Жогорку Кеңештин мурдагы спикери Ахматбек Келдибеков. Архив

Соттордун чечими жокко чыгып, Келдибековдун иши кайра каралмай болду

371
Саясатчы жана парламенттин мурдагы төрагасына байланыштуу ишти эми кайрадан Бишкек шаарынын Биринчи май райондук соту карай турган болду.

БИШКЕК, 3-сен. — Sputnik. Жогорку Кеңештин мурдагы спикери Ахматбек Келдибековго карата чыккан райондук, шаардык соттун өкүмдөрүн жана Жогорку соттун (ЖС) токтомун быйыл, 18-августта, Жогорку соттун өзү кайрадан жокко чыгарды.

Бул тууралуу Жогорку соттун маалымат кызматы кабарлап, ишти кайра кароо жаңы ачылган жагдайлардан улам болгонун айтты.

"Ахматбек Келдибековго карата чыккан Биринчи май райондук сотунун 2015-жылдын 12-ноябрындагы, Бишкек шаардык сотунун 2016-жылдын 11-мартындагы өкүмү, аны менен катар эле Жогорку соттун 2016-жылдын 13-октябрындагы токтомун 18-августта Жогорку сот жокко чыгарды", — деп жазылган таратылган маалыматта.

Келдибековдун ишин жаңыдан пайда болгон жагдайлардан улам кайра кароого берилген сунуштама мамлекеттик күнөөлөөчүнүн ишти кайра кароо зарылдыгы жана соттун биринчи инстанциясына жөнөтүү бүтүмүнүн негизинде ЖСтин коллегиясы тарабынан канааттандырылган.

Эми ишти Бишкек шаарынын Биринчи май райондук соту карамакчы.

Эскерте кетсек, Келдибеков 2002-2005-жылдары Социалдык фонддун төрагасы болуп турганда жана 2008-2009-жылдары Салык кызматын башкарган убагында коррупцияга барган жана ЖКнын спикери кезинде кызматтык абалынан кыянаттык менен пайдаланган деп айыпталган.

Ага Кылмыш жаза кодексинин 30-беренесинин төртүнчү бөлүгү ("Кылмышка шериктеш болуу"), 303-беренесинин биринчи бөлүгү ("Коррупция"), 304-беренесинин төртүнчү бөлүгү ("Кызматтык абалынан кыянаттык менен пайдалануу") боюнча кылмыш иши козголгон.

Келдибеков жогорудагы айыптар менен 2013-жылы ноябрда УКМКнын тергөө абагына киргизилген болчу.

Бишкек шаарынын Биринчи май райондук соту 2015-жылы ноябрда Келдибековду "Коррупция" беренеси боюнча актап, ал эми Москвадагы өкүлчүлүктү ачуу боюнча үч миллион сом айып пул салган.

Башкы прокуратура бул боюнча шаардык сотко кайрылган. Кийинки инстанция Москвадагы өкүлчүлүктү мыйзамсыз ачканы үчүн жана Салык кызматын жетектеп тургандагы мыйзамды бузганы үчүн Келдибеков 10 миллион сом айып төлөш керек деген бүтүм чыгарган. Ал эми ЖМКлар анын айтылган акчаны төлөгөнү тууралуу жазган.

371
Белгилер:
Кыргызстан, Бишкек, Жогорку сот, Ахматбек Келдибеков
Тема боюнча
Ооруп калдым! Соттолуп жаткан саясатчылар эмне дартка чалдыгат
Кыргызстандын президенти Садыр Жапаров. Архив

Бүгүн Садыр Жапаров БУУ трибунасынан дүйнө коомчулугуна кайрылуу жасайт

47
(жаңыланган 09:52 21.09.2021)
Тышкы иштер министри Руслан Казакбаев бир жума бою БУУнун алкагындагы ар тараптуу жолугушуу жана иш-чараларга катышат.

БИШКЕК, 21-сен. — Sputnik. АКШнын Нью-Йорк шаарында БУУнун Башкы ассамблеясынын 76-сессиясынын жогорку деңгээлдеги жалпы дебаттары ачылат. Бул тууралуу Тышкы иштер министрлигинин маалымат кызматы билдирди.

Анын алкагында бүгүн түштө президент Садыр Жапаров дүйнөлүк коомчулуктун алдында онлайн режимде кайрылуу жасайт.

Мамлекет башчынын тапшырмасы менен тышкы иштер министри Руслан Казакбаев 23-сентябрда деңизге чыгууга мүмкүнчүлүгү жок өлкөлөрдүн ТИМ башчыларынын жолугушуусуна катышат. Андан соң Өзөктүк куралды сыноого ар тараптуу тыюу салуу жөнүндө келишимдин күчүнө киришине көмөк көрсөтүү боюнча конференцияда сүйлөйт. 24-сентябрда Энергетика боюнча жогорку деңгээлдеги диалогдо, 28-сентябрда Өзөктүк куралды толугу менен жок кылуу эл аралык күнүнө карата кеңешмеде болот. Ошондой эле министр БУУнун жетекчилиги менен эки тараптуу жолугушууларды өткөрөт.

47
Белгилер:
Руслан Казакбаев, Садыр Жапаров, кайрылуу, БУУ
Тема боюнча
БУУ дүйнө коомчулугун Афганистандын жаңы өкмөтү менен диалогго барууга чакырды
Кыргызстандын президенти Садыр Жапаров. Архив

Жапаров Путинге Пермдеги окуя боюнча көңүл айтты

220
(жаңыланган 21:51 20.09.2021)
Бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26 адам жаракат алган.

БИШКЕК, 20-сен. — Sputnik. Президент Садыр Жапаров бүгүн, 20-сентябрда, Пермь мамлекеттик изилдөө университетинде адамдардын каза тапкандыгына байланыштуу Россия лидери Владимир Путинге жана Россия элине көңүл айтты. Бул тууралуу мамлекет башчынын маалымат кызматынан кабарлады.

"Мамлекеттик Пермь улуттук изилдөө университетиндеги куралдуу кол салуунун кесепетинен адам курмандыктары болгон окуя тууралуу кабарды терең кайгыруу менен кабыл алдым. Кыргызстандын жана жеке өзүмдүн атымдан каза болгондордун үй-бүлөлөрүнө жана жакындарына чын дилимден көңүл айтып, бул трагедияда жабыркагандардын бардыгына тез арада сакайып кетишин каалайм", — деп айтылат мамлекет башчынын телеграммасында.

Эске салсак, бүгүн эртең менен Россиянын Пермь мамлекеттик изилдөө университетинде студент имараттын ичиндегилерди аткылап, алты киши каза таап, 26сы жаракат алган. Ок чыгарган студент полиция кызматкери окуя болгон жерге барганда аны көздөй бир нече ирет аткылаган. Тартип сакчысы куралчанды жарадар кылып, мылтыгын колунан алгандан кийин биринчи жардам көрсөткөн. Ошентип, шектүү кармалган.

220
Белгилер:
Россия, Пермь, ок чыгаруу, өлүм, полиция
Тема боюнча
Пермь университетинде студент ок чыгарып, 8 киши каза тапты. Видео
Пермдеги элди аткан студент полиция кызматкерине да ок чыгарган. Чоо-жайы
Алматы шаарында ок атуу болгон жердеги полиция кызматкерлери

Алматыда үй ээси атып салган 5 киши: өлгөндөрдүн бири жаңы кожоюн болгон

0
(жаңыланган 10:08 21.09.2021)
Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургун беш адамды атып салган.

БИШКЕК, 21-сен. – Sputnik. Алматы шаарында ок атуудан каза болгондордун бири турак жайдын жаңы кожоюну болгон. Бул тууралуу Алматынын акими Бакытжан Сагинтаевге шилтеме берип Sputnik Казакстан агенттиги жазды.

Каргашалуу окуя 20-сентябрь күнү кечки саат алтылар чамасында болгон. Акбулак кичи районунда жашаган тургунду соттун чечимин аткаруу үчүн үйүнөн чыгарганы келген сот аткаруучуларды үй ээси атып салган. Жеринде эки полиция кызматкери, бир сот аткаруучу жана эки жөнөкөй жаран каза болгон.

Маалыматка караганда, үй ээси банкка карызын төлөй албай, тамынан кол жууган. Турак жай үчүнчү тарапка сатылган. Кийин ал үйдү бошотпой жүргөндө жаңы кожоюн сотко кайрылган. Сот анын өтүнүчүн канааттандырган.

"Кечээ аны үйдөн чыгаруу үчүн сот аткаруучу, эки полиция кызматкери жана үйдүн жаңы ээси келген. Ошол учурда 54 жаштагы жаран ок чыгарып, беш киши каза болду. Алардын бири үйдү сатып алган адам болгон", — деп айтылат билдирүүдө.

Ок чыгарган киши ошол замат колго түшүрүлгөн. Казакстандын мыйзамдарына ылайык, ал 20 жылга чейин эркинен ажырашы мүмкүн экени айтылууда.

Шаар жетекчиси каза болгондордун жакындарына көңүл айтып, аларга жардам берилерин кошумчалады.

 

0
Белгилер:
Казакстан, Алматы, сот, чечим, үй, полиция, атышуу
Тема боюнча
5 киши өлдү. Алматыда бүлөнү үйүнөн чыгарууга келген сот аткаруучуларга ок атылды