Талибан кыймылынын мүчөлөрү. Архив

Афганистандагы шарият мыйзамы Кыргызстанга кандай коркунуч жаратат? Пикир

241
(жаңыланган 18:14 21.09.2021)
Эксперттин айтымында, Афганистанда согуш күч алса да, тынчтык жолу менен өнүгүп кетсе да Борбор Азияда кооптуулук жогорку бойдон сакталат.

БИШКЕК, 21-сен. — Sputnik. Афганистанда шарият мыйзамынын орношу Борбор Азия өлкөлөрүнүн баарына коркунуч жаратат. Бул тууралуу саясат таануучу, саясат таануу илимдеринин доктору Азамат Темиркулов билдирди.

Ал "Пикир" регионалдык эксперттер клубу уюштурган "Афганистан Кыргызстан жана ЖККУ өлкөлөрүнүн улуттук коопсуздугуна коркунуч жараткан фактор катары" аталышындагы конференцияда сүйлөдү.

"Афганистандын аймагында жүргөн жана ар кандай террордук уюмдарга кошулуп кеткен Борбор Азия өлкөлөрүнүн жарандары тынчсыздандырат. Кээ бирлери Ирак жана Сирияда согуштук тажрыйба алышкан. Алар Афганистандан дагы Борбор Азиядагы согуштук аракеттерге кызыкдар", — деди Темиркулов.

Ошондой эле ал Афганистанда согуш күч алса да, кырдаал тынчтык жолу менен өнүгүп кетсе да Борбор Азияда кооптуулук жогорку бойдон каларын белгиледи.

"Жадагалса баары тынчып, кырдаал тынчтык жолу менен бир нукка түшүп, талибдер Ислам Эмирлигин курган чакта да Борбор Азиядагы кооптуулук жогорку бойдон сакталат. Эгер Афганистанга Катар, Сауд Аравиясы жана башка араб өлкөлөрү жардам берсе, биздин мамлекетте ислам принциптери жана шарият жолу менен жашагандар эртеби-кечпи баш көтөрүп чыгат. Себеби өлкөдө келечекте Борбор Азияны шарият мыйзамдары менен жашаган эмирлик катары элестеткен жарандардын саны арбын. Коомдун мындай бөлүгү социалдык жана саясий планда Афганистанды үлгү кылып көрсөтүшү мүмкүн", — деди саясат таануучу.

Буга чейин президент Садыр Жапаров теократиялык мамлекеттин калыптанышы ЖККУга мүчө өлкөлөргө терс таасир этерин айткан.

"Талибан"* августтун башында активдешип, айдын орто ченинде Кабулга кирген. Согуш аягына чыкканы жар салынып, 31-августта америкалык аскерлер, Батыш өлкөлөрүнүн жарандары жана алар менен кызматташкан афгандар толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында. Бийликке келгендер Афганистанда Ислам Эмирлигин түзүүгө белсенип жатышканын билдирген.

* — Кыргызстан, Россия жана башка бир катар мамлекеттерде тыюу салынган уюм.

241
Белгилер:
эксперт, Азамат Темиркулов, Афганистан, кооптуулук
Тема:
Афган бийлиги менен талибдердин тиреши (258)
Тема боюнча
Афганистандагы абал Борбор Азиянын келечегине кандай таасир этет? Пикир
 Ошко Россиянын жаңы башкы консулу болуп келген Андрей Бибишев. Архив

Россиянын Оштогу жаңы башкы консулу ишке киришти

84
(жаңыланган 17:05 18.10.2021)
Бибишев Кыргызстанга келгенге чейин Россия ТИМинин КМШ өлкөлөрү боюнча үчүнчү департаментинин жетекчиси болгон.

БИШКЕК, 18-окт. — Sputnik. Ошко Россиянын жаңы башкы консулу Андрей Бибишев келди. Бул тууралуу Россиянын Кыргызстандагы элчиси Николай Удовиченко билдирди.

Маалыматка караганда, Бибишев тажрыйбалуу дипломат, буга чейин Россия ТИМинин КМШ өлкөлөрү боюнча үчүнчү департаментинин жетекчиси болгон. Андан тышкары, Панама жана Никарагуа өлкөлөрүндө Россия элчисинин кеңешчиси болуп эмгектенген.

"Бибишевдин жетекчилиги алдында Ош шаарындагы башкы консулдук ишин жемиштүү улантып, Кыргызстан менен Россиянын ортосундагы кызматташтыкты күчөтөт деп ишенем", — деди Удовиченко.

Бибишевдин 60 жашта экени айтылды.

84
Белгилер:
Кыргызстан, Россия, элчи, Ош шаары
Тема боюнча
Анталья шаарында Кыргызстандын башкы консулдугу ачылды
Жогорку Кеңештин вице-спикери Аида Касымалиева. Архив

Аида Касымалиева Кыргызстандын БУУдагы расмий өкүлү болмокчу

138
(жаңыланган 16:29 18.10.2021)
Аида Касымалиева парламенттин алтынчы чакырылышынын депутаты. Ага чейин бир катар эл аралык ЖМКларда иштеген, орус, англис тилдерин билет.

БИШКЕК, 18-окт. — Sputnik. Кыргызстандын БУУдагы расмий өкүлү болууга Жогорку Кеңештин вице-спикери Аида Касымалиеванын талапкерлиги жактырылды. Мындай чечим Эл аралык иштер, коргоо жана коопсуздук комитетинде кабыл алынганын аталган комитеттен кабарлашты.

"Кыргызстандын Бириккен Улуттар Уюмунун Нью-Йорк шаарындагы туруктуу өкүлүнүн кызмат ордуна Аида Касымалиеванын талапкерлиги жактырылсын", — деген чечим кабыл алынган.

Эми документ Тышкы иштер министрлигине жөнөтүлөт.

Аида Касымалиева парламенттин алтынчы чакырылышынын депутаты. Ага чейин бир катар эл аралык ЖМКларда иштеген, орус, англис тилдерин билет.

138
Белгилер:
Аида Касымалиева, БУУ, расмий, өкүл, Жогорку Кеңеш, дайындоо
Тема боюнча
Анталья шаарында Кыргызстандын башкы консулдугу ачылды
Мамлекеттик салык кызматына Алтынбек Абдувапов төрага болду
Кайрат Иманалиев КТРК жетекчисинин милдетин аткармай болду
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт