Кыргызстанга энергетика, айыл чарба, туризм жана инфраструктура чөйрөсүндөгү ири араб компанияларынын өкүлдөрүнөн турган делегация келип, аларды президент Жапаров кабыл алды

Садыр Жапаров жакынкы күндөрү Абу-Дабиге расмий сапар менен барат

146
(жаңыланган 11:04 03.09.2021)
Жапаров кыргыз тарап Абу-Дабинин мураскер ханзаадасы Мухаммед бин Заид Аль Нахаяндын Кыргызстанга келишин чыдамсыздык менен күтүп жатканын айткан.

БИШКЕК, 3-сен. — Sputnik. Кыргызстанга энергетика, айыл чарба, туризм жана инфраструктура чөйрөсүндөгү ири араб компанияларынын өкүлдөрүнөн турган делегация келип, аларды президент Жапаров кабыл алды.

 Президент Кыргызской Республики Садыр Жапаров принял делегацию из Объединенных Арабских Эмиратов (ОАЭ) во главе с министром энергетики и инфраструктуры Сухейл Мохаммед Аль Мазруи.
© Пресс-служба президента КР / Султан Досалиев
Кыргызстанга энергетика, айыл чарба, туризм жана инфраструктура чөйрөсүндөгү ири араб компанияларынын өкүлдөрүнөн турган делегация келип, аларды президент Жапаров кабыл алды

Мамлекет башчынын маалымат кызматы делегацияны (БАЭ) энергетика жана инфраструктура министри Сухейл Мохаммед Аль Мазруи жетектеп келгендигин билдирди. Аларды арасында DPWorld, MASDAR, ADQ, "Абу-Даби өнүктүрүү фонду", Royal Group, Earth Retai, Fresh Harvest компанияларынын өкүлдөрү бар экени айтылды.

Жапаров Кыргызстан БАЭ менен кызматташуунун бардык багыттары боюнча мамилелерди өнүктүрүүгө, жергиликтүү экономиканын бардык секторлорунда инвестициялык долбоорлорду биргелешип иштеп чыгууга, ишке ашырууга кызыкдар жана даяр экенин билдирген.

Ал Кыргызстанда инвесторлорго ыдык көрсөтпөөгө маани берилерин айткан.

"Өлкөнүн аймактарында жумуш орундарын түзгөн өндүрүш компанияларынын үзгүлтүксүз иштешине жана алардын туруктуу өнүгүүсүнө бардык тийиштүү шарттар түзүлөт. Ал эми инвесторлорду колдоо жана коргоо маселеси менин жеке көзөмөлүмдө. Кыргызстан өз тарабынан эмираттык бизнестин өкүлдөрүнө бардык жардамдарды көрсөтөт, тактап айтканда, ийгиликтүү бизнес жүргүзүү үчүн ыңгайлуу шарттарды түзөт", — деген Жапаров.

Жолугушуунун жүрүшүндө Жапаров кыргыз тарап Абу-Дабинин мураскер ханзаадасы Мухаммед бин Заид Аль Нахаяндын Кыргызстанга келишин чыдамсыздык менен күтүп жатканын айткан. Маалымат кызматы президенттин жакын арада Абу-Дабиге расмий сапар менен баруусу пландалганын кабарлады.

Жапаров эки өлкө кызматташтыгын чыңдоо жана тереңдетүү максатында Кыргызстанда БАЭнин дипломатиялык өкүлчүлүгүн ачуунун маанисин белгилеген. Элчиликтин ачылышы Кыргызстандагы эмират бизнесин шыктандырып, анын ийгиликтүү иштешине шарт түзөрүн айткан.

БАЭнин энергетика жана инфраструктура министри Садыр Жапаровго БАЭнин президенти Халиф ибн Заид Аль Нахайяндын, БАЭ вице-президенти жана премьер-министри Мохаммед ибн Рашид Аль Мактумдун жана Абу-Дабинин мураскер ханзаадасы Мухаммед бин Заид Аль Нахайяндын саламын жана жылуу каалоо-тилектерин жеткирген. Сухейл Мохаммед Аль Мазруи делегациянын атынан кыргыз тарапка жылуу кабыл алгандыгы үчүн ыраазычылыгын билдирген. Аны менен катар эле БАЭнин өлкөнү өнүктүрүү боюнча идея жана тажрыйбалары менен бөлүшүүгө даяр экендигин айткан. Ал сапардын максаты эки тараптуу кызматташтыкты өстүрүү жана өлкөлөр ортосундагы мамилелерди жаңы деңгээлге чыгаруу экенин белгилеп, ишти өкмөттүк деңгээлде активдештирүүнү сунуштаган.

Делегация башчысы эмирлик тараптын БАЭге товарларды жеткирүүнү жолго коюу үчүн Борбор Азия өлкөлөрүндө соода-логистикалык борборлорду түзүү боюнча пландары бар экенин айткан.

146
Белгилер:
Кыргызстан, Бириккен Араб Эмирлиги, Садыр Жапаров, инвестор, кызматташуу
Тема боюнча
ЖККУнун башкы катчысы Станислав Зась Жапаров менен жолукту
Жапаров Швыдкой менен Бүлбүл оглуна мамлекеттик сыйлыктарын тапшырды. Сүрөт
Инвестициялар министри Алмамбет Шыкмаматов. Архив

Президент Алмамбет Шыкмаматовду кызматтан бошотту

114
(жаңыланган 15:03 28.09.2021)
Буга чейин Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирген.

БИШКЕК, 28-сен. — Sputnik. Алмамбет Шыкмаматов инвестициялар министри кызматынан бошотулду. Бул тууралуу өлкө башчынын маалымат кызматынан билдиришти.

Жарлыкка президент Садыр Жапаров кол койду.

Буга чейин Шыкмаматов алдыдагы Жогорку Кеңешке шайлоого катышуу каалоосун айтып, ээлеген кызматынан кетүү жөнүндө арыз жазуу ниетин билдирген. Мамлекет башчысы анын отставкасын кабыл алууга даяр экенин белгилеп, аткарган иши үчүн ыраазычылыгын айткан.

Шыкмаматов бул кызматка быйылкы жылдын февраль айында дайындалган.

114
Белгилер:
Алмамбет Шыкмаматов, кызмат, Садыр Жапаров, министр, шайлоо
Тема боюнча
Бюллетендерди топтоп салгандыктан аймактык комиссиянын жетекчилери бошотулду
Саясат таануучу Азамат Темиркулов. Архив

Темиркулов: партиялардын көбү 5%дык босогодон өтөрү күмөн

14
Саясат таануучу Азамат Темиркулов келе жаткан шайлоолор боюнча күмөн жараткан жагдайлардын көп болуп жатканын белгиледи.

Партиялардын мүчөлөрү дагы бир мандаттуу округдан талапкер боло алат. Мындан улам кайра эле партиялар Жогорку Кеңешке келип калабы деген суроо жаралат. Мындай пикирин Азамат Темиркулов Sputnik Кыргызстан радиосунда маек куруп жатып билдирди.

Темиркулов: партиялардын көбү 5%дык босогодон өтөрү күмөн

Анын айтымында, бир мандаттуу округдан талапкер болгон партия мүчөлөрү уюмдун ресурсун колдонуп өтүп кетиши ыктымал.

"Шайлоо системасында түшүнүксүз жагдайлар бар. Партиялык системада жана бир мандаттуу округдан шайлоо өткөнү турат. Ошол эле учурда партиянын мүчөсү бир мандаттуу округдан аттанса, бул мыйзамга каршы келбейт. Башкача айтканда, бир мандаттуу округдан талапкер болгондор партия менен дагы шайлоого барса кандай болот? Мыйзам боюнча бир партия 10 миң үгүттөөчү алууга уруксат берилет. Бир мандаттуу округдан аттанып жаткан кайсы бир партиянын мүчөсү мына ошол партиянын ресурсу менен өтүп алышы ыктымал. Ошондо эч кандай партияга мүчө эмес талапкерлер өтпөй калып, кайра эле партиялар Жогорку Кеңешке келип калабы деген суроо жаралат. Анын үстүнө бул шайлоого мурдагы партиялар дээрлик катышкан жок. Азыр шайлоого аттануу ниетин 70тен ашык партия билдирди. Аын ичинен 20сы эле катышса, алардын ар биринде 10 миңден үгүттөөчүсү, жалпы миңден ашык талапкер болот. Анын үстүнө мурдагы эски партиялар катышкан жок. Көпчүлүгү жаңы түзүлгөндөр. Мунун баары бири-бири менен атаандашып отуруп, жыйынтыгында беш пайыз босогодон өтө албай калгандары арбыйт. Натыйжада нааразы болгондор дагы көбөйөт. Анын үстүнө шайлоонун алдында бир топ саясатчыларды камоо, коркутуу жүрүүдө. Ошондуктан бул шайлоонун жыйынтыгы кандай болору белгисиз", — деди Темиркулов.

Ошондой эле ал өзгөрүлгөн шайлоо системасын шайлоочулар толук түшүнө электигин кошумчалады.

Подкастты толугу менен видеодон көрө аласыз:

14
Белгилер:
Азамат Темиркулов, шайлоо, саясат, Жогорку Кеңеш
Тема:
Жогорку Кеңешке жаңы тартип менен болчу шайлоо
Тема боюнча
Усупбекова: округдук шайлоого катышуу үчүн бир жерде үч ай жашоо керек
Тамеки чегип жаткан адам. Архив

Пляж, базарда. Тамеки, кальян чегүүгө тыюу салынган жайлардын тизмеси

619
(жаңыланган 21:34 28.09.2021)
Тыюу салынган жайларда чылым чегүүгө ылайыкталган шарттарды түзүүгө да уруксат берилбейт. Бир гана аэропорттордо өрт жана авиация желдетүү системаларын коюу менен атайын бөлмөлөрдү уюштурууга болот.

БИШКЕК, 28-сен. — Sputnik. Бүгүн президент Садыр Жапаров коомдук жайлар менен мекемелерде чылым чегүүгө тыюу салган мыйзам долбооруна кол койду.

Ага ылайык, белгилүү бир жайларда тамеки, электрондук чылым жана кальян чегүүгө толугу менен чектөө киргизилди.

Аталган мыйзамдын 13-беренесинде кайсы жерде чегүүгө тыюу салынары жазылган.

Алар төмөнкүлөр:

  • Ведомствонун жана менчигинин түрүнө карабастан подъезддерде, лифттерде, аянттарда, дааратканаларда, көп кабаттуу үйлөрдүн жалпы колдонуучу жайларында;
  • Жаштар, маданият жана спорт иштери боюнча мекемелерде, социалдык кызматтардын имараттарында, стадиондордо;
  • Темир жол жана автобекеттерде;
  • Калкка кызмат көрсөтүүчү жайларда, анын ичинде мейманканаларда, тиричилик тейлөө, коомдук тамактануучу жайларда, убактылуу тургузулган соода объектилеринде;
  • Мамлекеттик жана жергиликтүү өз алдынча башкаруу органдарына тиешелүү имараттарда;
  • Имараттарда жана курулмаларда уюштурулган жумуш орундарында, жумушчу зоналарда;
  • Өрт чыгуу коркунучу бар жерлерде, анын ичинде күйүүчү май куюучу жайларда;
  • Коомдук тамактануу жайларында (түйүндөрдө);
  • Коомдук транспортто, анын ичинде таксиде, суу жана аба кемелеринде, жергиликтүү жана алыс каттамдагы поезддерде;
  • Ведомстволугуна жана менчигинин түрүнө карабастан бардык билим берүү уюмдарында, балдардын эс алуу жайларында, балдар аянтчаларында;
  • Ведомстволугуна жана менчигинин түрүнө карабастан бардык саламаттык сактоо уюмдарынын мекемелеринде;
  • Реабилитациялык жана санаторий-курорттук кызматтарды көрсөтүүгө арналган жайларда;
  • Калкка соода кызматтары көрсөтүлүүчү имараттарда, курулмаларда жана жабык базарлардын аймактарында;
  • Аялдамаларда;
  • Тамеки чегүү үчүн атайын жайларды кошпогондо массалык-маданий, спорттук иш-чараларды, акцияларды, чогулуштарды өткөрүп жатканда ачык аянтчаларда, пляждардын аймагынын чектеринде.

Аталган жайларда чылым чегүүгө ылайыкталган шарттарды түзүүгө да тыюу салынат. Бир гана аэропорттордо өрт жана авиация коопсуздугунун талаптарын сактап, желдетүү системаларын коюу менен атайын бөлмөлөрдү уюштурууга болот.

Ар бир орган жана мекеменин жетекчилери бул мыйзамдын аткарылышын көзөмөлдөөгө милдеттүү.

Чылым чегүүгө тыюу салынган жайларды аныктоо жана белгилерди коюу тартибин Саламаттык сактоо жана социалдык өнүктүрүү министрлиги иштеп чыгат.

Мыйзам долбоорунун авторлору Кыргызстанда өлүмдүн жана майыптыктын негизги себеби тамеки тартуу экенин буга чейин белгилешкен.

Ошондой эле чылым чегүүгө бардык эле жерлерде тыюу салынбасын айтышкан. Бирок башкалардын эркин дем алуусуна тоскоол болбошу керек деген принцип сакталышы шарт.

619
Белгилер:
тамеки, тыюу салуу, имарат, Кыргызстан
Тема боюнча
КРде кафе жана ресторандарда чылым чеккенге тыюу салынат. Мыйзамга кол коюлду
Көрбөй, укпай каласың! Министрлик тамекинин зыянын эскертти