Президент Садыр Жапаров. Архивдик сүрөт

Депутаттар Жапаровдун мыйзам долбоорун бир шарт менен колдоп беришти

3825
(жаңыланган 18:59 22.07.2021)
Кечээ күнү депутаттар Садыр Жапаровго барышкан. Бүгүн талкуудан кийин президент сунуштаган мыйзам долбоордун концепциясын жактырышты.

БИШКЕК, 22-июл. — Sputnik. Жогорку Кеңештин депутаттары Садыр Жапаров демилгелеген шайлоолор жөнүндөгү мыйзам долбоорду биринчи окууда жактырды.

Документке ылайык, партиялык система менен 120 депутатты шайлоо практикасы жоюлуп, аралаш системага өтөт. Жаңы Конституция боюнча парламентте 90 депутат болот. Алардын 35и бир мандаттуу округдан, калган 55и партиялык система менен келет.

Кечээ күнү депутаттар Жапаров менен жолугуу үчүн "Ала-Арча" резиденциясына барышкан

Депутат ЖК Рыскелди Момбеков
© Фото / пресс-служба ЖК / Ашыркул Оморкулов
Депутат Рыскелди Момбеков
"Эл өкүлдөрүнүн айтымында, кечээ президент мандаттар боюнча элдин оюн эске алууну суранып, бирок преференциалдуу системага каршы эместигин билдириптир. Президент 55-56 депутат кайсы система менен шайланышын биз өзүбүз чечишибиз керектигин айтыптыр. Келгиле, ушуну чечишип алалы", — деди депутат Рыскелди Момбеков кесиптештерине кайрылып.

Ага төрага Талант Мамытов жооп берди. 

Торага Жогорку Кенеша Талант Мамытов на заседании ЖК
© Sputnik / Табылды Кадырбеков
Төрага Талант Мамытов

"Биринчи окууда негиз катары мыйзамды кабыл алышыбыз керек. Экинчи окууда өзгөртүүлөр киргизилет", — деди спикер.

Депутат Бакыт Төрөбаев экинчи окууда мыйзам долбоор ЖКнын конституциялык мыйзамдар боюнча комитетине түшөрүн айтты. 

Депутат Жогорку Кенеша Бакыт Торобаев от фракции Онугуу — Прогресс. Архивное фото
© Sputnik / Табылды Кадырбеков
Депутат Бакыт Төрөбаев

"Биз концепцияны биринчи окууда кабыл алабыз. Экинчи окууда мыйзам долбоор биздин комитетке келет. Биз мыйзамдын "ээси" болуп калабыз, БШК жетекчисинин кереги жок болот. Ал жерде биз бардык маселелерди карап, экинчи окууга жөнөтөбүз", — деди ал.

Эл өкүлү Алтынбек Сулайманов Төрөбаевди колдоду. 

Лидер фракции Бир Бол Алтынбек Сулайманов на заседании ЖК
© Фото / пресс-служба ЖК / Ашыркул Оморкулов
Эл өкүлү Алтынбек Сулайманов

"Комитетте биз преференциалдык система боюнча өзгөртүүлөрдү киргизе алабыз. Эгер ал жакта оюндар баштала турган болсо экинчи окууда өзүбүздүн сөзүбүздү айтабыз. Баскычтар биздин колдо", — деди ал.

Ал эми Жанар Акаев эркекче келишим түзүүгө чакырды. 

Депутат ЖК Жанар Акаев на заседании
© Фото / пресс-служба ЖК
Депутат Жанар Акаев

"Эгер кайсы бир себептерден улам преференциалдык системадан баш тартылса, анда биз экинчи окууда мыйзам долбоорду өткөрбөйбүз деп өз ара биригип, сүйлөшүп алышыбыз керек", — деди Акаев.

Жыйынтыгында 99 депутат "макул", алтоо "каршы" деген добуш берди. Жалпы 106 депутат пикирин билдирди.

Преференциалдык системаны буга чейин Алтынбек Сулайманов сунуштаган. Ага ылайык, шайлоочу партияны гана эмес, анын курамындагы талапкерлерди дагы тандайт.

3825
Белгилер:
долбоор, мыйзам, шайлоо, Жогорку Кеңеш
Тема боюнча
Садыр Жапаровдун облустардагы өкүлдөрү дайындалды. Тизме
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

94
(жаңыланган 18:40 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

94
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео 
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

177
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

177
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды 
Казакстандын QazVac вакцинасыны. Архив

Эртең Бишкекке Казакстандын QazVac вакцинасы жеткирилет

0
(жаңыланган 18:54 27.07.2021)
Алымкадыр Бейшеналиев июнь айында өлкөгө казакстандык QazVac вакцинасы 50 миң дозада гумжардам катары алып келинерин, бул тууралуу элчи менен сүйлөшүүлөр болгонун айткан. Бирок коңшу өлкөнүн бийлиги бул маалыматты төгүндөгөн.

БИШКЕК, 27-июл. — Sputnik. Эртең Кыргызстанга QazVac вакцинасынын 25 миң дозасы жеткирилет. Бул тууралуу Казакстандын Кыргызстандагы элчилиги билдирди.

Маалыматка караганда, гуманитардык жардамды коңшу өлкө "Акжол" көзөмөл пунктунан өткөрүп бермекчи. Иш-чарага КРдин саламаттык сактоо жана социалдык өнүктүрүү министри Алымкадыр Бейшеналиев менен казак элчиси Рапиль Жошыбаев катышат.

Эске салсак, Бейшеналиев буга чейин өлкөгө казакстандык QazVac вакцинасы 50 миң дозада гумжардам катары алып келинерин, бул тууралуу элчи менен сүйлөшүүлөр болгонун айткан. Көп өтпөй коңшу өлкөнүн вице-премьери Ералы Тугжанов менен саламаттык сактоо министри Алексей Цой бул маалыматты төгүндөгөн.

0
Белгилер:
QazVac вакцинасы, гуманитардык жардам, вакцина, коронавирус, Казакстан, Кыргызстан
Тема:
Коронавируска каршы эмдөө
Тема боюнча
Штаб: COVID менен ооругандар азайды, бирок кырдаал кыйын бойдон турат
Эмдөөдөн өттү деген сертификатты кайсы жерден жана кантип алууга болот