Бишкек шаардык кеңешин депутаты Кубанычбек Конгантиев

Бишкек шаардык кеңешине "Ата-Журт Кыргызстандан" Конгантиев төрага болду

536
(жаңыланган 12:49 30.07.2021)
Талапкерлер эң көп добуш алган эки партиядан көрсөтүлдү. Шайлоо бюллетень менен жашыруун түрдө добуш берүү аркылуу жүргүзүлдү.

БИШКЕК, 30-июл. — Sputnik. Кубанычбек Конгантиев Бишкек шаардык кеңешинин төрагасы болуп шайланды.

Көпчүлүк коалиция бул кызматка жалгыз талапкер катары "Ата-Журт Кыргызстандан" Конгантиевди көрсөткөн.

Шайлоо бюллетень менен жашыруун түрдө добуш берүү аркылуу жүргүзүлдү.

Натыйжада депутаттардын 41инин макулдугу менен Конгантиев төрага болуп шайланды. Экөө каршы, экөө калыс добушун берди.

Конгантиев 2012-жылдан бери Бишкек шаардык кеңештин депутаты болуп келген. 

Бишкек шаардык кеңешине жаңы шайланган депутаттар бүгүн мандат алып, расмий түрдө кызматка киришишти. Учурда жаңы чакырылыштын алгачкы сессиясы өтүп жатат.

536
Белгилер:
Бишкек шаардык кеңеши, төрага, шайлоо, Кубанычбек Конгантиев
Тема боюнча
Бишкек шаардык кеңешинин төрагалыгына талапкер сунушталды
Президент Садыр Жапаров. Архив

Жапаров экономикадагы өзгөчө кырдаал тууралуу мыйзам долбоорду ЖКга кайтарды

22
(жаңыланган 19:30 27.09.2021)
Мыйзам долбоору экономика жана финансы министри Акылбек Жапаров тарабынан демилгеленген. Бизнес коомчулугу документ эч кандай коомдук талкуусуз эле кабыл алынып жатканына нааразычылык билдирген.

БИШКЕК, 27-сен. — Sputnik. Өлкө башчы Садыр Жапаров "Экономиканын өзгөчө кырдаал чөйрөсүндө айрым мыйзам актыларына өзгөртүүлөрдү киргизүү жөнүндө" мыйзамды каршы пикири менен Жогорку Кеңешке кайра кайтарды. Бул тууралуу президенттин маалымат кызматы билдирди.

Мындай чечимдин кабыл алынышына эмне себеп болгону азырынча айтыла элек.

Экономикага чукул кырдаал киргизүү боюнча мыйзам долбоорун экономика жана финансы министри Акылбек Жапаров демилгелеген. Анын айтымында, бул сунуш пандемиянын Кыргызстандын экономикасына тийгизген терс таасиринен улам берилген. Министр өзгөчө кырдаал режими министрлер кабинетине салык ставкаларын жана салыктык администрациялоону өзгөртүүгө, ошондой эле зарыл болгон учурда бюджетти парламенттин уруксатысыз бөлүштүрүүгө мүмкүндүк берерин түшүндүргөн. Каникулга кетер алдында депутаттар долбоорду үч окууда жактырган.

Ишкерлер мыйзам долбоорунун демилгечилери бизнес коомчулугунун макулдугусуз эле президентке кол койдурууга аракет кылып жатканын белгилешти. Кээ бир эксперттердин пикиринде, эгер экономикага чукул кырдаал киргизилсе, мамлекеттик органдар бизнес объектилерин жабууга, ошондой эле бир миллион сом айып салууга мүмкүнчүлүк алышат. Бизнес коомчулугу президентти бул мыйзам долбооруна кол койбоого чакырат.

22
Белгилер:
экономика, мыйзам долбоору, президент, каршылык, пикир
Тема боюнча
Быйыл көмүрдүн баасы кандай болот? Кара алтындын наркына сереп
Арипов: жарым жылда инвестициянын көлөмү 95,4%га өстү
Баасы дагы өсүүдө. Өтүмдүү автоунаалар тууралуу инфографика
Инвестициялар министри Алмамбет Шыкмаматов

Инвестициялар министри Шыкмаматов иштен кетүү ниетин билдирди. Себеби

79
(жаңыланган 18:33 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Бүгүн, 27-сентябрда, мамлекет башчы Садыр Жапаров министрди кабыл алган

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

79
Белгилер:
Алмамбет Шыкмаматов, отставка, Жогорку Кеңеш, шайлоо
Тема боюнча
Арипов: жарым жылда инвестициянын көлөмү 95,4%га өстү