БУУнун Коопсуздук кеңешинин жыйыны. Архив

БУУнун Коопсуздук кеңешинде талибдерден санкцияны алуу маселеси каралбайт

44
(жаңыланган 11:17 22.09.2021)
Буга чейин Бириккен Улуттар Уюмунун (БУУ) башкы катчысы Антониу Гутерриш эл аралык коомчулукту Афганистанды башкара баштаган талибдер менен диалогго барууга чакырган эле.

БИШКЕК, 22-сен. — Sputnik. "Талибан"* кыймылынан Бириккен Улуттар Уюмунун Коопсуздук кеңешинин санкцияларын алуу кеңештин учурда жүрүп жаткан жыйынында талкууланбайт. Бул туурасында РИА Новости Россиянын аталган уюмдагы өкүлү Василий Небензяга таянып жазды.

Өкүл "БУУнун Коопсуздук кеңешинин мүчөлөрү талибдерден БУУнун санкцияларды акырындык менен алышы боюнча жол картасын иштеп чыгууну талкуулап жатабы?" деген суроого жооп берген.

"Коопсуздук кеңеш линиясы боюнча киргизилген санкцияны талибдерден алуу темасы дал азыркы учурда күн тартибинде жок", — деген ал.

Өкүлдүн айтымына караганда, бул суроону эртеби-кечпи, чечкенге туура келет.

"Бирок муну чыга калып эле талкуулап баштаганга болбойт. Абал кандай өзгөрөт, аны жакшылап байкап, караштырып, ошого жараша иш кылыш керек", — деген Небензя.

Ал туруктуу мүчөлөрү болгон бештик эле эмес, Коопсуздук кеңештин бардык мүчөлөрү Афганистан боюнча темада өлкөнүн жаңы бийлигине жасалган мамиледе абайлап кадам ташташ керектигин айтышканын билдирди.

"Коопсуздук кеңештин санкция комитетинде бул көйгөй азырынча көтөрүлө элек. Эгеде санкцияларды талкууласак, анда аны майнаптуу гуманитардык жардам берүү, өлкөнүн социалдык-экономикасын калыбына келтирүү кесепеттеринен башташ керек. Биринчи иретте бул Афганистандын активдерин башка өлкөлөрдүн тоңдуруп коюшунан башталат. Дал ушундай катаал чаралар өлкөнү экономикалык кыйроого алып келиши мүмкүн", — деген өкүл.

Буга чейин Бириккен Улуттар Уюмунун (БУУ) башкы катчысы Антониу Гутерриш эл аралык коомчулукту Афганистанды башкара баштаган талибдер менен диалогго барууга чакырган эле.

* — Кыргызстан, Россия жана башка бир катар мамлекеттерде тыюу салынган уюм.

44
Белгилер:
БУУнун Коопсуздук кеңеши, Афганистан, санкциялар
Тема:
Афган бийлиги менен талибдердин тиреши (258)
Тема боюнча
Афганистандагы шарият мыйзамы Кыргызстанга кандай коркунуч жаратат? Пикир
Кабул аэропорту 36 күндөн кийин коммерциялык каттамдар үчүн ачылды
Талибдер аялдар үйдө отуруп, алардын ордуна эркектер иштеши керектигин айтты
 Ошко Россиянын жаңы башкы консулу болуп келген Андрей Бибишев. Архив

Россиянын Оштогу жаңы башкы консулу ишке киришти

84
(жаңыланган 17:05 18.10.2021)
Бибишев Кыргызстанга келгенге чейин Россия ТИМинин КМШ өлкөлөрү боюнча үчүнчү департаментинин жетекчиси болгон.

БИШКЕК, 18-окт. — Sputnik. Ошко Россиянын жаңы башкы консулу Андрей Бибишев келди. Бул тууралуу Россиянын Кыргызстандагы элчиси Николай Удовиченко билдирди.

Маалыматка караганда, Бибишев тажрыйбалуу дипломат, буга чейин Россия ТИМинин КМШ өлкөлөрү боюнча үчүнчү департаментинин жетекчиси болгон. Андан тышкары, Панама жана Никарагуа өлкөлөрүндө Россия элчисинин кеңешчиси болуп эмгектенген.

"Бибишевдин жетекчилиги алдында Ош шаарындагы башкы консулдук ишин жемиштүү улантып, Кыргызстан менен Россиянын ортосундагы кызматташтыкты күчөтөт деп ишенем", — деди Удовиченко.

Бибишевдин 60 жашта экени айтылды.

84
Белгилер:
Кыргызстан, Россия, элчи, Ош шаары
Тема боюнча
Анталья шаарында Кыргызстандын башкы консулдугу ачылды
Жогорку Кеңештин вице-спикери Аида Касымалиева. Архив

Аида Касымалиева Кыргызстандын БУУдагы расмий өкүлү болмокчу

138
(жаңыланган 16:29 18.10.2021)
Аида Касымалиева парламенттин алтынчы чакырылышынын депутаты. Ага чейин бир катар эл аралык ЖМКларда иштеген, орус, англис тилдерин билет.

БИШКЕК, 18-окт. — Sputnik. Кыргызстандын БУУдагы расмий өкүлү болууга Жогорку Кеңештин вице-спикери Аида Касымалиеванын талапкерлиги жактырылды. Мындай чечим Эл аралык иштер, коргоо жана коопсуздук комитетинде кабыл алынганын аталган комитеттен кабарлашты.

"Кыргызстандын Бириккен Улуттар Уюмунун Нью-Йорк шаарындагы туруктуу өкүлүнүн кызмат ордуна Аида Касымалиеванын талапкерлиги жактырылсын", — деген чечим кабыл алынган.

Эми документ Тышкы иштер министрлигине жөнөтүлөт.

Аида Касымалиева парламенттин алтынчы чакырылышынын депутаты. Ага чейин бир катар эл аралык ЖМКларда иштеген, орус, англис тилдерин билет.

138
Белгилер:
Аида Касымалиева, БУУ, расмий, өкүл, Жогорку Кеңеш, дайындоо
Тема боюнча
Анталья шаарында Кыргызстандын башкы консулдугу ачылды
Мамлекеттик салык кызматына Алтынбек Абдувапов төрага болду
Кайрат Иманалиев КТРК жетекчисинин милдетин аткармай болду
Аламүдүн району төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты

Аламүдүн: суу сактагычтан эркек кишинин сөөгү табылды. Сүрөт

0
(жаңыланган 00:27 19.10.2021)
Куткаруучулар 40-45 жаштагы эркек кишинин сөөгүн каналдан алып чыгып, аны милиция кызматкерлерине өткөрүп беришкен.

БИШКЕК, 19-окт. — Sputnik. Аламүдүн районунун төмөнкү Ала-Арча айылындагы суу сактагычтан куткаруучулар эркек кишинин сөөгүн алып чыкты. Бул туурасында ӨКМдин маалымат кызматынан кабарлашты.

Окуя болгон жерге Аламүдүн райондук ӨКБден төрт куткаруучу барган. Алар 40-45 жаштагы эркек кишинин сөөгүн каналдан алып чыгып, милиция кызматкерлерине өткөрүп беришкен.

0
Белгилер:
Кыргызстан, Аламүдүн району, канал, өлүк, куткаруучу
Тема боюнча
Куткаруучулар суудан башка адамды издеп жатып, белгисиз сөөктү алып чыкты. Сүрөт