу Фёдор Корнияш өспүрүмдөр арасындагы Балкан математикалык олимпиадасында коло медаль утту

Олимпиада 1-июлда башталып, 4-июлда жыйынтыкталган. Ага бардыгы болуп 22 мамлекеттен 128 окуучу катышкан.

Кыргызстандык команданын курамы:

  • Абдумалик Турсунов, Келечек-MIT;
  • Актан Койчуманов, "Газпром-Кыргызстан" мектеби;
  • Максим Залепо, №61 автордук физика-математикалык мектеп-лицейи;
  • Нурсултан Эшперов, "Газпром-Кыргызстан" мектеби;
  • Станкулов Илим, United World эл аралык мектеби;
  • Фёдор Корнияш, №61 автордук физика-математикалык мектеп-лицейи.
0
Белгилер:
Кыргызстан, олимпиада, окуучу, мектеп