Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

80
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

80
Белгилер:
Евразиялык экономикалык биримдик, жолугушуу, Крым, Кыргызстан
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду
Социалдык фонддун жетекчиси Бахтияр Алиев. Архив

Бахтияр Алиев КТРКдан кетип, Соцфондго жетекчи болду

65
(жаңыланган 11:52 18.10.2021)
Бактияр Алиев 2001-2009-жылдан аралыгында Социалдык фонддо иштеп, жетектөөчү адистен бөлүм башчылыкка чейин жеткен.

БИШКЕК, 18-окт. — Sputnik. Бактияр Алиев Социалдык фонддун жетекчиси болуп дайындалганын мекеменин маалымат кызматы тастыктады.

Аны бүгүн эмгек жамаатка министрлер кабинетинин төрагасынын орун басары Эдил Байсалов тааныштырган.

Заместитель председателя кабмина Эдиль Байсалов представил Бактияра Алиева, в качестве нового руководителя, коллективу Соцфонда. 18 октября 2021 года
© Фото / пресс-служба Соцфонда КР
Аны бүгүн эмгек жамаатка министрлер кабинетинин төрагасынын орун басары Эдил Байсалов тааныштырган

Алиев буга чейин Коомдук телерадиоберүү корпорациясынын башкы директору болуп келип, өткөн аптада өз каалоосу менен кызматтан кеткен.

Ал эми 2001-2009-жылдан аралыгында Социалдык фонддо иштеп, жетектөөчү адистен бөлүм башчылыкка чейин жеткени маалым.

Буга чейин аталган фонддуу Жаныбек Орозалиев жетектеп келген.

65
Белгилер:
Бахтияр Алиев, Социалдык фонд, жетекчи, кызмат, дайындоо
Тема боюнча
Мамлекеттик салык кызматына Алтынбек Абдувапов төрага болду
Кайрат Иманалиев КТРК жетекчисинин милдетин аткармай болду
Кишилер тосмо куруу учурунда. Архив

Жакырлар азаят, эл таза суу ичет. Бийлик 5 жылда жашоону кантип өзгөртмөй болду

117
(жаңыланган 12:04 18.10.2021)
Беш жылдан кийин мамлекеттик кызматкерлер электромобиль айдап, бир канча ири ГЭСтер курулуп, жакыр жашагандар 20 пайызга азайып, кредиттин пайыздарын төмөндөтүшү мүмкүн. "Кантип?" деген суроо жаралдыбы? Анда Sputnik Кыргызстан даярдаган материалды окуңуз.

Президент Садыр Жапаров 2026-жылга чейин Кыргыз Республикасын өнүктүрүүнүн улуттук программасын бекитти. Документ 91 беттен турат. Анда экономика, саламаттык сактоо жана билим берүү тармактарын кантип өнүктүрөрү жазылган. Негизинен бардык чөйрө эске алынган. Программа 2040-жылга чейин Кыргыз Республикасын өнүктүрүүнүн улуттук стратегиясынын алкагында иштелип чыкты.

Редакция Кыргызстанды өнүктүрүүнүн улуттук программасында камтылган маанилүү учурларды тизмектеди. Материал эки бөлүктөн турат.

Беш жылда элдин жашоосу кандай өзгөрөт

2025-жылдын аягында өлкө калкынын саны 7 миллионго жетери күтүлүүдө.

Жаңы программалык документти иштеп чыгуу зарылчылыгы соңку жылдары өлкөдө болгон өзгөрүүлөргө байланыштуу келип чыкты. Коронавирустун терс таасири, 2020-жылдын октябрындагы бийлик алмашуу, чет өлкөлөр менен болгон өз ара мамиле кыйла чектелип, ресурстарды алуу мүмкүнчүлүгү азайды. Программа өлкөнүн келечегин аныктаган жана мамлекеттик башкаруунун бардык системасы үчүн багыт берген документ катары каралууга тийиш.

Экономикалык өсүш туруктуу болуп, калктын кирешесиндеги теңсиздик кыскарат, орто класс кеңейет. Экономиканын эмгек сыйымдуу секторлорун колдоо жана өнүктүрүү экономикалык саясаттын негизги артыкчылыктары болуп калат.

Шаардагы турмуш менен айылдагы турмуштун айырмачылыгы азаят. Жаңы ишканалар ишке киргизилип, жумуш орундары түзүлөт. Шаарлардын жана айылдардын көчөлөрү таза жана коопсуз болот. Адамдар келечекке ишеним артып, өз мекенинде жөндөмдөрүн ишке ашыра алышат.

Программанын негизги талаптары:

  • Ар жылдык экономикалык өсүштүн реалдуу темпин орто эсеп менен 5 пайыздык деңгээлде камсыз кылуу;
  • Ички дүң продукцияны калктын жан башына алганда кеминде 1 500 долларга жеткирүү (2020-жылы жан башына 1 224 долларды түзгөн);
  • Жумушсуздуктун деңгээлин 5 пайызга чейин төмөндөтүү;
  • Тикелей чет элдик инвестициялардын ар жылдык келүүсүн кеминде ИДПнын 13 пайыздык өлчөмүнө жеткирүү;
  • Мамлекеттик тышкы карыздын суммасын ИДПнын 60 пайыздан көп эмес деңгээлинде сактоо;
  • Адамдык өнүгүү индекси боюнча рейтингинде Кыргызстандын көрсөткүчүн 5 позицияга жакшыртуу (учурда КР 189 өлкөнүн ичинен 120-орунда);
  • Глобалдык атаандаштык индекси боюнча рейтингинде Кыргызстанды 10 позицияга жакшыртуу (учурда КР 141 өлкөнүн ичинен 96-орунда);
  • Калктын жакырчылыгын 20 пайызга, анын ичинде балдардын жакырчылыгын 25 пайызга чейин төмөндөтүү;
  • Жалпы республикалык тестирлөөнүн натыйжасы боюнча мектеп бүтүрүүчүлөрүнүн кеминде 50 пайызын функциялык сабаттуулуктун базалык деңгээлине жеткирүү;
  • Өлкөнү электрондук өкмөттү өнүктүрүү индекси боюнча алдыңкы 60 өлкөнүн катарына киргизүү;
  • Парник газдарын чыгарууну 17 пайызга кыскартуу;
  • Коррупцияны кабылдоо индекси боюнча рейтингинде Кыргызстандын көрсөткүчүн 10 позицияга жакшыртуу.

Аткаруу бийлигин реформалоо

Башкаруу процесстерин толук автоматташтыруу зарыл. Өлкөнү санариптештирүү биринчи кезекте мамлекеттик башкаруу системасында ишке ашырылышы керек. Мамлекеттик кызматтар биринчи кезекте санарип технологиялар аркылуу керектөөчүлөр үчүн ыңгайлуу болгон ар кандай ыкмалар менен көрсөтүлөт. Анын натыйжалуулугун жана сапатын жогорулатуу максатында аутсорсинг практикасы кеңири колдонулат.

Мамлекеттик жана муниципалдык кызматчыларга бирдиктүү эмгек акы төлөө системасы калат, бирок ак ниеттүү кызматкерлер тапшырмаларды сапаттуу аткаргандыгы жана көтөргөн демилгеси үчүн бонус жана үстөктөрдү алышат.

Натыйжалуу кадр саясатын түзүү, ошондой эле кызматкерлерди социалдык пакет менен камсыздоо максатында "Келечек" программасы иштелип чыгат.

Мамлекеттик башкаруу системасын реформалоо боюнча координациялык кеңеш түзүлөт. "Маалыматтардын негизинде башкаруу" (Data-driven governance) концепциясы киргизилет.

IV Восточный экономический форум. День первый
© Sputnik / Алексей Даничев
Мамлекеттик жана муниципалдык кызматчыларга бирдиктүү эмгек акы төлөө системасы калат, бирок ак ниеттүү кызматкерлер тапшырмаларды сапаттуу аткаргандыгы жана көтөргөн демилгеси үчүн бонус жана үстөктөрдү алышат

Ишкерлик боюнча

Мамлекеттик экспорттук-импорттук банкы ачылат.

Бишкек жана Ош шаарларында, региондордо ишкердикти тейлөө борборлору түзүлөт.

"Е-лицензиялоо" электрондук лицензиялоо системасы ишке киргизилет.

"Е-коммерция" экосистемасы жана электрондук коммерция паркы негизделет.

Сотрудники современного Центра обслуживания населения в центре Бишкека. 09 апреля 2021 года
© Пресс-служба правительства / Алишер Алиев
Бишкек жана Ош шаарларында, региондордо ишкердикти тейлөө борборлору түзүлөт

Жолдор, логистикалык кызматтар

Эң оболу алдыдагы беш жылдыкта "Кытай — Кыргызстан — Өзбекстан темир жолу" стратегиялык долбоорунун курулушун баштоо жөнүндө маселени чечүү зарыл. Транспорттук автомагистралдарды жана эл аралык коридорлорду колдоо мамлекеттик саясаттын артыкчылыгында болот.

Кашкар — Эркеч-Там — Ош, Кашкар — Торугарт — Нарын коридорлору менен катар Аксу (Кытай) — Барскоон — Балыкчы эл аралык коридорун ишке киргизүүнү жана Балыкчы шаарында логистикалык борборду түзүү максатка ылайыктуу.

Түндүк — Түштүк альтернативалуу жолун куруп бүткөрүү, Ош — Баткен — Исфана — Худжант, Тараз — Талас — Суусамыр автожолдорун реконструкциялоо долбоорлору артыкчылыкта болот.

Вид с дрона на строящийся эстакадный мост на альтернативной дороге север — юг
© Sputnik / Акылбек Батырбеков
Түндүк — Түштүк альтернативалуу жолун куруп бүткөрүү, Ош — Баткен — Исфана — Худжант, Тараз — Талас — Суусамыр автожолдорун реконструкциялоо долбоорлору артыкчылыкта болот

Эл аралык логистикалык кызматтарды көрсөтүү үчүн "Манас" аэропортунун базасында карго-борборду түзүү жана өнүктүрүү боюнча таанылган эл аралык инвесторду табуу зарыл. "Ош" аба майданынын базасында Фергана өрөөнүнүн жүргүнчүлөрдү ташуу борборун түзүү, "Исфана" аэропортун модернизациялоо керек.

"Тамчы" аэропортунун базасында эл аралык почта жана соода агымдарына интеграцияланган почталык логистикалык борбор түзүлөт.

Айылдардын дээрлик баарына таза суу кирет

Жакынкы беш жылда мамлекет тышкы донорлордун жана республикалык бюджеттин эсебинен 470 миллион долларга жакын каражат инвестициялайт. Муну менен таза суу өлкөнүн калктуу конуштарынын 95 пайызына чейин жеткирилет. Жыл сайын республиканын 100гө жакын айылына таза суу киргизилет.

Человек набирает воду из-под крана в Осаке. 23 марта 2011 года
© AFP 2021 / VOISHMEL
Жыл сайын республиканын 100гө жакын айылына таза суу киргизилет

Саат боюнча эмгек акы төлөө

Экономиканын айрым секторлорунда эмгек ресурстарынын мобилдүүлүгүн жогорулатуу үчүн эмгек контрактыларына жана саат боюнча эмгек акы төлөөгө өтүү зарыл.

20 шаарда жаңы типтеги кесиптик-техникалык лицейлер модернизацияланып, ишке киргизилет. Анын базасында жаштар, эмгек мигранттары үчүн чет тилдер жана инженердик адистиктер, ишкердик, санариптик жана каржылык сабаттуулук боюнча адистештирилген окутуу программалары колдонулат.

Мужчина держит сомы в руке. Иллюстративное фото
© Sputnik / Жоомарт Ураимов
Экономиканын айрым секторлорунда эмгек ресурстарынын мобилдүүлүгүн жогорулатуу үчүн эмгек контрактыларына жана саат боюнча эмгек акы төлөөгө өтүү зарыл

Кредиттин пайызын азайтуу, жан бактылык позициядан четтөө

Мамлекеттин стратегиялык эмес объектилерин толук же жарым-жартылай менчиктештирүү, башкарууга өткөрүп берүү.

Санарип улуттук валютаны (санариптик сом) колдонуунун пилоттук долбоору ишке киргизилет.

Кредиттер боюнча пайыздык коюмдарды төмөндөтүү жана банктык кызмат көрсөтүүлөрдүн сапатын жогорулатуу үчүн шарттарды түзүү маанилүү багыттардын бири болуп саналат.

Посетители в отделении Райффайзенбанка в Москве.
© Sputnik / Валерий Мельников
Кредиттер боюнча пайыздык коюмдарды төмөндөтүү жана банктык кызмат көрсөтүүлөрдүн сапатын жогорулатуу үчүн шарттарды түзүү маанилүү багыттардын бири болуп саналат

Эл аралык донорлордун "арзан ресурстарынан" көз карандылыктын жогорку деңгээли негизинен башкаруу системасын "алсыратты". Бюджеттин төлөм жөндөмдүүлүгү жеңилдетилген тышкы колдоодон улам сакталууда. Жан бактылык позициядан четтеш керек жана өнүгүүнү каржылоонун жаңы принциптерин калыптандырууну баштоо абзел.

Мамлекеттик тышкы карызды алмашуу боюнча долбоордук сунуштардын негизинде Кыргызстандын тышкы карызын реструктуризациялоо (эсептен чыгаруу, жарым-жартылай грантка өзгөртүп түзүү) жөнүндө донор өлкөлөр менен сүйлөшүүлөрдү демилгелөө.

ГЭСтерди куруу, электр энергиясын сатуу

Жаңы гидроэнергетикалык долбоорлорду ишке киргизүү негизги милдет болуп саналат. Камбар-Ата ГЭС-1, Жогорку Нарын, Суусамыр-Көкөмерен, Казарман ГЭС каскаддары курулат. Анын артыкчылыктуулугун жана натыйжалуулугун эске алуу менен Нарын дарыясынын бассейнинин гидроэнергетикалык потенциалы ишке ашырылууга тийиш. Токтогул ГЭСинин каскадында иштеп жаткан кубаттуулуктарды модернизациялоо жана тезинен реконструкциялоо талап кылынат. Чакан ГЭСтер курулат.

Запуск в эксплуатацию Сокулукской ГЭС-2 в Чуйской области. 14 октября 2021 года
© Пресс-служба президента КР / Султан Досалиев
Жаңы гидроэнергетикалык долбоорлорду ишке киргизүү негизги милдет болуп санала

Электр энергиясын Чыгыш Азияга жана ЕАЭБ өлкөлөрүнө сатууга даярдык көрүлөт. CASA-1000 долбоору ишке ашырылат.

Энергиянын альтернативалуу булактарын (күн жана шамал энергиясы) өнүктүрүү каралат.

Шаарда экологияны сактоо максатында мамлекеттик автотранспорт паркы электромобилдерге этап-этабы менен которулат. Министрликтер менен ведомстволорду электромобилдерге өткөрүү боюнча иш-чаралардын планы бекитилет.

(Уландысы бар)

117
Белгилер:
Кыргызстан, өнүктүрүү, айыл, шаар, калк, улуттук программа
Тема боюнча
Беш эсе тез иштейбиз! Акылбек Жапаровдун өлкөнү өргө сүйрөй турчу 12 убадасы
Көз талдырат! Кыргызстандагы эң узун тоннель кантип курулууда. Видео
Акылбек Жапаров "электрондук сом" долбоорун айтып чыкты. Улуттук банк эмне дейт
Солдаты ведут бой за высоту на правом берегу Днепра.

Улуу Ата Мекендик согушта дайынсыз кеткендерди издеген топтун ат көтөргүс иши

0
Жоокер Матяшовдун Бишкек шаарында жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды.

БИШКЕК, 18-окт. — Sputnik. Өткөн ишемби күнү Аламүдүн районуна караган Ленинское айылындагы Маданият үйүндө "Биздин Жеңиш – Наша Победа" деп аталган издөө тобу жергиликтүү жашоочулар менен жолугушуу өткөрдү.

Алардын жетекчиси Татьяна Владимирова Россиядагы дал ушундай топ менен өз ара кызматташып иш алып барышарын, достугун баяндаган. Калуга облусундагы Барятин районунда август айында өткөн издөө боюнча эл аралык экспедицияга катышкандыгы маанилүү иштердин бири болгондугун билдирди. Иш-чарага келгендерди издөө отрядынын командири Екатерина Дятлова тосуп алды.

Сахнанын алдында эң баалуу артефактылар — "Биздин Жеңиш – Наша Победа" тобу Россиядагы саздардан, токойлордон тапкан Улуу Ата Мекендик согуш учурундагы Кызыл Армиянын жоокерлеринин жеке буюмдары турду. Ал эми столдо дайынсыз кеткен жоокерлерди издеп табууда талбаган эмгек, көп мээнет жумшап иштеген издөөчүлөргө тапшырылган грамоталар, дипломдор тизилген.

Иш-чаранын башында Владимирова Эл аралык издөө экспедициясына катышкан учурларды баяндап берди. Анда соң кийинки муундарга "Биздин Жеңиш – Наша Победа" жасаган иштер, "Западный фронт. Варшавское шоссе. Нам доверена память..." ролиги да көрсөтүлдү.

Аталган топ согушта курман болгондордун элесин сактап калуу, мекендин эркиндиги үчүн баскынчылардын Ата Журтубузга ээлик кылуусунан коргоп, кан-жанын аябай салгылашкан аталар, апалар туурасында тарыхты аяр сактап, маанисин жоготпой кийинки муундарга жеткирүү жаатында ат көтөргүс иш жасап келет.

Иш-чарада "Зайцева Гора" даректүү фильминен үзүндү көрсөтүлдү. Анда 385-аткычтар дивизиясынын душман менен айыгыша кармашканы айтылган. Ошол жоокерлердин арасында кыргызстандык Дмитрий Матяшов да болгон. Маалыматтарга караганда, ал ошол кандуу кармашта курман болгон. Издөөчүлөр каарман жоокердин туугандарын таап, 1942-жылдын 19-январында кызы менен жубайына жазган акыркы катын беришти. Фильмден соң Матяшовдун Бишкекте жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды. Залда отургандардын көз алдына кызыл армиячылар өмүрүн аябай, улам тиштенип, улам кайраттанып немецтик баскынчылар менен салгылашып жаткан ирмемдери, айтып бүткүс эрдиктери, жоокерлердин согуш соолуткан өмүрү, жакындарынын азаптуу кайгысы бир ирмемге тартылды.

Владимирова жоокер Дмитрий Матяштын атын түбөлүккө калтыруу үчүн Россиянын Коргоо министрлигинин борбордук архивиндеги докуметтерди изилдеп, карап чыгуу боюнча чоң иштер тургандыгын белгиледи.

Иш-чаранын соңунда издөө тобундагы активдүүлүгү менен айырмаланган Ленинское айылынын улан-кыздарына сертификаттар тапшырылды. Андан сырткары, өзгөчө сертификат дагы төрт катышуучуга ыйгарылган.

0