Аскер кызматкерлери Рубеж-2021 машыгуу аземинде

Ысык-Көлдө миңдей адам катышкан ЖККУ күчтөрүнүн машыгуусу башталды

109
(жаңыланган 13:49 07.09.2021)
Аскердик машыгууга жалпысынан миңден ашуун адам тартылган. Мындан сырткары, 150 даана аскердик, анын ичинде авиациялык техника бар.

БИШКЕК, 7-сен. — Sputnik. Ысык-Көл облусунда Борбордук Азия аймагынын жамааттык коопсуздугунун ыкчам аракетке келүүчү күчтөрүнүн "Рубеж-2021" машыгуусу башталды. Бул тууралуу Кыргызстандын Коргоо министрлигинин маалымат кызматы билдирди.

Ачылыш салтанат "Эдельвейс" аскердик окуу борборунда өттү.

  • Военнослужащие на церемонии открытия учений Коллективных сил быстрого развертывания Центральноазиатского региона коллективной безопасности ОДКБ Рубеж-2021на базе учебного центра Эдельвейс
    Ысык-Көл облусунда Борбордук Азия аймагынын жамааттык коопсуздугунун ыкчам аракетке келүүчү күчтөрүнүн "Рубеж-2021" машыгуусу башталды
    © Фото / пресс-служба Министерства обороны КР
  • Военнослужащие на церемонии открытия учений Коллективных сил быстрого развертывания Центральноазиатского региона коллективной безопасности ОДКБ Рубеж-2021на базе учебного центра Эдельвейс
    Ачылыш салтанат "Эдельвейс" аскердик окуу борборунда өттү
    © Фото / пресс-служба Министерства обороны КР
  • Военнослужащие на церемонии открытия учений Коллективных сил быстрого развертывания Центральноазиатского региона коллективной безопасности ОДКБ Рубеж-2021на базе учебного центра Эдельвейс
    Кыргызстандын коргоо министринин орун басары Алмазбек Карасартов өлкөнүн Куралдуу күчтөрү өлкөлөр ортосундагы аскердик боордоштукту жогорку деңгээлде чыңдоодо жана учурдагы чакырыктарга жана коркунучтарга каршы турууда биргелешкен күжүрмөн даярдыктын деңгээлин жогорулатууга жетишкенин белгиледи
    © Фото / пресс-служба Министерства обороны КР
  • Военнослужащие на церемонии открытия учений Коллективных сил быстрого развертывания Центральноазиатского региона коллективной безопасности ОДКБ Рубеж-2021на базе учебного центра Эдельвейс
    ЖККУнун Бириккен штабынын башчысы Анатолий Сидоров мындай машыгуулар уюмдун алкагында такай өткөрүлүп турарын, кооптуулук жаралган учурда өзүнүн майнаптуулугун бир нече жолу далилдегенин белгиледи
    © Фото / пресс-служба Министерства обороны КР
1 / 4
© Фото / пресс-служба Министерства обороны КР
Ысык-Көл облусунда Борбордук Азия аймагынын жамааттык коопсуздугунун ыкчам аракетке келүүчү күчтөрүнүн "Рубеж-2021" машыгуусу башталды

Кыргызстандын коргоо министринин орун басары Алмазбек Карасартов өлкөнүн Куралдуу күчтөрү өлкөлөр ортосундагы аскердик боордоштукту жогорку деңгээлде чыңдоодо жана учурдагы чакырыктарга жана коркунучтарга каршы турууда биргелешкен күжүрмөн даярдыктын деңгээлин жогорулатууга жетишкенин белгиледи.

ЖККУнун Бириккен штабынын башчысы Анатолий Сидоров мындай машыгуулар уюмдун алкагында такай өткөрүлүп турарын, кооптуулук жаралган учурда өзүнүн майнаптуулугун бир нече жолу далилдегенин белгиледи.

Машыгууга ЖККУга мүчө-мамлекеттердин аскердик күчтөрү жана ыкчам топтору, Кыргызстандын ИИМ, ӨКМ, жана УКМКнын Чек ара кызматынын атайын бөлүктөрү катышууда.

Жалпысынан 1000ден ашуун адам, 150 даана аскердик жана атайын техника тартылган, анын ичинде бир нече ракеталык системалар, Су-30СМ истребителдери, Су-25 чабуул жасоочу учактары жана Ми-8 тик учагы бар.

Иш-чаранын катышуучулары ЖККУга мүчө-өлкөлөрдүн аймагына басып кирген мыйзамсыз куралдуу топторду жок кылуу үчүн Борбордук Азия аймагынын жамааттык коопсуздугунун ыкчам аракетке келүүчү күчтөрүнүн согуштук аракеттерди даярдоо жана өткөрүү маселелери боюнча иштерди жүргүзөт.

109
Белгилер:
аскердик машыгуу, Коргоо министрлиги, Кыргызстан
Тема боюнча
ЖККУга мүчө өлкөлөрдүн аскерлери Көлдө машыгуудан өттү. Сүрөт
ЖККУнун башкы катчысы Станислав Зась Жапаров менен жолукту
Президент Садыр Жапаров. Архив

Жапаров экономикадагы өзгөчө кырдаал тууралуу мыйзам долбоорду ЖКга кайтарды

118
(жаңыланган 19:30 27.09.2021)
Мыйзам долбоору экономика жана финансы министри Акылбек Жапаров тарабынан демилгеленген. Бизнес коомчулугу документ эч кандай коомдук талкуусуз эле кабыл алынып жатканына нааразычылык билдирген.

БИШКЕК, 27-сен. — Sputnik. Өлкө башчы Садыр Жапаров "Экономиканын өзгөчө кырдаал чөйрөсүндө айрым мыйзам актыларына өзгөртүүлөрдү киргизүү жөнүндө" мыйзамды каршы пикири менен Жогорку Кеңешке кайра кайтарды. Бул тууралуу президенттин маалымат кызматы билдирди.

Мындай чечимдин кабыл алынышына эмне себеп болгону азырынча айтыла элек.

Экономикага чукул кырдаал киргизүү боюнча мыйзам долбоорун экономика жана финансы министри Акылбек Жапаров демилгелеген. Анын айтымында, бул сунуш пандемиянын Кыргызстандын экономикасына тийгизген терс таасиринен улам берилген. Министр өзгөчө кырдаал режими министрлер кабинетине салык ставкаларын жана салыктык администрациялоону өзгөртүүгө, ошондой эле зарыл болгон учурда бюджетти парламенттин уруксатысыз бөлүштүрүүгө мүмкүндүк берерин түшүндүргөн. Каникулга кетер алдында депутаттар долбоорду үч окууда жактырган.

Ишкерлер мыйзам долбоорунун демилгечилери бизнес коомчулугунун макулдугусуз эле президентке кол койдурууга аракет кылып жатканын белгилешти. Кээ бир эксперттердин пикиринде, эгер экономикага чукул кырдаал киргизилсе, мамлекеттик органдар бизнес объектилерин жабууга, ошондой эле бир миллион сом айып салууга мүмкүнчүлүк алышат. Бизнес коомчулугу президентти бул мыйзам долбооруна кол койбоого чакырат.

118
Белгилер:
экономика, мыйзам долбоору, президент, каршылык, пикир
Тема боюнча
Быйыл көмүрдүн баасы кандай болот? Кара алтындын наркына сереп
Арипов: жарым жылда инвестициянын көлөмү 95,4%га өстү
Баасы дагы өсүүдө. Өтүмдүү автоунаалар тууралуу инфографика
Инвестициялар министри Алмамбет Шыкмаматов

Инвестициялар министри Шыкмаматов иштен кетүү ниетин билдирди. Себеби

185
(жаңыланган 18:33 27.09.2021)
Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

БИШКЕК, 27-сен. — Sputnik. Инвестициялар министри Алмамбет Шыкмаматов отставкага кетүү үчүн арыз жазуу ниетин билдирди. Бул тууралуу президенттин маалымат кызматы кабарлады.

Президент Садыр Жапаров принял министра инвестиций страны Алмамбета Шыкмаматова. 27 сентября 2021 года
© Пресс-служба президента КР / Султан Досалиев
Бүгүн, 27-сентябрда, мамлекет башчы Садыр Жапаров министрди кабыл алган

Бүгүн, 27-сентябрда, мамлекет башчы Садыр Жапаров министрди кабыл алган.

"Алмамбет Шыкмаматов алдыдагы Жогорку Кеңешке шайлоого катышуу каалоосун айтып, буга байланыштуу ээлеген кызматынан кетүү жөнүндө арыз жазуу ниетин билдирди. Мамлекет башчысы анын отставкасын кабыл алууга даяр экенин айтып, аткарган иши үчүн ыраазычылык билдирди", — деп айтылат маалыматта.

Ошондой эле өлкө башчынын жарлыгына ылайык, инвестициялар министри Алмамбет Шыкмаматовго "Мамлекеттик жарандык кызматтын 3-класстагы мамлекеттик кеңешчиси" класстык чини ыйгарылды.

185
Белгилер:
Алмамбет Шыкмаматов, отставка, Жогорку Кеңеш, шайлоо
Тема боюнча
Арипов: жарым жылда инвестициянын көлөмү 95,4%га өстү
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр