Кумтөр алтын кени. Архив

УКМК "Кумтөр" иши боюнча толук маалымат берди

2516
(жаңыланган 13:37 11.08.2021)
Мамлекеттик улуттук коопсуздук комитети "Кумтөр" иши боюнча ушул убакка чейин кандай аракеттер болгонун айтып, кайсы аткаминер кайсы берене боюнча айыпталып жатканын билдирди.

БИШКЕК, 11-авг. — Sputnik. "Кумтөр" долбоору боюнча кылмыш ишинин 1992-2009-жылдардагы эпизоддору жыйынтыктоо этабына жетип калды. Бул тууралуу УКМКдан кабарлашты.

Маалыматка караганда, чогултулган далилдерден улам "Камеко" жана Centerra Gold Inc. кызматташуу учурундагы ири коррупция Кыргызстандын кызыкчылыктарына каршы аракет болгон деген бүтүм чыгарылды.

1992-жылы Башкы келишимди түзүүдө жана 1994-жылы ага өзгөртүүлөрдү киргизүү учурунда коррупция фактысы боюнча экс-президент Аскар Акаев жоопко тартылып, экс-премьер-министрлер Турсунбек Чыңгышев, Апас Жумагулов жана "Кыргыз алтын" мамлекеттик концернинин мурдагы президенти Дастан Сарыгулов, Экономикалык кайра куруу жана өнүктүрүү комитетинин экс-төрагасы Борис Бирштейн издөөдө жүргөн.

"2003-жылы "Комеко" компаниясы менен түзүлгөн Башкы келишимди реструктуризациялоо учурунда коррупция үчүн мурдагы президент Аскар Акаев дагы кылмыш жоопкерчилигине тартылган. Ошентип бул реструктуризациялоонун натыйжасында Centerra Gold Inc. Кыргызстандын үлүшүн 33,33 пайыз деп баалаган. Тергөө ошондой эле 2009-жылы "Кумтөр" долбоорунун жаңы шарттары жөнүндө келишим түзүүдө коррупциялык фактыга юридикалык баа берилип, 1992, 1994 жана 2003-жылдары түзүлгөн келишимдердин экономикага жана экологияга терс жактары аныкталган", — деп айтылат билдирүүдө.

Маалыматка караганда, бул эпизод боюнча кылмышка шектүү катары экс-премьер-министр Игорь Чудиновго, "Кыргыз алтын" ишканасынын мурдагы төрагасы Алмазбек Жакыповго, Мамлекеттик геология агенттигинин мурдагы директору Капар Курманалиев, директорлор кеңешинин төрагасы Алексей Елисеев, инвестордун өкүлү Андрей Сазанов, экс-президент Курманбек Бакиев жана анын уулу Максим Бакиевге издөө жарыяланган.

"2012-2014-жылдар аралыгында "Центерра" компаниясынын кызыкчылыгында кылмыштуу аракеттерди жасоо боюнча экс-премьер-министр Өмүрбек Бабанов, биринчи вице-премьер-министр Тайыр Сарпашев, депутаттар Асылбек Жээнбеков, Талант Узакбаев, Алмазбек Баатырбеков, Исхак Пирматов, президенттин Жогорку Кеңештеги мурдагы өкүлдөрү Данияр Нарынбаев жана Динара Молдошева жоопко тартылган", — деп айтылат билдирүүдө.

Тергөөдө аныкталган коррупциялык фактыларды жана канадалык инвесторлор менен Кыргызстандын кызыкчылыгына жооп бербеген келишимдердин шарттарын эске алуу менен "Кумтөр" долбоору боюнча келишимдерди денонсациялоо процесси башталды.

Ошондой эле Суу кодексине өзгөртүүлөрдү киргизүү боюнча тергөө улантылып жаткандыктан айыпталуучуларга юридикалык баа берилери кошумчаланды.

 

2516
Белгилер:
Кыргызстан, УКМК, Башкы прокуратура, кылмыш, тергөө
Тема:
"Кумтөргө" 3 миллиард доллар айып салынышы (105)
Тема боюнча
Темир Сариев эки айга камакка алынды
Нью-Йорк соту Centerra ишканасынын Кумтөр боюнча доо арызын четке какты
Министрлер кабинетинин төрагасы Акылбек Жапаров. Архив

Жапаров: жаңы схема беш айда 746 млрд. сом көмүскөгө кетип жатканын аныктады

70
Депутат өлкөдө көмүскө экономика расмий түрдө 26 пайызды түзөрүн, расмий эмес маалымат боюнча 40 пайыздан ашарын айтты.

БИШКЕК, 27-окт. — Sputnik. Кыргызстанда электрондук эсеп-фактурасы киргизилгенден кийин беш айда 746 миллиард сом көмүскөгө кетери аныкталды. Бул туурасында министрлер кабинетинин төрагасы Акылбек Жапаров билдирди.

Депутат Мирлан Жээнчороев көмүскө экономика расмий түрдө 26 пайызды, расмий эмес маалымат боюнча 40 пайыздан ашарын айтты.

"Бул жерде 2-3 миллиард доллар жөнүндө сөз болууда. Эгер сиздердин планыңар ишке аша турган болсо бюджетке канча салык түшөт? Көмүскөдөгү 26 пайызды ачыкка чыгара аласыздарбы?", — деп сурады депутат.

Жапаров бул багытта 1-июлдан тарта электрондук эсеп-фактурасын киргизилгенин билдирди.

"Андан соң биз мурда көрбөгөн экономиканы көрө баштадык. Төрт-беш айда акча жүгүртүү 1 триллион 222 миллиард сомду түздү. Анын ичинен 746 миллиард сому патентке бөлүнөт экен, башкача айтканда, көмүскө жакка кетет. Эгер жаңы Салык кодексин кабыл алсак, электрондук эсеп-фактурасын, контролдук-кассалык машианаларды иштетип турсак, кошумча 50 миллиард сомдон түшүүнү камсыздап берет", — деди министрлер кабинетинин төрагасы.

Ошондой эле ал мындан ары туура эмес схемалардан баш тартып, баарын ачык-айкын жасай турганын белгиледи.

70
Белгилер:
Кыргызстан, Акылбек Жапаров, көмүскө, акча, зыян
Тема боюнча
Жакында 453 айыл өкмөттүн башчысы жаңы унаалуу болушу мүмкүн. Жапаровдун планы
Жапаров Бажы кызматынын жаңы жетекчиси кандай милдет менен дайындалганын айтты
Бажы кызматынын төрагалыгына жаңы дайындалган Адилет Кубанычбеков жана министрлер кабинетинин төрагасы Акылбек Жапаров

Жапаров Бажы кызматынын жаңы жетекчиси кандай милдет менен дайындалганын айтты

70
(жаңыланган 12:56 27.10.2021)
Кечээ Бажы кызматынын төрагасы жана эки орун басары алмашкан. Жаңы жетекчиге бюджетти толтуруу боюнча тапшырмалар берилди.

БИШКЕК, 27-окт. — Sputnik. Бажы кызматынын төрагалыгына жаңы дайындалган Адилет Кубанычбековго бажыдан түшкөн каражаттын көлөмүн 2,5 эсеге көбөйтүү милдети коюлду. Бул туурасында министрлер кабинетинин төрагасы Акылбек Жапаров парламентте билдирди.

Белгилей кетсек, кечээ Бажы кызматынын төрагасы жана эки орун басары алмашкан.

"Бажы кызматынан акча түшүүлөр боюнча быйылкы план 38 миллиард сом. Ошону эмдиги жылы 105 миллиард сомго көтөрөсүң деген милдет койдук. Быйыл эгер кытай тарап айткан алгоритмди ишке ашырсак, бизде ачык-айкындуулук болсо, кирип жаткан машиналардын санын эки эсе көбөйтөбүз. Кечээ "Торугарт" менен "Эркеч-Там" бекеттеринен 30дан машина өттү. Кытай жакынкы 10 күндүн ичинде дагы эки эсе көбөйтөбүз деп жатат. Андай болсо бул жигит (жаңы төрага — ред.) күнүнө 100 машинадан өтө турган деңгээлге жеткириши керек", — деди Жапаров.

Өкмөт башчынын айтымында, Кытайдан ай сайын 5 000 машина кирип турушу керек. Ташылган жүктүн бир килограммынан жок дегенде бир доллардан ала турган болсо, бир жылда 1 миллиард 188 миллион долларга чейин кошумча акча түшөт.

Жапаров ушундай механизмди президентке көрсөтүп, өкмөттүн планын бекитип иштер башталганын белгиледи.

70
Белгилер:
Акылбек Жапаров, Мамлекеттик бажы кызматы, Адилет Кубанычбеков, тапшырма
Тема боюнча
Салык төлөбөгөндөр чет өлкөгө чыга албайт. Сунушталган Салык кодекси
Акылбек Жапаров: элибиз телефон менен ушакташууга 20 млрд. сом коротуп жатат
Суши. Архив

Бишкектеги массалык уулануу. Жабыркагандардын саны 253кө жетти

0
(жаңыланган 13:42 27.10.2021)
Уулангандар массалык түрдө ооруканага кайрылып жатканы тууралуу өткөн дем алышта белгилүү болгон. Ошондон бери жабыркагандардын саны улам өсүп жатат.

БИШКЕК, 27-окт. — Sputnik. Тамактан ууланып ооруканага кайрылган адамдардын саны 253кө жетти. Бул тууралуу Саламаттык сактоо министрлиги билдирди.

Ооруканага Бишкектин гана эмес, Чүй облусунун тургундары дагы кайрылууда. Кечээ күнү уулангандардын саны 179 болчу.

Уулангандардын 60ы ооруканада дарыланууда:

  • Темир жол ооруканасында — 19;
  • № 3 шаардык клиникалык балдар ооруканасында — 18;
  • Улуттук госпиталда — 23.

Баарынын абалы канааттандырарлык. Калганы медициналык жардам алган соң үйлөрүнө жөнөтүлгөн.

Эске салсак, 24-октябрда тамакка ууланып 12 адам Темир жол ооруканасынын жугуштуу илдеттер бөлүмүнө түшкөн. Анын үчөө жаш бала. Бейтаптар ооруканага 23-24-октябрь күндөрү келе баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан ролл жегенин кабарлаган. 25-октябрь күнү уулангандардын саны 85ке жеткен. Ал эми кечээ, 26-октябрда, жабыркагандардын саны 179га өскөн. Алардын 18и балдар.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Бул окуяга байланыштуу "Империя пиццы" кафесинин бардык филиалдары убактылуу жабылды. Муну менен катар Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлдү.

0
Белгилер:
Бишкек, Чүй облусу, уулануу, кафе, протокол, мораторий, ролл
Тема:
Бишкектин кафесиндеги массалык уулануу
Тема боюнча
Жалал-Абаддагы тойдо 124 киши этке ууланып, 16сы ооруканага түштү