Жогорку Кеңештин депутаты Самат Ибраев. Архив

Депутаттар Самат Ибраевдин финтех боюнча мыйзам долбоорун четке кагышты

252
(жаңыланган 17:39 05.10.2021)
Экономикалык жана фискалдык саясат боюнча комитеттин жыйынына катышкан Улуттук банк менен Экономика жана финансы министрлигинин өкүлдөрү мыйзам долбооруна каршы деген пикиринен кайтпаганын билдирди.

БИШКЕК, 5-окт. — Sputnik. Депутаттар Самат Ибраев жана Бактыбек Турусбеков демилгелеген "Улуттук банк, банктар жана банк ишмердүүлүгү" жөнүндөгү мыйзамга өзгөртүү киргизүү жөнүндө" мыйзам долбоорун ("финтех долбоору" деген ат менен көбүрөөк белгилүү) Жогорку Кеңештин экономикалык жана фискалдык саясат боюнча комитети четке какты.

Мындай чечим кабыл алынган жыйындын жүрүшүндө депутат Дастан Бекешев коомдо буга чейин чуу жаратып, белгилүү болуп калган долбоорду талкуулабай туруп эле добуш берүүгө чакырды.

Анткен менен эл өкүлү Чыңгыз Макешов сөз алып, экономиканы жаңы маалыматтык технологияларсыз өнүктүрүү мүмкүн эместигин айтты.

"Финтех долбоорлорун колдоп берсек, ал экономикага укмуштуудай түрткү болот. Бул технологиялар аркылуу дүйнөлүк финансы борборлору калыптанып жатат. Мен Кыргызстан финтех аркылуу өнүгүп келе жаткан өлкөлөрдүн катарынан чыгып, өнүккөн өлкөлөрдүн катарына кошулат деп ишенем", — деди Макешов.

Ошондой эле ал Улуттук банкка кайрылып, финтех долбоорун кайрадан иштеп чыгып, демилгелөөнү сунуштады.

Жыйынга катышып отурган Улуттук банк менен Экономика жана финансы министрлигинин өкүлдөрү дагы мыйзам долбооруна каршы деген пикиринен кайтпаганын билдирди.

Жыйынтыгында комитет мүчөлөрү мыйзам долбоорун четке кагышты.

"Финтех долбоору" тууралуу

Аталган мыйзам долбоору катуу талкуулана баштаганда ага каршы чыккан Улуттук банктын төрагасы Толкунбек Абдыгулов отставкага кеткен. Мындан улам парламенттин айрым депутаттары Абдыгуловдун иштен кетишин чуулуу мыйзам долбоору менен байланыштырышты. Ошол эле учурда Абдыгулов анын кызматтан кетишине мыйзам долбоору жана аны сунуштагандар себепкер эместигин айтты.

Ал эми мыйзамдын демилгечилери — Саматбек Ибраев жана Бактыбек Турусбеков. Негиздеме-маалым катта айтылган маалыматтар боюнча, финтех — финансы чөйрөсүндө инновацияларды жана технологияларды колдонгон компаниялардан турган тармак. Максаты — финансылык технологиялардын өнүгүшү үчүн шарттарды түзүү.

Компаниялар алтынды өз кардарларынын салымдарын камсыз кылуу үчүн алары сунушталган. Алар Улуттук банкта сакталат. Бул сактоо тобокелдигин азайтат жана ошону менен бирге эле Улуттук банктын көзөмөл жүргүзүшү үчүн кошумча инструмент берет.

Финтех салттуу банктарга кадыресе эле атаандаш болушу мүмкүн. Коммерциялык банктардын стартаптарга кысым кылуусун алдын алуу үчүн Улуттук банкта финтехке түз корреспонденттик эсептерди ачуу мүмкүндүгү каралып жатат, бул Улуттук банкка көзөмөлдөөгө кошумча жол ачат.

252
Белгилер:
Кыргызстан, Саматбек Ибраев, долбоор, Жогорку Кеңеш
Тема боюнча
Финтех деген эмне мыйзам. Абдыгулов менен Ибраевди араздаштырган долбоор төркүнү
Фролов деген ким, Кыргызстанда эмне кылып жүрөт? Кызыктуу фактылар
Жогорку Кеңештин депутаты Алайбек Анаркулов

Жогорку Кеңештин 41 жаштагы кызматкери депутаттык мандат алды

76
(жаңыланган 17:11 17.10.2021)
41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

БИШКЕК, 17 окт — Sputnik. Жогорку Кеңештин депутаты Пархат Тулендыбаев мандатып тапшырып, ордуна 41 жаштагы Алайбек Анаркулов келди. Бул тууралуу БШКнын маалымат кызматы кабарлады.

Чечимди бүгүн Борбордук шайлоо комиссиясынын мүчөлөрү кабыл алган. Тулендыбаев депутаттык ыйгарым укуктарын мөөнөтүнөн мурда токтотуу үчүн арыз берген. Ал "Республика — Ата-Журт" фракциясынан депутат болчу.

41 жаштагы Алайбек Алымбаев "Биздин Кыргызстан" партиясынын атынан Бишкек шаардык кеңешине ат салышкан. Анда Жогорку Кеңеште эксперт болуп иштей турганын көрсөткөн.

76
Белгилер:
Кыргызстан, БШК, депутат
Тема боюнча
Ноокаттын мэри менен депутаты 15 млн. сом кымырган деп кармалды. Сүрөт
ЖКга депутат болом деген ниетин 387 киши билдирди
Президенттин креслосу. Архивдик сүрөт

Президенттин администрациясында бөлүмдөрдүн ордуна 4 башкармалык болору айтылды

121
(жаңыланган 15:10 17.10.2021)
Кечээ министрлер кабинетинин төрагасы, президенттин администрация жетекчиси Акылбек Жапаров администрациянын түзүмү толугу менен өзгөрөрүн айткан.

БИШКЕК, 17-окт. — Sputnik. Президенттин администрациясында азыркы бөлүмдөрдүн ордуна төрт башкармалык иштейт. Бул тууралуу Sputnik агенттигине ишенимдүү маалымат булагы билдирди.

Анын айтымында, администрациянын тармактык бөлүмдөрү жок кылынды. Алардын ордуна башкармалыктар иш алып барат:

  • чечимдерди даярдоо;
  • укуктук камсыздоо;
  • чечимдердин аткарылышын көзөмөлдөө;
  • саясий жана стратегиялык изилдөө.

Башкармалыктын түзүмүндө бир нече бөлүм болору кошумчаланды.

Буга чейин ЖМКлар Чечимдерди даярдоо башкармалыгын качкын президент Курманбек Бакиевдин мурдагы жардамчысы Алтынбек Эргешевдин жетектей турганын айтышкан.

Кечээ министрлер кабинетинин төрагасы, президенттин администрация жетекчиси Акылбек Жапаров администрациянын түзүмү толугу менен өзгөрөрүн айткан

Администрация азырынча расмий комментарий бере элек.

121
Белгилер:
президенттик администрация, башкармалык, бөлүм
Тема боюнча
Сүйүн Өмүрзаков иштен кетип, министрге жаңы орун басар дайындалды
UFC чемпиону Валентина Шевченко. Архивдик сүрөт

Валентина Шевченко Холли Берринин тасмасында кимдин ролун ойногон. Сүрөт

0
UFC чемпиону Шевченко Голливуд жылдызы Холли Берри менен тасмада спорттогу каршылаштардан болушат. Тасманын премьерасы 23-октябрда Netflix сервисинде көрсөтүлөт.

БИШКЕК, 17-окт. — Sputnik. UFC уюмунун эң жеңил салмактагы чемпиону, кыргызстандык Валентина Шевченко Instagram баракчасында Bruised ("В синяках", "Көгала болгондо") тасмасын тартуу учурундагы сүрөттөр менен бөлүштү.

Тасманын премьерасы 23-октябрда Netflix сервисинде болмокчу. Анда Шевченко башкы ролдогу Жекинин, тагыраагы, Холли Берринин спорттогу атаандашы болот. Сценарий боюнча, Жекинин карьерасы кичинекей уулу менен мамилесин оңдогондон кийин жанданат.

Шевченко Lady Killer (Киши өлтүргүч аял) каймана аты бар мушкердин ролун аткарат. Жеки маанилүү беттеште аны менен кармашып, мурдагы атак-даңкын кайтаргысы келет.

"Bruised тасмасында Lady Killer ролунда", — деп жазган Валентина.

Кинонун трейлери интернетке 14-октябрда чыккан. Тасма өзү 2019-жылдын декабрында тартылып бүткөн.

0
Белгилер:
UFC, Валентина Шевченко, тасма, роль, мушкер, беттешүү
Тема боюнча
Шевченко катышкан Холли Берринин тасмасынын трейлери чыкты. Видео
Татынакай! Шевченко Холли Берринин тасмасы боюнча маектеги сүрөтүн жарыялады