Талибан* кыймылын согушкерлери

Экс-элчи Ниязов: талибдер мурдагыга караганда алда канча жумшак болот

184
(жаңыланган 22:07 09.09.2021)
Дипломаттын айтымында, талибдерге эл аралык таануу зарыл болгондуктан нормаларды сактап, диалог түзүү аракеттерин көрөт.

БИШКЕК, 9-сен. — Sputnik. Афганистандагы "Талибан"* кыймылы мурдагыга караганда алда канча жумшак болорун Кыргызстандын Афганистандагы мурдагы элчиси Мирослав Ниязов билдирди.

Ал Sputnik Кыргызстан агенттигине берген маегинде талибдер эл аралык нормаларды сактоонун аракетин көрүп, дипломатиялык миссияларга жакшы мамиле кылып жатканын белгилеген.

"Мен Афганистандын жашоочулары менен көп сүйлөштүм. Алар талибдердин жаңы режими мурункуга караганда бир топ жумшак жана лоялдуу болоруна ишенишет. 20 жыл мурун чындыгында катаал режимди карманышкан. Бирок афгандыктардын көбү тартип сакталып жана эч ким уурулукка барып же башка кылмыш жасабаганын белгиледи. Талибдер кылмышкердин колун кесип, киши өлтүргөндөрдү жазага тартышкан. Бүгүн талибдер өзгөрдү, анткен менен шариат боюнча режим орнотот, андай учурда деле жеңилдиктер болот деп ойлойм", — деген Ниязов.

Ал 90-жылдары талибдер апийимдин жайылышына каршы өтө активдүү күрөш жүргүзгөнүн эске салды.

"Америкалыктар Афганистанга келгенде апийим өстүрүү 40 эсеге көбөйгөн. Менимче, талибдердин тушунда баңгизат өстүрүү кескин азаят. Негизи демократия менен бөтөн баалуулуктарды таңуулоого болбойт, Батыш муну түшүнгөн жок. Ошол себептен Афганистанда дээрлик 20 жыл болгонуна карабастан шашылыш түрдө артка чегинип кетти. Бардык өзгөрүүлөр табигый болушу керек, эгер талибдердин режимин афгандыктар колдосо — бул алардын тандоосу, аларга тоскоолдук болбошу керек. Азыр кээ бир жерлерде жарандык нааразылык акциялары өтүүдө, бул дагы өлкөнүн тургундарынын бир бөлүгүнүн пикирин билдирген процесс. Панжшер провинциясында да каршылыктар бар, менимче, талибдер мунун баарын эске алып, өз аракеттерин жөнгө салат", — деген дипломат.

Ал талибдер эл аралык таанууга муктаж экенин, нормаларды сактоо жана диалогду жакшыртуу үчүн кадамдарды жасашы ыктымал экенин белгиледи.

* Кыргызстан жана бир катар өлкөлөрдө ишмердигине тыюу салынган террордук уюмдар

184
Белгилер:
Афганистан, 'Талибан' кыймылы, Мирослав Ниязов, элчи, режим
Тема:
Афган бийлиги менен талибдердин тиреши (217)
Тема боюнча
Бийлик мени айыгат деп үмүттөндү. Ниязов элчилик кызматтан кеткен себебин айтты
Токаев: Казакстан Афганистандын жаңы бийлиги менен кызматташууга даяр
Өзбекстан "Талибан"* түзгөн өкмөттү колдоп, кызматташарын айтты
Москвадагы шайлоо участогунда урна

Россияда Мамдума шайлоосунун алдын ала жыйынтыгы чыкты

18
(жаңыланган 11:18 20.09.2021)
Протоколдордун 59,36 пайызы иштелип чыккан. Партиялык тизме менен беш, бир мандаттуу округдан тогуз партия мандатка жетти.

БИШКЕК, 20-сен. — Sputnik. Россиянын Мамлекеттик Думасынын депутаттарын шайлоонун алдын ала жыйынтыгы боюнча "Единая Россия" партиясы добуштардын 47,11 пайызын алып алдыда бара жатат. Бул тууралуу РИА Новости билдирди.

Соңку маалымат боюнча протоколдордун 59,36 пайызы иштелип чыккан. Партиялык тизме менен беш пайыздык босого чектен өткөн саясий уюмдар төмөнкүлөр:

  • "Единая Россия" — 47,11 пайыз;
  • КПРФ — 20,93;
  • ЛДПР — 7,91;
  • "Справедливая Россия — За правду" — 7,54;
  • "Новые люди" — 5,78.

Ал эми бир мандаттуу округдан тогуз партиянын өкүлдөрү мандатка жетери күтүлүүдө:

  • "Единая Россия" — 188;
  • КПРФ — 15;
  • "Справедливая Россия — За правду" — 6;
  • "Самовыдвиженцы" — 5;
  • ЛДПР — 1;
  • "Яблоко" — 1;
  • "Гражданская платформа" — 1;
  • "Коммунисты Россия" — 1;
  • "Родина" — 1.

Мамлекеттик Думанын депутаттарын шайлоо регионалдык жана муниципалдык деңгээлде 17-сентябрдан 19уна чейин өттү. Төмөнкү палатанын депутаттары аралаш система менен 5 жылга шайланат. 225 адам партиялык система менен, 225и бир мандаттуу округдан тандалат.

18
Белгилер:
Россия, Мамлекеттик Дума, саясый партия, шайлоо, депутат
Тема боюнча
Бишкекте россиялыктар Мамдуманын депутаттарын шайлоодо. Видео
Москвада онлайн шайлоого катышкан 10 жаран акциядан батир утуп алды
Женщина голосует на избирательном участке во время выборов президента Узбекистана.

Өзбекстанда президенттик шайлоонун үгүт иштери башталды

20
(жаңыланган 10:51 20.09.2021)
Коңшу өлкөдө быйылкы жылдын 24-октябрында президенттик шайлоо өтөт. Өзбек эли беш талапкердин арасынан өзүнө жаңы өлкө башчы тандайт.

БИШКЕК, 20-сен. — Sputnik. Өзбекстанда президенттик шайлоонун үгүт иштери башталды. Бул тууралуу Sputnik Өзбекстан агенттиги жазды.

Бул жолку шайлоого Борбордук шайлоо комиссиясы өлкөдө расмий түрдө иш алып барган беш партиянын тең талапкерлерин каттоого алды.

Өзбекстандын либерал-демократтар партиясы учурдагы президент Шавкат Мирзиёевдин талапкерлигин көрсөтүүдө. Ал өзүнүн "Жаңы Өзбекстан" деп аталган программасында коррупцияга каршы туруу жана көмүскө экономиканы кыскартууга басым жасай турганын айтты. Ошондой эле негизги өнөктөштөрү Кытай, Россия, АКШ жана Борбор Азия өлкөлөрү менен кызматташтыкты күчөтөрүн билдирди. Мындан тышкары, ЕАЭБ менен азыркыдан дагы тыгыз иштешүүнү көздөйт.

"Миллий тикланиш" партиясынын атынан чыгып жаткан 46 жаштагы Алишер Кадыров, тескерисинче, Өзбекстандын ЕАЭБ менен кызматташтыгын сындап келет. Ал өлкө башына келсе улуттук каада-салт жана баалуулуктарды сыйлабагандарды административдик жоопкерчиликке тартууну каалайт.

Өзбекстандын элдик-демократиялык партиясы бул ирет президенттикке аял кишинин талапкерлигин сунуштады. 60 жаштагы Максуда Варисова КМШ өлкөлөрү менен кызматташтыкты күчөтүүнү көздөп жатат. Ошондой эле тамак-аштын арзан, медицина менен билим берүүнүн акысыз болушу үчүн жан үрөмөкчү.

"Адолат" партиясынын 62 жаштагы лидери Бахром Абдухалимов эски саясатты жакшыртууга басым жасайт. Билим берүү жана жарандардын турак жай маселесин чечүүнү каалай турганын айтты.

Экологиялык партиянын өкүлү 46 жаштагы Нарзулло Обломурадов калкка таза суунун жеткиликтүүлүгүн 90 пайызга чейин көтөрүүнү, өлкөдөгү экологиялык абалды жакшыртууну кааларын айтты.

Ушул тапта шайлоого байкоочулук кылуу үчүн Өзбекстанга КМШ, ШКУ, ЕККУ сыяктуу биримдиктер жана эл аралык уюмдардын өкүлдөрү келе баштаганы белгилүү болду.

Коңшу өлкөдө быйылкы жылдын 24-октябрында президенттик шайлоо өтөт. Өзбек эли жогоруда айтылган беш талапкердин арасынан өзүнө жаңы өлкө башчы тандайт.

20
Белгилер:
Өзбекстан, Шавкат Мирзиеев, президенттик шайлоо, үгүт
Тема боюнча
Бишкекте россиялыктар Мамдуманын депутаттарын шайлоодо. Видео
Нарындын мэри шайлоодогу коррупциялык иштерге шектелип кармалды
Акча берүү. Архивдик сүрөт

Каржы пирамидасынан канткенде оолак боло алабыз. Ысык-Көл ОИИБден 7 кеңеш

7
(жаңыланган 11:31 20.09.2021)
Милиция жаңы катышып жаткандар каражатын сарптагандан кийин каржы пирамидасы белгисиз себептен жабылып, аны уюштургандар акчаны алып аларын эскертти.

БИШКЕК, 20-сен. — Sputnik. Ысык-Көл облустук ички иштер башкармалыгы каржы пирамидасынын жана алдамчылыктын курмандыгы болуп калбоо үчүн эмнелерди биле жүрүү керектигин айтып берди.

Учурда облустук милиция бул жаатта аймактарда түшүндүрүү иштерин жүргүзүп, эскертмелерди таратып жатат.

"Адатта жаңы катышып жаткандар каражатын сарптагандан кийин финансы пирамидасы белгисиз себептен жабылат. Ошол эле учурда мындай схеманы уюштургандар акчанын көп бөлүгүн ээлеп калышат. Жөнөкөй коопсуздук чараларын сактоо менен жарандар алдамчылыктын бул түрүнөн оолак болушат", — деп айтылат маалыматта.

2020-2021-жылдардын аралыгында Балыкчы менен Каракол шаарында уюшулган сегиз каржы пирамидасынын мыйзамсыз ишмердүүлүгүнөн улам көп киши жабыр тартканы белгиленет. Үстүбүздөгү жылдын башынан бери соттун кароосуна 50 миллион сомдон ашык зыян келтирген 870ке жакын иш жөнөтүлгөн.

Ысык-Көл ОИИБ шылуундардын торуна түшүп, каражатты алдырып ийбеш үчүн финансылык пирамиданын негизги белгилери тууралуу айтты.

Ири киреше убадалоо

Алдамчылар кирешени жылына 50, 100, керек болсо 200 пайыз менен кепилдик беришет. Негизи оптималдуу киреше депозиттер боюнча чендердин жана банктын насыяларынын орточо пайыздарынын ортосунда болушу керек. Эгерде сизге сунуштаган киреше банк насыяларынын ченинен жогору болсо (Кыргызстандын рыногундагы улуттук валютада 22-25 пайыз) мындай уюм финансылык пирамида болушу мүмкүн.

Продуктунун жоктугу

Эгерде сизди чакырып жаткан уюмда эч кандай продукт болбосо — бул каржы пирамидасы. Кээде жашырынган финансылык пирамидалар да болушу мүмкүн. Продуктусу бар, бирок аларды эч ким колдонбойт: бул туристтик кызматтар (элиталык эс алуу), компьютердик сабаттуулук, чет тилдери жана башка ушул сыяктуу программалар. Бул продуктуларды сунуштаган компания улам кошулган адамдардын акчасынан киреше алат.

Башка адамдарды тартуунун эсебинен киреше алуу

Эгерде сиздин негизги тапшырмаңыз башка адамдарды тартуу болсо жана кирешеңиз ошолор кошкон акчалардан түзүлсө муну финансылык пирамида деп айтууга болот.

Жетекчилик, отчёт жашыруун болсо

Эгерде жетекчилик тууралуу маалыматтар жашыруун болсо жана финансылык отчёттуулук берилбесе ага акчаңызды салардан мурда терең ойлонушуңуз керек. Ишенимдүү компанияларда бардыгы ачык-айкын жана жеткиликтүү болот.

Акчадан көз каранды болбойсуң дешет

Көбүнчө финансылык пирамидалардын уюштуруучулары жаңы катышуучулардын психологиясына таасир этишет. Финансылык көз карандысыздык жана эркиндик жөнүндө сүйлөп, ишенимдүү убадаларды беришет. Оратор катары башка адамдардын эмоцияларын башкара алган адамдар сүйлөшөт.

Жыйналыш, байгелерди ойнотуу

Сизге анча билбеген жамааттык иш-чараларга, ошондой эле байге жана жолдомо ойнотууларга катышпай эле коюңуз. Финансылык пирамидалар муну ийгиликтүү жана кирешелүү компаниянын образын түзүү үчүн жасашат.

Эң негизги кеңеш

Финансылык пирамиданын курмандыгы болбош үчүн эң эле жөнөкөй нерсе — этият болуу керек. Кепилденген жогорку киреше тууралуу убадага ишенбегиле, каражатыңызды күмөндүү компанияларга жана адамдарга бербегиле. Финансы рыногунун кесипкөй адамдары менен кеңешкиле. Эмоцияларга жана убадаларга ишенбей, өзүңүздү башкара билиңиздер.

Акчаны берерден мурун уюмдун уруксат кагаздарын дыкат текшерип, финансылык отчёттуулугун жана жетекчилик тууралуу маалыматтарын суроо керек. Компаниянын кирешеси эмненин эсебинен түзүлө турганын, ошондой эле сиздин каражаттар кайда кете турганын тактоо зарыл.

7
Белгилер:
Ысык-Көл району, ОИИБ, милиция, каржы пирамидасы, алдамчылык, каражат, эскертүү
Тема боюнча
Бекер оокат жок! ИИМ финансылык пирамидаларды кантип аныктаса болорун айтты