Кыргызстандын президенти Садыр Жапаров ЖККУ жыйыны учурунда

ЖККУ саммитинде декларация кабыл алынып, бир нече документке кол коюлду. Тизме

414
(жаңыланган 16:38 16.09.2021)
Жыйындын жүрүшүндө ЖККУга мүчө өлкөлөрдүн башчылары регионалдык коопсуздук жана эл аралык кызматташууну, Афганистандагы кырдаалды, ошондой эле бирикменин ишине байланыштуу маселелерди карашты.

БИШКЕК, 16-сен. — Sputnik. Президенттин маалымат кызматы ЖККУ саммитинин жыйынтыгы менен кол коюлган документтердин тизмесин жарыялады.

Белгилей кетсек, өлкө башчы Садыр Жапаров бүгүн, 16-сентябрда, Душанбе шаарында ЖККУнун Жамааттык коопсуздук кеңешинин сессиясына катышты. Жыйындын жүрүшүндө уюмга мүчө өлкөлөрдүн башчылары регионалдык коопсуздук жана эл аралык кызматташууну, Афганистандагы кырдаалды, ошондой эле бирикменин ишине байланыштуу маселелерди карашты. Саммит Тажикстандын президенти Эмомали Рахмондун төрагалыгында өткөн. Жыйынга ЖККУнун башкы катчысы Станислав Зась катышканы маалым болду.

ЖККУ саммитинин жыйынтыгында кол коюлган документтер:

  • Жамааттык коопсуздук келишими уюмунун Жамааттык коопсуздук кеңешинин декларациясы;
  • Жамааттык коопсуздук келишими уюмуна мүчө мамлекеттердин аймагында жамааттык коопсуздук күчтөрүнүн жана каражаттарынын убактылуу жайгашуу иштерине байланыштуу, юрисдикция маселелери жана укуктук жардам көрсөтүү боюнча келишим;
  • Жамааттык коопсуздук келишими уюмунун аскерлерин (жамааттык күчтөрдү) биргелешип материалдык-техникалык жана медициналык камсыздоо жөнүндө келишим;
  • Жамааттык коопсуздук келишими уюмунун 2007-жылдын 6-октябрындагы тынчтык орнотуучу ишмердүүлүк жөнүндөгү келишимине өзгөртүү киргизүү тууралуу протокол;
  • "Жамааттык коопсуздук келишимине кол коюлгандыгынын 30 жылдыгына жана Жамааттык коопсуздук келишими уюмунун 20 жылдыгына арналган иш-чаралар планы жөнүндө" ЖККУнун Жамааттык коопсуздук кеңешинин чечими;
  • "ЖККУнун ыкчам чара көрүү күчтөрүн заманбап курал-жарак, аскердик жана атайын техника, атайын каражаттар менен камсыздоо планы жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун корголгон мультисервистик байланыш түйүнүнүн схемасы жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун башкы катчысынын тынчтык орнотуу маселелери боюнча атайын өкүлү жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун мамлекеттер аралык аскердик-экономикалык кызматташтык комиссиясынын төрагасы жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун Бириккен штабынын башчысы жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун аскердик контингенттеринин курамы жана атайын багыттагы күчтөрүн калыптандыруу жөнүндө" ЖККУнун Жамааттык коопсуздук кеңешинин чечими;
  • "Жамааттык коопсуздук келишими уюмунун 2020-жылга бюджетинин аткарылышынын отчёту жөнүндө" ЖККУнун Жамааттык коопсуздук кеңешинин чечими;
  • Жамааттык коопсуздук келишими уюмунун 2022-жылга бюджети жөнүндө" ЖККУнун Жаматтык коопсуздук кеңешинин чечими;
  • "Уюмдун төрагалыгы, Жамааттык коопсуздук келишими уюмунун коопсуздук кеңешинин кезектеги сессиясынын убактысы жана өткөрүү орду жөнүндө" ЖККУнун Жамааттык коопсуздук кеңешинин протоколдук чечими.

 

414
Белгилер:
ЖККУ, президент, саммит, декларация, документ
Тема боюнча
ЖККУ өлкөлөрү аскердик полиция түзүүнү көздөгөн келишимге кол коюшту
ЖККУ жыйыны. Жапаров кыргыз-тажик чек арасы боюнча маселени козгоду
Москвадагы талибдердин делегациясы

Москва талибдерден афган элине либералдуу мамиле күтөрүн айтты

94
(жаңыланган 19:12 25.10.2021)
Кабуловдун айтымында, аймактык өлкөлөр өкмөттү түзүүдө талибдерден "чечкиндүүрөөк жана батыл кадамдарды" күтүп жатат.

БИШКЕК, 26-окт. — Sputnik. Талибдерде ("Талибан"*) инклюзивдик өкмөттү түзүү боюнча кандайдыр бир мөөнөт боюнча алкак, чектөө жок. Бул тууралуу РФтин Афганистан боюнча атайын өкүлү, ТИМдин Азия департаментинин экинчи директору Замир Кабулов билдиргенин РИА Новости жазды.

"Жок, эч кандай мөөнөт коюлган эмес. Бул "Москва форматынын" милдети да эмес болчу. Биз талибдерге алардын мындан аркы иши жана анын графигин тагуу үчүн чогулган жокпуз, андай эмес", — деген Кабулов "Россия сегодня" эл аралык маалымат агенттигинде журналисттерге брифинг өткөрүп жатып.

Диломаттын айтымында, аймактык өлкөлөр өкмөттү түзүүдө талибдер "чечкиндүү жана батыл кадамдарды" жасайт деген пикирде.

Кабулов, андан сырткары, Москва талибдерден элге карата либералдуу мамиле кылууну күтө тургандыгын айтты.

"...Жаңы бийликтен биз көбүрөөк либерализмдин жаралышын, ооба, өзүнүн маданий-диний салттарына таянышын, бирок либерализмдин көбүрөөк болушун күтүп жатабыз", — деди Кабулов.

Буга чейин да аталган темада кеп кылган Кабулов Москвадан талибдерге дүйнөлүк коомчулуктун пикирине кулак төшөп, ири алдыда элдин үнүн угуу боюнча айткандарын билдирген.

* — Кыргызстан, Россия жана башка бир катар өлкөлөрдө тыюу салынган уюм

94
Белгилер:
Афганистан, Россия, ТИМ, санкциялар, 'Талибан' кыймылы, Замир Кабулов
Тема:
Афган бийлиги менен талибдердин тиреши
Тема боюнча
Бишкекте КМШнын коопсуздук кызматынын өкүлдөрү жолукту. Эмне талкууланды
Москвага талибдердин делегациясы келди
Нарындын мэри Арслан Сталбек уулу

Шаардык кеңеш шайлаган Нарындын мэрин БШК кызматтан алып койду. Себеби

191
(жаңыланган 18:38 25.10.2021)
Жаңы мыйзам күчүнө киргенине байланыштуу шаардык кеңеште өткөн шайлоонун жыйынтыгын БШК тааныган жок.

БИШКЕК, 25-окт. — Sputnik. Борбордук шайлоо комиссиясы Нарын шаарынын мэри тандалган шайлоонун жыйынтыгын жокко чыгарды. Бул тууралуу БШКдан билдирди.

Белгилей кетсек, 22-октябрда Нарын шаардык кеңешинин депутаттары Арслан Сталбек уулун калаа мэри кылып шайлаган.

БШК ошол эле күнү шайлоонун жыйынтыгын жокко чыгарганын билдирди. Буга "Жергиликтүү мамлекеттик администрация жана жергиликтүү өз алдынча башкаруу жөнүндө" мыйзамы күчүнө киргени себеп болгону белгиленет.

Аталган мыйзамга президент Садыр Жапаров 21-октябрда кол койгон. Ага ылайык, облустук жана республикалык маанидеги шаарлардын мэри президент тарабынан дайындалат.

191
Белгилер:
Нарын шаары, мэр, БШК, шайлоо, жыйынтык, кызматтан алуу
Тема боюнча
Салык кызматынын төрагасына жаңы орун басар дайындалды
Жапаров мэр, акимдерди өзү дайындамай болду, акимдин укуругу узарды. Жаңы мыйзам
Россия-казак чек арасындагы өткөрмө бекетте чек арачы. Архив

Россияга товарларды Казакстан аркылуу ташуу. Жаңы эреже макулдашылды

0
(жаңыланган 23:13 25.10.2021)
Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

БИШКЕК, 25-окт. — Sputnik. Кыргызстан менен Казакстан Россияга коңшу мамлекет (Казакстан) аркылуу товар жөнөтүү боюнча жаңы эрежени сүйлөштү.

Экономика жана коммерция министрлигинин маалыматына караганда, 22-октябрда Кыргызстандан Казакстан менен Россияга барган жана ал жактан келген товар менен автоунааларга мониторинг жүргүзүү боюнча пилоттук долбоорду өткөрүү тартибине кол коюлган.

Министрдин орун басары Эльдар Алишеров бизнес-ассоциациялардын өкүлдөрү жана жүк ташуучулар менен жолугуп, бул эрежеде эл аралык жүк ташууда электрондук идентификаторлорду (навигациялык пломба) колдонуу каралгандыгын белгилеген.

Эрежеге ылайык, Кыргызстандан Казакстанга же Россияга барып, кайра келчү транзиттик жүк ташуучу унааларга казак тарап көзөмөл-кароо иш-чараларын жүргүзбөйт.

"Ошол эле учурда ата-мекендик экспортчулар сөзсүз түрдө экспорттук операция боюнча эсеп-фактураларын (ЭСФ) алып жүрүшү керек. Эгерде чек арадан өтөрдө ЭСФ жок болсо, Казакстандын Финансы министрлиги жүк ташуучу автоунааларды кайра Кыргызстанга жиберүүгө укуктуу", — деп жазылган маалыматта.

Казак тарап өлкө аймагына автоунааларды киргизүүдө жүк ташуучу унааларды текшербей эле аларга навигациялык пломбаларды орнотуп коёру кошумчаланды. Алишеровдун айтымында, Кыргызстандан Казакстанга барчу жүк ташуучу автоунаалар эреже бузса, барчу жерине жеткенде кошумча көзөмөлдөн өтөт.

0
Белгилер:
Кыргызстан, Казакстан, жүк ташуучу унаа, Россия, эреже
Тема боюнча
Кошумча нарк салыгы былтыркыдан 10 млрд. сомго арбын чогулду. Себеби
Тартыштык 9,1 миллиард сом. Кыргызстандын 2022-жылга карата бюджетинин божомолу