Депутат Самат Ибраев. Архив

Депутат Ибраев Жеенчороевди сыртка чыгып эркекче сүйлөшүүгө чакырды. Видео

298
(жаңыланган 16:36 29.09.2021)
Ибраевге жооп берген Жеенчороев аны менен кандай шартта же кайсы жерде болбосун жолугушууга даяр экенин айтты.

БИШКЕК, 29-сен. — Sputnik. Жогорку Кеңештин депутаты Самат Ибраев аны сындаган кесиптеши Мирлан Жеенчороевди жекеме-жеке чыгып мушташууга чакырды.

Жеенчороев көз боёмочулук менен алектенген депутаттар Улуттук банкты негизсиз сындап жатканын билдирди.

"Кыргызстан шылуун, көз боёмочулардын чордону болуп калды. Аны бул жакка алып келгендер андан өткөн көз боёмочулар. Ар кандай кредиттер алынганына Улуттук банкты күнөөлөп жатат. Ага 30 жылдык саясат күнөөлүү. Ошону айтып жаткан адамдар бүгүнкү күндө ондогон үй-бүлөнү ыйлатып жүрөт. Өзүм күбө болуп "карызыңарды берип койгула" деп айткам. Ошол көз боёмочулар парламенттин трибунасын колдонуп кесипкөй, банк системасын түшүнгөн Толкунбек Абдыгуловго чоң чабуул жасады. Ошол шылуундар президенттин атын жамынып жатат", — деди Жеенчороев.

Бул сөз өзүнө тийиштүү болгонун түшүнгөн Ибраев андай катуу сөздөрдү айтпоого чакырды.

"Мен азыр эки жолду көрүп турам. Сиз менен же соттошушум керек, же эшикке чыгып эркекче сүйлөшүш керек болуп турат. Мындай нерсе эч качан кайталанбашы керек. Урматтуу кесиптештер, жакшынакай сүйлөгөндү үйрөнсөк", — деди Ибраев.

Ага жооп берген Жеенчороев кандай шартта же кайсы жерде болбосун жолугушууга даяр экенин айтты.

Депутат Жогорку Кенеша Мирлан Жээнчороев. Архивное фото
© Фото / пресс-служба Жогорку Кенеша
Депутат Самат Ибраев

"Эгер сиз эркек болсоңуз экөөнү тең далилдеп беришиңиз керек. Ал эми мыйзам астында жооп бере турган болсоңуз юриспруденция биз тарапта болот. Ким, каяктан эмне алганын, эмне менен алектенгенин билебиз. Толкунбек Абдыгулов да кызматтан бошогондон кийин мамлекеттин патриот жараны катары шылуундардын жүзүн ачат деп ойлойм. Ошондо ким элдик трибунаны колдонуп кыйкырып, кандай кызыкчылыкты көздөп жатканын түшүнөбүз", — деди Жеенчороев.

Ошондой эле депутат президенттик администрацияга кайрылып, мындай адамдарды айланасынан тазалоо керектигин айтты.

298
Белгилер:
Мирлан Жээнчороев, Самат Ибраев, депутат, шылуун, көз
Тема:
Улуттук банктын төрагасынын алмашышы (18)
Тема боюнча
Кызматтан бошоюн, айтчу сөзүм бар. Абдыгулов депутат Ибраевге жооп берди
"Сизге бир нерсе табыш оңой эле". Зулушев менен Жээнчороев кайым айтышкан видео
Аткаминер. Архив

Пара менен кармалган Ырайым кылуу комиссиясынын катчысы Апенов иштен алынды

26
(жаңыланган 11:48 26.10.2021)
УКМК Апенов соттолгон адамды ырайым кылына тургандардын тизмесине киргизүү үчүн 170 миң сом талап кылганын билдирген.

БИШКЕК, 26-окт. – Sputnik. УКМК акча талап кылды деп кармаган Таалайбек Апенов президенттин администрациясынын Ырайым кылуу боюнча комиссиясынын жооптуу катчысынан бошотулду. Бул тууралуу мамлекет башчынын маалымат кызматынан кабарлады.

Документке президент Садыр Жапаров кол койгон.

Эске салсак, Апеновду улуттук коопсуздук боюнча мамлекеттик комитет акча алып жатканда кармаган.

УКМК ал соттолгон адамды ырайым кылына тургандардын тизмесине киргизем деп 170 миң сом талап кылганын билдирген.

Жапаров бул туурасында жакында өткөн маалымат жыйын учурунда да кеп кылган. Ага пара алуу боюнча маалыматтар түшүп жатканын айтып эскерткенин, Апенов муну танганын, бирок көп өтпөй тартип коргоочулардын колуна түшкөндүгүн айткан.

26
Белгилер:
Кыргызстан, Садыр Жапаров, ырайым берүү, пара алуу, Таалайбек Апенов
Тема боюнча
Октябрь РИИБдин жетекчиси көп балалуу аялдан акча талап кылган деп кармалды
Нарын шаарына 31 жаштагы Арслан Сталбек уулу мэр болду
Президент Садыр Жапаров. Архив

Садыр Жапаров администрациясында Кырдаалдык борбор түздү

45
(жаңыланган 10:51 26.10.2021)
Жаңы борбордун аналитикалык маалыматтарды ыкчам даярдоо максатында да иш алып бара турганы айтылды.

БИШКЕК, 26-окт. – Sputnik. Президенттин жана министрлер кабинетинин ишин маалыматтык-аналитикалык маалыматтар менен камсыз кылуу, башкаруучулук түзүмдөрдү санариптештирүү боюнча президенттик администрациянын Кырдаалдык борбору түзүлөт. Бул тууралуу мамлекет башчынын маалымат кызматы кабарлады.

Бул түзүм боюнча Жапаров атайын жарлык чыгарган.

"Ага ылайык, президенттин жана министрлер кабинетинин ишин маалыматтык-аналитикалык маалыматтар менен камсыз кылуу, башкаруучулук түзүмдөрдү санариптештирүү, ошондой эле аналитикалык маалыматтарды ыкчам даярдоо максатында президенттик администрациянын Кырдаалдык борборун түзүүгө токтом кылат", — деп айтылган маалыматта.

Буга чейин президенттик администрацияда кадрдык дайындоолор болуп, төрт башкармалыкка жетекчи дайындалган.

45
Белгилер:
Кыргызстан, Садыр Жапаров, жарлык, Кырдаалдык борбор
Тема боюнча
Садыр Жапаров Шавкат Мирзиёевди шайлоодогу жеңиши менен куттуктады
Акылбек Жапаров: президенттик администрациянын түзүмү толугу менен өзгөрөт
Жапаров Мыкандагы мектептин ачылышына катышты. Сүрөт
Судьянын балкасы. Иллюстративдик сүрөт

Арбитраждык соттордо Кыргызстандын кызыкчылыгын коргоо боюнча план бекитилди

0
(жаңыланган 12:08 26.10.2021)
Планды ишке ашыруу мамлекетти юрисдикциялык жактан коргоону жакшыртып, арбитраждык доолордун потенциалын төмөндөтөт.

БИШКЕК, 26-окт. — Sputnik. Юстиция министрлиги Эл аралык арбитраждык соттордо мамлекеттин кызыкчылыгын коргоо боюнча иш-аракеттер планын бекитти. Бул тууралуу аталган мекеменин маалымат кызматы билдирди.

Кыргызстанга каршы демилгеленген эл аралык арбитраждык доолордун, анын ичинде "Кумтөр" долбоорунун айланасындагы кырдаалдын алкагында Эл аралык арбитраждык жана башка соттук процесстерде мамлекеттин кызыкчылыгын коргоонун натыйжалуулугун жогорулатуу боюнча, ошондой эле жаңы арбитраждык доолордун мүмкүнчүлүктөрүн төмөндөтүү боюнча мөөнөттүү иш-чаралардын планы бекитилген.

Ал төмөнкүлөрдү камтыйт:

  • Мамлекеттин юрисдикциялык иммунитетин күчөтүүгө басым жасоо менен инвестициялык мыйзамдарды өркүндөтүү;
  • Жергиликтүү же эл аралык юристтердин кызмат көрсөтүүлөрүнүн сапатына баа берүү боюнча инструменттерди киргизүү жана чыгымдардын деңгээлине мониторинг жүргүзүү;
  • Эл аралык юристтер менен иштөө үчүн арбитраждык маселелер боюнча жергиликтүү топ түзүү;
  • Жогорку тобокелчилик топтордогу мамлекеттик органдар жана мамкызматкерлер менен талдоо жана түшүндүрүү иштерин жүргүзүү.
"Планды ишке ашыруу мамлекетибизди юрисдикциялык жактан коргоону жакшыртып, Кыргызстанга каршы арбитраждык доолордун потенциалын төмөндөтөт. Учурда Кыргызстанга каршы демилгеленген бардык арбитраждык процесстердин мазмунуна талдоо башталды. Юридикалык өкүлчүлүктүн натыйжалуулук маселелерин жана сапаттын/чыгашанын мониторинг жүргүзүүнүн механизми изилденүүдө. Ошондой эле жаңы арбитраждык доолор үчүн тобокелдиктерди жараткан же Кыргызстандын соттук позициясынын натыйжалуулугун төмөндөткөн системалык себептер аныкталды", — деп айтылат маалыматта.

Ошондой эле ата мекендик эксперттер тобун түзүү жана эл аралык укук, арбитраждык сот өндүрүшү маселелеринде юрист-практиктердин ата мекендик мектебин өнүктүрүүгө басым жасап, эл аралык консультанттар менен иштешүүнүн жаңы форматын киргизүү пландалып жатканы айтылды.

Мындан тышкары, мамлекеттик органдар үчүн маалыматтык жана тренингдик кампаниялар жүргүзүлмөкчү.

0
Белгилер:
Эл аралык арбитраждык сот, план, бекитүү, Кыргызстан, кызыкчылык, коргоо
Тема боюнча
Жапаров жакырлардын укугун коргогон адвокаттардын айлыгын көтөрүүнү тапшырды