Депутат Дастан Бекешев. Архивдик сүрөт

Депутат: Улуттук банкты башкарчу Бөкөнтаев мурда бир нече кылмышка айыпталган

652
(жаңыланган 16:24 29.09.2021)
Бөкөнтаев ал убакта банктарды көзөмөлдөө функциясын аркалаган. "Азия универсал банкы" жана "Ысык-Көл инвест" банкы боюнча кылмышка шектелген.

БИШКЕК, 29-сен. — Sputnik. Улуттук банктын (УБ) төрагалыгына сунушталган Кубанычбек Бөкөнтаев мурда орун басар болуп иштеп турган чакта өлкө кир жуучу машинага айланган. Мындай пикирин ЖК депутаты Дастан Бекешев билдирди.

Бөкөнтаев 2006-2010-жылдары УБ төрагасынын банктарды көзөмөлдөө боюнча орун басары болуп иштеген.

"Мен жеке өзүңүздү тааныбайм, бирок сиз Курманбек Бакиевдин кадры экениңизди билем. Сиз Улуттук банктын төрагасынын орун басары болуп турганда эмне иш кылганыңызды эске салып коёюн. Өлкө акча адалдаштырган кир жуучу машинага айланып калган. Ошол кезде өлкөнүн аброю мышык ыйлаарлык эле. "Азия универсал банкы", "Ысык-Көл инвест" банкы боюнча кылмыш ишине шектелгенсиз. Сиздин тушуңузда канча банк банкрот болгонун айтып бериңизчи? Сиз Россияга барып Борбордук банкынын жетекчилиги менен жолуксаңыз ушул жагдайларды эстетип турушат", — деди Бекешев.

Ошондой эле депутат 2010-жылы апрель окуясынан кийин ал эмнеге кызматтан алынып, кылмыш иши козголгонун, кайра соттун чечими кантип жокко чыгарылып калганын айтып беришин сурады.

Бөкөнтаев ага карата ачылган кылмыш иштеринин курамында кылмыштын изи жок болгонуна байланыштуу баары токтотулганын билдирди. Мындан чечим былтыр октябрь айынан кийин жаңы бийлик келген маалда чыккан.

652
Белгилер:
Улуттук банк, Кубанычбек Бөкөнтаев, талапкер, кылмыш иши
Тема:
Улуттук банктын төрагасынын алмашышы (18)
Тема боюнча
Депутат Ибраев Жеенчороевди сыртка чыгып эркекче сүйлөшүүгө чакырды. Видео
Аткаминер. Архив

Пара менен кармалган Ырайым кылуу комиссиясынын катчысы Апенов иштен алынды

28
(жаңыланган 11:48 26.10.2021)
УКМК Апенов соттолгон адамды ырайым кылына тургандардын тизмесине киргизүү үчүн 170 миң сом талап кылганын билдирген.

БИШКЕК, 26-окт. – Sputnik. УКМК акча талап кылды деп кармаган Таалайбек Апенов президенттин администрациясынын Ырайым кылуу боюнча комиссиясынын жооптуу катчысынан бошотулду. Бул тууралуу мамлекет башчынын маалымат кызматынан кабарлады.

Документке президент Садыр Жапаров кол койгон.

Эске салсак, Апеновду улуттук коопсуздук боюнча мамлекеттик комитет акча алып жатканда кармаган.

УКМК ал соттолгон адамды ырайым кылына тургандардын тизмесине киргизем деп 170 миң сом талап кылганын билдирген.

Жапаров бул туурасында жакында өткөн маалымат жыйын учурунда да кеп кылган. Ага пара алуу боюнча маалыматтар түшүп жатканын айтып эскерткенин, Апенов муну танганын, бирок көп өтпөй тартип коргоочулардын колуна түшкөндүгүн айткан.

28
Белгилер:
Кыргызстан, Садыр Жапаров, ырайым берүү, пара алуу, Таалайбек Апенов
Тема боюнча
Октябрь РИИБдин жетекчиси көп балалуу аялдан акча талап кылган деп кармалды
Нарын шаарына 31 жаштагы Арслан Сталбек уулу мэр болду
Президент Садыр Жапаров. Архив

Садыр Жапаров администрациясында Кырдаалдык борбор түздү

47
(жаңыланган 10:51 26.10.2021)
Жаңы борбордун аналитикалык маалыматтарды ыкчам даярдоо максатында да иш алып бара турганы айтылды.

БИШКЕК, 26-окт. – Sputnik. Президенттин жана министрлер кабинетинин ишин маалыматтык-аналитикалык маалыматтар менен камсыз кылуу, башкаруучулук түзүмдөрдү санариптештирүү боюнча президенттик администрациянын Кырдаалдык борбору түзүлөт. Бул тууралуу мамлекет башчынын маалымат кызматы кабарлады.

Бул түзүм боюнча Жапаров атайын жарлык чыгарган.

"Ага ылайык, президенттин жана министрлер кабинетинин ишин маалыматтык-аналитикалык маалыматтар менен камсыз кылуу, башкаруучулук түзүмдөрдү санариптештирүү, ошондой эле аналитикалык маалыматтарды ыкчам даярдоо максатында президенттик администрациянын Кырдаалдык борборун түзүүгө токтом кылат", — деп айтылган маалыматта.

Буга чейин президенттик администрацияда кадрдык дайындоолор болуп, төрт башкармалыкка жетекчи дайындалган.

47
Белгилер:
Кыргызстан, Садыр Жапаров, жарлык, Кырдаалдык борбор
Тема боюнча
Садыр Жапаров Шавкат Мирзиёевди шайлоодогу жеңиши менен куттуктады
Акылбек Жапаров: президенттик администрациянын түзүмү толугу менен өзгөрөт
Жапаров Мыкандагы мектептин ачылышына катышты. Сүрөт
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев

Чотбаев: Баткен коогасына катышкан жоокерлердин эрдиги бааланышы керек

0
1999-жылдагы Баткен окуясынын түштүк региону боюнча аскер бөлүмүнүн жетекчиси, генерал-полковник Абдыгул Чотбаев Баткен коогалаңына катышкан жоокерлердин статусу каралышы керектигин айтты.

Баткенчи-жоокерлердин эрдиги бааланып, мамлекет тарабынан ар бирине колдоо көрсөтүлүшү керек. Мындай пикирин Абдыгул Чотбаев Sputnik Кыргызстан радиосунун эфиринде маек куруп жатып билдирди.

Чотбаев: Баткен коогасына катышкан жоокерлердин эрдиги бааланышы керек

Анын айтымында, Баткен окуясына катышкан жоокерлердин статусуна байланышкан маселе согуш жыйынтыкталгандан бери көтөрүлүп, чечилбей келет.

"Баткен согушуна катышкан жоокерлерге статус берүү тууралуу маселе 1999-жылдан бери көтөрүлүп келет. Башында ошол учурдагы өлкө башчысынын жарлыгы менен жоокерлерди колдоо максатында 3000 сомдон берилип турган. Кийинчерээк аны алып салышкан. Бүгүнкү күнгө чейин коогалаңдын катышуучуларынын статусу көтөрүлсүн деп аракет көрүп келебиз. Мисалы, афган согушунун ардагерлери ай сайын 6 миң, майып болгондор 7 миң, каза болгон жоокерлердин ата-энелери миң сомдон мамлекеттен акча алышат. Мекен алдында өзүнүн аскердик милдетин так аткарып, берген антына бекем туруп, ѳлкѳбүздүн эгемендиги үчүн ѳмүрүн берген жоокерлерибиздин эмгеги бааланышы абзел", — деди Чотбаев.

Ошондой эле генерал-полковник учурда Баткен окуясына катышкан жоокерлер болгону киреше салыгынан бошотулганын кошумчалады.

Подкасттын толук вариантын видеодон көрүңүз:

0
Белгилер:
Абдыгул Чотбаев, Баткен окуясы, жоокер, статус, чек ара, согуш
Тема боюнча
Токон Мамытов: чек ара көйгөйүн чечпесе Баткен окуясы кайталанышы мүмкүн