Добуш берип жаткан жаран. Архив

ЖК депутаты парламенттик шайлоону үч күн өткөрүүнү сунуштады

228
(жаңыланган 20:23 22.09.2021)
БШКнын төрайымы мындай норманы киргизүүгө мыйзам жол бербестигин, программалык техникалык жактан да жаңы чаралар талап кылынарын белгиледи.

БИШКЕК, 22-сен. — Sputnik. Жогорку Кеңештин депутаты Аманкул Токтомамбетов алдыдагы парламенттик шайлоодо добуш берүү процессин үч күн бою өткөрүүнү сунуштады.

Эл өкүлү кыргызстандыктар бир күндө добуш берүүгө жетишпей калууда деп эсептейт.

"Жакында эле Россиядагы шайлоо үч күн өттү, бизде дагы ошондой кылса болбойбу? Себеби ноябрда күн кеч чыгат, эрте батат, суук болот. Экинчиден, COVID-19 кооптуулугу дагы деле кете элек. Үчүнчүдөн, элди кезекке тургузуп кыйнабай добуш берүү процессин үч, жок дегенде эки күнгө созсок кандай болот? Элдин баары эле сабаттуу эмес, эки бюллетенден партияны, 54 талапкерди тапканга көп убакыт кетет. Эгер мүмкүн болсо, мыйзамга өзгөртүү киргизели. Эл жетишпей калат деп жатам", — деди депутат.

БШКнын төрайымы шайлоо мыйзамында андай норма жок экенин, программалык техникалык жактан да жаңы чаралар талап кылып калынарын белгиледи.

Ал ошондой эле шайлоо системасында ансыз да аябай көп өзгөрүүлөр болгонун, дагы өзгөртүүлөрдү киргизиш үчүн даярдык керектигин кошумчалады.

Аны менен катар үч күндүк добуш берүүдө программаларды өзгөртүп, бюллетенди үч күн сактоо үчүн видеобайкоолорду, күзөтчүлөрдү коюш керектигин эскертти.

228
Белгилер:
Нуржан Шайлдабекова, шайлоо, добуш
Тема:
Жогорку Кеңешке шайлоо 2021 (42)
Тема боюнча
Шайлдабекова: былтыр бийлик менен акчанын тиреши шайлоону талкалаган
Аткаминер. Архив

Акыйкатчы, шаардык кеңештин төрагасы. Шайлоого катышам деп иштен кеткендер

26
(жаңыланган 12:42 18.10.2021)
29-августта "Президентти жана Жогорку Кеңештин депутаттарын шайлоо тууралуу" конституциялык мыйзам күчүнө кирген. Андагы 21-беренеге ылайык, мамлекеттик саясий кызматтарды аркалаган жетекчилер шайлоого катышса иштен кетиши керек.

БИШКЕК, 18-окт. — Sputnik. Кыргызстанда ар кайсы деңгээлдеги жетекчилик кызматтарды ээлеп турган аткаминерлер 28-ноябрда өтө турган парламенттик шайлоого аттанып жаткандыктан иштен кетүүдө. Бул тууралуу Шайлоо жана референдум өткөрүү боюнча борбордук комиссиядан кабарлашты.

БШК эске салгандай, быйылкы жылдын 29-августунда "Президентти жана Жогорку Кеңештин депутаттарын шайлоо тууралуу" конституциялык мыйзам күчүнө кирген. Андагы 21-беренеге ылайык, мамлекеттик саясий кызматтарды аркалагандар (ЖК депутаттары менен президенттен башкасы) жана муниципалдык саясий кызматкерлер (жергиликтүү кеңештин депутаттарынан башкалар) шайлоого катышып жаткан учурда кызматтан четтетилиши зарыл.

Ал эми башка мамлекеттик, муниципалдык кызматтарды аркалагандар жана ЖМК өкүлдөрү талапкерлигин койгондон тарта шайлоо жыйынтыгы угузулганга чейин кызматтык милдеттерин аткарууну токтотуп турушу керек.

Мындан улам төмөнкү жетекчилер ишин тапшырды:

  • Жалолидин Нурбаев — Ош облусундагы Араван районунун Алля-Анар айыл өкмөтүнүн башчысы;
  • Эржигит Пасанов — Ош облусундагы Өзгөн районунун Кызыл-Октябрь айыл өкмөтүнүн башчысы;
  • Чыңгыз Оморов — Жалал-Абад облусундагы Чаткал районунун Сумсар айыл өкмөтүнүн жетекчиси;
  • Нурмат Рыскулбек уулу — Чүй облусундагы Жайыл районунун Красно-Восточный айыл өкмөтүнүн башчысы;
  • Мирлан Жекшенов — Чүй облусундагы Москва районунун Жаңы-Жер айыл өкмөтүнүн башчысы;
  • Акылбек Мурсалиев — Чүй облусундагы Кемин районунун Боролдой айыл өкмөтүнүн башчысы;
  • Эркин Иманкулов — Чүй облусундагы Кайыңды шаардык кеңешинин төрагасы;
  • Замирбек Сыргабаев — MMA уюмунун мурдагы мушкери, Баткен облусундагы Кадамжай спорттук мектебинин директору.

Ошондой эле БШК кызматтан кетүү арызын акыйкатчы Токон Мамытов дагы жазганын кошумчалады.

26
Белгилер:
БШК, шайлоо, жетекчи, кызмат, Жогорку Кеңеш
Тема:
Жогорку Кеңешке жаңы тартип менен болчу шайлоо
Тема боюнча
Жогорку Кеңештин 41 жаштагы кызматкери депутаттык мандат алды
Социалдык фонддун жетекчиси Бахтияр Алиев. Архив

Бахтияр Алиев КТРКдан кетип, Соцфондго жетекчи болду

113
(жаңыланган 11:52 18.10.2021)
Бактияр Алиев 2001-2009-жылдан аралыгында Социалдык фонддо иштеп, жетектөөчү адистен бөлүм башчылыкка чейин жеткен.

БИШКЕК, 18-окт. — Sputnik. Бактияр Алиев Социалдык фонддун жетекчиси болуп дайындалганын мекеменин маалымат кызматы тастыктады.

Аны бүгүн эмгек жамаатка министрлер кабинетинин төрагасынын орун басары Эдил Байсалов тааныштырган.

Заместитель председателя кабмина Эдиль Байсалов представил Бактияра Алиева, в качестве нового руководителя, коллективу Соцфонда. 18 октября 2021 года
© Фото / пресс-служба Соцфонда КР
Аны бүгүн эмгек жамаатка министрлер кабинетинин төрагасынын орун басары Эдил Байсалов тааныштырган

Алиев буга чейин Коомдук телерадиоберүү корпорациясынын башкы директору болуп келип, өткөн аптада өз каалоосу менен кызматтан кеткен.

Ал эми 2001-2009-жылдан аралыгында Социалдык фонддо иштеп, жетектөөчү адистен бөлүм башчылыкка чейин жеткени маалым.

Буга чейин аталган фонддуу Жаныбек Орозалиев жетектеп келген.

113
Белгилер:
Бахтияр Алиев, Социалдык фонд, жетекчи, кызмат, дайындоо
Тема боюнча
Мамлекеттик салык кызматына Алтынбек Абдувапов төрага болду
Кайрат Иманалиев КТРК жетекчисинин милдетин аткармай болду

Кыргыз эл акыны Майрамкан Абылкасымованын сөөгү жерге берилди. Сүрөт

0
(жаңыланган 13:15 18.10.2021)
Акынды акыркы сапарга узатууда сөз сүйлөгөндөр Абылкасымованын маданият менен искусствонун өнүгүшүнө эбегейсиз салым кошконун белгилешти.

БИШКЕК, 18-окт. — Sputnik. Кыргыз эл акыны Майрамкан Абылкасымованын сөөгү Бишкектеги "Ала-Арча" көрүстөнүнө коюлду.

Маркум менен коштошуу зыйнаты Абдылас Малдыбаев атындагы опера жана балет театрында өтүп, ага мамлекеттик катчы Сүйүнбек Касмамбетов, Чүй облусунун башчысынын орун басары Нурил Алымбаев, Улуттук жазуучулар союзунун төрагасы Нурлан Калыбеков баш болгон мамлекеттик кызматкерлер, коомдук ишмерлер, акындын калемдештери жана жакындары катышты.

  • Прощание с Майрамкан Абылкасымовой
    © Фото / пресс-служба МКИСМП КР
  • Прощание с Майрамкан Абылкасымовой
    © Фото / пресс-служба МКИСМП КР
  • Прощание с Майрамкан Абылкасымовой
    © Фото / пресс-служба МКИСМП КР
  • Прощание с Майрамкан Абылкасымовой
    © Фото / пресс-служба МКИСМП КР
1 / 4
© Фото / пресс-служба МКИСМП КР
Прощание с Майрамкан Абылкасымовой

Коштошуу зыйнатында Абылкасымованын Кыргызстандын маданиятын жана искусствосун өнүктүрүүгө эбегейсиз салым кошкону белгиленди.

Майрамкан Абылкасымова 84 жаш курагында узакка созулган оорудан улам 16-октябрь күнү дүйнөдөн кайткан.

Ал Бүткүл союздук Ленин комсомолу сыйлыгы жана Кыргыз ССРинин Токтогул атындагы мамлекеттик сыйлыгынын лауреаты. 1936-жылы 7-ноябрда Кемин районундагы Алмалуу айылында мугалимдин үй-бүлөсүндө туулган.

1958-жылы Маяковский атындагы кыз-келиндер педагогикалык институтунун филология факультетин бүтүргөн.

1961-жылы акындын алгачкы "Кичинекей досторго" аттуу туңгуч ырлар жыйнагы чыккан. "Чолпон", "Эстелик сүйлөйт", "Быйыл жаздын гүлдөрү көп" аттуу жыйнактардын автору. Анын ырлары орус, украин, казак, моңгол, немец, поляк, француз тилдерине которулган.

0
Белгилер:
Майрамкан Абылкасымова, өлүм, акын, жерге берүү