Бишкектин жаңы мэри Айбек Жунушалиев. Архивдик сүрөт

Бишкектин жаңы мэри: элге таанымал болгудай актер эмесмин

201
(жаңыланган 13:54 26.08.2021)
Жаңы эле шайланган калаа башчысы эч качан кызматты өзү тандабаганын, мэрияга дагы жетекчиликтин чечими менен келип калганын белгиледи.

БИШКЕК, 26-авг. — Sputnik. Бишкектин жаңы мэри Айбек Жунушалиев элге белгилүү болгудай киноактер эмес экенин айтты.

Маалымат жыйын учурунда журналисттер Жунушалиев Бишкек мэри болуп келгенге чейин элге таанымал болбогонун айтышып, менеджер же чарбачыл адам катары ишке ашырган долбоорлору тууралуу сурашты.

"Бир нерсени белгилеп кетким келет. Мен тууралуу эч кандай маалымат жок экени чын. Баарына таанымал болгудай мен киноактер эмесмин. Мен муниципалдык кызматка келген мамлекеттик кызматкермин. Ишенип коюңуздар, түз эфирге, сайттарга чыкпаган, маалымат жыйын өткөрбөгөн көптөгөн мамлекеттик кызматкерлер бар. Бирок алар күн сайын өз милдеттерин так аткарып, мамлекеттин өнүгүшүнө салым кошуп келишет. Мамлекеттик кызмат – бул жамааттык иш", — деди Жунушалиев.

Ал аткарылган иштин баарын өзүнө ыйгарып алгысы келбегенин айтып, бирок министрлер кабинетинин командасы акыркы айларда Баткен облусуна өзгөчө статус берүү боюнча мыйзам долбоорлору менен иштегенин белгиледи.

"Бул күн сайын аткарылып, жемишин кийин бере турган иштер. Мен мэриянын командасында иштөөгө даярмын. Шаардык кеңештин депутаттары мэр чарбачыл адам болушу керектигин, бул тармакты билер-билбесимди сурашты, мен билбейм деп жооп бердим. Себеби мэрдин башка дагы функциялары бар. Албетте, чарбачыл адам болуш керек, бирок ошол эле учурда шаардыктардын алдындагы милдеттерди дагы унутпаш керек", — деди ал.

Ага "өкмөт мэрдин милдетин аткаруучу катары сизди сунуштаган. Буга кандай артыкчылыгыңыз себеп болду деп ойлойсуз" деген дагы суроо берилди.

"Эч кандай артыкчылыгым жок. Мен мамлекеттик кызматкермин. Бул чечим кадрдык саясаттын алкагында кабыл алынса керек. Кызматты өзүм тандаган бир дагы учур болгон эмес. Эгер жетекчилик чечим кабыл алса, демек, мен барып ишимди аткарам", — деди мэр.

Жунушалиев мэрияга келгенге чейин министрлер кабинетинин төрагасынын биринчи орун басары болчу.

201
Белгилер:
Бишкек, мэр, Айбек Жунушалиев
Тема боюнча
Ош шаарына мэр болуп Алмаз Мамбетов шайланды. Сүрөт
ЖКнын экс-депутаты Урмат Самаев Токмокко мэр болуп шайланды
БУУнун башкы катчысы Антониу Гутерриш. Архив

БУУ: дүйнө өзөктүк куралдан жок болуп кетүү коркунучунда турат

30
Антониу Гутерриш берген маалыматка караганда, ушул тапта дүйнөнүн булуң-турчунда 14 миңден ашык өзөктүк курал катылуу.

БИШКЕК, 26-сен. — Sputnik. Дүйнө коомчулугу өзөктүк куралдардан улам жок болуп кетүү алдында турат. Мындай пикирин бүгүн БУУнун башкы катчысы Антониу Гутерриш айтты.

РИА Новости анын Twitter баракчасындагы билдирүүсүнө таянып жазганына караганда, ушул тапта дүйнөнүн булуң-турчунда 14 миңден ашык өзөктүк курал катылуу.

"Адам баласы ушул тапта өзөктүк куралдын көптүгүнөн улам жок болуп кетүү коркунучуна мурда болуп көрбөгөндай жакын турат. Андыктан ал куралдарды жок кылып, мындан ары ишеним жана сый-урмат менен жашоого чакырам. Ядролук коркунучту жоготууга кез келди. Дүйнөдө ансыз дагы кооптуу нерселер көп", — деди Гутерриш.

Сөзүнүн аягында ал акыркы жылдары өзөктүк куралы бар мамлекеттер модернизациялоо иштерин жүргүзүп, ким күчтүү экенин далилдөө үчүн жарышка түшүп жатканын кошумчалады.

30
Белгилер:
БУУ, Антониу Гутерриш, коркунучтар, өзөктүк курал
Тема боюнча
Согуш отун тутантпасын деп… АКШ президентинен өзөктүк баскычты алып коюшту
Кыргызстандын президенти Садыр Жапаров Ош облусунда иш сапары алкагында эл менен жолугушуу учурунда

Жапаров: добуш берүүгө кийлигишкен мамлекеттик кызматкер катуу жазаланат

149
(жаңыланган 17:06 26.09.2021)
Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген.

БИШКЕК, 26-сен. — Sputnik. Ар бир мамлекеттик органдын алдына шайлоонун таза жана ачык өтүүсүн камсыздоо боюнча катуу талаптар коюлат. Бул тууралуу президент Садыр Жапаров Ош облусунда иш сапары учурунда эл менен жолукканда айтты.

Чогулган эл өлкө башчыга алдыда боло турган шайлоо боюнча суроо берди.

"Парламенттин жаңы чакырылышына эл кимди шайласа дал ошолор келиши үчүн бардык шарттар түзүлдү. Жогорку Кеңештин жаңы чакырылышы 90 депутаттан турат. 54 депутат партиялык тизме аркылуу, 36сы бир мандаттуу округдан шайланат. Шайлоочулар мурдагыдан айырмаланып өзүнчө бир талапкерге да добуш берген система киргизилди. Эгер кайсы бир мамлекеттик кызматкер добуш берүүгө кийлигише турган болсо, ага карата токтоосуз түрдө катаал чара көрүлөт", — деди Жапаров.

Кыргызстанда парламенттик шайлоо 28-ноябрга белгиленген. Бул ирет аралаш система менен өтөт. 75 партия жарышка катышуу ниетин билдирген. Учурда бир мандаттуу округдардан чыккан талапкерлердин арызы кабыл алынууда.

149
Белгилер:
Кыргызстан, Жогорку Кеңеш, шайлоо
Тема:
Жогорку Кеңешке жаңы тартип менен болчу шайлоо
Тема боюнча
Марат Иманкулов: шайлоодо дарыгер менен мугалимдерди колдонгондор катуу жазаланат
ЖК депутаты парламенттик шайлоону үч күн өткөрүүнү сунуштады
Жаратылыш. Архив

Дүйшөмбүгө карата аба ырайы

0
27-сентябрга караган түнү жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 26-сен. — Sputnik. Дүйшөмбү, 27-сентябрда, күндүз өлкө аймагында күн ачык болот. Бул тууралуу Кыргызгидромет маалымдады.

Абанын температурасы Чүй, Ысык-Көл, Нарын өрөөндөрүндө +22...+27, Таласта +20...+25, Ош, Жалал-Абад жана Баткен облустарында +24...+29 градус болору айтылды.

Күндүн табы Бишкекте +25...+27, Ош калаасында +27...+29 градуска көтөрүлөт.

0
Белгилер:
аба ырайы, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы