Кыргыз Республикасынын өкмөт үйүн имараты. Архив

Сыйлыгы болсо камалбайт. Министрлер кабинетинин мүчөлөрүнө каралган кепилдиктер

1176
(жаңыланган 19:15 21.07.2021)
Президент "Министрлер кабинети жөнүндө" мыйзам долбоорун демилгеледи. Мурдагы "Өкмөт жөнүндө" мыйзамга салыштырмалуу министрлерге артыкчылык көп каралган.

БИШКЕК, 21-июл. — Sputnik. "Министрлер кабинети жөнүндө" мыйзам долбоорунда аткаруу бийлигиндеги жетекчилерге бир топ артыкчылыктар каралган. Маселен, мамлекеттик сыйлыгы болсо камакка алынышы мүмкүн эмес. Мыйзам долбоорунун биринчи окууга киргизилиши, эртенкиге, 22-июлга пландалган.

Жапаров демилге кылган "Министрлер кабинети жөнүндө" мыйзам долбоорунда министрлер кабинетинин мүчөлөрүнүн ишинин негизги принциптери, белгиленген чектөөлөр, ыйгарым укуктарынын мөөнөтү, ишинин кепилдиктери туурасында айтылган.

Аталган мыйзам долбоорундагы 9-берене — Министрлер кабинетинин мүчөсүнүн ишинин кепилдиктери төмөнкүчө жазылган:

  • Министрлер кабинетинин мүчөсү башкарган органдын ишин уюштургандыгы, ага жүктөлгөн ыйгарым укуктарды аткарууну камсыз кылгандыгы үчүн, өзүнүн милдеттерин аткарууга байланыштуу айткан ой-пикирлери же министрлер кабинети кабыл алган чечимдер үчүн куугунтукталбашы керек.
  • Министрлер кабинетинин мүчөсүн (министр – ред.) башка негиздер боюнча жазык жоопкерчилигине тартуу үчүн президенттин макулдугу керек.
  • Министрдин сыйлыгы болсо камакка алынышы мүмкүн эмес, буга тергөө өткөрүүнүн (сотко чейинки өндүрүштүн) жүрүшүндөгү үй камагы кирбейт.
  • Министрлер кабинетинин (МК) мүчөсү өзүнүн кызматтык ишинде республикалык бюджеттин каражаттарынын эсебинен акчалай сый акы алат жана тизмеси МК белгилеген социалдык пакет менен камсыз кылынат. Социалдык пакетке министрди медициналык камсыздандыруу милдеттүү түрдө кирет.
  • Министр МК белгилеген учурларда жана шарттарда кызматтык турак жай алуу укугуна ээ. Кызматтык турак жай менчиктештирилбейт. Аткаминер кызматтык үйүн кызматтан кеткен күндөн баштап бир айдын ичинде бошотот.
  • Мамлекеттик орган жоюлгандыгына, кайра уюштурулгандыгына байланыштуу, ошондой эле министрлер кабинетинин кызматтан кетүүсүнөн улам кызматынан бошотулган аткаминер бир орточо айлык эмгек акы өлчөмүндө компенсация алат.
  • Эгерде министр министрлер кабинетинин жаңы курамынын мүчөсү же болбосо административдик ведомствонун жетекчиси болуп дайындалса же башка ишке өтсө, ага компенсация төлөнүп берилбейт.
  • Кызматтык ишин аткарууга байланыштуу өмүрүнө, ден соолугуна жана мүлкүнө кол салуу коркунучу жаралса министрлер кабинетинин мүчөсү мамлекеттик коргоо менен камсыздалат. Зарыл болгондо коопсуздук чаралары аткаминердин жубайына жана жакын бир туугандарына карата колдонулушу мүмкүн.
  • Коопсуздук чараларын колдонуунун шарттары жана тартиби министрлер кабинетинин чечими менен белгиленет.
  • Ушул берененин 1-5-бөлүктөрүндө каралган кепилдиктер аткаруу бийлигинин башка органдарынын жетекчилерине, министрлердин орун басарлары жана мамлекеттик комитеттердин төрагаларына карата да колдонулат.

Мурдагы нормалар

Көп нормалар мурдагы мыйзамда бар. Мисалы, биринчиси такыр башкача айтылат жана мамлекеттик сыйлыктан улам каралган артыкчылыктар жок. Кылмыш жоопкерчилигине тартуу үчүн президенттин уруксаты талап кылынган эмес. Анткен менен өзүнүн милдеттерин аткарбагандыгы үчүн жазага тартуу каралган.

"Өкмөттүн мүчөсү өз милдеттерин аткарууга байланыштуу айткан пикирлери үчүн же өкмөттүн жыйналышындагы добуш берүүнүн натыйжалары үчүн куугунтуктоого, анын ичинде отставкага кеткенден кийин да дуушар болушу мүмкүн эмес. Бул кепилдик өкмөттүн мүчөсү белгиленген тартипте кабыл алынган Өкмөттүн чечимдерин аткарбаган учурларга карата колдонулбайт", - деп жазылган Кыргыз Республикасынын Өкмөтү жөнүндө мыйзамда.

Сунушталган кепилдиктер министрлердин орун басарларына да тиешелүү экендигин азыркы мыйзамда айтылган эмес.

1176
Белгилер:
аткаминер, министр, мыйзам долбоору, Садыр Жапаров, Министрлер кабинети, Кыргызстан
Тема боюнча
Акимдердин президенттикиндей эле кол тийбестиги болот. Мыйзам долбоор
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1389
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1389
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады
Бишкектеги Жогорку Кеңештин имараты. Архив

ЖК депутаттары кезексиз жыйындарын аяктап, каникулга тарады

35
(жаңыланган 22:05 29.07.2021)
Эс алуу 1-сентябрга чейин уланат. Эл өкүлдөрү төраганын чакыруусу менен 5-июлдан бери кезексиз жыйында отурушкан.

БИШКЕК, 29-июл. — Sputnik. Жогорку Кеңештин депутаттары кезексиз жыйындарын аяктап, каникулга тарады.

Эс алуу 1-сентябрга чейин уланат.

Белгилей кетсек, регламент боюнча парламентарийлер июнь айынын аягында каникулга тараган. Бирок төрага Талант Мамытов Кыргызстандагы пандемияга байланыштуу оор кырдаалды эске алып, эмгек өргүүгө чыкпастан, колдонуудагы мыйзамдарды Конституцияга шайкеш келтирүү максатында жаңы мыйзамдарды кабыл алуу зарыл экенин белгилеп, бир айлык мөөнөткө кезексиз жыйынга чакырган.

35
Белгилер:
депутат, каникул, кезексиз жыйын, парламент
Тема боюнча
Качып, жалтактап... Жапаровдун сый тамагына бараткан депутаттардын видеосу
Каникулда жүрүп 200-300 миң сом акча алышат. Депутаттар тууралуу пост
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

0
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

0
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео