Россия сегодня медиатобу менен RT телеканалынын башкы редактору Маргарита Симоньян. Архив

Медиа согушу. Симоньян RT ачкан немецтик YouTube каналдарынын жабылышы тууралуу

70
(жаңыланган 11:02 29.09.2021)
Роскомнадзор Google корпорациясына жиберген катында "кыска убакыттын ичинде RT DE жана Der Fehlende Part каналдарына салынган чектөөнү алып салууну талап кылган.

БИШКЕК, 29-сен. — Sputnik. RT ачкан YouTube видеосервисиндеги DE жана DFP каналдарынын кайра калыбына келтирилбей жоюу чечими толугу менен медиа согуштун жарыяланышы экендигин РИА Новостиге "Россия сегодня" медиатобу менен RT телеканалынын башкы редактору Маргарита Симоньян билдирген.

Аталган эки каналдын жок болуп кетиши тууралуу башкы редактор мурдараак билдирген эле.

Видеосервис тиешелүү болгон Google корпорациясынын маалымат кызматы каналдар пайдалануу шарты бузулганы үчүн жабылгандыгын айтышкан. Алар "YouTube кызматынын коомдо каралган так эрежелери бар, анда платформада эмнеге уруксат берилгени айтылган" деп билдиришкен.

"RT DE каналына COVID-19 коронавирус инфекциясы боюнча жалган маалыматтар камтылган контент жүктөлүп, биздин эрежелер бузулуп жатканы айтылып, эскертүү берилген. Бул алардын видео жарыялоо укугунун токтотулушуна алып келди. Токтотулгандан кийин каналдын ээлери чектөөдөн буйтап, башка каналды колдонду. Жыйынтыгында эки канал тең колдонуу боюнча YouTube эрежелерин бузганы үчүн жабылды", — деп түшүндүрүшкөн корпорациядан.

Симоньян бул боюнча пикирин билдирип, анын айтымында YouTube сөз кылып жаткан ошол "так" эрежелерди алар эч жерде жазбагандыгын айтты. Аны менен катар эле Google менен такташкандан кийин RT ачкан YouTube каналдарынын жабылышын медиалык согуш деп атады.

"Бул ирет биздин биринчи канал алар айткан "коомчулукта каралган эрежелерин бузгандыгы үчүн" өздөрү ойлоп тапкан "жазасын алып жатканда" экинчи каналга өзүбүздүн аудиторияны чакырганыбызды "чектөөдөн буйтады" деп эсептешти. Биздин тартип "бузганыбыз" корона боюнча чаралар туурасындагы скептиктердин маегин эфирге беришибиз болду. Кийинки ачкан каналга аудиториябызды биринчи ирет чакырып жатканыбыз жок. Алар дал бүгүн эки каналды тең жабуу чечимин кабыл алды. Аны менен катар эле YouTube эмдөөгө каршыларды, террорчуларды жана ар кыл ишенимдеги фашисттерди берип жатат. Алар бир нече жолу бизди пессимисттештирип жана "киргизбей" тургандыктарын айткан. А биз алардын бут тосконуна карабай өсүп, жетилдик. Эми өчүрүп тынышты. Бул Германиянын Россияга толугу менен жарыялаган медиалык согушу", — деп билдирген башкы редактор.

Роскомнадзор Google корпорациясына жиберген катында "кыска убакыттын ичинде RT DE жана Der Fehlende Part каналдарына салынган чектөөнү алып салууну талап кылган. Ведомстводон YouTube тарабынан жасалган бул кадам цензура актысы катары караларын билдиришти.

Аны менен катар эле эгерде YouTube каналын ачуу талабы аткарылбаса, миллион рублге чейин айып тартышарын, экинчи ирет баш тартуу болсо ал үч миллион рублге чейинки сумманы чапчый турганын эскертишкен.

Июль айында Люксембургадагы медиа жөндөгүч техникалык критерийлерге туура келген жок деген шылтоо менен RT телеканалына немец тилинде көрсөтүүгө лицензия берген эмес. Россия ТИМинин расмий өкүлү Мария Захарова бул чечим тууралуу үн каткан.

Анын билдиргенине караганда, "бул коңшу ФРГнын Люксембург тарапка жасаган ачык басымынын алдын ала боолголонгон жапайы жыйынтыгы. Ага германиялык бир нече расмий тараптардын жасаган билдирүүлөрү күбө болуп турат".

Россиялык ЖМКлардын Батыштагы абалы жыл өткөн сайын оорлошуп бара жатат. 2016-жылы ноябрда Европарламент Sputnik менен RT телеканалына каршы иштин зарыл экендиги боюнча резолюция кабыл алган.

Бул документке комментарий берген Россия лидери Владимир Путин басылмалардын ишинин жыйынтыгы менен куттуктап, бирок бир нерсени эске салган. Президент бул кырдаал Батыш коомчулугунда демократия тууралуу түшүнүктүн көз көрүнөө деградация болуп бара жатканын айгинелей турганын белгилеген.

70
Белгилер:
Россия, Германия, Маргарита Симоньян, YouTube, кысым, Russia Today
Тема боюнча
Кадыры кетип баратат. Симоньяндын Навальный тууралуу билдирүүсү
Президенттин, президенттик администрациянын жана министрлер кабинетинин парламенттеги өкүлү болуп дайындалган Алмасбек Абытов

Президенттин ЖКдагы өкүлү Калматов иштен кетип, ордуна Абытов келди

14
(жаңыланган 16:07 27.10.2021)
Президенттин парламенттеги өкүлү Калматовдун жумуштан бошотулганы белгилүү болду. Анын кызматы Абытовго өтүп жатат.

БИШКЕК, 27-окт. — Sputnik. Алмасбек Абытов президенттин, президенттик администрациянын жана министрлер кабинетинин парламенттеги өкүлү болуп дайындалды.

Бүгүнкү жыйында вице-спикер Аида Касымалиева аны жаңы кызматка бекитилиши менен куттуктады.

Абытов буга чейин министрлер кабинетинин ЖКдагы өкүлү кызматын аркалап келген, эми ал президенттин жана президенттик администрациянын дагы өкүлү катары иштейт.

Ал эми президенттин парламенттеги өкүлү Анарбек Калматовдун кызматтан алынганы белгилүү болду. Жеке маалымат булактардын билдирүүсү боюнча Калматов президенттик администрациянын Ырайым кылуу боюнча комиссиясынын жооптуу катчысы болуп дайындалат.

Мурдагы катчы Таалайбек Апенов коррупция беренеси менен кармалып, жумуштан алынган.

14
Белгилер:
Анарбек Калматов, Алмасбек Абытов, президент, өкүл, парламент
Тема боюнча
Чыңгыз Эсенгул уулу маданият министрине орун басар болду
Санариптик өнүктүрүү министрлиги кайра түзүлүп, Догоев жетектемей болду
Лейлек районунун кириши. Архив

Шайлоого аралашкан. Лейлектин акими кызматтан четтеп, Исфана мэри сөгүш алды

110
(жаңыланган 14:48 27.10.2021)
Министрлер кабинетинин төрагасы мындан ары аким же министр бир талапкердин кызыкчылыгына иштесе экинчи жумушка алынбай тургандай берене менен кетерин эскертти.

БИШКЕК, 27-окт. — Sputnik. Шайлоого аралашканы үчүн Баткен облусундагы Лейлек районунун акими Алмазбек Рахманкулов жумуштан четтетилди. Бул туурасында министрлер кабинетинин төрагасы Акылбек Жапаров парламентте билдирди.

Ал президенттин "добуш сатып алгандар да, сатылгандар дагы жазалант" деген принципиалдуу позициясы бар экенин белгиледи.

"Бүгүн Лейлектин акими шайлоо бүткөнгө чейин жумуштан четтетилди. Исфана мэрине катуу сөгүш жарыяланды. Мындан ары кайсы бир аким же министр талапкерге же партияга үндөй турган болсо, "ишенимди жоготту" деген берене менен экинчи ирет жумушка алынбай тургандай кылып кызматтан алабыз", — деди Жапаров.

Ошондой эле ал кырдаалды президент Садыр Жапаров өзү көзөмөлдөп жатканын, эгер укук коргоо органдары жакшы иштеп, мыйзам бузгандарды кармап келсе сый акы берилерин кошумчалады.

110
Белгилер:
Лейлек району, аким, кызмат, четтетүү, шайлоо
Тема боюнча
Жапаров Бажы кызматынын жаңы жетекчиси кандай милдет менен дайындалганын айтты
Шаардык кеңеш шайлаган Нарындын мэрин БШК кызматтан алып койду. Себеби
Лампочка. Иллюстративдик сүрөт

Ысык-Көлдө эртең электр кубаты өчө турган айылдар. Тизме

0
"Чыгыш электр" ачык акционердик коому аймактагы өчүрүүлөр оңдоп-түзөө иштерине байланыштуу жасалып жаткандыгын билдирди.

БИШКЕК, 27-окт. — Sputnik. Эртең, 28-октябрда, Ысык-Көл облусунун Жети-Өгүз, Тоң, Ысык-Көл райондорунун кээ бир айылдарында электр кубаты өчүрүлөт. Бул тууралуу "Чыгыш электр" ишканасынан билдирди.

Аймактар:

Жети-Өгүз району:

  • 09:00-17:00 - Ырдык, Конкино, Оргочор, Светлая поляна, Кызыл-Суу айылдары.

Тоң району:

  • 09:00-17:00 - Бөкөнбаев, Кара-Коо айылдары.

Ысык-Көл району:

  • 10:00-14:00 - Григорьевка, Кожояр айылдары.

"Чыгыш электр" ачык акционердик коому кардарлардан оңдоп-түзөөгө байланыштуу убактылуу келтирилген ыңгайсыздык үчүн кечирим сураган.

0
Белгилер:
Кыргызстан, Ысык-Көл облусу, Жети-Өгүз району, Тоң, 'Чыгыш электр', электр кубаты
Тема боюнча
Кар жаайбы? Бир жумага карата аба ырайы