КТРКнын имараты. Архив

Жаңы курам шайланат. Парламент КТРКнын Байкоочу кеңешинин отчётун артка кайтарды

118
Эл өкүлүнүн айтымында, эми Байкоочу кеңештин азыркы курамы тарап, жаңылары парламент тарабынан шайланат.

БИШКЕК, 8-сен. — Sputnik. Жогорку Кеңештин депутаттары КТРКнын Байкоочу кеңешинин 2020-жылга карата берген отчётун канааттандырарлык эмес деп тапты.

Отчётту жактырууга 32 эл өкүлү макул, 19у каршы добуш берди. Депутаттардын жарымы да макулдук бербегендиктен артка кайтарылды.

Эл өкүлү Бейшеналы Нурдинов мунун алкагында КТРКнын Байкоочу кеңешинин азыркы курамы тарап, жаңылары кайрадан парламент тарабынан шайланарын билдирди.

118
Белгилер:
Жогорку Кеңеш, Бейшеналы Нурдинов, Байкоочу кеңеш, КТРК
Тема боюнча
Президенттин оператору Улан Сатиев КТРК директорунун орун басары болуп бекитилди
Мыйзамдар өзгөрдү, ЖК депутаттары кантип шайланат? БШКдан видео түшүндүрмө
УКМКнын төрагасы Камчыбек Ташиев. Архив

Ташиев: мамкызматкерлер аралашкан фармацевтикалык мафиянын бетин ачтык

23
(жаңыланган 21:29 26.09.2021)
УКМКнын төрагасы кошумча кенен маалымат дүйшөмбү күнү берилерин белгилеп, дагы бир иштин четин чыгарды.

БИШКЕК, 26-сен. — Sputnik. Кыргызстанда ири фармацевтикалык мафиянын бети ачылды. Бул тууралуу УКМКнын төрагасы Камчыбек Ташиев Алай районунда атайын кызматтын бөлүмүнүн жаңы имаратынын ачылышында билдирди.

Анын айтымында, Кыргызстанда дарылардын баасы 3-10 эсе кымбат сатылып келгени аныкталган.

"Ири фармацевтикалык мафиянын бети ачылды. Кыргызстанда дарылар эң аз дегенде 3, эң кымбат дегенде 10 эсе кымбат сатылып келиптир. Мамлекеттик кызматкерлер дарыгерлер менен чогуу мафия түзүшкөн. Биринчи күнү толук маалымат берилет", — деди Ташиев.

Мындан тышкары, УКМК төрагасы күйүүчү май ташыгандардын мафиясынын да изине түшкөнүн белгиледи.

"Бүгүнкү күндө күйүүчү май 56-58 сомдон сатылууда, бирок 50 сомго жетпеген баада сатылышы керек экен. Муну мамлекет да, жетекчилер да, эч ким караган эмес, биз азыр ошого багыт алдык", — деди Ташиев.

Кызматкерлерге кайрылып жатып жетекчи ар кимиси элдин, мамлекеттин кызыкчылыгы үчүн иштеши керектигин, бул үчүн ар биринде бийлик да, мүмкүнчүлүк да бар экенин белгиледи. Сөзүнүн соңунда ар бир кызматкер отчет тапшырып, иши ошонун негизинде бааланарын кошумчалады.

23
Белгилер:
Камчыбек Ташиев, УКМК, Күйүүчү май, дары-дармек
Тема боюнча
Бишкек: заводдун аймагынан бомба табылган жок. Ишти эми УКМК изилдейт
Соцтармакка тараган "Ташиевдин тизмеси". УКМК төрагасы үн катты
БУУнун башкы катчысы Антониу Гутерриш. Архив

БУУ: дүйнө өзөктүк куралдан жок болуп кетүү коркунучунда турат

33
Антониу Гутерриш берген маалыматка караганда, ушул тапта дүйнөнүн булуң-турчунда 14 миңден ашык өзөктүк курал катылуу.

БИШКЕК, 26-сен. — Sputnik. Дүйнө коомчулугу өзөктүк куралдардан улам жок болуп кетүү алдында турат. Мындай пикирин бүгүн БУУнун башкы катчысы Антониу Гутерриш айтты.

РИА Новости анын Twitter баракчасындагы билдирүүсүнө таянып жазганына караганда, ушул тапта дүйнөнүн булуң-турчунда 14 миңден ашык өзөктүк курал катылуу.

"Адам баласы ушул тапта өзөктүк куралдын көптүгүнөн улам жок болуп кетүү коркунучуна мурда болуп көрбөгөндай жакын турат. Андыктан ал куралдарды жок кылып, мындан ары ишеним жана сый-урмат менен жашоого чакырам. Ядролук коркунучту жоготууга кез келди. Дүйнөдө ансыз дагы кооптуу нерселер көп", — деди Гутерриш.

Сөзүнүн аягында ал акыркы жылдары өзөктүк куралы бар мамлекеттер модернизациялоо иштерин жүргүзүп, ким күчтүү экенин далилдөө үчүн жарышка түшүп жатканын кошумчалады.

33
Белгилер:
БУУ, Антониу Гутерриш, коркунучтар, өзөктүк курал
Тема боюнча
Согуш отун тутантпасын деп… АКШ президентинен өзөктүк баскычты алып коюшту