Кыргызстандын министрлер кабинетинин төрагасы Улукбек Марипов Казакстандын премьер-министри Аскар Мамин менен жолугушуу учурунда

Марипов казак премьери Маминге: элдин жана транспорттун эркин жүрүүсү маанилүү

152
(жаңыланган 17:59 20.08.2021)
Марипов эки өлкө аймагы боюнча жарандардын жана транспорттук каражаттардын, анын ичинде транзиттик жүк ташуулардын эркин жүрүүсү үчүн чараларды кабыл алуу керектигин айткан.

БИШКЕК, 20-авг. — Sputnik. Кыргызстандын министрлер кабинетинин төрагасы Улукбек Марипов Казакстандын премьер-министри Аскар Мамин менен жолукту. Бул тууралуу өкмөт билдирди.

Тараптар Ысык-Көлдө өтүп жаткан Евразиялык өкмөттөр аралык кеңешинин алкагында кезиккен.

Жолугушуунун жүрүшүндө Марипов Кыргызстан эки өлкө ортосундагы жана Евразиялык экономикалык биримдигинин алкагындагы кызматташтыкты кеңейтүүгө даярдыгын билдирген.

Состоялась двусторонняя встреча председателя кабинета министров Кыргызской Республики Улукбека Марипова с премьер-министром Республики Казахстан Аскаром Маминым в Чолпон-Ате
© Фото / Пресс-служба правительства / Алишер Алиев
Кыргызстандын министрлер кабинетинин төрагасы Улукбек Марипов Казакстандын премьер-министри Аскар Мамин менен жолукту

Ошондой эле ал экономикалык активдүүлүктүн бара-бара калыбына келип жаткандыгын жана соода жүгүртүүдөгү оңдуу көрсөткүчтөрдү белгилеген. Атап айтканда, ушул жылдын январь-май айларында өз ара товар жүгүртүү 495,6 миллион долларды түзгөн. Бул өткөн жылдын ушул мезгилине салыштырмалуу 28,4 пайызга көп.

Мындан тышкары, Марипов эки өлкө аймагы боюнча жарандардын жана транспорттук каражаттардын, анын ичинде транзиттик жүк ташуулардын эркин жүрүүсү үчүн чараларды кабыл алуу керектигин айткан.

"Кыргызстан өнөктөштөр менен тышкы экономикалык ишмердүүлүктү жакшыртуу жана жеңилдетүү боюнча ачык талкуу өткөрүүгө даяр экендигине ишендирип кетким келет. Биз үчүн, өзгөчө пандемия маалында жүк ташуучуларга шарттарды түзүү иретинде мындан ары чек араларыбыздагы туруктуу абалдын сакталышы маанилүү", — деди Марипов.

Казакстандын премьер-министри Аскар Мамин казак тарап дагы соода-экономикалык кызматташтыкты кеңейтүүгө жана тереңдетүүгө кызыкдар экенине ишендирди.

Жолугушуунун жыйынтыгы боюнча 2021-жылдын 2-апрелинде тараптар кол койгон кыргыз-казак өкмөттөр аралык кеңешинин 9-отурумунун протоколуна жүк ташуу процессин жеңилдетүү бөлүгүнө өзгөртүү киргизүү жөнүндө протоколго кол коюлду. Ошондой эле ушул жылдын сентябрь айында күздүк себүү үчүн казак тараптан 1 миң тонна үрөн бөлүү макулдашылды.

Мындан тышкары, Кыргызстандын министрлер кабинетинин төрагасынын орун басары - экономика жана финансы министри Акылбек Жапаров жана Казакстандын соода жана интеграция министри Бахыт Султанов индустриалдык соода-логистикалык комплексин түзүү концепциясына кол коюшкан.

152
Белгилер:
Кыргызстан, Казакстан, Улукбек Марипов, Аскар Мамин
Тема боюнча
Марипов ЕАЭБ өлкөлөрүнүн ортосунда жаралган тоскоолдуктарды тизмектеди
Көл жээгине чогулган ЕАЭБдин өкмөт башчылары 15 документке кол койду. Тизме
Чолпон-Атада ЕАЭБ өлкөлөрүнүн премьерлери эмнени талкуулады. Баары бир видеодо
Судьянын балкасы. Иллюстративдик сүрөт

"Кумтөр": Нью-Йорк соту тетик сатып алуу боюнча Кыргызстандын өтүнүчүн четке какты

14
(жаңыланган 11:58 20.09.2021)
Тетиктерге Kumtor Gold Company кен тышкы башкарууга алынганга чейин буюртма берилген. Сырткы башкарууга алуу чечими чыккан учурда товар жолдо болчу. Ушул тапта тетиктер Латвия менен Нидерланддардын портунда сакталып турат.

БИШКЕК, 20-сен. — Sputnik. Нью-Йорктун Түндүк округунун банкроттук боюнча соту Кыргызстан өкмөтүнүн кенде иштеп жаткан жабдуулар үчүн маанилүү тетиктерди алып келүү өтүнүчүн четке какты. Бул тууралуу Sputnik редакциясына соттук документтерди карап чыккан соң белгилүү болду.

Соттук отурум 15-сентябрда видеоконференция режиминде өтүп, ага Лиза Г. Бекерман судьялык кылды.

Документтеги маалыматтарга караганда, Caterpillar жүк ташуучу унаалары үчүн тетиктерге Centerra Gold Inc. компаниясынын Kumtor Gold Company туунду ишканасы тарабынан кен тышкы башкарууга алынганга чейин буюртма берилген. Сырткы башкарууга алуу чечими чыккан учурда товар жолдо болчу. Ушул тапта тетиктер Латвия менен Нидерланддардын портунда сакталып турат.

"Сөз болуп жаткан тетиктер чет мамлекеттерде гана өндүрүлөт. Кендин ишинин уланышы үчүн алар абдан зарыл болуп турат. Учурда көптөгөн тетиктер жетишпей жатат", — деп түшүндүрүштү кыргыз өкмөтүнүн жактоочулары.

Arnold & Porter Kaye Scholer LLP компаниясынын юристтери тетиктер кен тышкы башкаруу башталганына карабай убагында жеткирилиши керектигин айтууда.

Анткен менен судья Бекерман Kumtor Gold Company (Centerra тараптан) ишканасынын юристтери компания кенге ээлик кылбагандыктан, товарды өндүрүүчүгө кайтарып берерин айтканын билдирди. 

"Кумтөр голд компани" боюнча абал

2021-жылдын 7-майында Бишкек шаарынын Октябрь райондук соту "Кумтөр голд компани" ишканасын экологияга тийгизген залакасы үчүн мамлекетке 261,7 миллиард сом (3 миллиард доллардан көбүрөөк) төлөөгө милдеттендирген. Мындан улам канадалык Centerra Gold Inc. компаниясы дооматты негизсиз деп эсептеп, 2009-жылдагы келишимдин бузулушуна алып келерин айткан. 11-май күнү УКМК "Кумтөр голд компанинин" жетекчилери Кыргызстандан чыгып кеткенин билдирди.

Ал арада "Кумтөрдүн" ишин иликтеген мамкомиссия Centerra Gold Inс. менен кенге байланыштуу бардык келишимдерди жокко чыгарууну сунуштады. Анда 3,086 миллиард экологиялык зыян жана 1,166 миллиард салык төлөмдөрү боюнча жалпысынан 4,3 миллиард долларлык доо арыз берүү каралган.

17-майда Жогорку Кеңеш жыйында карап, Кумтөр алтын кенин убактылуу тышкы башкарууга алуу сунушун колдоду. Учурда компанияны Теңиз Бөлтүрүк башкарып жатат.

21-май күнү Centerra Gold Inc. компаниясынын президенти жана аткаруучу директору Скотт Перри кыргыз өкмөтү менен мурдагыдай эле конструктивдүү диалогго барууга даяр экенин билдирген.

Эске салсак, Centerra Gold Inc. компаниясынын туунду ишканалары июнь айында Нью-Йорк түштүк округунун сотуна доо арызы менен кайрылган. Процесс учурунда АКШнын банкроттук тууралуу федералдык кодексинин 11-бөлүмүнө ылайык, "Кумтөр голд компани" жана "Кумтор оперейтинг" компанияларына коюлган бардык доолор автоматтык түрдө токтотулат.

15-сентябрь күнү Нью-Йорктун Түштүк округунун соту Centerra Gold Inc. компаниясынын кыргыз өкмөтүнө "Кумтөр" кени боюнча санкция салуу арызын четке каккан.

Centerra Gold Inc. — канадалык алтын иштетүүчү компания. "Кумтөр голд компани" анын туунду ишканасы. Кумтөр алтын кенинен түшкөн пайданын 26 пайызына Кыргызстан ээлик кылат.

14
Тема:
"Кумтөргө" 3 миллиард доллар айып салынышы
Тема боюнча
Экс-премьер Жоомарт Оторбаев камакка алынды
Лондондогу уюм "Кыргыз алтынды" ишенимдүү компаниялардын катарынан чыгарды
Москвадагы шайлоо участогунда урна

Россияда Мамдума шайлоосунун алдын ала жыйынтыгы чыкты

77
(жаңыланган 11:18 20.09.2021)
Протоколдордун 59,36 пайызы иштелип чыккан. Партиялык тизме менен беш, бир мандаттуу округдан тогуз партия мандатка жетти.

БИШКЕК, 20-сен. — Sputnik. Россиянын Мамлекеттик Думасынын депутаттарын шайлоонун алдын ала жыйынтыгы боюнча "Единая Россия" партиясы добуштардын 47,11 пайызын алып алдыда бара жатат. Бул тууралуу РИА Новости билдирди.

Соңку маалымат боюнча протоколдордун 59,36 пайызы иштелип чыккан. Партиялык тизме менен беш пайыздык босого чектен өткөн саясий уюмдар төмөнкүлөр:

  • "Единая Россия" — 47,11 пайыз;
  • КПРФ — 20,93;
  • ЛДПР — 7,91;
  • "Справедливая Россия — За правду" — 7,54;
  • "Новые люди" — 5,78.

Ал эми бир мандаттуу округдан тогуз партиянын өкүлдөрү мандатка жетери күтүлүүдө:

  • "Единая Россия" — 188;
  • КПРФ — 15;
  • "Справедливая Россия — За правду" — 6;
  • "Самовыдвиженцы" — 5;
  • ЛДПР — 1;
  • "Яблоко" — 1;
  • "Гражданская платформа" — 1;
  • "Коммунисты Россия" — 1;
  • "Родина" — 1.

Мамлекеттик Думанын депутаттарын шайлоо регионалдык жана муниципалдык деңгээлде 17-сентябрдан 19уна чейин өттү. Төмөнкү палатанын депутаттары аралаш система менен 5 жылга шайланат. 225 адам партиялык система менен, 225и бир мандаттуу округдан тандалат.

77
Белгилер:
Россия, Мамлекеттик Дума, саясый партия, шайлоо, депутат
Тема боюнча
Бишкекте россиялыктар Мамдуманын депутаттарын шайлоодо. Видео
Москвада онлайн шайлоого катышкан 10 жаран акциядан батир утуп алды
Бишкектеги Патрулдук милиция кызматкери

Эскертүү! Автоунаа салыгын төлөбөгөндөргө карата рейд жүрүп жатат

0
(жаңыланган 12:02 20.09.2021)
Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет.

БИШКЕК, 20-сен. — Sputnik. Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат. Бул тууралуу аталган органдын маалымат кызматы билдирди.

Быйыл автоунаа салыгын төлөө мөөнөтү 1-сентябрда аяктаган.

  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Быйыл автоунаа салыгын төлөө мөөнөтү 1-сентябрда аяктаган
    © Фото / пресс-служба ГНС КР
  • ГНС совместно с сотрудниками ГУОБДД МВД КР проводят рейды по выявлению водителей, не уплативших налог на автотранспорт. 20 сентября 2021 года
    Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат
    © Фото / пресс-служба ГНС КР
1 / 3
© Фото / пресс-служба ГНС КР
Мамлекеттик салык кызматы Жол коопсуздугун камсыздоо боюнча башкы башкармалыгынын инспекторлору менен биргеликте салык төлөбөгөн унаа ээлерин аныктоо боюнча рейд жүргүзүп жатат

Мыйзамга ылайык, салыкты өз убагында төлөбөгөндөргө 2000 сом айып салынып, ага кошо ар бир өткөн күнүнө туум эсептелет. Мындан улам Салык кызматы акчаны азыр төлөөгө чакырат.

Маалыматта рейддер салык төлөбөгөндөрдү жазалоо максатында гана эмес, калк арасында түшүндүрүү иштерин жүргүзүү үчүн да өткөрүлүп жатканы кошумчаланган.

0
Белгилер:
автоунаа, салык, төлөө, рейд, айып
Тема боюнча
Документтерди эми милиционерлерге смартфондон эле көрсөтсө болот. Шарттары
Кыргызстанда бажы салыгы эки эсеге көбөйдүбү? Расмий жооп