Депутат Рыскелди Момбеков. Архив

Эки жолу чай берсе эрип кеттиңерби? Депутат шайлоо босогосу 5%га көтөрүлгөнүн айтты

637
(жаңыланган 17:05 28.07.2021)
Депутат октябрь айында бир миллионго жакын добуштар күйүп кеткенин белгилеп, дагы ушундай кырдаал кайталанышы мүмкүндүгүн белгиледи.

БИШКЕК, 28-июл. — Sputnik. Жогорку Кеңештин депутаттарын шайлоо жөнүндө мыйзам долбоору экинчи окууга келгенде шайлоо босого чекти беш пайызга көтөрүү сунушталды.

Депутат Рыскелди Момбеков эмне себептен өзгөртүлгөнүнө кызыкты.

"Бул мыйзам биринчи окууга келгенде шайлоо босогосу 3 пайыз эле, экинчи окууда 5 пайыз болуп калыптыр. Эки жолу чай бергенге эрип кеттиңерби же эмне болду, айткылачы? Эмне үчүн 2 пайыз кошулуп калды?" — деди Момбеков.

Мыйзам долбоорунун демилгечилеринин бири Алтынбек Сулайманов тармактык комитетте депутаттардын сунушу менен кошулганын билдирди.

"Октябрда бир миллионго жакын добуштар күйүп кеткен. "Мекенчил" партиясынын 132 миң, "Республиканын" 120 миң, "Ата Мекендин" 80 миң, "Бир Болдун" 60 миң добушу күйгөн. Анан ыңкылап чыккан. 5 пайыздык босого менен да ошондой болбойт деп ким кепилдик бере алат. Муну менен бечара партияларды чаап жатпайсыңарбы. Азыр демилге өтпөй калса эмне кыласыңар? Залда 50 депутат отурат, 10у каршы болсо, дагы 40 добушту каяктан табасыңар, дагы чайга чакырабы?" — деди Момбеков.

БШК төрайымы Нуржан Шайлдабекова бул маселеде бирөөнү күнөөлөбөй депутаттар өз ара чечиши керектигин айтты.

637
Белгилер:
Рыскелди Момбеков, депутат, маселе, шайлоо, босого
Тема боюнча
Качып, жалтактап... Жапаровдун сый тамагына бараткан депутаттардын видеосу
Башында өлүмүш болуп, кийин күчкө саласыңар. Депутаттардын чуу түшкөн видеосу
Аткаминер. Архив

Акыйкатчы, шаардык кеңештин төрагасы. Шайлоого катышам деп иштен кеткендер

77
(жаңыланган 12:42 18.10.2021)
29-августта "Президентти жана Жогорку Кеңештин депутаттарын шайлоо тууралуу" конституциялык мыйзам күчүнө кирген. Андагы 21-беренеге ылайык, мамлекеттик саясий кызматтарды аркалаган жетекчилер шайлоого катышса иштен кетиши керек.

БИШКЕК, 18-окт. — Sputnik. Кыргызстанда ар кайсы деңгээлдеги жетекчилик кызматтарды ээлеп турган аткаминерлер 28-ноябрда өтө турган парламенттик шайлоого аттанып жаткандыктан иштен кетүүдө. Бул тууралуу Шайлоо жана референдум өткөрүү боюнча борбордук комиссиядан кабарлашты.

БШК эске салгандай, быйылкы жылдын 29-августунда "Президентти жана Жогорку Кеңештин депутаттарын шайлоо тууралуу" конституциялык мыйзам күчүнө кирген. Андагы 21-беренеге ылайык, мамлекеттик саясий кызматтарды аркалагандар (ЖК депутаттары менен президенттен башкасы) жана муниципалдык саясий кызматкерлер (жергиликтүү кеңештин депутаттарынан башкалар) шайлоого катышып жаткан учурда кызматтан четтетилиши зарыл.

Ал эми башка мамлекеттик, муниципалдык кызматтарды аркалагандар жана ЖМК өкүлдөрү талапкерлигин койгондон тарта шайлоо жыйынтыгы угузулганга чейин кызматтык милдеттерин аткарууну токтотуп турушу керек.

Мындан улам төмөнкү жетекчилер ишин тапшырды:

  • Жалолидин Нурбаев — Ош облусундагы Араван районунун Алля-Анар айыл өкмөтүнүн башчысы;
  • Эржигит Пасанов — Ош облусундагы Өзгөн районунун Кызыл-Октябрь айыл өкмөтүнүн башчысы;
  • Чыңгыз Оморов — Жалал-Абад облусундагы Чаткал районунун Сумсар айыл өкмөтүнүн жетекчиси;
  • Нурмат Рыскулбек уулу — Чүй облусундагы Жайыл районунун Красно-Восточный айыл өкмөтүнүн башчысы;
  • Мирлан Жекшенов — Чүй облусундагы Москва районунун Жаңы-Жер айыл өкмөтүнүн башчысы;
  • Акылбек Мурсалиев — Чүй облусундагы Кемин районунун Боролдой айыл өкмөтүнүн башчысы;
  • Эркин Иманкулов — Чүй облусундагы Кайыңды шаардык кеңешинин төрагасы;
  • Замирбек Сыргабаев — MMA уюмунун мурдагы мушкери, Баткен облусундагы Кадамжай спорттук мектебинин директору.

Ошондой эле БШК кызматтан кетүү арызын акыйкатчы Токон Мамытов дагы жазганын кошумчалады.

77
Белгилер:
БШК, шайлоо, жетекчи, кызмат, Жогорку Кеңеш
Тема:
Жогорку Кеңешке жаңы тартип менен болчу шайлоо
Тема боюнча
Жогорку Кеңештин 41 жаштагы кызматкери депутаттык мандат алды
Социалдык фонддун жетекчиси Бахтияр Алиев. Архив

Бактияр Алиев КТРКдан кетип, Соцфондго жетекчи болду

139
(жаңыланган 13:40 18.10.2021)
Бактияр Алиев 2001-2009-жылдардын аралыгында Социалдык фонддо иштеп, жетектөөчү адистен бөлүм башчылыкка чейин жеткен.

БИШКЕК, 18-окт. — Sputnik. Бактияр Алиев Социалдык фонддун жетекчиси болуп дайындалганын мекеменин маалымат кызматы тастыктады.

Аны бүгүн эмгек жамаатына министрлер кабинетинин төрагасынын орун басары Эдил Байсалов тааныштырган.

Заместитель председателя кабмина Эдиль Байсалов представил Бактияра Алиева, в качестве нового руководителя, коллективу Соцфонда. 18 октября 2021 года
© Фото / пресс-служба Соцфонда КР
Аны бүгүн эмгек жамаатка министрлер кабинетинин төрагасынын орун басары Эдил Байсалов тааныштырган

Алиев буга чейин Коомдук телерадиоберүү корпорациясынын башкы директору болуп иштеп, өткөн аптада өз каалоосу менен кызматтан кеткен.

Ал эми 2001-2009-жылдардын аралыгында Социалдык фонддо иштеп, жетектөөчү адистен бөлүм башчылыкка чейин жеткени маалым.

Буга чейин аталган фондуну Жаныбек Орозалиев жетектеп келген.

139
Белгилер:
Бахтияр Алиев, Социалдык фонд, жетекчи, кызмат, дайындоо
Тема боюнча
Мамлекеттик салык кызматына Алтынбек Абдувапов төрага болду
Кайрат Иманалиев КТРК жетекчисинин милдетин аткармай болду
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

0
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

0
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт