Жогорку Кеңеш. Архивдик сүрөт

ЖК үч кодекстин долбоорун жактырып, сентябрдан тарта күчүнө кирмей болду

161
(жаңыланган 19:33 22.07.2021)
Кеп башкаруу тартибине каршы укук бузуулар, кылмыш жана кылмыш-процессуалдык кодекстери жөнүндө болуп жатат.

БИШКЕК, 22-июл. — Sputnik. Жогорку Кеңеш үч кодекстин долбоорун үч окууда кабыл алды. Бул тууралуу парламенттин сайтына жарыяланды.

Сөз башкаруу тартибине каршы укук бузуулар, кылмыш жана кылмыш-процессуалдык кодекстер тууралуу болуп жатат.

Бүгүн, 22-июлда, Укук тартиби, кылмыштуулук менен күрөшүү жана коррупцияга каршы аракеттенүү боюнча комитеттин төрайымы Наталья Никитенко 12-июлда комитет парламенттик угуу өткөргөнүн белгиледи. Анын жыйынтыгы боюнча министрлер кабинети, Акыйкатчы институту, бизнес-омбудсмен жана жарандык коомчулуктан көптөгөн сунуш-пикирлер түшкөн.

Кылмыш кодексинин долбоору боюнча 139 сунуш түшкөн, анын көбү кабыл алынганы парламенттин сайтында белгиленет.

"Негизги талкуу аталган кодекстердин 2021-жылдын 1-сентябрында же 2022-жылдын 1-январында күчүнө кирери жөнүндө болду. Добуш берүүнүн жыйынтыгында биринчи дата тандалды", — деди Никитенко.

Депутат Дастан Бекешев жаңы кодекстердин 1-сентябрдан тарта ишке киришине тергөөчүлөрдүн, соттордун, адвокаттардын, нотариустардын жана башка кызыкдар тараптардын даярдыгына кызыкты. Буга башкы прокурор Курманкул Зулушев бардык тараптардын макулдугу бар экенин айтып ишендирди.

Ошондой эле ал учурда 43 миңден ашык жарандын укугу бузулгандыгы жөнүндө арыздар бар экенин, дагы төрт ай күтө алышпай турганын кошумчалады.

161
Белгилер:
сунуш, талкуу, окуу, кодекс, парламент, Кыргызстан
Тема боюнча
Бишкек менен Оштун шаардык кеңеши мэрликке талапкер көрсөтө албайт. Долбоор
Акимдердин президенттикиндей эле кол тийбестиги болот. Мыйзам долбоор
Кабул шаары. Архивдик сүрөт

Афганистандын дээрлик бардык аймагына коменданттык саат киргизилди

40
(жаңыланган 23:13 24.07.2021)
Маалыматта коменданттык сааттын болгону үч — Кабул, Нангархар жана Панжшер провинцияларына тийиштүү эмес экендиги айтылган.

БИШКЕК, 24-июл. — Sputnik. Афганистан бийлиги "Талибан" кыймылынын аракеттерин кармап туруу үчүн 34 провинциянын ичинен 31ине коменданттык саат киргизди. Бул тууралуу РИА Новости Tolo News телеканалына шилтеме кылып кабарлады.

Телеканал Афганистан ИИМ жетекчилигине таянып кабарлаган. Маалымат булагынын айтымына караганда, талиптердин кыймылын ооздуктаганга аракет кылган бул чектөө жергиликтүү убакыт боюнча 22.00дөн таңкы 04.00гө чейин киргизилген.

Маалыматта коменданттык саат болгон үч - Кабул, Нангархар жана Панжшер провинцияларына тийиштүү эмес экендиги айтылган.

Ал арада РИА Новостинин соңку маалыматтарында, Пакистан аскерлери "Талибан" көзөмөлгө алган Афганистандын аймагы – Кандагарга киргенин айтылды.

Афганистандын RTA телекомпаниясы Кандагардын Назар деп аталган коопсуздук постунан тартылды деген видеону тараткан.

Эске салсак, бүгүн Россия лидери Владимир Путин да Өзбекстан, Казакстандын президенттери менен Афганистандагы абалдын Борбор Азияга таасирин талкуулаган.

Афганистанда өкмөттүк күчтөр менен "Талибан" кыймылынын ортосунда тирешүү жүрүп келет. Согушкерлер өлкөнүн айыл жерлериндеги көптөгөн аймактарын ээлеп, чоң шаарларга кол салууда.

Афганистандагы саясий туруксуз абал АКШ администрациясы 11-сентябрга чейин афган жеринен аскерлерди чыгарып кетүү убадасынан кийин курчуп жатат.

Өткөн жылдын сентябрында Катар өлкөсүндө афгандардын сүйлөшүүлөрү башталган. Бирок дээрлик он ай убакыт өтсө да тараптар жолугушуунун күн тартибин аныктай элек. Тараптар өкмөттүк күчтөр менен "Талибан" кыймылынын ортосундагы согушту токтотуу боюнча орток пикирге келе албай жатышат.

40
Белгилер:
коменданттык саат, Өзбекстан, Казакстан, Россия, Пакистан, Афганистан
Тема:
Афган бийлиги менен талибдердин тиреши
Тема боюнча
Тажикстан Афганистандан 100 миң качкын кабыл алууга даяр экенин айтууда
Рахмон армиясын текшерип, тажик-афган чек арасына 20 миң аскер жөнөттү
Афганистандагы согуш Борбордук Азияны көздөй "жылууда". Опкоолжуткан фактылар
Путин Өзбекстан, Казакстан президенттери менен афган кооптуулугун талкуулады
Россия президенти Владимир Путин телефон аркылуу сүйлөшүү учурунда. Архивдик сүрөт

Путин Өзбекстан, Казакстан президенттери менен афган кооптуулугун талкуулады

40
Путин коңшу эки мамлекеттин президенттери менен Афганистандагы кооптуу абалдын Борбор Азияга тийгизе турган таасирин, биргелешип иш алып баруу зарылдыгын сүйлөшкөн.

БИШКЕК, 24-июл. — Sputnik. Россия лидери Владимир Путин Өзбекстан жана Казакстандын президенти Шавкат Мирзиёев, Касым-Жоомарт Токаев менен телефон аркылуу Афганистандагы азыркы абалды талкуулады. Бул тууралуу РИА Новости жазды.

"Телефон менен сүйлөшүү учурунда Россия лидери Владимир Путин Өзбекстан президенти Шавкат Мирзиёевди туулган күнү менен куттуктады. Эки жетекчи орус-өзбек мамилелерин жана коронавирустун жайылып кетишине каршы күрөшүү жолдорун сүйлөштү", — деп айтылат маалыматта.

Мындан сырткары, эки президент аймактык коопсуздук маселелерин, анын ичинен Афганистандагы абалды талкуулаган.

Бүгүн Өзбекстан президенти Шавкат Мирзиёев 64 жашка чыкты.  

Ушул эле күнү Путин Касым-Жоомарт Токаев экөө телефон аркылуу сүйлөшүп, афган көйгөйүн жана анын Борбор Азия мамлекеттерине тийчү таасири тууралуу кеп кылгандыгы Казакстан президентинин сайтында маалымдалды. 

"Андан сырткары эки өлкөнүн жана аймактын башка мамлекеттеринин биргелешкен иш-аракеттери региондогу социалдык-экономикалык ийгиликтүү өнүгүүнү камсыздай турганы белгиленди", — деп айтылган маалыматта.   

Афганистанда өкмөттүк күчтөр менен "Талибан" кыймылынын согушкерлеринин кагылышуусу жүрүп жатат. Экинчи тараптагылар аталган өлкөнүн айыл жергесиндеги бир топ райондорунун аймагын басып алып, ири шаарларга тап коюшууда. Афганистандагы туруктуулук АКШ администрациясы 11-сентябрга чейин аскерлерин алып чыгып кетерин билдиргенден кийин жок боло баштады.

Россия ТИМ жетекчисинин орун басары Андрей Руденко жакында РИА Новостиге берген маегинде Афганистанда азыр жүрүп жаткан процесс Борбор Азияга түздөн-түз кооптуулук жаратат деген пикирин билдирген. 

40
Белгилер:
куттуктоо, туулган күн, Шавкат Мирзиеев, Владимир Путин, Өзбекстан, Россия
Тема:
Афган бийлиги менен талибдердин тиреши
Тема боюнча
Тажикстан Афганистандан 100 миң качкын кабыл алууга даяр экенин айтууда
Афганистандагы согуш Борбордук Азияны көздөй "жылууда". Опкоолжуткан фактылар
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

0
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

0
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео