Электрондук кол коюп жаткан адам. Архив

ЕАЭБ өлкөлөрү жыл аягына чейин бири-биринин электрондук кол тамгасын тааныйт

32
(жаңыланган 14:55 09.09.2021)
Адистердин айтымында, мамлекеттик сатып алуулар системасын электрондук форматка өткөрүүдөн бааны 10-15 пайызга түшүрсө болот.

БИШКЕК, 9-сен. — Sputnik. ЕАЭБ мамлекеттеринин ичинде бири-биринин электрондук-санариптик кол тамгасын таануу планы 2021-жылдын соңуна чейин ишке ашырылат. Бул тууралуу ЕЭКтин маалымат кызматынан билдиришти.

8-сентябрь күнү Москва финансылык форуму өтүп, анын катышуучулары ЕАЭБдин ичинде мамлекетик сатып алуулар системасын өнүктүрүү боюнча сөз кылышты.

Евразия экономикалык комиссиясынын атаандаштык жана монополияга каршы жөнгө салуу министри Арман Шаккалиевдин айтымында, товар жеткирүүчүлөрдүн бардыгын тең укукта тендерге катыштыруу негизи тапшырма бойдон калууда.

Муну ишке ашыруу үчүн мамлекеттер бири-биринин электрондук-санариптик кол тамгасын, банктык кепилдиктерин таанып, бардык тармактар санариптешүүсү керек.

Ошондой эле министр биримдикке мүчө-өлкөлөрдүн финансы министрликтери менен улуттук банктары кол кабыш кылса, банктык кепилдиктерди таануу боюнча иштер дагы алдыга тезирээк жылат эле деген пикирин билдирди.

"Мамлекеттик сатып алууларды жолго салуу боюнча аракетибиз ЕАЭБдин ичинде өндүрүлүп жаткан товарлардын тез арада кардар табышына жардам берет. Учурда бул рыноктогу товарлардын 50 пайызы үчүнчү өлкөлөрдөн кирип жатат. Акчалай айтканда, 60 миллиард доллардын тегереги. Бул каражатты өз товарыбызды жүгүртүү үчүн пайдалансак жаман эмес да", — деди Шаккалиев.

Адистердин айтымында, мамлекеттик сатып алуулар системасын электрондук форматка өткөрүүдөн бааны 10-15 пайызга түшүрсө болот.

32
Белгилер:
Евразиялык экономикалык биримдик, ЕЭК, мамлекеттик сатып алуу, бизнес
Тема:
ЕАЭБдеги Кыргызстан (297)
Тема боюнча
ЕАЭБде санариптештирүү трансформациясы боюнча жумушчу топ түзүлдү
Чеченстандын президенти Рамзан Кадыров. Архив

ЛГБТны Чеченстанда да коргоого чакырган Байденге Кадыров жооп берди

8
(жаңыланган 23:35 21.09.2021)
Чечен Республикасынын президенти АКШ лидерине тамаша иретинде жооп берип, өз өлкөсүнө чакырган.

БИШКЕК, 21-сен. — Sputnik. АКШнын президенти Жо Байден БУУнун Башкы ассамблеясынын 76-сессиясында сөз сүйлөп жатып ЛГБТны коргоого чакырды.

"Биз, баарыбыз, ЛГБТ өкүлдөрүнүн укуктарын коргоп турушубуз керек. Алар Чеченстанда же Камерунда, же дүйнөнүн башка бурчунда болобу, эч нерседен коркпой сүйүүсү менен ачык жашашы керек", — деди Байден.

Көп өтпөй Чеченстандын президенти Рамзан Кадыров ага Telegram-каналы аркылуу жооп кайтарганын RT жазды.

"Байден ушунчалык акылга сыйгыс билдирүү жасады, жооп катары биздин республикага чакырам. Ал Чечен Республикасына келип бизде жадагалса андай сөз дагы жок экенин көрүп кетсин. Алардын ордуна бизде тооктун күйөөсү бар", — деп жазып, каткырган быйтыкча койгон.

Белгилей кетсек, учурда Нью-Йоркто БУУнун Башкы ассамблеясынын 76-сессиясы өтүп жатат.

8
Белгилер:
АКШ, Жо Байден, Рамзан Кадыров
Тема боюнча
Байден Австралиянын премьер-министринин атын эстей албай... Видео
Рамзан Кадыров UFC мушкери менен кармашты. Видео
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен

Садыр Жапаров Өзбекстан парламентинин төрайымы менен жолукту

36
(жаңыланган 22:46 21.09.2021)
Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашты.

БИШКЕК, 21-сен. — Sputnik. Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту. Бул тууралуу мамлекет башчынын маалымат кызматы билдирди.

  • Президент Садыр Жапаров встретился с председателем Сената Олий Мажлиса Узбекистана, прибывшей в страну с официальным визитом. 21 сентября 2021 года
    Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту
    © Пресс-служба президента КР / Султан Досалиев
  • Президент КР встретился с председателем Сената Олий Мажлиса Узбекистана Танзилой Нарбаевой, прибывшей в страну с официальным визитом. 21 сентября 2021 года
    Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту

Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашты.

Мамлекет башчы Өзбекстандын парламентине парламент аралык жана регионалдык кызматташтыкты өнүктүрүүгө, ошондой эле үстүбүздөгү жылдын мартында президент Шавкат Мирзиёев менен сүйлөшүүлөрдүн жүрүшүндө жетишилген макулдашууларды ишке ашырууга ар тараптуу көмөгү үчүн ыраазычылык билдирген.

"Олий Мажлис сенатынын төрайымы Кыргызстанда Садыр Жапаровдун бардык тармактарда жүргүзүп жаткан реформаларынын натыйжасында болгон жакшы өзгөрүүлөрдү белгиледи. Ошондой эле Өзбекстандын президенти Шавкат Мирзиёевдин жалпы кыргыз элине чын дилден бакубатчылык тилеген каалоосун жеткирди. Өзбекстандын парламенти Жапаровдун Ташкентке болгон мамлекеттик сапарынын жүрүшүндө жетишилген макулдашуулардын ишке ашуусуна ар тараптуу көмөк көрсөтөрүнө ишендирди", — деп айтылат маалыматта.

Жолугушуу соңунда Жапаров кесиптеши Мирзиёевге жылуу салам айтууну өтүнүп, ошондой эле боордош өзбек элине тынчтык, бакубатчылык жана мындан аркы гүлдөп өнүгүүнү каалаган.

36
Белгилер:
Өзбекстан, Садыр Жапаров, жолугушуу, Танзила Нарбаева
Тема боюнча
Жапаров ЮНЕСКО өкүлү менен КРдин атынан мурастар тизмесине кирчү жайларды сүйлөштү
Жапаров суучул Шуликонун рекордун каттатуу үчүн 500 миң сом бөлдү