МГКФ өкүлдөрүнө ыйгарылган мамлекеттик сыйлыктарды тапшыруу

Жапаров Швыдкой менен Бүлбүл оглуна мамлекеттик сыйлыктарын тапшырды. Сүрөт

95
(жаңыланган 19:38 31.08.2021)
Президент Михаил Швыдкойдун, Полад Бүлбүл оглунун жана Анатолий Иксановдун Шериктеш өлкөлөр деңгээлиндеги маданий байланыштарды чыңдоого, өнүктүрүүгө зор салым кошконун белгилеген.

БИШКЕК, 31-авг. — Sputnik. Президент Садыр Жапаров бүгүн, 31-августта, чет элдик бир катар өкүлдөрүнө ыйгарылган мамлекеттик сыйлыктарды тапшырды. Бул тууралуу мамлекет башчынын маалымат кызматынан кабарлады.

Жапаров Россия президентинин эл аралык маданий кызматташтык боюнча атайын өкүлү, КМШга мүчө мамлекеттердин Мамлекеттер аралык гуманитардык кызматташтык фондунун (МГКФ) башкармалыгынын теңтөрагасы Михаил Швыдкой, Азербайжандын Россиядагы элчиси, МГКФ төрагасы Полад Бүлбүл оглу жана МГКФ аткаруучу директору Анатолий Иксанов менен жолугушту.

  • Государственные награды представителям МФГС врученные президентом КР. 31 августа 2021 года
    Президент Садыр Жапаров бүгүн, 31-августта, чет элдик бир катар өкүлдөрүнө ыйгарылган мамлекеттик сыйлыктарды тапшырды
    © Пресс-служба президента КР / Султан Досалиев
  • Сопредседатель правления МФГС государств-участников СНГ Михаил Швыдкой во время получения награды от президента КР. 31 августа 2021 года
    Мамлекеттер аралык гуманитардык кызматташтык фондунун (МГКФ) башкармалыгынын теңтөрагасы Михаил Швыдкой
    © Пресс-служба президента КР / Султан Досалиев
  • Председатель МФГС Полад Бюльбюль оглы во время получения награды от президента КР. 31 августа 2021 года
    МГКФ төрагасы Полад Бүлбүл оглу
    © Пресс-служба президента КР / Султан Досалиев
  • Исполнительный директор МФГС Анатолий Иксанов во время получения награды от президента КР. 31 августа 2021 года
    МГКФ аткаруучу директору Анатолий Иксанов
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров бүгүн, 31-августта, чет элдик бир катар өкүлдөрүнө ыйгарылган мамлекеттик сыйлыктарды тапшырды

Жапаров МГКФ алкагында КМШга мүчө-мамлекеттердин Шериктештикке кирген өлкөлөрдүн маданият аралык байланыштарын чыңдоо боюнча активдүү иш жасалып жатканын белгилеген.

Президент Кыргызстандагы долбоорлорго фонд тарабынан дайыма колдоо көрсөтүлүп тургандыгы үчүн ыраазылык билдирген. Алардын кээ бирлери: Дүйнө элдеринин эпосторунун дүйнөлүк фестивалы, КМШ, Балтика жана Грузия өлкөлөрүнүн кыска метраждуу тасмаларынын эл аралык фестивалы, КМШ, Балтика жана Грузия өлкөлөрүнүн искусство боюнча жогорку окуу жайларынын бүтүрүүчүлөрү үчүн "Чыгыштын күнөстүү боёктору" эл аралык пленэри, КМШ жана ШКУ өлкөлөрүнүн Ысык-Көл спорт оюндары, ошондой эле "Үмүт" эл аралык жаш кино форуму.

Садыр Жапаров белгилегендей, фонд тарабынан жыл сайын 25 миллион рублдан ашык суммага кошумча каржылоодо орто эсеп менен 5-6 долбоор колдоого алынат. "Каракол – Шериктештиктин маданий борбору-2022 " долбоору алдыда ишке ашуусу күтүлгөн ири долбоорлордон болуп саналат.

Президент Садыр Жапаров во время вручения государственных наград представителям Межгосударственного фонда гуманитарного сотрудничества. 31 августа 2021 года
© Пресс-служба президента КР / Султан Досалиев
Президент Садыр Жапаров
"Биз Мамлекеттер аралык гуманитардык кызматташтык фонду менен өз ара кызматташтыкты мындан ары дагы долбоордук иш-чаралар аркылуу өнүктүрүүгө жана Шериктештик өлкөлөр менен маданий-гуманитардык чөйрөдө эки жана көп тараптуу форматта кызматташууну бекемдөөгө ниеттенип жатабыз. Маданий-гуманитардык кызматташтык биздин өлкөлөрдүн жана элдердин ортосундагы өз ара түшүнүшүүнү мындан ары өнүктүрүү жана чыңдоо үчүн фундаменталдык негизди түзөт. Фонддун жардамы жана колдоосу астында өткөрүлгөн ар кандай иш-чараларга маданият ишмерлеринин катышуусу биздин кызматташтыгыбыздын руханий архитектурасы болуп саналат", — деп айтты ал.

Президент Михаил Швыдкойдун, Полад Бүлбүл оглунун жана Анатолий Иксановдун Шериктеш өлкөлөр деңгээлиндеги маданий байланыштарды чыңдоого жана өнүктүрүүгө кошкон салымы өлчөнгүс экенин белгиледи.

Алардын эмгегин баалап, Садыр Жапаров Кыргыз Республикасынын мамлекеттик сыйлыктарын тапшырды:

  • Михаил Швыдкой тынчтык, достук жана элдер арасындагы кызматташтыкты чыңдоого кошкон чоң салымы, улуттук маданияттарды жакындатуу жана өз ара байытуу боюнча активдүү ишмердүүлүгү, мамлекеттер ортосундагы достук мамилени бекемдегени үчүн Данакер ордени менен сыйланды.
  • Полад Бүлбүл оглу элдер ортосундагы достук жана маданий-гуманитардык байланыштарды өнүктүрүү ишиндеги жетишкендиктери, Кыргызстандын башка мамлекеттер менен ар тараптуу кызматташтыгын бекемдегени үчүн Достук ордени менен сыйланды.
  • Анатолий Иксанов өлкөлөрдүн маданий-гуманитардык жана руханий потенциалын көбөйтүүгө, мамлекеттер ортосундагы маданий-гуманитардык байланыштарды бекемдөөгө кошкон салымы үчүн КРдин Ардак грамотасы менен сыйланды.
"Өз кезегинде Швыдкой фонддун Кыргызстан менен иштөөсүнүн маанисин белгилеп, биргелешип өнүктүрө турган долбоорлор көп экенин билдирди. Ал өлкө жетекчилигине Кыргызстан-Россия эриш-аркак жылын мыкты өткөргөндүгү үчүн ыраазычылык билдирди. Россия президенти Владимир Путиндин "Кыргызстандын бакубаттуулугу — Россиянын бакубаттуулугу" дегенин эске салып, өлкөлөр ортосундагы мамилеге артыкчылык берилгендигин белгиледи", — деп кабарлады маалымат кызматы.

Швыдкой Россия үчүн Кыргызстанда тынчтык, тартип болгону маанилүү экенин айткан.

Иксанов дагы Жапаровго сыйлык үчүн ыраазычылык билдирип, грамота маданий, жаштар жана башка байланыштарды бекемдөөгө бардык аракетин көргөн МГКФнын жалпы жамаатына таандык экенин белгиледи. "Кыргызстан биздин фонддун ишмердүүлүгүндө өзгөчө орунда. Ал сиздердин өлкөдө иштеген убактан бери 60тай долбоор ишке ашырылды жана кыргыз досторубуз Шериктештик мамлекеттериндеги 350 долбоорго катышты", — деди ал.

Иш-чара соңунда Жапаров меймандарга сапар үчүн ыраазычылык билдирген.

95
Белгилер:
Кыргызстан, Россия, Садыр Жапаров, Михаил Швыдкой, Полад Бүлбүл оглу
Тема боюнча
Кыргызстандыктар менен кошо чет элдиктер да сыйланды. Жапаровдун жарлыгы
Борбиев, Казаков, Темирова. Наам алган маданий ишмерлер. Тизмеси
Президент Садыр Жапаров. Архив

Жапаров экономикадагы өзгөчө кырдаал тууралуу мыйзам долбоорду ЖКга кайтарды

119
(жаңыланган 19:30 27.09.2021)
Мыйзам долбоору экономика жана финансы министри Акылбек Жапаров тарабынан демилгеленген. Бизнес коомчулугу документ эч кандай коомдук талкуусуз эле кабыл алынып жатканына нааразычылык билдирген.

БИШКЕК, 27-сен. — Sputnik. Өлкө башчы Садыр Жапаров "Экономиканын өзгөчө кырдаал чөйрөсүндө айрым мыйзам актыларына өзгөртүүлөрдү киргизүү жөнүндө" мыйзамды каршы пикири менен Жогорку Кеңешке кайра кайтарды. Бул тууралуу президенттин маалымат кызматы билдирди.

Мындай чечимдин кабыл алынышына эмне себеп болгону азырынча айтыла элек.

Экономикага чукул кырдаал киргизүү боюнча мыйзам долбоорун экономика жана финансы министри Акылбек Жапаров демилгелеген. Анын айтымында, бул сунуш пандемиянын Кыргызстандын экономикасына тийгизген терс таасиринен улам берилген. Министр өзгөчө кырдаал режими министрлер кабинетине салык ставкаларын жана салыктык администрациялоону өзгөртүүгө, ошондой эле зарыл болгон учурда бюджетти парламенттин уруксатысыз бөлүштүрүүгө мүмкүндүк берерин түшүндүргөн. Каникулга кетер алдында депутаттар долбоорду үч окууда жактырган.

Ишкерлер мыйзам долбоорунун демилгечилери бизнес коомчулугунун макулдугусуз эле президентке кол койдурууга аракет кылып жатканын белгилешти. Кээ бир эксперттердин пикиринде, эгер экономикага чукул кырдаал киргизилсе, мамлекеттик органдар бизнес объектилерин жабууга, ошондой эле бир миллион сом айып салууга мүмкүнчүлүк алышат. Бизнес коомчулугу президентти бул мыйзам долбооруна кол койбоого чакырат.

119
Белгилер:
экономика, мыйзам долбоору, президент, каршылык, пикир
Тема боюнча
Быйыл көмүрдүн баасы кандай болот? Кара алтындын наркына сереп
Арипов: жарым жылда инвестициянын көлөмү 95,4%га өстү
Баасы дагы өсүүдө. Өтүмдүү автоунаалар тууралуу инфографика
Инвестициялар министри Алмамбет Шыкмаматов

Инвестициялар министри Шыкмаматов иштен кетүү ниетин билдирди. Себеби

186
(жаңыланган 18:33 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Бүгүн, 27-сентябрда, мамлекет башчы Садыр Жапаров министрди кабыл алган

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

186
Белгилер:
Алмамбет Шыкмаматов, отставка, Жогорку Кеңеш, шайлоо
Тема боюнча
Арипов: жарым жылда инвестициянын көлөмү 95,4%га өстү
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр